مدة البناء

[ESO101]

ياجماعة أنا مقبل على بناء دور على مساحة 187.5 وعايز أعرف المساحة دي دور واحد بتاخد مدة بناء قد إيه ؟
أنا بنيت في مصر 350 م دورين أخدت مدة سنتين
فهل دي هتاخد بناء سنة بما إنها دور ؟
ولا الشغل بيفرق من بلد للتانية ؟
لما لفيت على المكاتب إمبارح كل واحد إداني مدة
أقل واحد قالي 3 شهور و أكتر واحد قالي 11 شهر وفيه اللي قالي من 6 إلى 7 شهور
عايز أعرف ليه فيه تفاوت في المدة كدا ؟ علمًا إن فلوسي جاهزة ومستعجل

الأرض مساحتها الإجمالية 625 متر أنا نصفها وزميلي النصف
ومسموح ببناء 60% من المساحة
وأرض زميلي ينطبق عليها نفس الكلام
فهيكون البناء في النصفين 375 م وإجمالي السور 125 م

هل ناخد أقل مدة 3 شهور ؟ ولا دا من الناحية الفنية فيه مشكلة ؟
عايز أوضح إننا هنبني مع بعض والمفترض نخلص مع بعض والبناء منفصل كل فلة لها هيكل إنشائي مستقل

[amr011111]

المفروض علشان الشغل الا حد ما يبقى مظبوط ان الدور ياخد مش اقل من شهر
لو علشان الشغل يبقى مظبوط جداً ويكون بناءاً على مواصفات الكود المصرى للأعمال الخرسانيه مش اقل من 38 يوم

[mostafa3000]

لا تزيد عن شهرين

[ESO101]

المفروض علشان الشغل الا حد ما يبقى مظبوط ان الدور ياخد مش اقل من شهر
لو علشان الشغل يبقى مظبوط جداً ويكون بناءاً على مواصفات الكود المصرى للأعمال الخرسانيه مش اقل من 38 يوم

أنا بشوف فمصر عمارات ابراج طلعت في مدة بسيطة وبستغرب
لإني لما بنيت في مصر قعدت أبني سنتين إلا شوية دورين فقط
بس كنت ببني على مهلي يمكن دا سبب المدة
ولكن مفيش مكتب هنا إداني المدة دي 38 يوم
يعني قصدك يسلمني البيت متشطب وجاهز في 38 يوم ؟
طبعًا البناء في السعودية مش مصر
موعدي مع المهندس بكرة وربنا يسهل

[amr011111]

أنا بشوف فمصر عمارات ابراج طلعت في مدة بسيطة وبستغرب
لإني لما بنيت في مصر قعدت أبني سنتين إلا شوية دورين فقط
بس كنت ببني على مهلي يمكن دا سبب المدة
ولكن مفيش مكتب هنا إداني المدة دي 38 يوم
يعني قصدك يسلمني البيت متشطب وجاهز في 38 يوم ؟
طبعًا البناء في السعودية مش مصر
موعدي مع المهندس بكرة وربنا يسهل

لا مش البيت كله فى 38
كل دور فى البيت ياخد هندسياً حوالى 38 يوم
تبع اصول الصنعه
وهى ان انت فى 10 ايام هتشد السقف نجاره وحداده وحراطيم كهرباء
وتصب السقف
المفروض من بعد ما تصب السقف متفكش الشده الا بعد 28 يوم
يبقى مده تنفيذ كل دور تساوى 38 يوم
شوف عندك كام دور واضربهم فى 38 يوم
وضيف شهر كمان للاساسات والاعمدة

بالنسبه بقى لبناء الابراج هتلاقى البرج بيطلع 12 دور فى تسع شهور
لانها تجاره بينفذها مقاول لا يفقه شىء فى الهندسه

فانا بقولك المفروض نسيب السقف بعد الصب 28 يوم
هوه فى الصيف بالكتير بيسيبه اسبوع او 10 ايام
وفى الشتا اسبوعين
ولانه بيلاقى البرج واقف وموقعش بيفتكر انها شطاره منه ولكن ذلك لاسباب هندسيه اخرى قد تجعل معامل امان المبنى اقل من مثيله المنفذ هندسيا

[mk3]

الصعايده السوهاجيه..واما كلمت واحد فيهم فى اللى بيعملوه.. قالى لومانا كان زمانكم عايشين 10 فى اوده @/#^*$