المشروع دا حلال ولا ربا؟؟؟

[S.h.a.h.e.r]

السلام عليكم
باختصار اخويا ليه 2 من اولاده خريجي هندسه وواحد حاسبات ومش مرتاحين ف وظايفهم وكنت بتكلم معاه انه علشان اي حد يدرس طب بالخارج لازم يكون معاه بكارليوس وبيفضلوا التخصصات التقنيه ال دارسين هندسه وحاسبات عن البيولوجي - ودا عن تجربتي الشخصيه لاني عشت بره فتره من الزمن
المهم دلوقتي هو عارض عليا اديله فلوس بالاشتراك مع اخ تاني لينا و اخوال الاولاد يجهزهم لامتحان التمهيدي ال لازم يجتازوة قبل الدخلو للكليه والل عليه بتم المفاضلة بين المتقدمين
ال هينجح فيهم هيسافر بحيث:
1 - احنا هنموله طول الاربع سنين - لان الطب بره اربع سنين
2 - هيبدا من اول يوم ف مشوار الهجرة بحيث علي تخرجه يكون انجز جزء كبير منها - وبالتالي يساعد باقي اخواته للهجرة - وف حال سفرهم هيكون لكل واحد فينا نسبه 5 % من ربحهم السنوي
3 - مرتب الطبيب بالخارج يكفي لتغطيه التكاليف ف اقل من عام والدوله ال هيدرس فيها ملزمه بتشغيله - ودا شيء انا متاكد منه لان انا كنت عايش هناك - فبالتالي هيردلنا الفلوس ال دفعناها
4 - مرتبه لمدة 4 سنين - لكل المشاركين 10 % من ربح الراتب السنوي
5 - ف حالة فشل - سجن - موت لا قدر الله - فهو ف الاخر مشروع معرض للمكسب والخسارة وهنستعوض ربنا ف فلوسنا

باختصار الاستثمار هيكون ف شخص بدل ما يكون ف حاجه زي عربيه مثلا او تاكسي
طيب المشكله فين:
اولا انا مقتنع بكل الشروط دي
الولد ال هيطلع ان شاء الله احنا مش هنعتبره مستدين - لا هنعتبره مشروع قاءم وبالتالي لينا حق من الارباح
ف حاله فشل المشروع خلاص الامر هينتهي ودا يؤكد علي انه مشروع
وبالتالي مش ربا؟ هل دا صحيح او لا؟

انا معنديش مشكله لاني بالشكل دا هغطيله تكلفة سنه واحده بس ودي سهله بالاضافة الربح بنسبه كبيره مضمون ان شاء الله ويبقي انا عملت خير ف نفس الوقت

الموضوع دا متعارف عليه ف الهند والصين وتايوان مش جديد - بس للاسف محدش يعرفه ف مصر بالاضافة انهم مش عندهم دين زينا

منتظر رايكم

[الاستاذ]

انت هتسلفة وهتاخد ارباح ثابتة
انت شايفها اية ؟

[ahmed4000]

الربح لو نسبة ثابتة من اجمالى الايراد يبقى مش حرام
لكن لو انت مديله 100 الف وقلتله ادينى 10% منهم يبقى ده ربا

فبالتالى انت مشروعك ملوش علاقة بالربا

بس الفكرة جبارة لو عرفتوا تنفذوها بصراحة :)

[ESO101]

انت هتسلفة وهتاخد ارباح ثابتة
انت شايفها اية ؟

لاء مش هيسلفه بدليل إنه لو فشل معلهوش حاجة
أعتقد لو عملتوا كدا هتاخدوا أجر كمان
ياريت يا أخانا الكريم توضح لنا البلد و اسم الجامعة وتكلفة الدراسة
عشان اللي عنده ولاد في سن جامعة يستفيد

[S.h.a.h.e.r]

شكرا علي ردودكم
يعني المفروض تبقي ازاي؟
نسبه علي الارباح؟ ولا نسبه علي راتبه اجمالا؟
ولازم تكون نسبة لاني مش عارف هو لسه هياخد كام بالتحديد
الموضوع انا مش بسال هو مجدي ولا لا لان هما الثلاثة داخلين الامتحان الشهر الجاي والفلوس اتدفعت

[S.h.a.h.e.r]

لاء مش هيسلفه بدليل إنه لو فشل معلهوش حاجة
أعتقد لو عملتوا كدا هتاخدوا أجر كمان
ياريت يا أخانا الكريم توضح لنا البلد و اسم الجامعة وتكلفة الدراسة
عشان اللي عنده ولاد في سن جامعة يستفيد

