حماتى ومراتى والشقه

[hamada sayed]

حماتى ومراتى والشقه
مش عارف ابتدى الموضوع منين بس الاهم انا عاوز نصيحه لوجه الله
انا متجوز من اربع سنين تقريبا جواز صالونات
وربنا كرمنى بطفل
البدايه كانت ان الشقه معجبتهومش عشان صغيره وكمان المدينه بعيده عن سكنهم
بعد رفضى انى اغير الشقه تم الغاء الموضوع وبشكل رسمى عن طريق اتصال تيليفونى وبعد كده بفتره فضلت افكر انى ليه مغيرش الشقه (لآنى بصراحه اصلا مكنتش حابب الشقه من ساعه ما اشترتها لكن اشترتها عشان سعرها وقسطها القليل جدا )
فعلا فكرت وقررت اغير الشقه مع نفسى وكلمتهم بعديها وعرفتهم انى قررت ابيع الشقه
الناس فرحت جدا وقلتلهم نبيع وندور بقى مع بعض
فى نفس يوم بيع الشقه تم الاتفاق على موعد قراءه الفاتحه بعدها بأسبوع تقريبا
المهم بعد تدوير كتير ولف اكتر ملقتش اى حاجه مناسبه للسعر اللى معايا
المهم عرضو عليا عرض انى ادفع الفلوس اللى معايا فى الشقه وهما يدفعو النص التانى ويتم كتابه الشقه مناصفه بينى وبين زوجتى
رفضت الموضوع رفض تام
وكان من ضمن الاقتراحات نبنى شقه فى نفس عماره حمايا وطبعا برضو يبقى ليها جزء من الشقه الموضوع ده منفعش
الفلوس اللى كانت معايا قبل بيع الشقه يدوبك على قد الشبكه والعفش (والشقه كانت شبه متوضبه؟)
المهم اتفقنا ان اخد قرض من البنك بجزء من المبلغ وهما هيدفعو تمن العفش كله على ان اتم سداده بعد انتهائى من القرض
وكمان اخدت منهم مبلغ تانى (تم سداده تقريبا ) خلال السنتان الاولى من الجواز
انا كنت شغال شغلنتين صباحا ومساء ونظرا لظروف البلاد تم اغلاق الشركه بتاعه المساء ودى اللى كنت معتمد على مرتبها فى سداد الديون ومفيش شغل تانى خالص
انا بقالى كده حوالى سنه ونص مش بسدد اى مبلغ عليا لآى حد
المهم هما عيزين ايه بقى دلوقتى ؟؟ عايزين اكتب الشقه مناصفه بينى وبين مراتى (الموضوع ده اتفتح حوالى ثلاث مرات بشكل عير رسمى خلال السنتان اللى فاتو ) الموضوع طبعا اصلا من حماتى اللى شغاله فى الهرى ده وبنتها دلوقتى عائمه على عومها
لكن المره دى كان بشكل رسمى مع العلم ان المبلغ اللى عليا ميجيش حتى ربع تمن الشقه
رفضت الموضوع واعلنته لزوجتى وقلت هتصرف فى الفلوس طالما الموضوع كده
انا صح ولا غلط ؟؟
موضوع كتابه الشقه دى للزوجه ولو حتى بالنصف بالنسبه ليه شيء مش بلعه تماما

[canner]

موضوع انى اكتب او ادى حاجة لمراتى تبقى انا اللى عاوز كده مش بسبب ضغط بس المشكلة اللى انت بتقول عليها ليها ابعاد تانية

واضح انهم قلقوا على اللى ليهم علشان كده عملوا كده بس مش هى مراتك مش عايشة معاك و شايفة الظروف اللى بتمروا بيها و لا انت عملت حاجة قلقتهم منك؟

[hamada sayed]

موضوع انى اكتب او ادى حاجة لمراتى تبقى انا اللى عاوز كده مش بسبب ضغط بس المشكلة اللى انت بتقول عليها ليها ابعاد تانية

واضح انهم قلقوا على اللى ليهم علشان كده عملوا كده بس مش هى مراتك مش عايشة معاك و شايفة الظروف اللى بتمروا بيها و لا انت عملت حاجة قلقتهم منك؟

معملتش اى حاجه بالعكس همى بحبونى جدا (اعتقد هيتغير )وعارفين قد ايه انا شايلها جو عنيا
مراتى بدأت هى كمان مش قادره تستحمل الذنقه الماليه اللى احنا فيها من غلو اسعار ومع عدم زياده فى الراتب من ايام الثوره (قطاع خاص بقى )

[MaZaGAngeE]

الازمة المادية دي مشكلة كلنا عايشينها
و مطولة و هتزيد السنتين اللي جايين
لو مكانك همسك ابوها و ابلغه ان ينسوا كلهم حكاية الشقة و ان فلوسه هياخدها حين ميسرة و لو مش عاجبه ياخد بنته في ايده و هوه نازل
و اطمن اللي زي ده الجنيه اهم من ولاده عنده و الموضوع ده مش هتسمع عنه تاني.
لو عاند معاك و خدها مش هيستحمل اكتر من شهر لو انت منعت عنها الفلوس و هيبعتولك اي حد عشان تاخدها

