حد بيمشى فى الشقه

[amz2011]

امبارح ابويا قاعد فى البيت فى الاوضه بتاعته قاعد صاحى بيتفرج على التلفزيون و بيبص بره الاوضه لاقى واحده ست لابسه ابيض من غير راس. ماشيه فى الشقه و رايح ناحية اوضة اخويا المهم قام بسرعه عشان يشوف مين ديه يدور مش لاقى حاجه صحى اخويا من النوم برده مش لاقى حاجه و اخويا قاله ما شوفتش حاجه و الكلام داه كان الساعه 2 بليل. مع ان القراءن شغال فى البيت كل يوم مش اقل من 5 سعات عشان عندى الوالده بتحب تسمع القراءن
ياترى ديه عفريت و لا جن مسلم ولا ايه اللى مخلينا مخضوضين انها من غير راس بصراحه منظر يخوف و خدو بالكو ابويا كان صاحى و غايق

[ashouhdy]

ممكن ذغللة عين ... متقلقوش

لن يصيبنا الا ما كتب الله لنا

[بحار]

فعلا كلامك مضبوط
انا قاعد لوحدى دلوقت ولقيت واحدة معدية من جنبى بنفس المواصفات اللى قولتها !!
بس انا وقفتها وسألتها قالت انها جايه من عندك !!

[حسام الغرباوي]

فعلا كلامك مضبوط
انا قاعد لوحدى دلوقت ولقيت واحدة معدية من جنبى بنفس المواصفات اللى قولتها !!
بس انا وقفتها وسألتها قالت انها جايه من عندك !!

ههههههههههههههههههههههههههههههه

[ahmad--ezzat]

فعلا كلامك مضبوط
انا قاعد لوحدى دلوقت ولقيت واحدة معدية من جنبى بنفس المواصفات اللى قولتها !!
بس انا وقفتها وسألتها قالت انها جايه من عندك !!

هعهههههههههههههه

وبرضه كانت من غير راس ?

[salodas]

عفريت

[الجنرال]

مع كتر النظر للتيلفزيون بتحصل موضوع زغلله العين .. خصوصا لو كانت الاضاءة ضعيفة كمان

ربنا يسترها .. ومتخليش الافكار دي تسيطر عليك

اللى يخاف من عفريت يطلعله

[yasser100]

عفريت طبعا . هيه دى عايزه سؤال برضه . ههههههه

[hugan]

متابع للافاده

[adelghanem]

ممكن من نوعيه البرنامج
او الفيلم اللى كان الوالد
بيتفرج عليه لو من الافلام
المرعبه مع الجلوس لوحده
تهيأ له...فليستعيذ بالله من
الشيطان الرجيم ويقرأ ماتيسر
له من القرأن الكريم ويصلى
ركعتين لله..ان شاء الله يزيل
عنه الله الوساوس والتهيأت

[هيثم مجدي]

كل شئ وارد
بس موضوع (القرآن شغال) دا محتاج اعادة نظر
القرآن للقراءة والتدبر في معانية, مش شغال عشان بركه و خلاص :)
ويفضل ان سورة البقرأة (تقرأ) كاملة
قال رسول الله صلى الله عليه وسلم : لا تجعلوا بيوتكم مقابر، إن الشيطان ينفر من البيت الذي تقرأ فيه سورة البقرة

[a7medsh3rawi]

ما فيش عفريت ولا حاجه .. وخصوصا ان الساعه 2 بيكون عقل الانسان فى اضعف حالاته
فى دراسه علميه بتقول ان عقل الانسان ما بين الساعه 1 للساعه 3
بيكون فى حالة خمول لانه بيبدأ يستعد لليوم التالى
والانسان فى الفتره لازم ينام او على الاقل يكون مسترخى
الرابط دا فى معلومات مهمه
الاعجاز الطبى فى الساعه البيولوجيه للانسان

[غزلة]

من غير راس. تبقى اكيد من داعش

[Fo1Fo]

انا لوشفت حاجه زى كده مش ها أقول لولادى . يظهر ان الحاج قصده يطفشكم .

[Abo_Mazen]

انا لوشفت حاجه زى كده مش ها أقول لولادى . يظهر ان الحاج قصده يطفشكم .

ههههه...الله يحظك يا شيخ..فعلا يظهر إن الحاج مش عايز حد معاه في البيت

بس في موقف حصل مع جدي الله يرحمه والروايه من عمتي الله يرحمها..جدي صعيدي وشيخ بلد ..ومن الصعايده اللي ما يناموش غير والسلاح متعلق فوق دماغهم أو في حضنهم..وكان حاطط سرير أوضته في مكان بحيث إنه وهو حاطط راسه على المخده ..لازم يكون كاشف صحن الدار كله..وفي مره كان جدي نايم وبعدين قلق بليل وعينيه فتحت بس ما شالش دماغه من على المخده ..على كلام جدي إنه شاف في صحن الدار حرمه قاعده على اﻷرض لبسه فستان فضي لامع وبتسرح في شعرها الطويل..جدي إستغرب وفكرها بنت من بناته..قام إتعدل في قعدته..ونده بصوت عالى ..مين بره ..لكن مفيش رد ..نده تاني ..مين بره ..محدش رد ..قام جدي ساحب البندقه اللي كانت متعلقه فوقيه وطلع بنفسه في صحن الدار يشوف مين الحرمه دي وجات منين ..بيقول طلعت في صحن الدار..لقيت معزه قاعده بتهز دماغها وعماله تتشدق..أتاري بقى ضوء القمر اللي داخل من فتحه في سقف البيت ضارب على المعزه مع شعر المعزه الطويل باﻹضافه إنه كان لسه صاحي وعيننيه مش مركزه ..كل ده إتبرمج في دماغه إن فيه حرمه قاعده بره وبتسرح شعرها..كل ده ..وجدتي نايمه جانبه ولا هي هنا ..

ممكن المخ يبرمج حاجات بناء على أحداث محيطه بالشخص..زي اللي بسمع صوت أبوه بعد أبوه ما مات من كتر تعلقه بأبوه..أو بيسمع صوت بكاء أمه لما يكون مزعلها وضميره مأنبه