بالظبط كدا هو مش تسليف هو مشروع بس هنستثمر ف الشخص بدل ما نستثمر ف ارض او مبني
الجامعات كلها مفتوحة قدامنا للتقديم وهنقدم ف جامعات كتيرة بناءا علي النتيجة بتاع الامتحان ال هياخدوه ان شاء الله
كل دا ماشي بالتوازاي مع امتحان الايلتس (الانجليزي) والكورسات المكثفة وانا بساعدهم طبعا ف الموضوع دا
المشكله مش ف الجامعه - احنا بنشوف البلد اللي الخريج يقدر يشتغل فيها ومحدش يقوله اصلك مش من اهل البلد ومينفعش

[هيثم مجدي]

ياريت تسأل شيوخ ثقات و توضحلهم جوانب المسألة
معتقدش ان فيه حد هنا يقدر يحقق المسألة دي. مع احترامي للجميع دا مش منتدى ديني
والاراء الدينية بتكون منقولة عن فتاوى مستقرة و ثابته. لكن مسألة زي دي فيها تفاصيل صعب اي شخص يلم بيها بدون ما يكون دارس .

[sfahmy6]

ياريت تسأل شيوخ ثقات و توضحلهم جوانب المسألة
معتقدش ان فيه حد هنا يقدر يحقق المسألة دي. مع احترامي للجميع دا مش منتدى ديني
والاراء الدينية بتكون منقولة عن فتاوى مستقرة و ثابته. لكن مسألة زي دي فيها تفاصيل صعب اي شخص يلم بيها بدون ما يكون دارس .

السوأل هل هيبقى فيه عقد بالكلام ده


يعنى لما يبقى دكتور ويقبض ....ايه اللى يجبره انه يديلك 10 بالمية من مرتبه
ان شاء الله لو ابوه حتى ؟؟؟؟؟؟؟


فيه لجنة الفتوى بالازهر ,,,,,,,,,,,وموقع اسلام ويب وحاجات تانيه كتير

وانت بتسال اشرح لهم بالتفصل (علشان متضللش اللى قدامك )وتشيل وزره

بسم الله الرحمن الرحيم:

( الَّذِينَ يَأْكُلُونَ الرِّبَا لا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا وَأَحَلَّ اللَّهُ الْبَيْعَ وَحَرَّمَ الرِّبَا )

صدق الله العظيم

[S.h.a.h.e.r]

السوأل هل هيبقى فيه عقد بالكلام ده


يعنى لما يبقى دكتور ويقبض ....ايه اللى يجبره انه يديلك 10 بالمية من مرتبه
ان شاء الله لو ابوه حتى ؟؟؟؟؟؟؟


فيه لجنة الفتوى بالازهر ,,,,,,,,,,,وموقع اسلام ويب وحاجات تانيه كتير

وانت بتسال اشرح لهم بالتفصل (علشان متضللش اللى قدامك )وتشيل وزره

بسم الله الرحمن الرحيم:

( الَّذِينَ يَأْكُلُونَ الرِّبَا لا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا وَأَحَلَّ اللَّهُ الْبَيْعَ وَحَرَّمَ الرِّبَا )

صدق الله العظيم

ردك غريب اوي انت بتتهمني اني ربوي؟
انا يا محترم داحل اسال لو صح ولا غلط وانا فعلا بعت لمواقع كتير وموصلتش لرد لسه
وانت تقصد بمين اللي بضلله
بصراحة ردك مستفز

[subhimust]

ان شاء الله مش ربا نهائي
هوه بس عشان موضوع جديد فالاخوة مستغربينه
بس هو فكرة جامدة
الخوف بس ان الابن لما ربنا يكرمه ينسى الاتفاق وده يسبب مشاكل بينكم و بين اخوكم
لو تكرمت ممكن تشرحلي على الخاص او العام ظروف الدراسة والبلد والامتحانات اللي لازم اعملها

[S.h.a.h.e.r]

ان شاء الله مش ربا نهائي
هوه بس عشان موضوع جديد فالاخوة مستغربينه
بس هو فكرة جامدة
الخوف بس ان الابن لما ربنا يكرمه ينسى الاتفاق وده يسبب مشاكل بينكم و بين اخوكم
لو تكرمت ممكن تشرحلي على الخاص او العام ظروف الدراسة والبلد والامتحانات اللي لازم اعملها

ابن اخويا دا انا ال مربيه
يعني لو خاني انا اروح ادفن نفسي احسن والله
بالاضافة ان المبلغ ال هدفعه مش كل ال حيلتي يعني
وبعدين يا جماعه الموضوع دا منتشر جدا ف الصين والهند
واسال براحتك وانا ان شاء الله ارد عليك
لكن زي ما قولتلك اننا عامة بندخل ف مرحلة التجهيز بالامتحانات المطلوبة
وبعدين هقدملهم ف الجامعات الكبيرة ف الول المفتوحة
يعني اليابان وكوريا مثلا مينفعوش لان مش هيبقي مسموح ليهم بالشغل بعد ما يخلصوا ف الدول دي مللغية من حساباتنا
احنا بندور ف كندا واستراليا - خصوصا ان فيزا الدراسه سهلة جدا فيهم وليهم الحق ف اكتساب الجنسية والعمل
امريكا برده مسموح - لكن المشكله ان امريكا بتحتاج امتحان ثالث صعب شويه اسمه gre
وامتحان ثالث يعني عطله

