ما حدث للسيسى والاعلاميين فى امريكا

[Ahmed abdkarim]

السلام عليكم فى البداية انا مش عارف المفروض كنت اكتب الموضوع ده فى قسم ايه هل فى قسم احوال الشارع المصرى ؟؟؟ ( بس انا مش عاوز اتكلم من وجهه نظر سياسية ) و ارجو من الادارة حذف المشاركات السياسية .

عندى سؤال له علاقة بحرية التعبير فى امريكا وارجو الناس متتكلمش خالص من وجهه نظر سياسية

ايه مدى حدود حرية التعبير فى الولايات المتحدة الامريكية ؟؟؟

انا عارف انه يمكن فى الولايات المتحدة السخرية والنقد اللاذع للشخصيات العامة . طب لو انا شخص عادى وواحد شتمنى فى امريكا هل دى جريمة ؟؟؟؟ شفت فى الفيديوهات ان واحد من الاعلاميين المرافقين للسيسى لمس بس احد المحتجين قاله بسرعة dont touch me يعنى متلمسنيش هل بس اللمس هو اللى يعتبر ممنوع ؟؟؟؟

ماهى حدود ال freedom of speach

على فكرة انا مش معترض على اللى حصل . بس عاوز اعرف اكتر عن قوانين حرية التعبير فى امريكا والقوانين المتعلقة بيها . رجاء اخير عدم مناقشة ما حدث .

[ahmed4000]

انا برده جه فى دماغى السؤال ده وانا بسمع الشتايم
اللى كنت فاهمه ان لو حد شتمك فى امريكا ممكن تسجنه او تاخد تعويض كبير
اللى عندهم فكرة ممكن يوضحولنا
وفعلا بعيدا عن السياسة

[Ahmed abdkarim]

انا برده جه فى دماغى السؤال ده وانا بسمع الشتايم
اللى كنت فاهمه ان لو حد شتمك فى امريكا ممكن تسجنه او تاخد تعويض كبير
اللى عندهم فكرة ممكن يوضحولنا
وفعلا بعيدا عن السياسة

اللى انا اعرفه طالما انه ممكن الواحد يشتم الشخصيات العامة ويسخر منها عادى . يعنى ممكن فى امريكا اشتم الرئيس او اقوله حنحاكمك و اتريق عليه الا حاجه واحده بس ان حد يهدد سلامته ( يهدد الرئيس الامريكى بالقتل حتى ولو على سبيل الدعابة )

[ashouhdy]

هو اية اللي حصل اصلا

[هيثم مجدي]

في بعض الولايات الشتيمة عليها غرامة و سجن (بنسلفانيا على ما اذكر كنت قريت تقريرعن الموضوع دا ) لكن اغلب الولايات مفيش عقوبات للشتيمة عموما. و ممكن اي حد يشتم اي حد في اي موقف. الشتيمة للشخصيات العامة, و رجال البوليس مفيش عليها حاجة( في الغالب, لان برضه كان فيه تقارير قديمة قرأتها ان المواطنين بيشتكوا انهم اتغرموا للفعل دا) . لان انت مش بتقصده لشخصه هو لكن بتشتم منظومة كاملة, و بالمثل شتيمة الرؤساء.
الشتائم العنصرية زي كلمة "زنجي", "ملون", و غيرها عليها عقوبات كبيرة جدا, و كذلك التحريض على العنف و على التخريب.
و فيه قائمة للرؤساء الأمريكين "الشتامين" و دي مشهورة جدا, و فيه فيديوهات على اليوتيوب و هم بيشتموا بأقذع الشتائم. بس مش هحط الفيديو هنا طبعا احسن اتوقف.

