حد بيمشى فى الشقه

[abokoko2]

بايان كنت بتتفرج على فيلم رعب☺

[M!SHO]

مبقتش اعرف انام يا جدعان

كفايه بقى :(:(

[ahmed1981]

قلنا بلاش حكاوي

طيب أنا هحكي قصة صغيرة

والعضو lolnk متشكرين مش عايز تصحيح بالأحمر أو تعليق بصح أو خطأ :)

ـــــــــــــ
أحد أصدقائي معالج بالقرآن
ويعتبر أكتر واحد علمني في هذا المجال وإن كان التواصل قد إنقطع من فترة طويلة

المهم
هقلكم أغرب حالة عالجها
ناس طلبوه ييجي يقرأ على واحدة ست مشلولة الرجلين بقالها عشرين سنة
أيوه عشرين سنة
لفوا على أطباء مصر كلها ولم يكتشف الأطباء لها علاج

المهم ذهب صديقي وزميله لبيتهم
وقرأوا عليها القرآن حتى تكلم الجني الذي عليها
إنت بتعمل إيه يا أستاذ
قال لهم
أنا هنا من عشرين سنة
ليه
عشان الست دي كانت ماشية في يوم وراحت واقعة
فوقعت بركبتها على راسي كسرتلي راسي
إنتقاماً منها انا ماسك ركبها

المهم جادلوه باللتي هي أحسن وأقنعوه أنها مش قصدها تقع عليه
قال لهم
ما هي لو سمت بسم الله اول ما وقعت مكنتش آذتني
المهم أقنعوه إنها مكنتش تعرف وربنا عفا عن الأمه الخطأ والنسيان وما استكرهوا عليه
وقالوا له ما انت عليه وما فعلته هو ظلم بين لهذه السيدة سنين طويلة
الجن في النهاية إقتنع
وتاب إلى الله
وخرج من جسمها
وقامت السيدة تمشي على رجليها بعد هذه السنين

أهم إستفادة
لما تقع سمي الله
لما طفل يقع سمي الله عليه
إنتوا فاكرين إن أجدادنا كانوا بيقول إسم الله عليه لما طفل يقع من فراغ
باين إنهم كانوا عارفين كل حاجه ومدكنين
لما ترمي حاجه سمي الله ..........

ـ

[yuong313]

انا اسف للمداخلة في ناس متعصبة في ردودها وفاكرين انهم عالمين ذرة
وناس داخلة تبرز الاخطاء لتظهر جهل الاخرين
صاحب الموضوع كان يحتاج الي نصيحة فالعادي بتاع مصر قلبناها انتقادات واتهامات وتجريح
اتمني ان نختلف لصالح الموضوع ونعيده لاصله

ولا مانع من سرد قصص من هذا النوع للاستفادة

[طارق _عبد السلام]

انا اسف للمداخلة في ناس متعصبة في ردودها وفاكرين انهم عالمين ذرة
وناس داخلة تبرز الاخطاء لتظهر جهل الاخرين
صاحب الموضوع كان يحتاج الي نصيحة فالعادي بتاع مصر قلبناها انتقادات واتهامات وتجريح
اتمني ان نختلف لصالح الموضوع ونعيده لاصله

ولا مانع من سرد قصص من هذا النوع للاستفادة

كلامك صحيح

بس فعلا لصاحب الموضوع .. ان فيه حاجات زى كده وبتحصل لبعض الناس...

وفيه ناس ربنا مسخرها لحل هذا الموضوع... طيب انا هقول حاجه جديده مش رعب زى الاول ولا حاجه....

انا بحس بيهم جدا ... وبمجرد تواجدى فى مكان.. يعتبر مسكون.. او اقعد جنب حد ..ساكن فى جسمه جن.. دئما يحصل لى تثائوب متكرر.. بطريقه الكل يلاحظها

لدرجه ان لى صديق رحت عنده لاول مره.. طول منا قاعد عمال اتاوب واضع يدى على فمى من كثره الاحراج .. وبعدها بهزر معاه وبقوله ماتشوف حد يابنى ينضف لك الاوضه دى .بيقولى ازاى.. قلتله البيت معفرت وكنت خايف ليضحك على. قالى عرفت ازاى قلتله انت مش ملاحظ ان عمال اتاوب بلا انقطاع.. ودى بتحصل لى لو قعدت جنب حد ملموس او مكان معفرت ومسكون... لقيت قالى والله العظيم مابنعرف نقعد فى الاوضه دى .. انا عاملها صالون للضيوف

وبحرج على اولادى يدخلوها .. قالى بيبهدلونى .. قعدت اضحك واقوله مقعدنى فيها ليه ....

