زهراء مدينه نصر

[ahmed76]

الموضوع بسيط جدا والاستاذ احمد وضح لك تماما الموضوع

الزهراء تبدا من الدائرى عند موقف الزهراء وتنتهى عند المحكمة العسكرية او البنزينة او موقف العاشر
ويمينك وشمالك عمارات
عمارات الضباط 5 ادوار فقط وهتسجلها باسمك فى الخليغة المامون فى جهاز القوات المسلحه
اما غير كده عمارات اهالى يجب التاكد من التراخيص
عزبة الهجانه دى تبدا من الكيلو 4.5 وتنتهى خلف عمارات الضباط اللى على يمينك وانت قادم من الدائرى يعنى خلف السلاب تقريبا
اما عزبة الهجانة دى منطقه عشوايه فيها الكويس والوحش زى اى منطقه عشوائيه فى مصر ولا تعليق اكيد انت فاهم قصدى

اما بالنسبة للاخت اللى خايفة فهى منطقه مش مرعبة ولا حاجة
وكنت بعدى عليها جنب شغلى كل يوم وما حدش خطفنى ولا حاجه وده متهيألىاسم ع فرقه الخيول فى الشرطة او الجيش مش متأكد
واسمها الهجانة مش بيهجموا على الناس ولا حاجه
يعنى اكيد بتمشى بالعربية عند منشيه ناصر او اى منطقة شعبية

وبعدين انتى مش خايفة من الدائرى نفسة اللى كله سواقين نقل وميكروباصات وسرعات جنونيه وجايه تخافى من الهجانه اللى فى وسط البيوت
دانا بخاف امشى فى الدائرى يا شيخة لوحدى

[thatha]

ماهو وقت منا شفت المنطقة دي محدش قلي اسم الهجانه ده خالص!!! كل الي شفته ابراج جديدة!!!!ورخيصة الحاجة الوحيده الي خت بالي منها حاكيه الترخيص. بعد كده الي عرفته.ان الحتي دي كانت نهايه العزبه و فيها بيوت اهالي. بعوها وفي منهم شارك في الابراج الجديدة!!!!!!! والعجيب شفت هناك ناس نضيفة و عربيات شيك و سالت لاتهم ساكنين هناك ضربت كف على كف. و سعر المنطقة على حسب عرض الشارع من 1500 المتر ل1000 كاش يعني من 100 الف -250 الف طبعا رخيص جدا بالنسبة لباقي مدبنه نصر. انا حيران جدا .نفسي اخدها عشان السعر و قريبة من الشغل. بس خايف من كلمة عشوائية دي.يا ريت لو فيه حد واخد ف يشارع حسني مبارك او عنده معلومات يقول ليا

[Ahmed Taha]

شارع السلاب

أنا في شارع السلاب و قبل ما أشتري شفت عقد الأرض المسجل و توكيل أصحاب الأرض المسجل لمكتب المقاولات و الأرض مشتراة من شركة مدينة نصر للإسكان و التعمير. المشكلة إن في أراضي كتير في المنطقة تابعة للجيش و الدولة و ناس وخداها وضع يد بس في الواقع دي مشكلة كل ما تتوغل ناحية العزبة. إنت قبل ما تشتري إطلع علي عقد الأرض ده حقك.

العزبة هي المنطقة الموجودة من طريق السويس و الكيلو 4.5 و ده مدخل العزبة الرئيسي و أخر مصطفي النحاس (التبة) و شارع الزمر (إمتداد ذاكر حسين). و كانت ملجأ للهاربين من الأحكام و المجرمين من حوالي 10 سنين.

مع وجود عمارات الزهراء (الجيش) و عمارات أخر مصطفي النحاس بدأت العزبة تتأكل و تنضف واحدة واحدة بس المشكلة إن أرضها أرض دولة و جيش و بعض الأراضي تابعة لشركة مدينة نصر.

[thatha]

شارع السلاب نفسه!!! الشقق كام متر؟ فيه حاجة 120! او 140

[Ahmed Taha]

أيوة

شارع السلاب نفسه!!! الشقق كام متر؟ فيه حاجة 120! او 140

في 120م و 160م بصراحة أنا مشتري من خمس سنين معرفش سعر المتر كام دلواقت في شارع السلاب.

