غواص فى تترات المسلسلات

[fepsceasar]

تصليح بس فى تتر الوسية
"فيها اللى تاه فى دجاه ..واللى ضميره هداه"

[lena jo]

يافندم الحنين للماضى دا نوع من الهروب من الواقع
الحقيقة ان الماضى كان فيه حاجات كتيييير مؤلمه و ياما اتبهدلنا فيه

احنا دلوقتى ف الماضى بتاع بكره و رغم ان الناس بقت بتسخط على الايام اللى احنا فيها دى
الا ان كمان 10-15 سنه نفس الناس دول هيحكوا لولادهم على وقتنا دا ان كان ذكريات جميلة
و ايام بركة و الحاجة كانت رخيصة و كان فى امان ف البلد و و و

بلاش نعيش ف كل مرحلة على زكريات المرحلة اللى قبلها
الاحسن اننا نتبسط بكل وقت بنعيشة

فعلا هو هروب من الواقع. و انا قلت الثمانينات.ايام الطفولة و المدرسة مش التسعينات يعني مش اي ماضي و خلاص.كان كل حاجه لها معني . كان الواحد بيفرح باي حاجة رغم قلة الاختيارات و لا دش ولا موبيل و لا تاب لكن يمكن عشان كدة كل حاجة كان لها قيمة و كنا سعداء بجد و سبحان الله مش فاكرة الحاجات المؤلمة.لكن دلوقتي كل حاجة فاقدة معناها لان دايما فيه الاحدث لكن عن نفسي الاحدث دي متهمنيش. اي موبايل و خلاص .مش دي مشكلتي.كمان اللي البلد فيه و الناس اللي اتغيرت كتير و الهيبة اللي ضاعت.مفيش حاجة تفرح و زاد كمان حكاية الكهرباء و القحط اللي منتظرنا.مش عارفة اشوف حاجة حلوة زي زمان.الحمد لله فيه نعم كتير لكن الاحساس مش زي زمان.حاجات تانية بتعكر المزاج و كلنا عايشين فيها

[tkamal]

سبحان الله مش فاكرة الحاجات المؤلمة.

هو دة اللى بقول عليه ان النسيان نعمه من نعم ربنا علينا بتساعدنا كتير على تكمله حياتنا الى الامام
الحمد الله على نعمه النسيان