حد بيمشى فى الشقه

[swimmer25]

ربنا دل الرسول ازاى هل الهمه او جعله يشوفها لان الرسول قال قد حسبتها شجرة بزمامها يعنى شايفها
حتى الدليل اللى انت جبته ساعدنى والله كتير شكرا بجد ما عندكش حاجة تانية

السلام عليكم
ممكن يكون ألهمه ليه لأ لأن تفسيرك تفسير بشر بردو

عموما أنا متابع كلامك كله وشايف إن ممكن الواحد يفكر في الكلام اللي إنت بتقوله
بس أنا عندي نقد لحضرتك إن كل ردودك بتدخل شمال على طول حتي لو حد رد عليك لأول مرة ومكنش قفش معاك قبل كدا زي الشيخ خالد
بدل ما كنت ترد عليه بألفاظ إنت مش فاهم وإنت مش عارف وإنتوا هتفضلوا كدا ووو
كان ممكن تفنط كلامه بطريقة أقل حدة زي ما هو فنط كلامك بطريقة محترمة جدا

قال ص إتق الله حيثما كنت وأتبع السيئة الحسنة تمحها وخالق الناس بخلق حسن
فجمع بين التقوى وحسن الخلق
وأثنى الله علي الرسول ص فقال: وإنك لعلى خلق عظيم
فكيف تريد أن تصل للشفافية بهذه الحدة..أنت مدين بإعتذار للشيخ

أعتقد لو تأملت مرشدك لوجدته أقل حدة ومتسامح

أنا مش بقول إن مفيش خلق وأعتذر بشدة إن كلامي يتفهم كدا ولكن هذه الحدة ليست من حسن الخلق ولكن طبعا حسن الخلق منه أفعال أخرى ممكن تكون فيك

[naser_56]

بالرغم اني مختلف معاك في حاجات كتير ولكن اعجبني قولك ان علم الروح الصحيح هو نوع من انواع التقرب الي الله ومتفق تماما مع هذه الجمله

وساحكي قصه قصيره حدثت معي من فتره ولكن بسبب صعوبه الموقف والرعب الي شفته لن انساها طول عمري
في سنه 1997 كنت اعمل في الغردقه في الجونه تحديدا وكان مستشفي الجونه تحت الانشاء يادوب بس كان دور او اثنين وكان خرسانات فقط وفي هذا اليوم المشئوم كنت اريد زياره بعض الاصدقاء وكان سكنهم خلف المستشفي بحوالي ٥٠٠ متر تقريبا وطبعا المكان كله صحراء اللهم الا سكن العمال الي كان موجود فيه بعض الاصدقاء والاقارب الي كنت رايح لهم وايضا مبني المستشفي المهجور الا من غفير واحد فقط تقريبا في منتصف الخمسينات من عمره والمسافه من السكن الخاص بالمشرفين الي السكن الاخر حوالي كيلومتر او اكثر قليلا وطبعا الطريق الي كنت ماشي عليه كان عباره عن طريق ترابي عباره عن مدق وليس مرصوف طبعا وكنت ماشي وكان الطريق مضاء جيدا بفعل القمر واثناء سيري وقبل المستشفي بحوالي 200 متر تقريبا وكانت الساعه حوالي العاشره او العاشره والنصف مساء تقريبا ولكن بسبب وحشه المكان وخلوه من اي شئ تبدو الساعه وكأنها في الثانيه او الثالثه فجرا واثناء المشي لاحظت وجود ظل يمشي بجواري وبدا الخوف يتسلل الي قليلا ولكني حاولت طرده واقناع نفسي ان هذا الظل ظلي ولكن عقلي رفض الاقتناع وبدا في طرح اسباب عدم اقتناعه ومنها ان القمر فوقك تماما فمن المستحيل ان يكون الظل علي جانبك اليمين ايضا حاولت اقناع نفسي بأنه ربما هناك ضوء او سياره ما علي مسافه بعيده علي اليسار وهي ما تسبب هذا الظل ولكن عقلي يرفض هذا السبب حاولت اقنع نفسي ايضا بطريقه اخري بأن الظل ظلي وهي ان اقف للحظه مثلا واشوف الظل الملعون ماذا يحدث له !! وفعلا وقفت ثانيه او اثنين ولكني لاحظت ان الظل يمشي!! وكأنه يفهم افكاري ويؤكد لي بأنه ليس ظلي وقتها بداء الرعب يذيد في نفسي وايضا مازلت احاول ان اقنع نفسي بأن هذا الظل ظلي وربما ان الظل يتحرك وانا واقف بسبب ان سياره تمشي بعيد عني وانا لا اراها وهي السبب في تحرك الظل ولكن هيهات !! وفي هذه اللحظه ومضت فكره في ذهني وهي ان الظل لابد ان يبداء من القدمين مثلا ولكن هذا الظل يبدو كانه شخص يمشي الي جواري ولكنه ظل وليس بشخص وهنا تأكدت تماما ان هذا الظل ليس الا بعفريت او شيطان او شبح او جن سموه ذي ما تسموه وهنا احسست برعب الدنيا كله حاولت ان اصرخ صرخه تسمعها الدنيا كلها ولكني لم انبس ببنت شفه ايضا حاولت اني اجري او اقفز قفزه ابتعد بها عن هذا المكان بقدر ما استطيع ولكني لم اتحرك من مكاني قيد انمله بالاضافه الي رجفه شديده وكاني امسكت سلك تيار كهربائي وحتي شعر راسي اصبح كانه شعر قنفذ ولا اعرف كيف وكل هذا الرعب حصل في لحظه واحده ولكن سبحان الله فجاءه بدا من بعيد ضوء سياره وكانت خلاطه اسمنت وظهرت قادمه من بعيد وتشجعت قليلا وجريت بسرعه وايضا رأيت خفير المستشفي قادم باتجاهي وكأنه رأي كل شئ وسالني ماذا حدث واكنا وصلنا الي المستشفي ووقف معي واحضر لي ماء وشربت وسألني ايه فيه وقلت له لا مافيش حاجه ولكنه اصر ان يعرف وطبعا الرعب باين علي وشي لدرجه ان جسمي كله بينتفض وجلست معه الي ان هدأت قليلا والح علي في السؤال وانا طبعا كنت حاسس ان لو حكيت له ممكن يصاب بالرعب ويسيب الشغل والمنطقه كلها ويمشي ولكن مع اصراره حكيت له وقال ان هو كمان شاف حاجات كتير ويعرف ان المكان ده مسكون ولكن هو ما بيخافش منهم وبياخد الموضوع عادي وانا طبعا حمدت الله وقلت له كويس انك ما بتخافش انا مكنتش عاوز احكيلك وكنت خايف انك تسيب الشغال بسببي وطبعا وصلني لغايه سكن اصحابي وقضيت الليله هناك بصراحه الراجل ده جرئ جدا لدرجه انه وصلني لغايه سكن اصحابي وحتي رجع لوحده ورفض ان حد يرجع معاه