صفين عمارات إمتداد سور السلاب.

[thatha]

ياه 5 سنين و ايه رايك في الحته دي؟ مميزات و عيوب بصراحه كده؟

[Mido80]

المهم رحت هناك و عجبتني شقة لان الاسعار معقوله و جمب شغلي في شارع اسمه حسني مبارك.

بكام اخذت الشقة يا زعيم؟ ومساحتها اد اية؟

[thatha]

على 150 ال 125 متر كاش و ممكن تلاقي اقل على حسب و سع الشارع .الي ضرب السعر هناك بامانه كده! انها مش مرخصة وفي شوارع ضيقة و طبعا ابراج عشوائيه. يعني ابراج حلوه بس لازقة جنب بعض . ف الشوارع الواسعه الي مش حتحس انها عشوايه غالية!!! لكن الضيقة رخيصة. فى المتر كاش في المنطقة من 900-1400 كاش و ممكن يزيد 200 لو قسط. في ناس بتقول طبعا مش بتحب الشوارع كده . يس ايه الي رامك على المر .بره الحتى دى ب 100 متر بس عمارت الظباط .الي مش حلوه مرخصه المتر بيوصل 2700-3000. نعمل ايه باه

[Ahmed Taha]

المميزات و العيوب

بص يا سيدي المميزات:

الشارع واسع جدا الركن سهل.

المداخل و التشطيب الخارجي جيد.

أمان (نقطة شرطة الزهراء على ناصية الشارع.

السلاب و نادي الضباط عاملين حس للمنطقة.

قريبة من الدائري (ميزة لية أنا مش ميزة عامة)

المواصلات متوفرة جدا.

الجو حلو عشان المكان مرتفع.

العيوب:

الزبالة (ناس معفنة بتيجي ترمي مخلفات في وسط الشارع) بس بتتشال بعد شكوي لشركات النظافة. و دي مشكلة عامة مش فالسلاب و الزهراء دي في أغلب مدينة نصر.

المية زي كل مدينة نصر (مش حتحس بيها لو مواتير العمارة محترمة و فيها صيانة).

الناس بتاعة مخازن السلاب بيزبلو الشارع ولا الزريبة و دول ملهمش حل.

التراب رهيب بسبب القرب من الصحراء و كثرة المباني تحت الإنشاء

مافيش منظر حلو تطل عليه فيو

[Mido80]

انا لما كنت في الاجازة في شهر اغسطس اللي فات رحت اتفرج علي ارض في شارع العشرين في فيصل، لاقيت حتة ارض مساحتها 210م والمتر علي 3800 جنية وبالعافية. بصراحة لاقيتها غالية جدا وشيلت الفكرة من راسي ومشيت بلا رجعة

[thatha]

انا استلمت الشقة الحمدلله. و الشقه حلوه, و انا جيبها اتجوز فيها. لكن بيني و بينكم ياجماعة.صحيح دي امكانياتي و اخري في التمليك. لكن ناس قالت ليا كنت جبت ايجار قديم.بالسعر ده(150الف)في حته محترمه جدا.ايه رايكوا ياجماعه! هل ايجار قديم في حته تاني احسن من تمليك هناك!! انا بيني و بنكم برده نفسي اطمئن على مراتي حنسكن فين!و شارع حسني مبارك ده حيسكن فيه مين(انا ساكن في اوله-شمال)لو حد عنده معلومات يفدني لاني قلقان اوي!!!:k30:

[thatha]

?????????????????????