موضوع الرجل اللي قال للإعلامي "don't touch me" لان اللمس بشكل عدائي يعتبر جريمة "Battery" بغض النظر عن الإيذاء او وجود نية للإيذاء. و بيعتبر جنحة أو جناية حسب درجة الفعل . و اللمس اللي بيؤدي للإيذاء جريمة تانية اسمها "Assault" . ولما قاله متلمسنيش دا كدا بيثبت عليه الحالة "battery"
و لو كان لمسه تاني كان لبسه تهمة. و كان فيه مظاهرة قديمة لمعارضي السيسي في أمريكا و فيه واحد زق احد المحتجين البوليس اللي واقف يحمي المظاهرة قبض عليه لأن اللي عمله جريمة. والفيديو انتشر جدا وقتها .

[prof2013]

اللى انا اعرفه طالما انه ممكن الواحد يشتم الشخصيات العامة ويسخر منها عادى . يعنى ممكن فى امريكا اشتم الرئيس او اقوله حنحاكمك و اتريق عليه الا حاجه واحده بس ان حد يهدد سلامته ( يهدد الرئيس الامريكى بالقتل حتى ولو على سبيل الدعابة )

ده موجود فعلا في امريكا تشتم في الرئيس ماعدا التهديد بالقتل

[MaZaGAngeE]

اللي قدرت افهمه ان الي يمد ايده الاول هوه الغلطان و يلبس الليلة

[Ahmed abdkarim]

في بعض الولايات الشتيمة عليها غرامة و سجن (بنسلفانيا على ما اذكر كنت قريت تقريرعن الموضوع دا ) لكن اغلب الولايات مفيش عقوبات للشتيمة عموما. و ممكن اي حد يشتم اي حد في اي موقف. الشتيمة للشخصيات العامة, و رجال البوليس مفيش عليها حاجة( في الغالب, لان برضه كان فيه تقارير قديمة قرأتها ان المواطنين بيشتكوا انهم اتغرموا للفعل دا) . لان انت مش بتقصده لشخصه هو لكن بتشتم منظومة كاملة, و بالمثل شتيمة الرؤساء.
الشتائم العنصرية زي كلمة "زنجي", "ملون", و غيرها عليها عقوبات كبيرة جدا, و كذلك التحريض على العنف و على التخريب.
و فيه قائمة للرؤساء الأمريكين "الشتامين" و دي مشهورة جدا, و فيه فيديوهات على اليوتيوب و هم بيشتموا بأقذع الشتائم. بس مش هحط الفيديو هنا طبعا احسن اتوقف.

موضوع الرجل اللي قال للإعلامي "don't touch me" لان اللمس بشكل عدائي يعتبر جريمة "battery" بغض النظر عن الإيذاء او وجود نية للإيذاء. و بيعتبر جنحة أو جناية حسب درجة الفعل . و اللمس اللي بيؤدي للإيذاء جريمة تانية اسمها "assault" . ولما قاله متلمسنيش دا كدا بيثبت عليه الحالة "battery"
و لو كان لمسه تاني كان لبسه تهمة. و كان فيه مظاهرة قديمة لمعارضي السيسي في أمريكا و فيه واحد زق احد المحتجين البوليس اللي واقف يحمي المظاهرة قبض عليه لأن اللي عمله جريمة. والفيديو انتشر جدا وقتها .

حضرتك فسرت كل حاجه . الف شكر .

بس عندى سؤال هو انت عشت فى امريكا فترة ؟؟؟

وحضرتك عرفت التفاصيل دى منين ؟؟؟؟

[هيثم مجدي]

حضرتك فسرت كل حاجه . الف شكر .

بس عندى سؤال هو انت عشت فى امريكا فترة ؟؟؟

وحضرتك عرفت التفاصيل دى منين ؟؟؟؟

العفو على ايه
انا مرحتش امريكا ولا عشت فيها, كان ليا صديق بيعمل بحث عن القانون في أمريكا و كنت بساعده عشان بعرف شوية انجليزي, فقريت كتير في المواضيع دي و لسه فاكر منها شوية حاجات.

[Bassem Youssef]

قل ما تريده عن اي شخص فيما عدا السب و التهديد بالقتل