حد بيمشى فى الشقه

[lolnk]

بمناسبة هذه الموضوع :
1- كيف يأمن الانسان شر قرينه ويحجمه
2- يشتكى البعض ان يحسون وهم جالسون بمفردهم ان احد يرقبهم . هل هذا الاحساس له اصل او دلالة على شىء

دى معناه انه ممسوس يا باشا او عنده سحر

[J A G U A R]

انت مش فاهم انت بتقول ايه ولا بتعمل ايه

الكتاب اللى عايز الناس تقراه ده كله شرك بالله واللى بيقراه هياذى نفسه وفى ناس بتحضر منه


ياريت بقى تبطلوا جهل شوية

شكرا لذوقك

[amz2011]

شكرا لذوقك

هو مش يقصد حاجه

[طارق _عبد السلام]

الموضوع ده بقى ملغم .. المفروض اللى يفتحه مايتكاش على الموس .. يقرا المعوذتين هايفتح لوحده..
وانا اللى كنت متردد أقول الحكايه فى مشاركتى لحسن أخوف حد أو أضايق حد !!!! قولتولى انتم اللى لبش جتتى ..

قول ياباشا قول منا كمان مش راضى اقول هههههههههههه انا انضربت منهم

[بحار]

علشان تعرف انى مصدقك خد الحكايه دى :
كان ليا واحد صاحبى جاله تعيين وكان شرط الوزارة ان يقعد فى مكان نائى لمدة 5 سنوات وحظه جه فى بلطيم محافظة كفر الشيخ بيقولك خد شنطته وراح على هناك شاف المدرسه وبعدين خرج يدور على سكن مناسب ليه كعازب .. بعدين لقى بيت امام المدرسه مباشرة
طلع البيت لقى صاحب البيت راجل عجوز وزوجته .. سألوه : هاتقعد لوحدك قالهم : اه لحد مأشوف شركاء ليا فى السكن ..
بصو لبعض بأستغراب شديد .. وقالو ماشى .. شاف الشقه وعجبته جدا وفرشها جديد وحلو قوى !!!
واستغرب محدش من اللى سبقوه من المدرسين اخد الشقه دى ليه دى قريبه جدا وسعرها كويس ..
المهم حط حاجته وقال يسافر يرتب شويه متعلقات ويرجع ومابتش فى الشقه .. رجع بعد يومين لقى اتنين بيستلمو تعيينهم وبيدور على سكن .. خدهم معاه الشقه وباتو اول ليلة سوا ...
اللى حصل كالأتى: بيقوللك نقعد فى أوضه من الاوض نسمع دوشه وكلام مش مفهوم فى اوضه تانيه .. نروح الاوضه التانيه يبقى فيه كلام ودوشه فالاوضه اللى كنا فيها برغم ان البلد كلها مافيهاش صوت بعد المغرب !!
المهم الصبح الاتنين زمايله صممو على مغادرة المكان
قال الحكايه الصبح لمدرس قديم من اهل البلد : ضحك جااااااامد .. وقال هوه انته وقعت فى الشقه دى ؟؟؟ وقاله على حكايات ورويات وانها معروفه انها مسكونه !! والبلد كلها عارفه واصحاب البيت عارفين وما فيش ساكن بيكمل يومين ..
صاحبى ده انا اعرفة من زمان وروحت معاه مصايف ورحلات كتير بس ماكنتش اعرف انه قلبه جامد كده ..
لما صاحبى سمع الحكايات دى .. تصور كان رد فعله ايه .. قاله مش هاسيب الشقه دى الشقه دى عاجبانى وبينها وبين المدرسه 20 متر عرض الشارع اللى بعديه اوصل للبوابة .. ورجع الشقه لوحده .. وكانت المفاجأة ...
حملة مكثفة لتخويفه وطرده من الشقه .. وبعد ماكان مجرد كلام ودوشه بقت أفعال ..
بيقوللك ابقى قاعد فى الاوضه الاقى دربكه فى الاوضه التانيه وحاجات بتقع .. يروح الاوضه كل الكتب والأوراق مرميه فى الارض والاوضه مقلوبه .. يرجع كل حاجه يرجع يلاقى السرير بتاعة اللى كان مساوى متبهدل .. يساوى السرير يلاقى الدنيا بتتهد فى المطبخ .. يروح المطبخ يلاقى الحلل والاطباق فى الارض .. تنتهى الحفلة دى ويروح ينام ويتغطى يلاقى حد بيشيل الغطاء من عليه ويصحى يجيب الغطاء وينام تانى
حاجات تختفى من مكنها زى سكينه – قلم- كتاب باليومين وترجع مكانها تانى ..
كام يوم على كدة .. لحد ماجه يوم من المدرسه لقى الشقه مقلوبه ... كل حاجه متبهدلة المطبخ والاوض والصالة حتى الهدوم برة الدولاب .... هوه مش خايف بس مش عاوزالبهدلة دى .... عمل ايه ؟
وقف فى الصالة وقال وهوه متنرفز قوى : انا مش بخاف .. ومش سايب الشقه .. سيبوها انتم اذا كان مش عاجبكم تقعدو فيها وانا موجود..
المفاجأة .. بيقولك الحركات دى قلت بنسبة 90% وبعد كام اسبوع اختفت خالص
على فكرة صاحبى ده ملتزم وبيصلى وده مهم علشان ربنا يكون معاك ويديلك القوة !!

