سؤال عن شقه فى مصر الجديده

[khaled_sabry]

بسأل عن منطقه كويسه فى مصر الجديده فقط يكون سعر المتر فيها تقريبا من 3000 الى 3500 جنيه تكون منطقه هاديه يمكن ركن العربيه فيها بسهوله تحت البيت (مش بالخناق و لا الواحد يجبر انه يركنها فى شوارع بعيده مظلمه )
انا بفكر فى ارض الجولف فعاوز اقتراحات اخرى

[Mohamed A S]

سعر المتر اللي انت حاطه في الميزانية ميجبش شقة في مصر الجديدة بالمواصفات اللي انت عاوزها .. وأرض الجولف أسعارها غالية جداً يمكن بتبدأ من 6000 جنيه للمتر والله أعلم. برده أسأل واستنى آراء الزملاء.

[أبو_يوسف]

مصر الجديدة وأرض الجولف بالذات مفيهاش المواصفات دي ..
لا السعر ولا الركن بسهولة

[khaled_sabry]

مش اوى كده
يعنى الشقه دى مثلا - سعر المتر 3.5 و ده يعتبر مناسب بالنسبالى
شقة 200 م بعمارات المروة - Aqarmap.com
و فيه اكتر من شقه لاقيتها فى المنطقه دى بنفس سعر المتر تقريبا
بس طبعا موضوع الركنه معرفهوش لإنى مش ساكن هناك

[أبو_يوسف]

دي على الحدود بين مصر الجديدة ومدينة نصر :)
بس موقع حلو وممكن تركن هناك وبينها وبين ارض الجولف مش كتير..
بس غريبة ان مساحتها 200م
كل الشقق هناك مساحة واحدة المفروض

[Abo Yasso]

السعر ده مش موجود تماما فى مصر الجديده
ارض الجولف بتتكلم من 10
ابعد عن ارض الجولف وخليك فى الشوارع الجانبيه ممكن تلاقى حاجه فى حدود ال 6

[Mohamed A S]

جربت تكلم صاحب الاعلان .. كثير من اعلانات النت بينزلها سماسرة وبتبقى عبارة عن جر رجل .. اتصل وانزل وشوف بعنيك واسمع من صاحب المكان نفسه السعر. لو الشقة في عمارات المروة بالسعر دا وكله سليم تبقى لقطه. بالتوفيق

[swimmer25]

دور في النزهة الجديدة ومساكن شيراتون بس طبعا أقل من مصر الجديدة
ومش متأكد من موضوع الركنة هناك بس ممكن تحجز جراج كمان

[khaled_sabry]

دور في النزهة الجديدة ومساكن شيراتون بس طبعا أقل من مصر الجديدة
ومش متأكد من موضوع الركنة هناك بس ممكن تحجز جراج كمان

معرفشى نظام النزهه الجديده
بس مساكن الشيراتون الشقق اللى شفتها كانت ب 6000 فى المتر و ممكن توصل ل 8000 كمان
فى اعتقادى ان الشيراتون اعلى من مصر الجديده

[swimmer25]

معرفشى نظام النزهه الجديده
بس مساكن الشيراتون الشقق اللى شفتها كانت ب 6000 فى المتر و ممكن توصل ل 8000 كمان
فى اعتقادى ان الشيراتون اعلى من مصر الجديده

لا فيه زي دي ومتشطبة كمان

https://egypt.dubizzle.com/ar/cairo/property-for-sale/apartments-for-sale/listing/7-listings-08e836e68e15504a9e5c38c75413bfbf/show/?back=L2FyL2NhaXJvL3Byb3BlcnR5LWZvci1zYWxlL2FwYXJ0bWVudHMtZm9yLXNhbGUvc2VhcmNoLz9rZXl3b3Jkcz0lRDglQjQlRDklOEElRDglQjElRDglQTclRDglQUElRDklODglRDklODYmaXNfc2VhcmNoPUZhbHNlJnBhZ2U9Mw==

هتلاقي بس دور كويس

بص على النزهة الجديدة اللي هي بين جوزيف تيتو ناحية المطار وشارع طه حسين من ناحية جسر السويس بس مش بتطل علي جسر السويس
المتر تقريبا من اول 2500 جنيه او 3000 هناك بس منطقة وسط...بس فيها مميزات إنك بسهولة توصل الدائري ومصر الجديدة ومدينة نصر وناحية العبور والشروق والقاهرة الجديدة
يعني نقطة وسط حلوة اوي

https://egypt.dubizzle.com/ar/cairo/property-for-sale/apartments-for-sale/search/?keywords=&price__gte=300000&price__lte=&bedrooms__gte=3&neighbourhood=n-60291&is_search=1