دبور قرصنى :(

[J A G U A R]

السلام عليكم

كنت بتعارك مع دبابير كتير بتاع 20 دبور وهجمو عليا وواحد منهم قرصنى والدبابير دى كبيره ولونها اسمر

ومكان القرصه لونه احمر ووارم شويه وبتوجعنى

هل فى اضرار .. ؟

[lolnk]

20 دبور انت كانت واقف فين ههههههه

عامة عادى واحنا صغير كنت بصطاد دبابير وكانوا بيقرصونى عادى

[ehabouf]

ولا اي حاجة
بالعكس القرصة دي بتعالج امراض كتير - هي مؤلمة صحيح لكن مش مضرة وفوائدها اكتر

[Honda_lover]

في حالة الشعور بغثيان او احمرار بالوجه او ضيق بالتنفس يجب التوجه فورا لاقرب مستشفى وافادتهم بانه لدغك دبور او حشرة لاعطاءك كورتيزون او ادرينالين لان في بعض الحالات بيكون عندها حساسية من لدغات الحشرات او النحل وان لم يتم اسعافها فالوقت المناسب بتؤدي للوفاة الف سلامة علي حضرتك واتمنى لك الشفاء العاجل بإذن الله

[J A G U A R]

في حالة الشعور بغثيان او احمرار بالوجه او ضيق بالتنفس يجب التوجه فورا لاقرب مستشفى وافادتهم بانه لدغك دبور او حشرة لاعطاءك كورتيزون او ادرينالين لان في بعض الحالات بيكون عندها حساسية من لدغات الحشرات او النحل وان لم يتم اسعافها فالوقت المناسب بتؤدي للوفاة الف سلامة علي حضرتك واتمنى لك الشفاء العاجل بإذن الله

لا مفيش غثيان ولا احمرار بالوجه ولا ضيق بالتنفس
كل الحكايه عرقت شويه اول ما اتقرصت واحمر مكانها وبتوجعنى

وربنا يسلم حضرتك :)

[Mostafa Bedo]

الف سﻻمة عليك بس ايه سبب الخناق مع 20 دبور ؟

[speed_magnum]

الف سلامه عليك
وما تقلقش الموضوع بسيط ان شاء الله طالما ما فيش عندك حساسيه من القرصه بتاعتها

[بحار]

الف سلامه عليك .. متقلقش مفيهاش حاجه ..
هيا بتسبب ألم فظيع بس بتروح بالتدريج .

[Land_Cruiser]

الف سلامه علي حضرتك. اهم حاجه تطلع الا بره من مكان الإصابة باستخدام ملقاط مثلا و مش بايدك طبعا او تروح صيدليه يطلعهولك و بعدين ممكن تعمل عليها كمادات ثلج علشان تخف الالتهاب شويه لحد ما يروح ان شاء الله

[hany63]

السلام عليكم

كنت بتعارك مع دبابير كتير بتاع 20 دبور وهجمو عليا وواحد منهم قرصنى والدبابير دى كبيره ولونها اسمر

ومكان القرصه لونه احمر ووارم شويه وبتوجعنى

هل فى اضرار .. ؟

ده انت على كده طلعت دبور كبير ههههههه
معلش انا شايف انك تسئل دكتور مش هتخسر حاجه

[Abo_Mazen]

إزاي حضرتك إتخانقت مع عشرين دبور

[gade2]

عاوزين ياjaguar يا صديقى تقولنا موضوع 20 دبور دول ايه

[J A G U A R]

الف سلامه عليك
وما تقلقش الموضوع بسيط ان شاء الله طالما ما فيش عندك حساسيه من القرصه بتاعتها

الله يسلمك
وربنا يطمنك

الف سلامه عليك .. متقلقش مفيهاش حاجه ..
هيا بتسبب ألم فظيع بس بتروح بالتدريج .

الله يسلمك
انا صحيت النهارده من النوم والالم راح خالص

الف سلامه علي حضرتك. اهم حاجه تطلع الا بره من مكان الإصابة باستخدام ملقاط مثلا و مش بايدك طبعا او تروح صيدليه يطلعهولك و بعدين ممكن تعمل عليها كمادات ثلج علشان تخف الالتهاب شويه لحد ما يروح ان شاء الله

الله يسلمك
انا فضلت ادور على البتاعه بتاعته دى ملقيتهاش وروحت لصيدلانى عطانى حقنه ومش فاكر كمان بتاعه ايه علشان مكنتش مركز وعطانى علبه برشام بانادول

ده انت على كده طلعت دبور كبير ههههههه
معلش انا شايف انك تسئل دكتور مش هتخسر حاجه
ههههههه والله منظرهم امبارح كان حاجه مرعبه

[J A G U A R]

الف سﻻمة عليك بس ايه سبب الخناق مع 20 دبور ؟

إزاي حضرتك إتخانقت مع عشرين دبور

كل الحكايه عندنا شقه مدخلنهاش من زمان وهيا فى دور عالى وضغط المياه فيها ضعيف وركبنا ماتور وكنا عاوزين نخرم مكان لسلك الماتور علشان يعدى من الخرم بدل ما هو معدى من الشباك وكان معايا صاحبى معاه صاروخ واول ما ضرب الصاروخ فى الحيطه لقينا بسم الله ما شاء الله مش اقل من 20 دبور هايجين علينا وانا ماسك فوطه عمال اضرب فيهم علشان عمالين يزاولو فينا وفى دبور ضربته وحطنى فى دماغى ولاقيته جى عندى وطلعت اجرى منه وطلع يجرى ورايا هههه ووقف على كتفى وقرصنى .. انا اصلا بخاف من الحاجات دى والدبور شكله يخوف اصلا

[hany63]

كل الحكايه عندنا شقه مدخلنهاش من زمان وهيا فى دور عالى وضغط المياه فيها ضعيف وركبنا ماتور وكنا عاوزين نخرم مكان لسلك الماتور علشان يعدى من الخرم بدل ما هو معدى من الشباك وكان معايا صاحبى معاه صاروخ واول ما ضرب الصاروخ فى الحيطه لقينا بسم الله ما شاء الله مش اقل من 20 دبور هايجين علينا وانا ماسك فوطه عمال اضرب فيهم علشان عمالين يزاولو فينا وفى دبور ضربته وحطنى فى دماغى ولاقيته جى عندى وطلعت اجرى منه وطلع يجرى ورايا هههه ووقف على كتفى وقرصنى .. انا اصلا بخاف من الحاجات دى والدبور شكله يخوف اصلا

سؤال نخرج بيه شويه من الموضوع
انت ركبت موتور جوه الشقه ولا في المنور ؟
عشان انا داخل على الموال ده في الساحل الشمالي
و كنت عايز اعرف السعر و النوع
نوع الموتور طبعا مش نوع الدبور