محتاااج رايكواا ضروري

[magyver]

طبعا الناس اللي معانا في المنتدي من زمان
عارفين اني شغال في العربيات تمااام
فعلشان مش اطول عليكوا
معرووض عليا
واحد هياخد فلوس صاحب شركة استثمار وتجارة مكن
والواحد دة صاحب ابن خالتي تماام
اني اديلة فلوس اياا كان المبلغ وعلية نسبة 17
say اديتلة 60000 الف جنية هاخد عليهم كل شهرين 10000 جنية
تماام والعقد هايكون سنوي
يعني في الشهر 5000 والضماان شيك شركة بالمبلغ بهامش الربح
وابن خالتي ماشي في الحوار دة بقالة 5 شهوور وشغال معاة تماام
اية رايكوا في الكلام دة وحوار شيك الشركة دة ؟

[salodas]

خلى بالك ...وكن حريص جدا ... لأن فيه ناس كتير اعرفهم اتنصب عليهم بطريقة تشبه الكلام ده.
على سبيل المثال شركة توظيف أموال
يوقلك هات 10 الاف جندى وأديك مثلا ألف ج كل شهرين وهكذا بيستمر معاك شهرين تلاته وبعدين بخ خد الفلوس وطار

[mikho83]

العائد كبير والحوار مقلق، نصيحة بلاااااش

[KemozTanta]

بلااااااش احسن ، العائد كبير ومغري ودا الفخ !
5 شهور بيلبس طواقي لابن خالتك ياخد من طرف جديد ويدي طرف قديم و اول مايجمع مبلغ محترم ، 5 مليون مثلاً .. كل سنة وانت طيب وتعامل بقي مع الناس اللي دخلوا عن طريقك وراحت فلوسهم زييك..
في ناس تفضل سنه واتنين بتلبس طواقي " المدة مش ثقه " واول ما الحوار يكبر مبيقدرش يسدد " هيجيب منين " بيخلع بالفلوس ويقفل الشركة اللي معاك شيك منها وخلصنا

عايز تجرب ! ادخل بمبلغ صغير " 10.000" جنية اهو ع الاقل لو اتنصب عليك تبقي صدمة بسيطة مش زي ال 60

[mohamed_selim]

الريان :)

[Bassem Youssef]

شيك الشركه مش هيضمنلك حقك

حضرتك عارف حال القانون في بلدنا

[magyver]

بس هو مش بيطلب دة من حد ولا بياخد فلوس نااس
زي مثلا شركة استثماار
هو صاحب ابن خاالتي وبالصدفة الحوار دة تم
فالموضوع اتفتح قدامي فانا بقوول لابن خالتي اية رايك
قالي مضموون وشيك الشركة ضماان
وصاحب الشركة دة معرووف قوي ومحترم جداا
فلو حبيت اخوض التجربة
اية كافة الضمانات اللي اقدر اخدهاا ؟

[زهير فكري]

بص يا باشا ... الكلام ده اسمه نصب و جر رجل و نصيحتي ليك حافظ علي فلوسك ... والدليل علي كلامي بناءا علي تجارب شخصيه و تجارب آخرين ... مهما الضمانات اللي بتاخدها انت مش هتعرف تاخد حاجه يعني سواء اعطي ليك شيك او وصل امانه وقت الجد كبيره شهر حبس لو ايصال امانه او كام سته لو شيك و ابقي قابلني لو عرفت تحجز علي ممتلكاته عشان مش هتلاقيها ....
اللي عايز يشتغل صح يا اما يعمل شركه مساهمه و تبقي شركه مشهره وفي النور و يبقي ليك وضع قانوني واضح يا اما الله الغني ....