[elpilot]

لازم الشدة مع الناس دي كفاية دلع بقي علشان دول كده بيستهبلوا وعاملين يجرجروا رجلك عشان توافق تكتبلهم نص الشقه
انصحك لو انا مكانك هحط النقط فوق الحروف واللي هيحاول يستغلني او يستغل ظروفي هعلمة الأدب إذا لم تتذأب أكلتك الذئاب

[hamada sayed]

هما مش محتاجين الفلوس دى على فكره
بس هما بيقولوا طالما انت كده كده مش هتدفعهم خلاص نظرا لآزمه الماليه وكمان مرض طفلى اللى هيطول سنين تكتب نص الشقه عشان يكون ضمان لمستقبل البنت وكمان عرفان منى بالجميل بتاعهم
الموضوع فى الاساس برعايه حماتى

[hh]

متسمعش كلام الناس اللي بتسخنك. الناس شاريينك من الأول و ساعدوك بالفلوس مرة و اتنين زي ما انت قلت يعني مش طمعانين فيك و لا حاجة, بس في الأول و الأخر هما شايفين ان طالما فلوسهم مش حترجع يبقى يضمنوا انها لبنتهم, أظن ده حقهم.

أعتقد ان الحل انك تشوف الفلوس اللي دفعوها كانت تساوي نسبة قد ايه من تمن الشقة (وقت الشراء) و تكتب لمراتك النسبة دي من الشقة مش النص. بالطريقة دي انت رجعتلهم حقهم و الجميل اللي عملوه فيك و في نفس الوقت انت مالك للنسبة الأكبر من الشقة و بالتالي تملك التصرف فيها براحتك يعني مفيش داعي انك تحس انك مش بالع الموضوع زي ما قلت.

نصيحة أخيرة, طالما الناس كويسين و انت معاشر بنتهم بالمعروف متنشفش دماغك عالفاضي لأن لو فكرت فيها بالعكس لو أختك مثلا اللي في موقف مراتك كان حيبقى ايه رأيك في جوزها اللي مقدرش مساعدتك ليه في الأول؟

[الاستاذ]

خلاص اكتب بالفلوس الى ليهم وصلات امانة ودة يحفظ حقهم

[fepsceasar]

على قد ما فهمت لو هتسد ديونك وتكتب نص الشقة باسم مراتك .. مش مشكلة
هو الموضوع فى شبهة استغلال بس احسن حل لو مش لاقي حد يسلفك
وكمان هتطمنهم انك مش طمعان

[محمد يوسف]

رأيى الشخصى لو بتثق فى مراتك وفى أهلها ..مافيش مشكلة... وكله لولادك فى الأخر

[S.h.a.h.e.r]

انا مش فاهم انت ليه رافض تكتبلها نص الشقة؟
انت مرتاح ف جوازك واهل مراتك بيحبوك زي ما بتقول زمقدرين تعبك وحاولوا يساعدوك اكتر من مرة
محدش ضامن عمرة - لو جرالك حاجه النهارده لا قدر الله هتموت مديون والحل سهل ف ايديك
لو لا قدر الله وانفصلت - انت عندك منها اطفال يعني كدا كدا هتسيبلها الشقة برده ف النهاية
بلاش التفكير الشرقي دا ال انتهي تقريبا - الدنيا اتغيرت ونظرة المجتمع اتغيرت وشخصية الزوجات اتغيرت كتير عن زمان
رايي متشليش نفسك دين وهموم واكتبلها نص الشقة
والله لو كنت مكانك كنت هعمل كدا
خصوصا لما دا يبقي حقها

[محمد يوسف]

انا مش فاهم انت ليه رافض تكتبلها نص الشقة؟
انت مرتاح ف جوازك واهل مراتك بيحبوك زي ما بتقول زمقدرين تعبك وحاولوا يساعدوك اكتر من مرة
محدش ضامن عمرة - لو جرالك حاجه النهارده لا قدر الله هتموت مديون والحل سهل ف ايديك
لو لا قدر الله وانفصلت - انت عندك منها اطفال يعني كدا كدا هتسيبلها الشقة برده ف النهاية
بلاش التفكير الشرقي دا ال انتهي تقريبا - الدنيا اتغيرت ونظرة المجتمع اتغيرت وشخصية الزوجات اتغيرت كتير عن زمان
رايي متشليش نفسك دين وهموم واكتبلها نص الشقة
والله لو كنت مكانك كنت هعمل كدا
خصوصا لما دا يبقي حقها

[الجنرال]

