ثانيتين في فيلم امريكي بيلخصوا حال مصر

[bRo]

فيلم امريكي اسمه Alan Partridge Alpha Papa
بطل الفيلم مذيع في راديو بيقدم الحلقة ويقول:
واليوم سنسال، ما الذي كان رائعاً في يوم من الايام؟
احد المستمعين يرد: مصر
لقد قاموا ببناء الاهرامات
والآن لا يستطيعون ان يحضروا لك سيارة اجرة لاخذك الى المطار ..

بصراحة الواحد اتقفل !

[bRo]

دقيقة 53:50

[subhimust]

حاجة تحسر

[Elawany13]

مقارنة محزنة بين واحد من شعب مصر المتدين بطبعه ونظيره من لندن الكافر بطبعه
لا حول ولا قوة إلا بالله


شعب مصر المتدين بطبعه .. و شعب انجلترا الكافر بطبعه
..............................




المكان : ميدان التحرير .. القاهرة
الشخصيات : أنا و سواق تاكسى .. و التاكسي المعفن بتاعه
الحدث : كنت عايز أروح وزارة الصحة .. و كانت معلوماتى عن القاهرة ضئيلة جداً .. لقيت تاكسي راكن و صاحبه بينضفه بالفوطة اللى ( كانت ) صفرا .. سألته بكل أدب : هى وزارة الصحة فين لو سمحت ؟
بص لى بصة توم لجيري و هو مستنيه يقع فى المصيده
: إنت مش عارف فين وزارة الصحة ؟
رديت ببراءة و لا نانسي عكرم
: لا و الله ما أعرف فين !!
أردف بسهوكة قبل إختراع السهوكة من المسهوك الأعظم
: انت فييييين و وزارة الصحة فيييييييين !!!!! اركب و انا اوصلك
ركبت يا أسيادنا ... و الراجل قعد يلف بيا فى شوارع , و يطلع بيا كبارى , و يخش بيا فى حارات ... و فى الأخير وصلت وزارة الصحة ... بعد أن لهف 20 لحلوح , فى وقت كانت أجعص أجرة خمس لحاليح .. بس الصراحة يستاهل , لأنه تقريباً لف بيا القاهرة كلها
خلصت مشوارى فى وزارة الصحة ... و خرجت أدور على تاكسي يودينى التحرير .. قلت أركب من الحتة الزحمة اللى هناااك دي .. مشيت شوية .. لقيتني فى نفس المكان اللى ركبت منه التاكسي من تلات ساعات!!!!!!!!!!!!
..........................................




ال Place ( المكان يعنى بالانجليزى عشان بتوع 50% ) : لندن
الشخصيات : أنا و سواق تاكسي انجليزى شبه أنتونى كوين .. و التاكسي بتاعه الاسود اللى شبه الرولزرويس
الحدث : كنت رايح المطار و كنت متأخر و فاضل ساعتين بس على ميعاد الطيارة .. سألته : حتاخد كام ؟
قال : 45 باوند ( يعنى جنية استرليني عشان بتوع طبيبك الخاص )
قلت : أوك .. بس can we نلحق الطيارة ؟
قال : حأحاول
و فى اشارة مرور , سأل سواق تانى جنبه على طريق أسرع للمطار لأنى متأخر , ثم قال لى :
انا ممكن أوصلك لمحطة بادنجتون و من هناك تأخد القطار و ده ممكن يوصلك المطار فى 12 دقيقة و نص
قلت له : أوك اكسلانس باشا ... وديني بادنجتون
و فى محطة بادنجتون يا حضرات , الراجل نزل من التاكسي و سحب شنطتى و جرى قدامى على المحطة !!
قلت له : سانكيو يا عم الحاج .. أنا حأدخل أنا المحطه
قال : هناك 13 رصيف , و انت متأخر و مش عايزك تضيع وقتك فى البحث عن ال train بتاعك !!
الراجل وصلنى لغاية القطار بتاعى .. اديت له 50 باوند عشان يرجع لى 5 باوند , لكنه رجع لى 40 باوند !!!
قلت له : يا با الحاج انت قلت لى 45 باوند , مش 10 !!
قال لى : 45 باوند لغاية المطار .. أما بادنجتون , ب 10 باوند بس !!
..... ثم ذهب عن my face و تركنى أضرب hand فى hand !!!!