واعرف ناس ماسسهم جان وبيتعالجوا ولو قعدت مع واحد منهم اقول له انت ربنا كرمك او انت لسه... واقسم بالله دى حاجه دائمه معى

[the lawyer]

انا عايش بقالي 5 سنين في الموضوع دا كل شوية واحدة قريبتنا تعمل عمل مرة لإخواتي ومرة لوالدتي ، حاجة تقرف ودخنا على الشيوخ منهم النصاب ومنهم الجاهل وبيدعي العلم ، لحد ماربنا يسرنا واحد عرف يخلص المواضيع دي ... بس كل سنة لازم يحصل حاجة الولية مبتهمدش

[طارق _عبد السلام]

انا عايش بقالي 5 سنين في الموضوع دا كل شوية واحدة قريبتنا تعمل عمل مرة لإخواتي ومرة لوالدتي ، حاجة تقرف ودخنا على الشيوخ منهم النصاب ومنهم الجاهل وبيدعي العلم ، لحد ماربنا يسرنا واحد عرف يخلص المواضيع دي ... بس كل سنة لازم يحصل حاجة الولية مبتهمدش

بس خلى بالك لعدم الوقوع فى الشرك والعياذ بالله بالتعامل مع واحد دجال

والدجال هتعرفه من كم حاجه كده

اول حاجه لو طلب اسم الام .. دجال

تانى حاجه لو لقيته بيقرأ بلغه سيريانيه ... طبعا هيقول كلام غير مفهوم لك... دجال

تالت حاجه لو حتى قرأ قرآن .. ونطق اسماء جان .. دجال

لكن المعالج بالقرآن يقرأ قرآن فقط وممكن يقرأ على مياه مثلا ويعطيها للمريض ليشربها

بيظهر فعلا وبيكون عنده غض بصر ولايلمس اى جزء من جسم المريض لو كانت سيده

فخلى بالك لان الموضوع ده فيه ناس كتير جدا بتشتغل الناس ... وفيه ناس بردوا بيكون عندهم مرض نفسى ويحتاجوا لطبيب نفسى ..والكل ممكن يعتقد ان مس او ماشابه

[amz2011]

شوف انا بصحح معلومات وبقول كلام من الاخر لانى بفضل الله دارس وحاليا بطبق عملى وما ينفعش اتكلم كتير واديك معلومات كتير بخصوص المووضع ده لانى ببساطة هدخل فى جدل كبير اوى مع ناس لا تفقه شىء وكله مقضيها انه بيسمع وخلاص من ده ومن ده وبيصدق فعلشان انا اقول تفاصيل صدقنى هدخل فى وجع دماغ وانا اصلا فى غنى عنه

اولا مفيش حاجة اسمها تسخير جن

ثانيا علشان تتعلم تعالج ويبقى عندك علم لازم تدرس ولما تدرس مش هتكون زى اى شيخ بتوع القراءن اللى بيعقدوا يرقوا وخلاص لاء يا حبيبى هيكون وضعك مختلف تماما مش زيهم خالص

هوضحلك النقطة دى


اى شيخ معالج بالقراءن اوعى تفكر انه بيعالج انسى دى خالص الموضوع مش حكاية انه يقرى قران عليه ويحضر الجن ويقوله اسلم واطلع يقوله هطلع والكلام الاهبل ده كل ده هبل ماله اى قيمة نهائى انسى ده خالص

الموضوع مش بالسهولة دى ولا بالهبل ده


ثالثا علشان تتعلم اصلا لازم الاول تشوف نفسك اذا كنت سليم ولا فيك حاجة مس يعنى او اى شىء وبتبدا تنضف نفسك طبعا مش هتعرف بنفسك دى ليها تفاصيل تانية

