انا بحط الراوتر فى المطبخ انا كده غلط ؟

[abo el naga]

السلام عليكم

بصوا يا جماعه انا حاطط الراوتر بتاع النت فى المطبخ لان المطبخ عندى فى نص الشقه فبالتالى الوايرلس يبقى متوزع عالبيت كله اللى حسسنى ان فيه حاجه غلط ان الراوتر اتراكم عليه دهون و بعد ما كان لونه ابيض بقى اصفر غامق قلبى مش مطاوعنى اقول " بنى " وبقى ملزق :(

المشكله ان حاليا لو الراوتر فصل مش بيفتح بسهوله لازم اشيف الفيشه واحطها كذا مره او اغير المكان اللى بحطها فيه فالمشترك

السؤال بقى دلوقتى هل وضع الراوتر فى المطبخ غلط ؟

[hesham fawzy h]

زى ما قولت الدهون هتتراكم على الروتر

و هتسد فتحات التهوية .. و الروتر هيسخن و ممكن يبوظ

[J A G U A R]

حاول تغطيه بحاجه شفافه

[د.محمود صلاح]

هيبوظ

[aw2100]

مشكلة المطبخ والحمام مش الدهون بس بخار المية والحرارة الزياده بسبب الطبيخ ده بيبوظ اى خهاز الكترونى علشان كده مانصحش تحطه فى المطبخ نهائى
وعلشان كده اللمبات الموفرة لو حطيتها فى المطبخ والحمام بتتحرق بسرعة وده علشان فيها دائرة الكترونية وبراحتك !!

[magdy_c_c]

ههههههههههههههههه
بص يا باشا أى جهاز الكترونى لا يوصى أبدا ً بوضعه فى درجات حرارة أعلى من المعدل الطبيعى و كذلك لا يعرض للعوامل الجوية المتقلبة فمن الطبيعى ان ما ينفعش نحط راوتر بجانب الحرارة أو بخار الماء المنبعث من المطبخ أو بجوار حمام السباحة و لا حتى فى الجنينة مكشوف و معرض للعوامل الجوية ،........
عموما ً حل مشكلة حضرتك كالآتى
* ضع الراوتر فى مكان بعيد تماما ً عن الأبخرة و الحرارة المرتفعة و العوامل الجوية ( مش شرط يبقى فى نصف الشقة بالضبط ) ممكن يبعد عن المطبخ متر أو مترين و يفضل يكون فى مكان عالى
* اتبع ارشادات التوصيل المضبوطة للراوتر و تأكد من ذلك بكل عناية ( يعنى يكون كابل التليفون الرئيسى نحاس و ليس ألمونيوم و ليس به أى وصلات داخلية و يكون مباشر من البوكس لحد الـ Spllitter و ما توصلش أى وصلات تليفون داخلية قبل الاسبليتر نهاااااائى ، و بعدين حضرتك لازم تتأكد من السرعة اللى واصلة لك كام ؟؟؟ و ال ـ SNR عندك مضبوط و لا لأ ؟؟؟)
* بعد ما تتأكد من كل ده لازم تعمل ريسيت للراوتر علشان واضح انه بيهنج منك و بيفصل باور أو خدمة
* هتفتح الـ WIFI بتاع الراوتر اللى انت أصلا ً حطيته فى مكان عالى نسبيا ً لو الراوتر بتاعك به أنتينا يبقى أكيد هيوصل الواى فاى للشقة كلها ، طيب لو من بتاع اليومين دول ( من غير أنتينا )و حطيته فى أعلى مكان فى الشقة و باردوا مش بيلقط WIFI للشقة كلها ؟؟؟
يبقى على طول حضرتك هتقرا لى اللى مكتوب على الراوتر بالضبط ( النوع )
و ان شاء الله أفيدك

[abo el naga]

شكرا يا جماعه على كل الردود والاهتمام دى
هوه انا حاطط الراوتر عند باب المطبخ مش جوه اوى بس هحاول انقله مع انى مصدقت انه بقاله فتره طويله شغال كويس والنت مش بيقف بخاف افصل الاسلاك يقرفنى بعد كده

بصوا بقى المشكله اللى محيرانى دلوقتى ان لو مثلا النور قطع وبعدين جه الجهاز مش بيفتح لوحده مع انى مش فاصل الباور ! ولو فصلت الباور والنور جه ودوست عالزرار عشان يشتغل مش بيشتغل من اول مره للازم اشيل الفيشه واحطها كتير !!!!! لكن لو هوه شغال مش بيفصل باور لوحده يعنى عمره ما كان شغال وفصل لوحده وطفى
ياترى ايه السبب فى المشكله الغريبه دى

[midooo_119]

شكرا يا جماعه على كل الردود والاهتمام دى
هوه انا حاطط الراوتر عند باب المطبخ مش جوه اوى بس هحاول انقله مع انى مصدقت انه بقاله فتره طويله شغال كويس والنت مش بيقف بخاف افصل الاسلاك يقرفنى بعد كده

بصوا بقى المشكله اللى محيرانى دلوقتى ان لو مثلا النور قطع وبعدين جه الجهاز مش بيفتح لوحده مع انى مش فاصل الباور ! ولو فصلت الباور والنور جه ودوست عالزرار عشان يشتغل مش بيشتغل من اول مره للازم اشيل الفيشه واحطها كتير !!!!! لكن لو هوه شغال مش بيفصل باور لوحده يعنى عمره ما كان شغال وفصل لوحده وطفى
ياترى ايه السبب فى المشكله الغريبه دى

جربه عالفيشه كهربا تاينه لو نفس المشكله يبقى الراوتر او الادابتر

[windofchange]

لو حد يفهم في الالكترونيات ممكن يقلنا تفتحه وتنظفه ازاي من الدهون اللي دخلت جواه ديه....اعتقد ممكن تفتجه وتنظفه باكاي الازرق والكهرباء مفصولة عنه والله اعلم

[Land_Cruiser]

بلاش المطبخ طبعا و ممكن حضرتك تحطه في اي مكان يعجبك في الشقه و لو ال signal ضعيفه ممكن تجيب wifi range extender او wifi repeaterو دي هيخليه مداه ابعد و الاشاره اقوي و بيتباع في محلات الكمبيوتر و احتمال عند راديوشاك او كمبيوتر شوب و ممكن تعمل تحديث للسوفتوير بتاع الراوتر و ده احيانا بيفرق . بالنسبه بقي لموضوع الكهرباء لو بتقطع عند حضرتك كتير يا اما تحطه علي ups لو كان عندك او في حاجه اسمها فولت جارد عامله زي الفيشه دي بتتحط في الكهرباء و طالع منها بريزه تركب فيها فيشه الراوتر ووظيفتها كأنها استبلايزر فمش هتعدي كهرباء زياده لو النور قطع او رجع فجأه لان ده ممكن يبوظ ال adapter بتاع الراوتر ومش هتلاقي مكانه بسهوله