السؤال التقليدي....عايز اشتري موبايل جديد نصايحكم؟

[elpilot]

السلام عليكم
ان شاء الله قررت اشتري موبايل اندرويدجديد بعد ما موبايلي ال3110 بدأ يودع الحياة كتر خيرة من2007 وهو بيكافح معايا واخش بقي علي عالم التكنولوجيا واعيش حياتي
عايز اقتراحاتكم
عايز موبايل اندرويد
يكون سريع وميهنجش ويقرفني كل شوية
يكون بطاريتة محترمة تقعد شوية متخلصش مني في نص اليوم
يكون فيه gps ودي اهم حاجه
يكون بخطين
كاميرا حلوة مش اقل من5ميجا ويكون فيه فلاش
يكون حمار شغل حيوان في التحمل اهريه شغل وميحسش لان بحكم شغلي بضطر ارد علي تليفونات ييجي 4 ساعات يوميا تليفوني القديم المبروك معدي ال6000 ساعه كلام من يوم ما جه
يكون ليه قطع غيار متوفرة واي حد يعرف يشتغل فيه ويصلحه لو باظ لا قدر الله مع وجود وكيل وضمان محترم اقدر ارجعلهم في حالة الاعطال في الضمان ان شاء الله
الميزانية الموضوعه من 1000 وحتي 2000
انا عايزة موبايل مش تاب لاني مبحبش التاب
منتظر اقتراحاتكم بحكم خبرتكم وتجاربكم علشان هشتري اخر الاسبوع ان شاء الله
وشكرا لكل اللي هيساهم برد في هذا الموضوع

[Bassem Youssef]

مش عايزه بيطير بالمره ؟ هاهاهاهاها

ممكن تلاقي تليفون بالامكانيات دي بس بره الميزانيه بتاعتك

و حتي لو زودت الميزانيه

استخدامك صعب و التليفون هيتبهدل معاك

خصوصا انك متعود ترمي تليفونك القديم يرجعلك تاني من غير خربوش

[J A G U A R]

galaxy s

بس مش بيطير

[Adel.Nasr]

i phone 4 ﺍﻭ 4s ﻃﺒﻌﺎ ﺍﺳﺘﻌﻤﺎﻝ ﺍﻟﺎﻭﻝ ﻓﻲ ﺣﺪﻭﺩ 1600 و ﺍﻟﺘﺎﻧﻲ ب 2300ل 2500 ﺣﺴﺐ ﺍﻟﺤﺎﻟﻪ و ﺍﺳﺎﻝ ﻣﺠﺮﺏ

[hdmrdash]

حمار شغل يبقي هواوي g700 أو هواوي هونر

[eng.m7md.ali]

انسى انك تجيب موبيل اندرويد ومبيهنجش .. الا النيكسس

[mohamed_prog]

نصيحة من زميل ليك بالمنتدى ماتدورش على تليفون بالاسم دور على المواصفات والامكانيات. انا كنت فحيرة زى حضرتك وربنا هدانى واشتريت موبايل من على موقع سوق واسمه انجوا i1 ودا مبعالج رباعى النواة بسرعة 1.3 جيجا هرتز ورامات 512ميجا وشاشة 5 بوصة بدقة وضوح 854*480 وكاميرا خلفية 5 ميجا بيكسل وامامية .3 ميجا بيكسل وعلية نسخة اندرويد جيلي بين وذاكرة داخلية 4 جيجا 2.5 جيجا متاحين للاستخدام ومن خلال استعمال 3 شهور اقدر اقولك انه جيد حتى بالنسبة لسعرة انا كنت جايبة ب 750 جنية + 100 جنية جراب واسكرينة+85 جنية سماعة. ودلوقتى سعرة اقل من 700 جنية وبعد كدة اشتريت تليفونيين تانيين لاختى وخطبيتى بس موديلين اعلى موديل اسمة i1s ودا بنفس مواصفات الاول بس بيزيد عن الاول فى الرمات اللى بتوصل ل 1 جيجا وذاكرتة الداخلية 8 جيجا 5 جيجا هما المتاحين للاستخدام وعلية اندرويد كيت كات وسعرة 750 جنيه اما الموديل التانى اسمة I2 ودا مواصفاتة معالج ثمانى النواه بسرعة 1.4 جيجا هرتز ورامات 1 جيجا وذاكرة داخلية 8 جيجا 5 جيجا صالحين للاستخدام وشاشة 5 بوصة بدقة وضوح 720*1280 HD وكاميرا خلفية 5 ميجا مع فلاش مزدوج وامامية 2 ميجا بيكسل وعلية نسخة اندرويد كيت كات وتمنة 950 جنيه وبأمانة التليفون دا اداءة فضيع جدا .وكل الموديلات دى بشريحتين و3g.
بجد لو عايز تليفون بأداء ممتاز وسعر فى المتناول دا احسن اختيار من وجهة نظرى.
ودا موقع الشركة المنتجة على الانترنت وهى فى الاساس شركة امارتية وبتنع منتجاتها فالصين.
InnJoo | Redefine Mobility

[DODGE2013]