[Nadiem]

يا جماعة مفهوم تخطيط وتطوير المدن الجديدة ده جديد مش هو نظام بلدنا من زمان 0000 لكن مفيش فى بلدنا تخطيط للامتدادات العمرانية للاحياء الموجودة حاليا وانا شايف ان ده اخطر بكتير ، لان ده هو سبب الاختناقات كلها والضغط على البنية التحتية يعنى عندك كل الامتدادات العمرانية اللى حول مصر الجديدة ومدينة نصر دى كانت فى الاول عشوائيات 0000 بس قانون العرض والطلب هو اللى غير خريطة المناطق دى كلها وخلى الشباب يبدأو يشتروا فيها وبالتالى العشوائيات تزحف بره اكتر كل لما العمران يزحف عليها
والسيناريو اللى يحكيه لينا اهالينا انهم زمان كانوا يسمعوا على مكان نائى بعيد واسعاره رخيصة وبالرغم من انه على قد امكانياتهم بس يبعدوا الفكرة دى عنهم تماما ، بعد 10 سنين تلاقى المكان ده بقى هو مثلا حى السفارات فى التامن اللى محدش يطول يفكر ياخد فيه شقة دلوقت واللى كان فيه اصلا معسكرات وارض صحرا
بص هو السيناريو اللى بيكرر نفسه بس فى زمن قلت فيه الاختيارات 0000 يعنى اهالينا كان عندهم اختيارات 000 الوقت احنا مفبش حتى ولو اختيار واحد ، الناس اللى بانية الابراج دى فى الزهراء بيشتروا الارض من واضعى اليد رخيصة وبيبنوا الابراج دى وعليها اقبال كويس جدا
وهيفضل الشركات اللى بتبنى هناك تشترى ارض كمان من الاهالى بتوع العزبة لحد منلاقيها بعد 5 او 6 سنين منطقة عمارات كويسة جدا بس المشكلة انها مش متخططة
وعاوز اقوللك كمان ان هيسرى عليك اللى هيسرى على عمارات الظباط من حيث الامان والخدمات وكمان انا شايف انها احسن من عمارات الظباط لان الشقق تمليك بالارض مش زى عمارات الظباط اللى مش بتملك ارض واسعارها خيالية 77 متر ب 190000

اسأل كويس وبص لاحتياجاتك 0000 لو عندك نظرة لادام 0000ومتطمن ، استخير ربنا ودور على عمارة الى حد ما حارج العزبة بتطل على ذاكر حسين او عمارات الظباط 0000 وتوكل على الله

صللي عالنبي ياعم

ارض وضع يد

بدون اي عقود و لا اوراق

بدون مرافق

مافيش كهرباء
و بالتالي مافيش عداد كهرباء باسمك

منطقة عشوائية مجرمين و حرامية و عرضة للسرقة و انت نازل مش مامن على مراتك و اهل بيتك لوحدهم و لا تامن على مراتك تنزل لوحدها وسط المنطقه دي

عمرات مبنية لازقة في بعض
و بدون اشراف هندسي يعني مش واخدة حقها في الخرسانة و المونة

انت بتتكلم في اية بس

حرام علك

انت حاتودي الراجل في داهية

[نور العمر]

ش حسني مبارك ده بيبدأ من عند السلاب لجوا خالص
وهو بعيد عن عزبة الهجانة نوعا ما
والأراضي دي مش وضع يد ... دي أراضي كانت ملك السلاب وباعها على حد ما سمعت ...
وكمان ناس كتييييييييييييير جدا اشتروا هناك
المهم ... دخل المرافق بتاعتك واعمل صحة وتوقيع وقبل كل ده .. اثبت تاريخ العقد في الشهر العقاري ... فوراً وبدون كسل .... لإن المشكلة إللي سمعتها ... إنهم ممكن يبيعو نفس الشقة لأكتر من حد ..
وش حسني مبارك ده ملاصق لعمارات الضباط .... والجيش نفسه باني قدام عزبة الهجانة علطول .... توكل على الله وأمن نفسك بإجراءات قانونية ... واتأكد بس إن البرج تصريحه سليم وغير مخالف في الأدوار عشان موضوع الإزالة إللي هما بيعملوه دلوقتي ...
وربنا يوفقك ....... شقة تمليك أفضل كتير من إيجار جديد .... مهما كان المكان .... انت بتسكن في مال بيزيد .... لكن لو جيت تبيع إيجار جديد مهما كان الزمن حيقولك خد 30 ألف بكتيره واطلع ... وحتكون ساعتها الشقق بملايين .... وكمان الإيجار الجديد أو الإيجار بخلو لا يورث ... وإجراءاته مش لصالح أي أسرة وأطفال ... ده رأيي ... وأرجوا أن أكون قد افدت حضرتك