ايه المشكله لو الداخليه المصريه نضفت وبقت كده

[Secret-Man]

انا النهارده كنت بتصفح موقع شرطه دبى ببص على حاجه بالصدفه وجه فى بالى الداخليه الجميله بتاعتنا والخدمات الى بتقدمها للشعب

انا مش عاوز اقول كميه الخدمات المحترمه على موقع شرطه دبى واغلبها معتمده على مساعده المواطنين فى كل شيىء مرور - جرائم اى شيىء لازم يكون الشعب والداخليه نسيج واحد لامن البلد

ولكن ياترى ايه الفرق بينا وبينهم ؟

https://www.dubaipolice.gov.ae

[amr011111]

الموضوع موضوع اداره من رئاسة الوزراء
انها تلزم كل الوزرات بعمل خدمات عن طريق الكمبيوتر لالغاء الطوابير وتضيع الوقت

[drcobra]

يا نهار ابيض لو الكلام ده حصل
ده فى ناس تروح فى داهية

معنديش امل للاسف

[tkamal]

المواصيع اسهل مما تتخيل ويمكن تطبيقه فى اقل من 3 سنوات
المهم الارادة والادارة
احنا مش هنخترع العجله

[ahmed.teawater]

شوف الفرق
مع ان احنا شعب ذكى ومش هنحتاج مجهود يعني عشان نعمل كدا بس برده محدش هيعمل كدا
ويقلولك احنا عندنا حكومه اليكترونيه طب هى فين دي

[naser_56]

شوف الفرق
مع ان احنا شعب ذكى ومش هنحتاج مجهود يعني عشان نعمل كدا بس برده محدش هيعمل كدا
ويقلولك احنا عندنا حكومه اليكترونيه طب هى فين دي

المشكله ان احنا شعب بيستغل ذكائه في الشر والفساد

[khaled_sabry]

المواصيع اسهل مما تتخيل ويمكن تطبيقه فى اقل من 3 سنوات
المهم الارادة والادارة
احنا مش هنخترع العجله

الفرق بينا و بينهم انهم ناس عاوزين يطورو بلدهم و بالتالى بيحاولو جاهدين انهم يشوفو اى تجربه ناجه فى اى حته و يطبقوها عندهم

لكن احنا (رغم اننا اكثر مهاره و ذكاء ) شغالين بمداء (مصلحتى اولا) - لإننا لو شفنا حاجه حتفيد البلد و تسهل على الناس ده معناه ضمنيا انك حتقفل درج مفتوح لموظف - فليييييه تقتطع ارزاق الناس
ابسط دليل على كلامى اتفرج على اى مكتب شهر عقارى شغال بالكمبيوتر (زى مكتب 6 اكتوبر) - حتلاقيه زحمه رهيبه اكتر من المكاتب العاديه - ده ليه ؟ علشان ببساطه اى طلب ليك لازم يتكتب الكمبيوتر هناك و الكمبيوتر مش متوصل بسيستم يسهل عليك اى حاجه بعد كده - يعنى عمليا الفائده الوحيده للكمبيوتر هناك انه اله كاتبه فقط و طبعا حاجه سلبيه جداا ان كل الناس تبقى مستنيه (أله كاتبه) واحده بس بدون اى محاوله للإستفاده من وجود softcopy للعقد على الكمبيوتر !!!

[Ahmed abdkarim]

متابع

[eng_amg]

الفرق بسيط...