العلم اللى هتدرسه بيتطلب حاجة واحده بس وهى التقرب الى الله لما تمشى على كده وتتعلم كل شىء عن الشياطين والجن وتدرس الروح وقتها قلبك ده هيكون قوى جدا وهتعقد تضحك على نفسك لما كنت بتسمع سيرة الجن وتخاف فى الوقت ده الجن والشياطين هتكون بالنسبة لك عاملة زى الصراصير اللى تحتها تحت جذمتك واللى وصلك لكده هو قربك لله سبحانه وتعالى فى حاجات تانية مش هقدر اقولها هنا لانها هتكون صعب فهمها وهيكون فيها انتقادات كتير


رابعا واخيرا


اللاعضاء اللى قالوا ان الجن ضربهم دول عندهم سحر او مس وسهل جدا ان يتم اذيتهم وايضا ممكن يحدث امور اخرى اثناء نومهم

انا اعرف شيخ زيك و انت كلامك صح

[amz2011]

هما الموقفين محدش يصدقهم اصلا

بس الموقف الاول كان جماعى يعنى كنا مجموعه...

كنت مجند فى مركز تدريب وطبعا كان فيه نظام اجازات وكان داخل علينا العيد

وانا متعود انزل خميس وجمعه مع الاغلبيه علشان النكان اللى كنا موجودين فيه مكنش بيوصل له الميه اصلا

غير حصه لكل عسكر (كوز سلامن) بيتعبى ميه ويقولك ده تعينك من المياه اليوم بالكامل تطبخ منه وتشرب منه وتغسل هدومك منه وبالاقى تستحمى منه هههههههههه اه والله زمبقولك كده حبيت اذكر الميه للترفيه بس واعرفكم العساكر فى التمنينات كانوا بيقضوا جيشهم ازاى

المهم بقى لااااااااااازم وحتما ننزل خميس وجمعه علشان الحموم والذى منه وكان فيه اجازه عيد

قان ايه .. القائد قال للصف ظباط شوفوا لنا العساكر اللبط نقعدهم فى الاجازه وطبعا لانى من المحله

يكفى ان تذكر انك من المحله بس هيتقال عليك لبط الباشا حجزنى اجازه عيد مع كم عسكرى كمان وكنا عايشين فى هنجر كنا تقريبا 4 او خمس عساكر

وقاعدين فى الهنجر كارهين نفسنا وبنندب حظنا زمايلنا فى بيتوهم بيعيدوا وبيشربوا ميه براحتهم وكمان بيستحموا وعمالين نكلم بعض سمعنا صوت غريب بيقول لنا ارحمونا بقى... طبعا ده مش صوت حد فينا الصوت غريب بس محدش انتبه له قوى كل واحد فى نفسه اكيد حد مننا هو اللى قال كده...على فكره كنا مولعين شمع مهو اصلا مفيش مياه ولانور فى الهناجر دى .. والجو كان حر جدا.. واحنا عمالين نرغى ونتكلم بتشائم على حجزنا لقينا شويه هواء طفوا الشمعه اللى كنا منورينها وهوبا والسراير الضورين خبطط فى بعضها .. اعتقدنا ان فيه حد مننا وهو قايم خبط فى سرير وعمل الصوت ده بس لااااااااااااا الصوت عمال يزيد جدا كل سراير الفصيله بالكامل بتخبط فى بعضها .... اجرى يالا .. اجرى يالا ... افتكرنا ان فيه حاجه زى الزلزال طلعنا جرى بره ووقفنا فى ارض الطابور نبص لبعضنا هو فيه ايه منعرفش ايه اللى حصل ونبص لبعض ... طبعا كلنا كل واحد عايز يظهر انه مش خايف وكل واحد جواه بيموت وكان منظرنا اصلا مرعب...

يالا يبنى انت وهو ندخل.. وطبعا كان فيه واحد واقف خدمه ماسك عصايه عمال يقولنا بطلوا هزار انتم بتشتغلونى وبتخوفونى نقوله انت مسمعتش السراير يقولنا ده انتوا بتهزروا قال لنا يالا ندخل مع بعض وكفايه هزار دمه تقيل دخلنا مع بعض مع ان الشمعه كانت انطفت يعنى الاضاءه يادوب ....

