حد بيمشى فى الشقه

[lolnk]

انا مرة حصلتلي حاجة غريبة بس و انا صغير

انا الجاثوم دا بيجيلي بشكل متكرر نكاد نكون انا و هوا اصحاب :)

كانت اعراضه بتختلف من مرة للتانية ... فمرة جالي لقيت جسمي بيتهز جامد تحت و فوق و انا نايم

على جنبي لغاية كدة عادي ... اللي مش عادي لقيت حد شايلني من ضهر التيشيرت او البيجامة مش فاكر

زي ما تكون شايل كيس او زي شلة ونيس لبنته هدى في التمثلية و بيلف بيا الاوضة و اخواتي نايمين

الغريب بقى اني شفت كل حاجة و انا متشال من ارتفاع متر او متر الا ربع و في الاخر دماغي خبطت

في رجل سرير اخويا و المفرش اتحرك مكان الخبطة ... و بعدين لقيت نفسي باتهبد على السرير

و في دماغي اثر الخبطة.

انا اللي جربته في مرة اني احط ايات الرقية الشرعية دي في وداني لقيت نفسي بتاوب و عايز انام

و لقيت زي ما يكون في تنميل خفيف او زي ما يكون نمل صغير ماشي دا زائد الهرش

حضرتك فيك مس

[lolnk]

ﻻ و الله انت اللى عايش فى خزعبلاتك و خيالاتك و مصدق نفسك و المشكله انه فيه اللى هايصدقك .

بص حبيبى انت لسه واصل كوكب الارض من شوية انا عايزك كده تاخدلك لفة حلوة علشان تكتشف الكوكب

[lolnk]

انتا بتتكلم جد

انت شايفنى بهزر

انت بتقول انك دايما بتلمح طيف هل حضرتك بتحس انك متراقب او حد قاعد يبص عليك او بتحس ان فى حد ماشى وراك

[yasser100]

بص حبيبى انت لسه واصل كوكب الارض من شوية انا عايزك كده تاخدلك لفة حلوة علشان تكتشف الكوكب

انت اللى حبيبى هههههه . تعالى خدلك لفه معايه يمكن تفوق و تعرف انه احنا فى 2015

[Adnfalcon]

انت اللى حبيبى هههههه . تعالى خدلك لفه معايه يمكن تفوق و تعرف انه احنا فى 2015

الموضوع ملبش بما فيه الكفايه احنا ف 2014 ولا 2015 ؟؟؟

[lolnk]

انت اللى حبيبى هههههه . تعالى خدلك لفه معايه يمكن تفوق و تعرف انه احنا فى 2015

يا حبيبى ان شاء الله تكون فى 3500 حتى دى شىء طبيعى وموجود من ايام الرسول الرسول ذات نفسه اتسحر

[midoabdeen]

يا حبيبى ان شاء الله تكون فى 3500 حتى دى شىء طبيعى وموجود من ايام الرسول الرسول ذات نفسه اتسحر

حضرتك مفيش حاجة اسمها مفيش انسان ما يقدرش يطلع جن كلام ربنا اكبر من اى شىء ده اولا

الشيخ بتاع البحيرة ده شغال بجن ده اولا


ثانيا اوعى تفتكر ان اختك اتعالجت او والدتك انسى دى خالص لا فى عمل اتفك ولا فى علاج حصل

كل اللى حصل ان الجن اللى مع الشيخ راح شرب شاى مع الجن اللى على اختك وقاله يا حبيبى الشيخ اللى انا بشتغل معاه ومفهمه انى بعرف اعالج قصدنى فى خدمة انى اعالج البنت اللى انت عاشقها فرد الجن اللى على اختك وقاله يا ابو النسب انت تامر طلباتك قاله مش عايز اكتر من انك ما تحسسهاش انك فى جسمها واستمتع بجسمها يعنى خليكى فيه بس ما تحسسهاش بيك واى اعراض كنت بتعملها تبطلعها يعنى مثلا لو موقفلها حالها عن الجواز لاء مشيه وخلى كل شىء طبيعى عندها وخليكى فى جسمها قاله بس كده انت تامرنى يا ابو النسب

وبكده الجن مازال بيتشغل الشيخ اللى مفهمه انه بيعالج والشيخ مقتنع بكده و الجن التانى عايش فى سلام فى جسم اختك واقنع اختك انها تمام وكويسه