قول ياباشا قول منا كمان مش راضى اقول هههههههههههه انا انضربت منهم

ما انا قولت ياأستاذ طارق فوق اهوه انا بقول كنت متردد احكى الحكاية دى يعنى ..

انما جديده حكاية الضرب دى !!! داانته كنت مزعلهم قوى الظاهر ؟؟

[Adnfalcon]

ما انا قولت ياأستاذ طارق فوق اهوه انا بقول كنت متردد احكى الحكاية دى يعنى ..

انما جديده حكاية الضرب دى !!! داانته كنت مزعلهم قوى الظاهر ؟؟

حكايه الضرب جديده ازاي . . دي ياما حصلت . . و ربنا ما يوريك

[ganash]

[QUOTE=Adnfalcon;3875747359]تحب تقراها حاجه وانها تحصل حاجه تانيه خالص يا صديقي[UOTE]

من فترة حصلتلى حاجه بكون نايم ومره واحده اصحى ومش قادر اتحرك بحرك عينى بس ومش قادر اتكلم او انطق بقرأ قرآن فى سرى بعدها بشويه بتحرك عادى وﻻ أكن فى حاجه حصلتلى مرتين أو ثلاثة بس لما قرأت عنها لقيت أنها الجاثوم

[طارق _عبد السلام]

[QUOTE=ganash;3875747984]

تحب تقراها حاجه وانها تحصل حاجه تانيه خالص يا صديقي[UOTE]

من فترة حصلتلى حاجه بكون نايم ومره واحده اصحى ومش قادر اتحرك بحرك عينى بس ومش قادر اتكلم او انطق بقرأ قرآن فى سرى بعدها بشويه بتحرك عادى وﻻ أكن فى حاجه حصلتلى مرتين أو ثلاثة بس لما قرأت عنها لقيت أنها الجاثوم

ده اسمه جاسوم او كابوس وبيحصل كتير جدا وبيتفك لو قدرت تحرك جسمك وده بيكون صعب جدا او حد جنبك يسمعك وانت بتنازع فى قراءه القرآن بيفك على طول لو هو حركك

[طارق _عبد السلام]

ما انا قولت ياأستاذ طارق فوق اهوه انا بقول كنت متردد احكى الحكاية دى يعنى ..

انما جديده حكاية الضرب دى !!! داانته كنت مزعلهم قوى الظاهر ؟؟

لا مش مزعلهم قوى ههههههههه مجرد شديت اجزاء السلاح عليها (قطه) بس اسطادنتى بعدها

ومتكررتش تانى

وكانوا موقفين حصلوا وانا فى الخدمه العسكريه بس حاجات تشيب

[Adnfalcon]

لا مش مزعلهم قوى ههههههههه مجرد شديت اجزاء السلاح عليها (قطه) بس اسطادنتى بعدها

ومتكررتش تانى

وكانوا موقفين حصلوا وانا فى الخدمه العسكريه بس حاجات تشيب

لا براحه كده واحكيلنا بالتفاصيل الممله

[طارق _عبد السلام]

لا براحه كده واحكيلنا بالتفاصيل الممله

مابلاااااااااااااااااااش هههههههههههه

[ganash]

لا براحه كده واحكيلنا بالتفاصيل الممله

أؤيد هذا الرأي

[amr011111]

الاستاذ lolnk
انا شايف انك مطلع على الامور ديه وعندك خبره بيها
ما تدينا نبذه بسيطه

ازاى الواحد بيبدأ يعالج او يبقى عنده علم بالامور ديه
وهل لازم يكون قلبه ميت

وفيه اعضاء بيقولوا انهم انضربوا وكده فاللى اعرفه ان الجن ميقدرش يحرك حاجه من مكانها او يضرب حد الا لو كان حد مسخره انما منه لنفسه لا رغم ان الاعضاء بتقول كده

[طارق _عبد السلام]

هما الموقفين محدش يصدقهم اصلا

بس الموقف الاول كان جماعى يعنى كنا مجموعه...

