الموضوع ده حقيقي ولا نصباية؟

[elpilot]

السلام عليكم
بتصفح في النت النهاردة لقيت الاعلان ده
نفسك يبقي عندك مبلغ كبير تحقق بيه كل اللي نفسك فيه .. ويحافظلك علي نفس مستوي معيشتك اللي انت متعود عليه ب5ج او 7ج او 10ج او حتي 15 ج بس ؟؟!!!
مصر لتأمينات الحياة " شركة حكومية " هتستثمرلك فلوسك البسيطة وترجعهالك اضعااااااااااف
شركتنا شركة حكومية يعني فلوسك مضمــــونة 100%
يلا مستني ايه ؟؟!! متضيعش الفرصة و اشترك في استثمار العمر ومتحتاجش لحد
والمفــــــــــــاجــــــــــــأة
عرض خاص علي جميع عروض " مصر الثلاثية – مصر استثمار – مصر حماية واستثمار " الكارت الطبي المميز مجاااااااااااااااااااانا خصومات وتخفيضات هااااااااااااااائلة علي الادوية والاطباء والمستشفيات والاشعة والتحاليل مجاااااااااااااانا علي كل وثيقة يبدأ قسطها من 5ج في اليوم
ودي صورتة


فحبيت اخد رأيكم الموضوع ده حقيقي ومجدي ولا ده نصب في نصب؟

[pioneerahmed]

نصباية طبعا

[Bassem Youssef]

حماده بالجنزبيل

[Karim Alaa]

اتصل بشركه مصر للتامين نفسها مش الارقام المحطوطه دى و اسال

[sha2e]

سنه سنتين وبتزهق او تنسى تروح عليك الفلوس
ولو نسيت شهر او اكنر غالبا مش بيبعتوا يفكروك
معرفش حد عملها وكمل ( يا زهق يا نسي كام شهر )
والنتيجة واحده راحت عليه السنه ولا اتنين الى دفعهم

[طارق _عبد السلام]

حقيقى وعلى الفكره المبلغ بيكون كبير احسبها فى اليوم ومتتالى كمان يعنى ابو 150 الف فى 15 سنه

هتدفع مبلغ 15 فى اليوم يعنى 450 جنيه كل شهر يعنى 5400 جنيه كل سنه وهكذا ولمده 15 سنه وبعدين تاخدهم على بعض فى الاخر

كانت فيه شركات تامين بتعرض عروض كمان احسن من كده وتأمين واستثمار فى نفس الوقت وبطاقه علاجيه
وخصم على الادويه وحاجات زى كده

[hdmrdash]

حاسس انها نصبايه
طيب مين الضامن

[hesham fawzy h]

متابع

[ahmed.teawater]

الفرق واضح لو حسبناها
15 جـــ * 365 يــــوم * 7 سنين = 38325

الفرق بين 38000 - 200.000 = 160.000 يا جماعه

معقول
طب هتصل بكرا واشوف

[Ahmed_Rahem]

مثال، 10 جنية فى اليوم يعنى 300 فى الشهر يعنى 3650 فى السنة، لمدة 15 سنة بفائدة مركبة 7.5% يديك بعد 15 سنة حوالى 105 الف جنية (تقريباً) يعنى الحسبة ممكنة، ودية عادة بتبقى بوليصة تقاعد بتدفع قسط شهرى وفى نهاية الفترة (العادى بتاعها لا يقل عن 5 سنوات) تاخد المبلغ مضاف الية عائد الاستثمار.

[Ahmed_Rahem]

الفرق واضح لو حسبناها
15 جـــ * 365 يــــوم * 7 سنين = 38325

الفرق بين 38000 - 200.000 = 160.000 يا جماعه

معقول
طب هتصل بكرا واشوف :10d5c8w1107:

انت حسبتها غلط الاعلان بيقول " هتاخد 200 الف على 3 دفعات كل 7 سنوات"
يعنى كل 7 سنوات هتاخد 66,666 جنية وهكذا لمدة 21 سنة (3 دفعات، كل دفعة بعد 7 سنوات).
يبقى الحسبة معقولة برضة

[ahmed4000]

دى بوليصة تأمين عادية بس هو بيوهمك بالمبلغ الكبي فى المستقبل...وواقعياً المبلغ ده قدام حيبقى قيمته اقل
لو رحت اى بنك حيعرضوا عليك نفس الموضوع

[طارق _عبد السلام]

مهو ده اللى انا بقوله... الموضوع مش مغرى للدرجه دى

فيه شركه عرضت على حاجه زى كده وافضل كمان لانها كانت هتدينى معاش على سن المعاش وبردوا تعويض كبير على الاصابه وبعد المعاش ممكن معاش لاولادى بعد الوفاه ومبردوا فيها تخفيض على العمليات والمستشفيات نصف الثمن على العلاج والعمليات وفضلوا ورايا اكتر من سنه وخلعت منهم بالعافيه ولسه كل كم شهر يعملوا اتصال وهى شركه اجنبيه عامله فى مصر وبرقبه اى شركه فى مصر...

علشان كده بقول الموضوع عادى مش نصب لا وكمان مش مغرى للدرجه

[pioneerahmed]

يا شباب الموضوع و الفكرة نفسها مش نصب لكن الشركة دي هي الى نصب
انا موظف في بنك مصري و عندنا نفس الموضوع دة بالظبط في شركة sister company للبنك
الموضوع فعلا كويس جدا بس المهم تختار الشركة الى تتعامل معاها و يكون ليها مصداقية

[SeiffoZ]

اتصل بمصر للتأمين نفسها

الفكرة فى مصر للتأمين انك بتأمن بمبلغ معين لمده معينة. لو لا قدر الله حصل حادة بتاخد المبلغ.

لو المدة خلصت بتاخد الفلوس اللى انت دفعتها وعليها ارباح احيانا بتوصل ل100%