وهوبا... لقينا ... انصاص عساكر .. ههههههههه اه والله ..نص عسكرى بس لابس كاكى مش مموه .. النص التحتانى واقف على الارض والنص التانى بيطلع على السرير من الدور التانى .. اتنين صرخوا وجروا .. وانا ماسك فى اللى جنبى وهو ماسك فيه وهيقطعلى هدومى ومبلمين انا رجلى اتصمرت فى الارض مش مصدق المنظر لقيت فى ثانيه نص عسكرى بيجرى على بره .. انا واللى معايا طيرنا ياريس وجرى على .. مبيت الصف ظباط لقينا اصحابنا واقفين هناك وعمالين يزعقوا ... والصف ظابط ميت على نفسه من الضحك ... ويقولنا هما طلعلوك ياولاد الك................ب.... كانوا ايام سوده قضينا 3 الايام بنام فى ارض الطابور مش عايزين نقرب للهنجر المسكون ده

اظن مفيش رعب اكتر من كده

يتبع قصه القطه بس دى معايا انا لوحدى

ابن خالى حصله حاجات زى اللى انت بتقولها

[yasser100]

ده الدنيا هايصه فى الموضوع هههههههههه . طيب

[yasser100]

عشق ايه.... وفرحان بايه... وهجايص من اللى انت بتقوله من الدجل
احنا لانؤمن بها وبالتخاريف دى وكلامك كله الغاز تصرح بشىء وتحجب اخر
لتحيط نفسك بهالة من الغموض وكانك عالم تعرف الاسرار وجعلت منه علما لاندركه الا انت وتنكره على الشيوخ المعالجين بالقران الكريم وان مايقومون به هو( كلام ا هبل وليس له قيمة خالص) ثم تشكك اخ اخر مداوم على اذكار الصباح والمساء واية الكرسى وتقول له كيف( تضمن انك سليم قبلها) ( وتنكر )ماوصانا به رسولنا الكريم من( طرق التحصين) ضد الشياطين يعنى القران والسنة لالزوم لها والحل عندك فقط
ثم يتضح لنا الحقيقة فى الاخر من سياق كلامك انك دارس( وبتطبق عملى) يعنى انت معالج وتبحث عن (زبائن )
ثم كيف تقول انك لتكون معالج لازم تكون متقرب الى الله و وفى نفس الوقت تنكره على مشايخ القران انهم متقربون لله مثلك ليقوموا بالمعالجة بالقران فقط وتصف فعلهم بالاهبل فى حين تصرح لنا ان هناك( امور اخرى) تخاف ان تصرح بها غير التقرب لله لانها( هيكون فيها انتقادات كتيرة) وحضرتك درست ايه بقى( غير القران والسنة) لكى تعرف (اسرار الروح والجن والشياطين )وايه هى الحاجات التانية اللى فيها انتقادات كتيرة –وتخاف ان تصارحنا بها وتعرضها علينا ليستفسيد عامة المسلمين للتحصين ( الا اذا كانت مخالفة للقران والسنة) والشرع الحنيف وبه شرك بالله
اى معالج حتى لو كان معالج بالقران واتبع فى علاجه( كلام غير مفهوم او غير القران )فهو ساحر ودجال حتما ويتبع شيطانه وكل مسلم فطن يعرف ذلك ولقد حذرنا رسولنا الكريم من اللجوء الى كاهن او ساحر او دجال لانه شرك بالله
ثم حضرتك بتقول ان بعد العلم الى درسته عن الروح والشياطين راح تكون معالج بسهولة فماهى مصادر علمك
ماهى ( الكتب او العلماء) التى تعلمت منها( غير الكتاب والسنة) ولماذا هى غير متاحة للمشايخ المعالجة بالقران ولعامة المسلمين جميعا لنقوم بالتحصين؟ الا اذا كانت كتب سحر ودجل وشعوذة