كنت مجند فى مركز تدريب وطبعا كان فيه نظام اجازات وكان داخل علينا العيد

وانا متعود انزل خميس وجمعه مع الاغلبيه علشان النكان اللى كنا موجودين فيه مكنش بيوصل له الميه اصلا

غير حصه لكل عسكر (كوز سلامون) بيتعبى ميه ويقولك ده تعينك من المياه اليوم بالكامل تطبخ منه وتشرب منه وتغسل هدومك منه وبالاقى تستحمى منه هههههههههه اه والله زمبقولك كده حبيت اذكر الميه للترفيه بس واعرفكم العساكر فى التمنينات كانوا بيقضوا جيشهم ازاى

المهم بقى لااااااااااازم وحتما ننزل خميس وجمعه علشان الحموم والذى منه وكان فيه اجازه عيد

قان ايه .. القائد قال للصف ظباط شوفوا لنا العساكر اللبط نقعدهم فى الاجازه وطبعا لانى من المحله

يكفى ان تذكر انك من المحله بس هيتقال عليك لبط الباشا حجزنى اجازه عيد مع كم عسكرى كمان وكنا عايشين فى هنجر كنا تقريبا 4 او خمس عساكر

وقاعدين فى الهنجر كارهين نفسنا وبنندب حظنا زمايلنا فى بيتوهم بيعيدوا وبيشربوا ميه براحتهم وكمان بيستحموا وعمالين نكلم بعض سمعنا صوت غريب بيقول لنا ارحمونا بقى... طبعا ده مش صوت حد فينا الصوت غريب بس محدش انتبه له قوى كل واحد فى نفسه اكيد حد مننا هو اللى قال كده...على فكره كنا مولعين شمع مهو اصلا مفيش مياه ولانور فى الهناجر دى .. والجو كان حر جدا.. واحنا عمالين نرغى ونتكلم بتشائم على حجزنا لقينا شويه هواء طفوا الشمعه اللى كنا منورينها وهوبا والسراير الضورين خبطط فى بعضها .. اعتقدنا ان فيه حد مننا وهو قايم خبط فى سرير وعمل الصوت ده بس لااااااااااااا الصوت عمال يزيد جدا كل سراير الفصيله بالكامل بتخبط فى بعضها .... اجرى يالا .. اجرى يالا ... افتكرنا ان فيه حاجه زى الزلزال طلعنا جرى بره ووقفنا فى ارض الطابور نبص لبعضنا هو فيه ايه منعرفش ايه اللى حصل ونبص لبعض ... طبعا كلنا كل واحد عايز يظهر انه مش خايف وكل واحد جواه بيموت وكان منظرنا اصلا مرعب...

يالا يبنى انت وهو ندخل.. وطبعا كان فيه واحد واقف خدمه ماسك عصايه عمال يقولنا بطلوا هزار انتم بتشتغلونى وبتخوفونى نقوله انت مسمعتش السراير يقولنا ده انتوا بتهزروا قال لنا يالا ندخل مع بعض وكفايه هزار دمه تقيل دخلنا مع بعض مع ان الشمعه كانت انطفت يعنى الاضاءه يادوب ....

وهوبا... لقينا ... انصاص عساكر .. ههههههههه اه والله ..نص عسكرى بس لابس كاكى مش مموه .. النص التحتانى واقف على الارض والنص التانى بيطلع على السرير من الدور التانى .. اتنين صرخوا وجروا .. وانا ماسك فى اللى جنبى وهو ماسك فيه وهيقطعلى هدومى ومبلمين انا رجلى اتصمرت فى الارض مش مصدق المنظر لقيت فى ثانيه نص عسكرى بيجرى على بره .. انا واللى معايا طيرنا ياريس وجرى على .. مبيت الصف ظباط لقينا اصحابنا واقفين هناك وعمالين يزعقوا ... والصف ظابط ميت على نفسه من الضحك ... ويقولنا هما طلعلوك ياولاد الك................ب.... كانوا ايام سوده قضينا 3 الايام بنام فى ارض الطابور مش عايزين نقرب للهنجر المسكون ده

اظن مفيش رعب اكتر من كده

يتبع قصه القطه بس دى معايا انا لوحدى

[Adnfalcon]

هما الموقفين محدش يصدقهم اصلا

بس الموقف الاول كان جماعى يعنى كنا مجموعه...