(((((((((((الإخوان )))))))))))

:) :) :) :) :) :)

طبعا هما إلي مبوظين الداخلية - العناصر النائمة في الداخلية :) :) :)

[S.h.a.h.e.r]

الداخلية والجيش مشكله كبيرة لانها بتعتمد علي شويه اطفال خارجين من ثانوية عامة ملهمش خبرة في الحياة
وبالتالي لا يؤمن بالعلم علي سبيل المثال
اللي بيربيه كان زيه في يوم من الايام - وبيربوهم بدون اي معايير سيكولوجية ونتيجه لدا
بتطلع ناس مش عارفة قيمة الانسان والروح والعدل والنظام المدني والتطوير
ودي نتيجة اللي بنشوفه حاليا
عاوز اقولك ان الظباط المؤهلات - ليهم دور جانبي ومحدود جدااا وملهمش في الادوار القيادية بالجيش - ناهيك عن طريقة اختيارهم اصلا وغسيل المخ اللي بيتعملهم لما بيدخلوا الجيش

[amr_8800]

الفرق بينا و بينهم انهم ناس عاوزين يطورو بلدهم و بالتالى بيحاولو جاهدين انهم يشوفو اى تجربه ناجه فى اى حته و يطبقوها عندهم

لكن احنا (رغم اننا اكثر مهاره و ذكاء ) شغالين بمداء (مصلحتى اولا) - لإننا لو شفنا حاجه حتفيد البلد و تسهل على الناس ده معناه ضمنيا انك حتقفل درج مفتوح لموظف - فليييييه تقتطع ارزاق الناس
ابسط دليل على كلامى اتفرج على اى مكتب شهر عقارى شغال بالكمبيوتر (زى مكتب 6 اكتوبر) - حتلاقيه زحمه رهيبه اكتر من المكاتب العاديه - ده ليه ؟ علشان ببساطه اى طلب ليك لازم يتكتب الكمبيوتر هناك و الكمبيوتر مش متوصل بسيستم يسهل عليك اى حاجه بعد كده - يعنى عمليا الفائده الوحيده للكمبيوتر هناك انه اله كاتبه فقط و طبعا حاجه سلبيه جداا ان كل الناس تبقى مستنيه (أله كاتبه) واحده بس بدون اى محاوله للإستفاده من وجود softcopy للعقد على الكمبيوتر !!!

لا يا فندم الفرق بينا وبنهم اولا هما بيبقا عندهم كل سنه فائض في الميزانيه مليارات وانت بيبقا عندك عجر مليارات برضو
هما عندهم الموظف المدرب الي بيطور نفسه انت عندك ٧٠٪ من موظفين الحكومه ميعرفش يعني ايه كمبيوتر لا حتى يعرف يكتب اسمه بالانحليزي
هما هندهم استعداد يطور وبيجبيو خبرا من كل كول العالم احنا شعب مش بتاع شغل اساسا
هما بقا عملو الموضوع ده ازاي شوف التركيبه السكانيه هناك وانت تعرف انحليز على المان على هنود على فلبينيين على مصريين على رووس على لبنانيين على اتراك ميكس عجيب كده من الاخر بيجيبو المتميز قي شغله من اخر الدنيا وميفرقش معاه لا حنسيته ولا ديانته حتى لو ماجوسي از ملوش مله العبره بالخبره والتميز في انحاز العمل
يعني من الاخر مبيعملوش حاجه باديهم مثلا لوعايزين يبنو برج بيشوفو احسن شركه في العالم ويجيبوها طبعا لازم يطلع واااااو بس بص على التكلفه هتلاقيهه خياليه يبقا هنرجع تاني لنقطة الفلوس والميزانيه والدعم وعدد السكان والحلقه المفرغه الي كل ما حكومه تيجي معندهاش سيره غيرها
كل الي اقكر اقولو عشان رغييت كتير اوي ان احنا ناقصنا كتير اويةومتفكرش حتى مجرد تفكير اننا ممكن نبقا زيهم يا فندم ده الحكومه عملت تنسيق الجامعات الكتروني وبرضو الناس كانت بتروح مكاتب التنسيق عشان مش عارفين يدخلو بياناتهم على النت
اسف على الاطاله بس الموضوع بجد مستفز ولو قعدنا كده نشوف كل الي حولينل بيتقدم واحنا واقفين مكانا هنموت بحصرتنا

[حسام الغرباوي]

المشكلة ان بتوع الشرطة هنا داخلين بفلوس ورشاوي وواسطة وعايزين يلموها