بعيد عن هذا الدجل و محاولتك بث الشك والخوف فى نفوس الاعضاء

اعرفك انه بفضل الله تعالى

اسرتناالحمد لله تعالى نتقى الله و حياتنا كلها سلام وهدوء وبركة بلا مشاكل
وربنا ميسرها وموفقة ببركة ورضا الله
ولا احد فينا يعانى اى عراض مس او خلافه او اى شىء غير طبيعى فى المنزل
والشبح كما ظهر فى هدوء انصرف ايضا بهدوء من تلقاء نفسه لااسرار ولا الغاز
بدون اللجوء الى معالج او خلافه
كما ان ارتبطنا بالله تعالى ورسوله قوى ومتين
جميع الاسرة ملتزمة والحمد لله من صلاة وورد يومى للقران الكريم
ونتحرى الطهارة دائما فى كل شىء مع الاذكار ونتصدق ونزكى الخ من طاعات الله
ولايرهبنا وجود شبح او غيره لاننا بفضل الله تعالى فى حماية الله ومعيته فهو سبحانه خير حافظ
لاننا نؤمن بماانزل من القران حيث قال الله تعالى للشيطان ؛-

(ان كيد الشيطان كان ضعيفا)

(إن عبادي ليس لك عليهم سلطان وكفى بربك وكيلا )

فقوله تعالى : إن عبادي ليس لك عليهم سلطان قال ابن عباس :هم المؤمنون

وكفى بربك وكيلا أي عاصما من القبول من إبليس ، وحافظا من كيده وسوء مكره .

والرسول عليه الصلاة والسلام اتى برسالته كاملة
فنبهنا الى كل ماهو خير لنستزيد منه وحذرنا من كل سوء وشر وبدع وحيل الشيطان واعوانه لننبتعد عنه ونتجنبه

فلماذا تنكر علينا اننا نعيش فى امان بفضل طاعتنا لله ورسوله اصبحنا فى حمى الله من كل مس او شر

الحمد لله على نعمة الاسلام وكفى بها نعمة

اتقى الله سبحانه وتعالى فيما تقوله وتفعله
فانك محاسب عليه

اخيرا حد قال كلام عقل يتفهم

[Mecha]

انا عايش بقالي 5 سنين في الموضوع دا كل شوية واحدة قريبتنا تعمل عمل مرة لإخواتي ومرة لوالدتي ، حاجة تقرف ودخنا على الشيوخ منهم النصاب ومنهم الجاهل وبيدعي العلم ، لحد ماربنا يسرنا واحد عرف يخلص المواضيع دي ... بس كل سنة لازم يحصل حاجة الولية مبتهمدش

ايا ساتر وايه الي مصبركم ع الملعونه
سموها او احرقوها

[yuong313]

كلامك صحيح

بس فعلا لصاحب الموضوع .. ان فيه حاجات زى كده وبتحصل لبعض الناس...

وفيه ناس ربنا مسخرها لحل هذا الموضوع... طيب انا هقول حاجه جديده مش رعب زى الاول ولا حاجه....

انا بحس بيهم جدا ... وبمجرد تواجدى فى مكان.. يعتبر مسكون.. او اقعد جنب حد ..ساكن فى جسمه جن.. دئما يحصل لى تثائوب متكرر.. بطريقه الكل يلاحظها

لدرجه ان لى صديق رحت عنده لاول مره.. طول منا قاعد عمال اتاوب واضع يدى على فمى من كثره الاحراج .. وبعدها بهزر معاه وبقوله ماتشوف حد يابنى ينضف لك الاوضه دى .بيقولى ازاى.. قلتله البيت معفرت وكنت خايف ليضحك على. قالى عرفت ازاى قلتله انت مش ملاحظ ان عمال اتاوب بلا انقطاع.. ودى بتحصل لى لو قعدت جنب حد ملموس او مكان معفرت ومسكون... لقيت قالى والله العظيم مابنعرف نقعد فى الاوضه دى .. انا عاملها صالون للضيوف

وبحرج على اولادى يدخلوها .. قالى بيبهدلونى .. قعدت اضحك واقوله مقعدنى فيها ليه ....