منقول

[mmtronic]

شعب فى نظر الكثير كافر بس عنده ضمير و بحترم النظام و ااقانون

و احنا شعب ( بيقول على نفسه مؤمن ) بس معندوش ضمير و انعدمت منه الانسانيه و الضمير

دا الملخص

اللى سافر برة كتير حيفهم معنى كلامى

[بحار]

فى مرة سألت سواق تاكسى كان واقف على شارع عماد الدين
بصلى وشكلى معجبوش الظاهر وقالى بقرف من هناك ..
مشيت فى الاتجاه اللى قال عليه .. وسألت تانى لانى اتعودت على كده ..
رجعنى اللى سألته فى الاتجاه الاخر .. رجعت وعديت على السواق تانى .. بس ماكلمتوش لانه بان عليه انه عامل عاملة ..
ومشيت شويه وسألت .. الغريبه طلعت رايح جاى فى شارع عماد الدين نفسة .. شعب ولاد حلال قوى !!

اللى هايزعلكم بقه : ان بطبيعة شغلى بروح أماكن كتيرة لأول مرة .. ومحافظات متعددة ودايما ببقه عاوز أسأل
على العنوان ..
نسبه كبيرة من الناس بتكون بتفتى وماتعرفش تقول مش عارف . وناس زى بتوع التاكسى شايف انها جريمه انك تسأله
المفروض انك زبون لقطه ولازم تسيبه يروقك ويضرب المشوار فى سعرة 4 مرات ..

[amoor89]

فى مرة سألت سواق تاكسى كان واقف على شارع عماد الدين
بصلى وشكلى معجبوش الظاهر وقالى بقرف من هناك ..
مشيت فى الاتجاه اللى قال عليه .. وسألت تانى لانى اتعودت على كده ..
رجعنى اللى سألته فى الاتجاه الاخر .. رجعت وعديت على السواق تانى .. بس ماكلمتوش لانه بان عليه انه عامل عاملة ..
ومشيت شويه وسألت .. الغريبه طلعت رايح جاى فى شارع عماد الدين نفسة .. شعب ولاد حلال قوى !!

اللى هايزعلكم بقه : ان بطبيعة شغلى بروح أماكن كتيرة لأول مرة .. ومحافظات متعددة ودايما ببقه عاوز أسأل
على العنوان ..
نسبه كبيرة من الناس بتكون بتفتى وماتعرفش تقول مش عارف . وناس زى بتوع التاكسى شايف انها جريمه انك تسأله
المفروض انك زبون لقطه ولازم تسيبه يروقك ويضرب المشوار فى سعرة 4 مرات ..

حصلت معايا كذا مرة فى القاهرة انى افضل الف حوالين المكان اللى عايز اروحه بتاع 3 ساعات بسبب الفتايين لغاية مبطلت اسأل خالص واعتمد على ال Gps ولما بتزنق خالص أسأل

[Elawany13]

حصلت معايا كذا مرة فى القاهرة انى افضل الف حوالين المكان اللى عايز اروحه بتاع 3 ساعات بسبب الفتايين لغاية مبطلت اسأل خالص واعتمد على ال Gps ولما بتزنق خالص أسأل

GPs اختراع ممتاز وليه مميزات كتيره ومقدرش استغنى عنه
بس الجى بى اس بردو احيانا بيدخل الواحد فى شوارع غلط أو شوارع مغلقه أو فيها اسواق ومزدحمه مع ان البديل احسن مليون مرة

[almohaor]

احنا فالحين فى الكلام الهايف والفهلوة وبس
كأنها انجازات عظيمة زى
احنا اللى خرمنا التعريفة
واحنا اللى دهنا الهوا دوكو

واصبحنا بلد تقدر وتكرم لاعبى الكرة و الراقصات والشواذ من الفنانين فقط
وتجد وسائل الاعلام مسخرة لهم ليل نهار لاالهاء الشعب وبخاصة الشباب
المفتقد للقدوة الحسنة باختفاء القيم والاخلاق وكما ان الاعلام يحطم كل المثل العليا ويسخر منها
ونحط من قدر العلماء وكل من يعمل مخلصا فى عمله لنهضة البلد
عشان كده بيهرب كل الكفاءات للخارج لانه يجد التشجيع والمجال للابداع والابتكار
وبالتالى اصبحنا قوالب فارغة من غير مضمون فاقدين للصلاحية
واصبحنا فى قاع الشعوب بفضل الادارة السيئة والاعلام الاسوء

[Mohamed_Ayman]

يا جماعة مش للدرجة دى،

أنا بسأل كتير وآخر مرة سألت سواق تكسى ، كان سايق وقف فى جنب ونزل من العربية علشان يشرحلى بالتفصيل ، وكتير ساعات أسأل حد ميكونش عارف يروح يسأل هو علشان يقولك ، البلد فيها خير والله بس ربنا يهدى ، حضرتك حال البلد زى فيلم عسل أسود بالظبط وخاصة الأغنية "يا كل حاجة وعكسها"

[أسامه الحسيني]

شعب كلامنكى درجه اولى