3110 من 2007 تستحق جايزه من نوكيا ياريت لو تشارك موضوع ده في موقع phone arena وموقع gsmarena

وتشكر في نوكيا وحتاخد موبايل فري خصوصالو عامل عدد ساعات خياليه 6000 بالموبايل

يومين ولا اسبوع وتلاقي نوكيا سابورت سيلز

تيم حيعمل شو للموضوع ومش بعيد تاخد موبايل نوكيا جديد ومتنساش الحلاوه لعمو ههههه

وبالنسبه للمواصفات الي انت قولتها ايه رايك نجبلك صوفيا لورين بالمره مع الموبايل هههههههههههههههههههه

المواصفات الي انت قولتها ديه نوت 2 يريحك على الاخر بس تأكد انه اصلي مش مضروب ومتجبش يوزد نهائي يا جديد يابلاش

[reda elgohary]

عندك حق

نصيحة من زميل ليك بالمنتدى ماتدورش على تليفون بالاسم دور على المواصفات والامكانيات. انا كنت فحيرة زى حضرتك وربنا هدانى واشتريت موبايل من على موقع سوق واسمه انجوا i1 ودا مبعالج رباعى النواة بسرعة 1.3 جيجا هرتز ورامات 512ميجا وشاشة 5 بوصة بدقة وضوح 854*480 وكاميرا خلفية 5 ميجا بيكسل وامامية .3 ميجا بيكسل وعلية نسخة اندرويد جيلي بين وذاكرة داخلية 4 جيجا 2.5 جيجا متاحين للاستخدام ومن خلال استعمال 3 شهور اقدر اقولك انه جيد حتى بالنسبة لسعرة انا كنت جايبة ب 750 جنية + 100 جنية جراب واسكرينة+85 جنية سماعة. ودلوقتى سعرة اقل من 700 جنية وبعد كدة اشتريت تليفونيين تانيين لاختى وخطبيتى بس موديلين اعلى موديل اسمة i1s ودا بنفس مواصفات الاول بس بيزيد عن الاول فى الرمات اللى بتوصل ل 1 جيجا وذاكرتة الداخلية 8 جيجا 5 جيجا هما المتاحين للاستخدام وعلية اندرويد كيت كات وسعرة 750 جنيه اما الموديل التانى اسمة i2 ودا مواصفاتة معالج ثمانى النواه بسرعة 1.4 جيجا هرتز ورامات 1 جيجا وذاكرة داخلية 8 جيجا 5 جيجا صالحين للاستخدام وشاشة 5 بوصة بدقة وضوح 720*1280 hd وكاميرا خلفية 5 ميجا مع فلاش مزدوج وامامية 2 ميجا بيكسل وعلية نسخة اندرويد كيت كات وتمنة 950 جنيه وبأمانة التليفون دا اداءة فضيع جدا .وكل الموديلات دى بشريحتين و3g.
بجد لو عايز تليفون بأداء ممتاز وسعر فى المتناول دا احسن اختيار من وجهة نظرى.
ودا موقع الشركة المنتجة على الانترنت وهى فى الاساس شركة امارتية وبتنع منتجاتها فالصين.
innjoo | redefine mobility

طيب مفيش اللينك بتاع الموبايل على سوق ،، أو صور للجهاز ؟؟
وجزاكم الله خيرا .

[reda elgohary]

نصيحة .
إبتعد عن شراء الموبايل لمجرد أنه ماركة كما نصحك أحد الزملاء ،، أنا أمتلك جهاز سنوى إكسبيريا ومكرهنى ف حياتى ،، نصيحة إبحث عن الآمكانات وليس الماركة ،، وربنا ييسر لك كل عسير ، وأبق طمنا أشتريت إيه ؟.

[reda elgohary]

متابع .
إنجو i1 (سعة 4 جيجابايت، آندرويد، الجيل الثالث، واي فاي، أسود) للبيع في مصر, الإسكندرية, القاهرة. افضل سعر، مراجعة و تقييم | سوق

[reda elgohary]

وده الأحدث .
إنجو i1 (سعة 4 جيجابايت، آندرويد، الجيل الثالث، واي فاي، أسود) للبيع في مصر, الإسكندرية, القاهرة. افضل سعر، مراجعة و تقييم | سوق

[reda elgohary]

إنجو i2 (سعة 8 جيجابايت، آندرويد، الجيل الثالث، واي فاي، أسود) للبيع في مصر, الإسكندرية, القاهرة. افضل سعر، مراجعة و تقييم | سوق

[Mahmoudyoussif]

عليك و على Huawei g730

[OMAR11112010]

انا بعتقد ان صعب تلاقي جراب او شاحن او بطارية او سكرين للموبايلات زي هاواي وانجو مثلا
مش عارف اذا كنت صح او غلط
واعتقد برضوا عدم توافر مراكز صيانة دا بيخلي موبايلات زي دي ميبقاش ليها سوق في مصر
ياريت اللي معاهم الموبايلين دول يوضحوا النقاط اللي فوق دي من حيث توافرها او لا
لان امكانياتهم بالنسبة لسعرهم مقارنة بموبايلات منافسة في نفس الشريحة السعرية هما افضل