واعرف ناس ماسسهم جان وبيتعالجوا ولو قعدت مع واحد منهم اقول له انت ربنا كرمك او انت لسه... واقسم بالله دى حاجه دائمه معى

استاذ طارق واضح ان حضرتك خبير في الروحنيات احنا مش قدك
انا علي فكرة دايما بلمح طيف كان حاجة سودا وعدت بسرعة في اماكن كتير مش شرط بيتنا ممكن عند قرايب او اماكن مختلفة
احس ان كان حاجة طيف اسود واختفي بسرعة البرق ولا اعرف شكله ايه ولا حجمه ايه
بس ياريت ماتقولش اني مرهق او عيني من الكومبيوتر

اخوك اصلا جبان وبخاف وبموت في الافلام الرعب
في انتظار تحليلك

علي الخامش اخوك عضمة كبيرة في الاربعين يعني مش صغير بس جبان

[the lawyer]

بس خلى بالك لعدم الوقوع فى الشرك والعياذ بالله بالتعامل مع واحد دجال

والدجال هتعرفه من كم حاجه كده

اول حاجه لو طلب اسم الام .. دجال

تانى حاجه لو لقيته بيقرأ بلغه سيريانيه ... طبعا هيقول كلام غير مفهوم لك... دجال

تالت حاجه لو حتى قرأ قرآن .. ونطق اسماء جان .. دجال

لكن المعالج بالقرآن يقرأ قرآن فقط وممكن يقرأ على مياه مثلا ويعطيها للمريض ليشربها

بيظهر فعلا وبيكون عنده غض بصر ولايلمس اى جزء من جسم المريض لو كانت سيده

فخلى بالك لان الموضوع ده فيه ناس كتير جدا بتشتغل الناس ... وفيه ناس بردوا بيكون عندهم مرض نفسى ويحتاجوا لطبيب نفسى ..والكل ممكن يعتقد ان مس او ماشابه

حاقولك على اللي حصل اختي كانت بيحصلها حاجات غريبة دايما عياط وبتشوف كوابيس زي شيء شكله يخوف وماسك صليب ويقولها مش حاسيبك ابدا والقرءان اللي انت بتقريه مش حينفعك ولا صلاتك طبعا مبتكلش خالص مش طايقة البيت ولا عايزة تتدخله خطيبها شايفها قرد هو وابويا بتقولي انا شايفاكم قرود قدام لما كانت في الكلية كنتش بتقدر تجاوب زي ميكون في حاجة بتمنعها وكل ما تقرا قرءان جسمها يوجعها وتعيط اكتر وكذلك وهي بتصلي .

خدنا لفة محترمة على اكتر من شيخ كل بيقرا قرءان ويخلوها تشرب مياه مقري عليها قرءان بس الموضوع دا مكنش بينفع لأكتر من اسبوع وبالذات في منتصف الشهور الهجرية كانت الحالة بتزداد سوء لحد ما في مرة واحد شيخ قريبان قعد يقرا قرءان عليها وراحت في حالة زي الغيبوبة وحكت بصوت غريب مش بصوتها العمل مين اللي عمله واتعمل فين وازاي وعرفنها انه بيتكرر تلقائي كل شهر هجري .

المهم وصلنا لشيخ كان بيقرا قرءان عليها وقال ان العمل لازم يطلع وان مفيش انسان يقدر يطلعه ولازم جن وقالنا على واحد في البحيرة نروحله وهو حيخلص كل حاجة الراجل دا طلب مننا صورة واسم الإم ومسكها وقعد يقرا عليها : بدء بالفاتحة وبعدين بحق لا اله الا الله ، وبعد بالصلاة على النبي ( دا اللي انا فاكره واختي مكانتش معانا ) المهم بدا يقرا بلغة غريبة شوية اعتقد هيا اللي بتقول عليها وطلع العمل وادان ورق يدوب في مياه وتغتسل بيه والعمل يتفك ويترمي في ترعة أو بحر ... ونصحنا انها لازم تلتزم بالصلاة وقراء القرأن وان المصحف يبقي بإستمرار جنبها والحمد لله الموضوع خلص ورجعت زي الفل .. الموضوع اتكرر مع اختي وامي بنفس الكيفية والحمد لله اتفك برضه

[amr011111]

طيب سؤال يا جماعه
هوه ليه الجن مش بيركب الأجانب

ولا بيركبهم بس مبيبقوش عارفين
ولا اكمنهم كده كده مش ملتزمين فسايبهم