كنت مجند فى مركز تدريب وطبعا كان فيه نظام اجازات وكان داخل علينا العيد

وانا متعود انزل خميس وجمعه مع الاغلبيه علشان النكان اللى كنا موجودين فيه مكنش بيوصل له الميه اصلا

غير حصه لكل عسكر (كوز سلامون) بيتعبى ميه ويقولك ده تعينك من المياه اليوم بالكامل تطبخ منه وتشرب منه وتغسل هدومك منه وبالاقى تستحمى منه هههههههههه اه والله زمبقولك كده حبيت اذكر الميه للترفيه بس واعرفكم العساكر فى التمنينات كانوا بيقضوا جيشهم ازاى

المهم بقى لااااااااااازم وحتما ننزل خميس وجمعه علشان الحموم والذى منه وكان فيه اجازه عيد

قان ايه .. القائد قال للصف ظباط شوفوا لنا العساكر اللبط نقعدهم فى الاجازه وطبعا لانى من المحله

يكفى ان تذكر انك من المحله بس هيتقال عليك لبط الباشا حجزنى اجازه عيد مع كم عسكرى كمان وكنا عايشين فى هنجر كنا تقريبا 4 او خمس عساكر

وقاعدين فى الهنجر كارهين نفسنا وبنندب حظنا زمايلنا فى بيتوهم بيعيدوا وبيشربوا ميه براحتهم وكمان بيستحموا وعمالين نكلم بعض سمعنا صوت غريب بيقول لنا ارحمونا بقى... طبعا ده مش صوت حد فينا الصوت غريب بس محدش انتبه له قوى كل واحد فى نفسه اكيد حد مننا هو اللى قال كده...على فكره كنا مولعين شمع مهو اصلا مفيش مياه ولانور فى الهناجر دى .. والجو كان حر جدا.. واحنا عمالين نرغى ونتكلم بتشائم على حجزنا لقينا شويه هواء طفوا الشمعه اللى كنا منورينها وهوبا والسراير الضورين خبطط فى بعضها .. اعتقدنا ان فيه حد مننا وهو قايم خبط فى سرير وعمل الصوت ده بس لااااااااااااا الصوت عمال يزيد جدا كل سراير الفصيله بالكامل بتخبط فى بعضها .... اجرى يالا .. اجرى يالا ... افتكرنا ان فيه حاجه زى الزلزال طلعنا جرى بره ووقفنا فى ارض الطابور نبص لبعضنا هو فيه ايه منعرفش ايه اللى حصل ونبص لبعض ... طبعا كلنا كل واحد عايز يظهر انه مش خايف وكل واحد جواه بيموت وكان منظرنا اصلا مرعب...

يالا يبنى انت وهو ندخل.. وطبعا كان فيه واحد واقف خدمه ماسك عصايه عمال يقولنا بطلوا هزار انتم بتشتغلونى وبتخوفونى نقوله انت مسمعتش السراير يقولنا ده انتوا بتهزروا قال لنا يالا ندخل مع بعض وكفايه هزار دمه تقيل دخلنا مع بعض مع ان الشمعه كانت انطفت يعنى الاضاءه يادوب ....

وهوبا... لقينا ... انصاص عساكر .. ههههههههه اه والله ..نص عسكرى بس لابس كاكى مش مموه .. النص التحتانى واقف على الارض والنص التانى بيطلع على السرير من الدور التانى .. اتنين صرخوا وجروا .. وانا ماسك فى اللى جنبى وهو ماسك فيه وهيقطعلى هدومى ومبلمين انا رجلى اتصمرت فى الارض مش مصدق المنظر لقيت فى ثانيه نص عسكرى بيجرى على بره .. انا واللى معايا طيرنا ياريس وجرى على .. مبيت الصف ظباط لقينا اصحابنا واقفين هناك وعمالين يزعقوا ... والصف ظابط ميت على نفسه من الضحك ... ويقولنا هما طلعلوك ياولاد الك................ب.... كانوا ايام سوده قضينا 3 الايام بنام فى ارض الطابور مش عايزين نقرب للهنجر المسكون ده

اظن مفيش رعب اكتر من كده

يتبع قصه القطه بس دى معايا انا لوحدى

يخرب بيت كده ههههه
عايزين القطه بقي