[lolnk]

السلام عليكم
باختصار اخويا ليه 2 من اولاده خريجي هندسه وواحد حاسبات ومش مرتاحين ف وظايفهم وكنت بتكلم معاه انه علشان اي حد يدرس طب بالخارج لازم يكون معاه بكارليوس وبيفضلوا التخصصات التقنيه ال دارسين هندسه وحاسبات عن البيولوجي - ودا عن تجربتي الشخصيه لاني عشت بره فتره من الزمن
المهم دلوقتي هو عارض عليا اديله فلوس بالاشتراك مع اخ تاني لينا و اخوال الاولاد يجهزهم لامتحان التمهيدي ال لازم يجتازوة قبل الدخلو للكليه والل عليه بتم المفاضلة بين المتقدمين
ال هينجح فيهم هيسافر بحيث:
1 - احنا هنموله طول الاربع سنين - لان الطب بره اربع سنين
2 - هيبدا من اول يوم ف مشوار الهجرة بحيث علي تخرجه يكون انجز جزء كبير منها - وبالتالي يساعد باقي اخواته للهجرة - وف حال سفرهم هيكون لكل واحد فينا نسبه 5 % من ربحهم السنوي
3 - مرتب الطبيب بالخارج يكفي لتغطيه التكاليف ف اقل من عام والدوله ال هيدرس فيها ملزمه بتشغيله - ودا شيء انا متاكد منه لان انا كنت عايش هناك - فبالتالي هيردلنا الفلوس ال دفعناها
4 - مرتبه لمدة 4 سنين - لكل المشاركين 10 % من ربح الراتب السنوي
5 - ف حالة فشل - سجن - موت لا قدر الله - فهو ف الاخر مشروع معرض للمكسب والخسارة وهنستعوض ربنا ف فلوسنا

باختصار الاستثمار هيكون ف شخص بدل ما يكون ف حاجه زي عربيه مثلا او تاكسي
طيب المشكله فين:
اولا انا مقتنع بكل الشروط دي
الولد ال هيطلع ان شاء الله احنا مش هنعتبره مستدين - لا هنعتبره مشروع قاءم وبالتالي لينا حق من الارباح
ف حاله فشل المشروع خلاص الامر هينتهي ودا يؤكد علي انه مشروع
وبالتالي مش ربا؟ هل دا صحيح او لا؟

انا معنديش مشكله لاني بالشكل دا هغطيله تكلفة سنه واحده بس ودي سهله بالاضافة الربح بنسبه كبيره مضمون ان شاء الله ويبقي انا عملت خير ف نفس الوقت

الموضوع دا متعارف عليه ف الهند والصين وتايوان مش جديد - بس للاسف محدش يعرفه ف مصر بالاضافة انهم مش عندهم دين زينا

منتظر رايكم

حضرتك اعرف بنفسك الاول يعنى ايه ربا وبعدين انت احكم على نفسك بنفسك

لان المعظم هنا هيقولوك على حسب اقتناعهم فى ناس شايفة انه ربا وفى ناس هتقولك مش ربا وانا منهم

[أحمد كمال]

استراليا الطالب الاجنبي اللي بيدرس طب هناك بفيزا دراسة ممنوع لمدة ١٠ سنوات من العمل كطبيب في المدن الكبرى هناك ... مناطق نائية بس ... حتى لو خد الجنسية قبل نهاية ال ١٠ سنين


10 year moratorium

دور عالنت

[subhimust]

استراليا الطالب الاجنبي اللي بيدرس طب هناك بفيزا دراسة ممنوع لمدة ١٠ سنوات من العمل كطبيب في المدن الكبرى هناك ... مناطق نائية بس ... حتى لو خد الجنسية قبل نهاية ال ١٠ سنين


10 year moratorium

دور عالنت

يا باش مهندس بس يشتغل المناطق النائية في البلاد دي زي التجمع الخامس بتاعنا كده و بعدين رواتب الاطباء في الاماكن النايئة ضعف رواتب الاطباء في المناطق الحضرية

[foxhonda2008]

ممكن سيدي الفاضل تفكر فيها بشكل مختلف
ممكن تساعده لوجه الله بمعني انك تساعده في المصروفات و لما يبقي معاه بيقي يرجعهملك و صدقني سيدي الفاضل اذا كنت متوقع انك تكسب بالفكر بتاعك مثلا 1000 جنيه ارباح انا بقول مثلا صدقني لو ساعدته لوجه الله هتلاقي نفسك كسبت اضعاف اضعاف ما كنت متوقع و اخيرا التجارة مع الله لا يوجد بها خسارة ابدا و ما نقص من مال صدقه بس اخلص النيه و الله الموفق