أول يوم جامعى ليا..نصايح بقى

[YahiaAshraf]

السلام عليكم

مساء الخير يا شباب

انا لسه طالب جامعى جديد والكلية عندى هتبتدى يوم السبت القادم باذن الله لأنى جامعه خاصة
السؤال بقى بتاخدوا معاكم ايه فى اول يوم
يعنى بتاخدوا اسكتش المحاضرات بس معاكم ولا بتاخدوا شنطه ولا ايه لسه معرفش ايتها حاجة
وكل مادة بيبقى ليها اسكتش لوحده ولا ايه
أكيد بتفرق من كلية لكلية بس أنا عن نفسى LOGISTCS ( كلية النقل الدولى واللوجيستيات ) واخترت ان الدراسة كلها باللغة الانجليزية علشان الشغل بعد كده العربى محدش بيبصله دلوقتى خصوصا فى الشركات المالتى العالمية والموانىء والمطارات
عايزين نصايح بقى لأول يوم لأنى لسه لا أفقه شيئا فى الحياة الجامعية

[sasatony]

بص النصيحة الي اقدر اديهالك
متخليش الجو بتاع حياة الجامعة يغيريك يعني محدش هيجي يقولك احضر محاضرة او حد هيحاسبك لو محضرتش المحاضرة كل واحد بيتحمل مسئولية نفسه
فياريت تلتزم بالمحاضرات وتحضر المحاضرات وتهتهم بالدراسة والوقت الي مفيهوش محاضرة اعمل الي انت عاوزه بس اهم حاجة تهتم بالدراسة وحضور المحاضرات
واياك واصدقاء السوء ودول هتلاقيهم كتير اوووووووووووووووووي في الجامعة ابعد عنهم احسن
وتعرف علي طلبة محترمين وبيهتموا بالدراسة

[Omar Mahmoud]

انا رأيي من رأي sasatony و ربنا يوفقك
انا كمان هبدأ يوم السبت و ده اول يوم ليا في الجامعة بردو

[M!SHO]

بص هو مفيش كلام طبعاً انك تحضر وتهتم بدراستك وتحاول تكون متفوق

بس انا حابب اضيف حاجه بسيطة جايز تفرق في حياتك بعد كده

انبسط علي اد ما تقدر واعمل كل حاجه نفسك فيها

خليك اجتماعي وصاحب كتير ... عشان لما تيجي مرحلة الفلتره تلاقي نفسك طلعت باكبر عدد ممكن

سفريات ورحلات وخروج بس خليك في المعقول

حاول تشتغل حاجه خفيفه لو وقتك يسمح ، او تشترك في عمل خيري او جمعيه خيريه.. صدقني هتفرق معاك جامد

[eng wael]

ربنا يوفقك مرحله فى غايه الخطورة بس الخلاصه
والله ما فيش اهم من الدراسه والاجتهاد علشان ده اللى هينفعك فى الاخر انما جو الكليه والشلل والبنات مالوش اى لازمه انا مش ضد انك تعمل علاقات بس فى اطار المعقول
ربنا يحفظك ويبعد عنك اصدقاء السوء

[J A G U A R]

خد معاك اجنده وقلم فى اول يوم وخلاص
انت كبرت على الاسكتش وسيبك بقى من شغل الثانوى والكلام الفاضى ده
وابعد عن ولاد المؤذيه
واكيد لما تروح هاتعرف الدنيا ماشيه ازاى وهاترسى على كل حاجه

[monamize4]

خد معاك اجنده وقلم فى اول يوم وخلاص
انت كبرت على الاسكتش وسيبك بقى من شغل الثانوى والكلام الفاضى ده
وابعد عن ولاد المؤذيه
واكيد لما تروح هاتعرف الدنيا ماشيه ازاى وهاترسى على كل حاجه

انت بتقول حكم ياباشا ,,

بالنسبة لصاحب الموضوع ,, ماتقلقش الموضوع سهل و بسيط
و هما يومين و انت هتفهم الدنيا ماشية ازاى و زى ما قالك جاجوار سيبك من شغل ثانوى

[Bassem Youssef]

هو مش حضرتك كنت ناوي تدرس في المانيا ؟؟؟؟؟؟؟؟؟

[tarek12]

هى الدراسه فى اتلكامعات اتأجلت ام لا ؟؟؟
مش المفروض بتدخل الجامعه 12 / 10
؟؟؟؟

[YahiaAshraf]

هو مش حضرتك كنت ناوي تدرس في المانيا ؟؟؟؟؟؟؟؟؟

أها فعلا بس بعد عمل بعض المشاورات وأخذ النصائح قررت انى أدرس هنا فى واسافر على ألمانيا اشتغل هناك او ممكن اسافر ادرس اخر سنتين من الكلية فى المانيا لان الجامعة عندى عامله اتفاقية انى ممكن من السنه الثالثة اسافر هناك وادرس وتبقى الشهادة بتاعتى من هناك

[YahiaAshraf]

هى الدراسه فى اتلكامعات اتأجلت ام لا ؟؟؟
مش المفروض بتدخل الجامعه 12 / 10
؟؟؟؟

لا يا فندم انا فى الأكادمية العربية للعلوم والتكنولوجيا والنقل البحرى بالفرع الرئيسى بابو قير - الاسكندريه
احدى منظمات جامعة الدول العربية وغير مرتبطه اوى بالقوانين المصرية
مينفعش الدراسة تتاجل لسبب بسيط
انا جامعه دولية وعندى جنسيات بالهبل لو اتاجلت الدراسة وحد قدم شكوى من بلد تانية ان الدراسة اتاجلت هتبقى مصيبة غير أصلا انى ماشى بنظام الساعات المعتمده ولو اتاجلت هيبقى فيه ساعات ناقصة


التأجيل ده رسمى للجامعات والمعاهد الحكومية