انهى افضل دهانات للشقه بسعر معقول

[new_man]

ازيكم يارجاله
انا بشطب دهانات فى شقتى الان وعايز اعرف انهى دهانات الافضل بس بسعر كويس
انا سمعت ان يوتن الافضل وناس بتقولى سكيب معقول
ولو خلطت لون معين بالكمبيوتر بيبقى اغلى كتير عن خلطه يدوى ولا ايه ؟

[shiko85]

لو خلطت لون معين بالكمبيوتر بيبقى اغلى كتير عن خلطه يدوى ولا ايه ؟

مش اغلى بكتير هم بياخدوا مبلغ معين بس مش فاكر كام بالظبط
الميزه فالكمبيوتر انك هتختار اللون اللى عايزه (بالكود) و تحدد الكميه المطلوبه و خلاص كده و لو بفرض ان حصل عجز فاللون سهل تروح بالكود اللى معاك و تعمل كميه اضافيه لكن الخلط اليدوى ده فاشل جدا و بيستهلك خامات اكتر و اللون مش هيطلع زى ما حضرتك عايز و فحاله العجز مش هتعرف توصل لنفس درجه اللون و هتلاقى اللون مختلف

[new_man]

تمام يعنى كده هنخلط بالكمبيوتر افضل

[shiko85]

تمام يعنى كده هنخلط بالكمبيوتر افضل

تمام كده

[new_man]

طب وافضل نوع دهانات ايه؟؟؟
جوتن ولا سايبس ولا سكيب ولا كيماتون من البناء الحديث ولا ايه بالظبط
انا عايز حاجه فى المعقول وتكون كويسه برضه
وسمعت ان اللون الفاتح فى الدهانات ادرجه على ايدى وادرج الغامق على الكمبيوتر..هل الكلام ده صح؟؟

[Mohamed_Ayman]

لو عاوز أرخص فى دهانات باكين

[Mostafa.Mahran]

سايبس تعتبر افضل دهانات داخلى للبيوت

[hesham fawzy h]

متابع

[hesham fawzy h]

محدش عندة فكرة عن اسعار ورق الحائط


،

[amr011111]

سعر الخلط بالكمبيوتر غالى
لان الجالون اليوتن الابيض ب 85 ولو ضربته هتجيبلله علبة لون قورة ب 3 جنيه
والجالون المضرب حسب اللون بس ممكن يوصل لـ 260 جنيه وأكتر
كل الالوان الفاتحه خلى النقاش يضربها ليك انما الالوان الغامقه هاتها كمبيوتر

[new_man]

كده مستقريناش على ماركة معينه وغالبا هنستبعد اليوتن لانه غالى جدا
باكين ولا سايبس ولا سكيب

وانا كمان قررت الفاتح على ايدى والغامق كمبيوتر