تجارب ومواقف سعيدة او حزينة فى تجارة الذهب

[Ah.Farid]

انا مسيطر على اليومين دول اتعرف على مجال التجارة فى الذهب سواء الجنية الذهبى او السبائك السويسرية
انا عارف ان التجارة دة متقلبة يعنى انخفاض وارتفاع .....وقرأت عن تجارب اﻻعضاء فى المنتدى بس عندى كام استفسار ازاى بيتوقعوا اتجاة الصعود او اتجاة الهبوط وهل المتغيرات فى امريكا واوربا بتأثر على السوق المحلى وهل فية بورصة للذهب زى بورصة اﻻسهم وﻻ كلها مضاربة شركات وسماسرة من على النت

[hani945]

اتعلم التحليل الكلاسيكى لإن الدهب بيحترمه قوى إن شاء الله
هتلاقى ورش كتير فى منتديات الفوركس وفى اليوتيوب واتعلم الاعتماد على نفسك فى اتخاذ قرار الشراء أو البيع

[Ah.Farid]

اتعلم التحليل الكلاسيكى لإن الدهب بيحترمه قوى إن شاء الله
هتلاقى ورش كتير فى منتديات الفوركس وفى اليوتيوب واتعلم الاعتماد على نفسك فى اتخاذ قرار الشراء أو البيع

ردك مشكور بس التحليل الكلاسيكى بيكون نمط مستخدم فى التجارة على الانترنت فقط ولا ينفع كمان لما تتاجر فعلا فى اسواق ومحلات الدهب

انا سألت جواهرجية كتير عندهم محلات ,,,,,,,, وهما بيعتمدوا انهم بيتصلوا بالتاجر الكبير اللى بيتعاملة معاة فى الصاغة ويعرفوا السعر يوميا ويمكن كل ساعتين فى مكالمة يعرفوا التغيير فى السعر
وكمان بيشتغلوا على سعر الدولار فى السوق السوداء مش السعر الرسمى ,,,,فاعتقد ان دة بيبقى تنفيذ لعمليات تم تحديد السعر فيها فى نفس الوقت لكن ما بيكونش عندهم توقع للسعر هل رايح لارتفاع او رايح لهبوط ,,,,,,وغالبا هو فى كلا الحالتين مستفيد من العمولة وخلاص ,,,,
السؤال هنا هل التاجر الكبير دة بيحدد سعرة على اساس اية ,,,,هل بورصات برة مصر مثلا

[mr_green]

https://www.bullionvault.com/gold-price-chart.do

دى صفحة بتعرض السعر العالمى مباشر و البورصة أجازة سبت و حد
و طبعا ده سعر عيار 24

[Ah.Farid]

اية يا شباب
محدش لة حكاية فى الدهب قبل كدة وﻻ اية

[DODGE2013]

ليا في الاونلاين والموضوع سهل ومربح بس الاونلاين بتعامل مع الدهب xau/usd والدهب اليومين دول بيحترم التحليل جدا + ان حتى لو انخفض لا قدر الله بيطلع تاني بسرعه بس ابعد عن استخدام اي مارجن او شراء بالهامش

هنا في مصر مفيش موضوع السبايك والكلام ده موجود في دبي وفي امريكا ولندن تقدر تشتري سبايك وتبيع عادي

هنا ممكن تجرب الجنيه الدهب

والي عمل ربح من الدهب خصوصا بيع وشرا اونلاين (فوركس) كان بالتحديد في 2011 مع بداية ثورة تونس ويليها مصر

حاليا سعر يعتبر كويس ومضاربه بس بهدوء

[Ah.Farid]

ليا في الاونلاين والموضوع سهل ومربح بس الاونلاين بتعامل مع الدهب xau/usd
يعنى اية usd /xau ممكن توضيح

والدهب اليومين دول بيحترم التحليل جدا (تمام كلام مظبوط ) + ان حتى لو انخفض لا قدر الله بيطلع تاني بسرعه بس ابعد عن استخدام اي مارجن او شراء بالهامش

هل تقصد المصنعية والضريبة ام حاجة تانية ؟
مفيش موضوع السبايك والكلام ده موجود في دبي وفي امريكا ولندن تقدر تشتري سبايك وتبيع عادي

اختلف معاك لانى شفت سبائك بيتم بيعها ومختومة وعليها دمغة واشهرهم الاونصة 31.1 جرام عيار 24
هنا ممكن تجرب الجنيه الدهب

فعلا الجنية الذهب بيتم تداولة بس بيضاف عمولة من 30 جنية وحتى 50 جنية على الجرام

والي عمل ربح من الدهب خصوصا بيع وشرا اونلاين (فوركس) كان بالتحديد في 2011 مع بداية ثورة تونس ويليها مصر
اوافقك

حاليا سعر يعتبر كويس ومضاربه بس بهدوء

[DODGE2013]

xau/usd ده الرمز بتاعه في الفوركس gold us dollar وفيه دهب رمزه xau/xag بس مليش فيه

انا ليه في الي تبع الامريكي والناسداك

بس انا سبته لتجنب اي شبهات شرعيه لان سمعت ان التداول في الدهب بدون انا يكون في يدك يعتبر حرام

مع ان كان مكسبه زي الفل ومضمون وتحليله سهل بس سبته وربنا يعوضني ان شاء الله

ووحده وحده سبت سوق العملات كله لان بيقال انه حرااااااااااااااااااااام + ده غير محاولات نصب الشركات

حاليا في البورصه المصريه افضل واضمن من ناحية الشرع والمكسب وراحة البال

موضوع انك تبيع وتشتري دهب في مصر مش مضمونه طالما مش كارك من زمان + انه بيبقى فيه نسبة خطر من السرقه

فا ليه وجع الدماغ ده كله لو تفتح معرض عربيات يكون افضل او تشتغل فيها تشتري وتبيع

[Ah.Farid]

xau/usd ده الرمز بتاعه في الفوركس gold us dollar وفيه دهب رمزه xau/xag بس مليش فيه

انا ليه في الي تبع الامريكي والناسداك

بس انا سبته لتجنب اي شبهات شرعيه لان سمعت ان التداول في الدهب بدون انا يكون في يدك يعتبر حرام

مع ان كان مكسبه زي الفل ومضمون وتحليله سهل بس سبته وربنا يعوضني ان شاء الله

ووحده وحده سبت سوق العملات كله لان بيقال انه حرااااااااااااااااااااام + ده غير محاولات نصب الشركات

حاليا في البورصه المصريه افضل واضمن من ناحية الشرع والمكسب وراحة البال

موضوع انك تبيع وتشتري دهب في مصر مش مضمونه طالما مش كارك من زمان + انه بيبقى فيه نسبة خطر من السرقه

فا ليه وجع الدماغ لو تفتح معرض عربيات يكون افضل او تشتغل فيها تشتري وتبيع

انا فعلا اعرف ان التعامل فى الذهب بيكون يدا بيد
يعنى يكون التعامل حقيقى استلام وتسلم
بالنسبة للبورصة فيها تعب اعصاب يومى ,,,,,,,انا لعبت فى البورصة فترة حوالى سنتين بس الحقيقة على قد ما تكسب لازم ها تخسر بردة
بس انا كنت بعتمد على الانتظار لحين تحقيق المكسب طالما تكون مخصص فلوس مش محتاجها