الى الساده المستوردين مطلوب ارخص بنك مصرى فى عمولات تحويل الفلوس لهونج كونج ( تجاره )

[mk3]

السلام عليكم
مطلوب ارخص وافضل بنك فى عمولات التحويل يعنى من الاخر مياخدش مصاريف كتير ؟؟
..المحول اليه تاجر حسابه فى hsbc هونج كونج لشراء بضاعه...مع العلم ان الشحن من الصين والبائع اختار احوله على هونج كونج عشان بيقول مفيش عموله سحب فيها زى الصين نفسها....السؤال الثانى هل فى اى مشاكل اما يكون التحويل الى هونج كونج وورق الشحن من الصين ؟؟

[أحمد كمال]

مش مسالة عمولة مسالة ان الصين زي مصر الفلوس اللي بتخش ما بتطلعش فاغلب الشركات الكبيرة بتخلي فلوسها في هونج كونح

[mk3]

عادى اما التحويل يروح لبلد والشحن من بلد تانيه ؟ اسمع عن نموذج 6 بتاع البنك ؟
والسؤال الاساسى ارخص بنك مصرى فى عموله التحويل

[mmkhattab]

انت عندك حساب عملة أجنبية باسم الشركة في بنك و لا لأ ؟؟
لو الإجابة نعم قولي المبلغ كام و انا اقولك العمولة بالظبط
على العموم في المتوسط العمولة بتبقى 2 في الألف حد أدني معادل 400 جنيه بدون حد أقصى و مصاريف السويفت 70 جنية

[mk3]

لا مش عندى حساب بأسم الشركه لا مصرى ولا اجنبى ...( هل التحويل بيحتاج اكون فاتح حساب ؟؟ )
المبلغ 4 الاف دولار دفعه اولى و 7 الاف دولار دفعه تانيه

[mk3]

للرفع

[mmkhattab]

طبعا التحويل يكون من حساب عملة و لو حساب مصري هتدخل في قصة التدبير و حاليا لا يتم التدبير إلا بعد دراسة الغرض من التدبير ..
و لازم مستندات التحويل تكون مظبوطة و فيه حد أقصى بس انت بتتكلم في مبلغ اقل بكثير ..
ده بخصوص البنوك

[mmkhattab]

و حضرتك إزاي منشأة ليها معاملات تجارية و مفيش حساب ليها في بنك ..
عموما انا تحت أمرك في أي إستفسار

[mk3]

مفيش حساب شركه لان دى اول مره استيراد. التعامل كان بحسابى الشخصى
بس انا اسمع انك ممكن تعمل حواله من اى بنك مش لازم البنك اللى تكون فاتح فيه حساب الشركة

[mk3]

عايز بنك مجرب فيه اقل عموله تحويل للخارج وعلى الدولار اشتريه من الصرافات

[هيثم مجدي]

مفيش امكانية تفتح حساب بالدولار في hsbc ؟
الحد الأدنى 500 دولار تقريبا

[mk3]

مفيش امكانية تفتح حساب بالدولار في hsbc ؟
الحد الأدنى 500 دولار تقريبا

انا كنت هافتح فى cib عشان بيسهل شيكات الجمارك لكن نفتح حساب فى hsbc بس ده هيفيد فى ايه ؟

[هيثم مجدي]

التحويل وقتها هيكون سهل لفرع هونج كونج و الفايدة بتبقى اقل

[mk3]

التحويل وقتها هيكون سهل لفرع هونج كونج و الفايدة بتبقى اقل

حضرتك متأكد ؟؟
للاسف كلمتمهم لقيت اخرهم 11 بليل فكلمت بنك مصر على التحويلمن بنك مصر فرع مصر الى بنك مصر فرع الامارات قالى ملهاش علاقه ونفس العمولة

[هيثم مجدي]

حضرتك متأكد ؟؟
للاسف كلمتمهم لقيت اخرهم 11 بليل فكلمت بنك مصر على التحويلمن بنك مصر فرع مصر الى بنك مصر فرع الامارات قالى ملهاش علاقه ونفس العمولة

الكلام دا قالهولي موظف في hsbc من سنتين
ممكن يكون غلط الحقيقة معرفش. بس كنت عاوز احول فلوس برضه لشركة في الصين عشان شريكي هناك مكنش معاه سيولة.

و لو تعرف مكتب هناك بيكون افضل في رأيي