[drcobra]

بلاش

[magyver]

انتوا كدة خوفتووني
انا بردة موصلتش لحل يعني اعمل اية لو انا عاوز اخش الموضوع
علان اامن نفسي
عقد شراكة مثلا وهو لية الادارة وكل حاجة وانا ليا رامش ربح معين ولا

[بحار]

انتوا كدة خوفتووني
انا بردة موصلتش لحل يعني اعمل اية لو انا عاوز اخش الموضوع
علان اامن نفسي
عقد شراكة مثلا وهو لية الادارة وكل حاجة وانا ليا رامش ربح معين ولا

ده نصب رسمى .. ماتدلوش فلوسك .. لما يديلك 17 % طبعا هوه لة زيهم على الاقل مكسب ليه .. يعنى استثماره بيكسب 34 % كل شهر !!! ليه هوه شغال فى ايه ؟؟ صدقه لو عنده عميل غير ابن خالتك بقالة معاه سنتين والا تلاته .. وده مستحيل تلاقيه .. ده بيصطاد واحد والواحد يجيب عشرة والعشرة يجيبو ميه وكلة يقوللك ماشى معاه شهرين تلاتة والراجل تمام وهنا الخدعه .. اتحداك لو لقيت عنده عميل قديم وبياخد فلوس بانتظام ..

[magyver]

ده نصب رسمى .. ماتدلوش فلوسك .. لما يديلك 17 % طبعا هوه لة زيهم على الاقل مكسب ليه .. يعنى استثماره بيكسب 34 % كل شهر !!! ليه هوه شغال فى ايه ؟؟ صدقه لو عنده عميل غير ابن خالتك بقالة معاه سنتين والا تلاته .. وده مستحيل تلاقيه .. ده بيصطاد واحد والواحد يجيب عشرة والعشرة يجيبو ميه وكلة يقوللك ماشى معاه شهرين تلاتة والراجل تمام وهنا الخدعه .. اتحداك لو لقيت عنده عميل قديم وبياخد فلوس بانتظام ..

لا والله حصل
واااحد صاحبناا عمل الحوار دة سنة كااملة
وبعدين اتزنق كدة في شغلانة مارضاش يجدد معاة تاني
والله انا مشغل التحريات عنة لان فية ناس معرفة شغالة معاة في الشركة

[KemozTanta]

لا والله حصل
واااحد صاحبناا عمل الحوار دة سنة كااملة
وبعدين اتزنق كدة في شغلانة مارضاش يجدد معاة تاني
والله انا مشغل التحريات عنة لان فية ناس معرفة شغالة معاة في الشركة

يامجيفر ، تحريات ايه .. الراجل تمام وبيكسب ناس غيرك ودا عادي ومش هيكون نصب علي حد واكيد سمعته فل..
لان النصباية بتبقي مرة واحدة وع الكل .. العملاء بيكتروا والالتزامات عليه بتزيد ومش هيعرف يسددها وبيكون الاحل الاسهل .. يمتنع عن التسديد وهوب يختفي بالمبلغ الي معاه.. وبتبقي بالنصيب ممكن تدخل معاه دلوقتي ويفضل شغال سنه وتقبض منه وتكون رجعت فلوسك وممكن بعد اسبوع ومتكونش لحقت مليم !
علي رأي الشاعر : بنرمي نفس الشبك وبرضة السمك مفهمش !

[Mohamed A S]

على خطى"ريان الثمانينيات".. عاطلان ينشآن شركة توظيف أموال ويستوليان على 5 ملايين جنيه من أهالى كفر الشيخ نظير أرباح كبيرة ويهربان.. والضحاي

أعتقد الأخوة قالو كل حاجه ممكن تتقال .. بلاش الموضوع دا .. أنصحك بقراءة هذا الموضوع .. لسه طازه .. وبعد كده ابقى قرر هتعمل ايه .. المواضيع دي ممكن تشتغل سنة واثنين وثلاثة كمان وهب تحصل النصباية .. وبعدين متنساش الموضوع اللي حصل قريب على الإنترنت واتهمت فيه بنت حمدين صباحي .. تعددت الأشكال والنصب واحد.

[dedi]

يا باشا لما يديك 17 % يبقى بيكسب كام علشان يطلع عمالة وضرائب ومصروفات ومكسب لة
ماهى نوع التجارة التى تربح كدة
دة نصب والريان جديد وفر فلوسك احسن