وبعدين الشيخ اللى شغال بجن اللى عامل نفسه بيعالج بالقراءن لزوم الشغل يقولك تعمل كذا وكذا على اساس انه تقى بروح امه

واختك خالتها تتحسن وتتظبط وتقول الحمد لله الشيخ ده عالجنى وفعلا شيخ كويس وتنصح بيه زمايلها او اى حد

للاسف ده الحال اللى بيحصل مع الناس اللى ما عندها اى خلفية


بص يا حبى اول قاعده اتعلمتها فى علمى ان مفيش جن بياذى جن علشان خاطر بنى ادم بغض النظر عن الجن المسلم

لاكن الانسان ياذى انسان علشان خاطر جن

للاسف المعلومات دى مكنتش احب افيد بيها ناس معينة لانها خسارة فيهم بس يلا خليهم يتعلموا

والكلام اللى قولتله ده استحاله تسمعه من حد الا ناس قليلة جدا فى مصر وهما دول فعلا اللى ربنا مسخرهم للامور دى على راى العضو طارق عبد السلام واشارت للكلام ده فى رده

اى خدمة

ده اللى هو مين ياباشا ده اولا

ثانيا بلاش انا اتكلم خالص فى مووضع الرؤية بس ممكن تفسرلى قصص الاعضاء اللى شافت جن شافوهم ازاى وانت جاى تكلمنى فى الايه

يعنى ازاى الايه تقول كده وفى ناس بتشوف الجن حتى لو ناس عادية زى القصص اللى اتحكت جاوب على نفسك انت بقى


وانا مش بفتى انا عايزك بقى تلف على ل واحد فى المنتدى قال شاف جن قوله الايه دى ماشى يا حبى

يا راجل اتقي الله انت عايز تنقع الناس انك صح وانت حتي بتغلط فى حاجات لو فعلا انت عارف ربنا عمرك ماتغلط فيها

وكمان من الواضح من اسلوبك انك لا ترتقي انك تكون بسطجي حتي مش تقولي بعالج بقي والكلام

روح اجري بعبد يا عم انت كتكوا نيله ماليتوا البلد

[yasser100]

الموضوع ملبش بما فيه الكفايه احنا ف 2014 ولا 2015 ؟؟؟

هههههههه يا باشا على اساس تقويم العربيات . ما احنا بنشترى موديلات 2015 فى 2014 . كلها 3 شهور بس . يعنى العمليه بالتقريب هههه

[amz2011]

صلو على النبى

[Adnfalcon]

هههههههه يا باشا على اساس تقويم العربيات . ما احنا بنشترى موديلات 2015 فى 2014 . كلها 3 شهور بس . يعنى العمليه بالتقريب هههه

بالتقويم العربياتي قصدك ؟ هههههه

[Adnfalcon]

صلو على النبى

عليه أفضل الصلاه و أتم التسليم

[yasser100]

بالتقويم العربياتي قصدك ؟ هههههه

ههههههههههههه ممكن بالتقويم العفاريتى

[lolnk]

يا راجل اتقي الله انت عايز تنقع الناس انك صح وانت حتي بتغلط فى حاجات لو فعلا انت عارف ربنا عمرك ماتغلط فيها

زى ايه اللى غلطت فيه علشان تقولى لو تعرف ربنا مكنتش غلطت كده

وكمان من الواضح من اسلوبك انك لا ترتقي انك تكون بسطجي حتي مش تقولي بعالج بقي والكلام

هاتلى رد قولت فيه انى بعالج وبعدين تعالى اتكلم على الاسلوب واذا كنت شايفنى لا ارتقى ان اكون بسطجى فده مش من زوقك لاء ده زوقك اصلا

روح اجري بعبد يا عم انت كتكوا نيله ماليتوا البلد

دى هعملها مشاركة سيئة وبعد كده ياريت ما اشوف اسمك فى رد عليا تانى

[egyegy]

دى هعملها مشاركة سيئة وبعد كده ياريت ما اشوف اسمك فى رد عليا تانى

هههههههههههههههههههه، اللي اختشوا ماتوا.

وعاوزك تفهمها زي ما انت عاوز تفهمها

[yasser100]

دى هعملها مشاركة سيئة وبعد كده ياريت ما اشوف اسمك فى رد عليا تانى

ما ينفعش تمنع اى عضو انه يرد على اى بوست لعضو تانى . ده من حق اى واحد زى ما هو حقك