معلش انت غلطان

انت مشكلتك كلها في ان الكلام جاي من حماتك .. علشان هيا حماتك

من وجهة نظر اقتصادية بحته .. يعني مش هاخد فى الاعتبار انك متجوز واحدة بتحبها وهما بيحبوك وعندك اولاد ومبسوط فى جوازك منها ومن عائلتها

الحق .. والصح على فكرة .. انك تكتبلها الجزء اللى هما شاركوا بيه في سعر الشقة (الاصل انك تكتبه لصاحب المال اللى هو حماك .. لكن هو تنازل وقالك اكتبه باسم بنته اللى هيا مراتك في الاخر)

هما ادولك الفلوس سلف .. انت مش قادر تسدد ومتعسر (بقالك سنة ونص ولسه قدامك سنتين حسب كلامك وخلي بالك ان قيمة الفلوس بتقل كمان)

وهما مأخدوش منك اي ضمانات قبل ما يسلفوك الفلوس .. وكمان لم يطالبوك بالالتزام بالسداد او حتى يتقلوا عليك ويطلبوا منك تسوية اوضاعك المالية وتسدد اللى عليك

يبقى اقل حاجة علشان يضمنوا حقهم فى فلوسهم .. انهم ياخدوا بيها حاجة

انا مش شايف اي حساسية فى الموضوع خالص .. اعتبرها شركة وبيزنس

احمد ربنا ان اهل مراتك محترمين كده .. والله انت في نعمة مش مقدرها

انسى كلام المسلسلات والافلام ده .. اللى هما بيطلبوه ده حقهم بما انهم مسلفينك فلوس .. وده يبقى افضل كبديل عن السداد لان انت مفيش معاك فلوس تسدد بيها ..

انا شايف الصراحة ان انت كان المفروض تعمل كده من نفسك او مع اول مرة هما فتحوا فيه الموضوع ده تلميحا

استخير وادعي ربنا يهديك للحق .. حتى لو على نفسك

[Ahmed abdkarim]

معلش قبل ما انصح حضرتك اسمحلى ارد على الاعضاء اللى نصحت حضرتك . و متحاملة جدا على عائلة زوجتك

الازمة المادية دي مشكلة كلنا عايشينها
و مطولة و هتزيد السنتين اللي جايين
لو مكانك همسك ابوها و ابلغه ان ينسوا كلهم حكاية الشقة و ان فلوسه هياخدها حين ميسرة و لو مش عاجبه ياخد بنته في ايده و هوه نازل
و اطمن اللي زي ده الجنيه اهم من ولاده عنده و الموضوع ده مش هتسمع عنه تاني.
لو عاند معاك و خدها مش هيستحمل اكتر من شهر لو انت منعت عنها الفلوس و هيبعتولك اي حد عشان تاخدها

اولا العضو الفاضل استلف الفلوس من الناس و زى ما قال ادوله بنتهم والفلوس . عداهم العيب بصراحة و فى الزمن ده قليل اوى اللى بيعمل كده . يبقى الرد عليهم ياخدو بنتهم و هما نازين ويمنع عنها الفلوس كمان

لازم الشدة مع الناس دي كفاية دلع بقي علشان دول كده بيستهبلوا وعاملين يجرجروا رجلك عشان توافق تكتبلهم نص الشقه
انصحك لو انا مكانك هحط النقط فوق الحروف واللي هيحاول يستغلني او يستغل ظروفي هعلمة الأدب إذا لم تتذأب أكلتك الذئاب

دلع ؟؟؟؟؟ يجرجروا رجل اخونا ازاى يا عم دول ربنا يكرمهم مسلفينه . وبعدين استغلال ازاى الناس عاوزه حقها وفلوسها متعرفش ايه ظروفها

متسمعش كلام الناس اللي بتسخنك. الناس شاريينك من الأول و ساعدوك بالفلوس مرة و اتنين زي ما انت قلت يعني مش طمعانين فيك و لا حاجة, بس في الأول و الأخر هما شايفين ان طالما فلوسهم مش حترجع يبقى يضمنوا انها لبنتهم, أظن ده حقهم.

أعتقد ان الحل انك تشوف الفلوس اللي دفعوها كانت تساوي نسبة قد ايه من تمن الشقة (وقت الشراء) و تكتب لمراتك النسبة دي من الشقة مش النص. بالطريقة دي انت رجعتلهم حقهم و الجميل اللي عملوه فيك و في نفس الوقت انت مالك للنسبة الأكبر من الشقة و بالتالي تملك التصرف فيها براحتك يعني مفيش داعي انك تحس انك مش بالع الموضوع زي ما قلت.

نصيحة أخيرة, طالما الناس كويسين و انت معاشر بنتهم بالمعروف متنشفش دماغك عالفاضي لأن لو فكرت فيها بالعكس لو أختك مثلا اللي في موقف مراتك كان حيبقى ايه رأيك في جوزها اللي مقدرش مساعدتك ليه في الأول؟

ربنا يكرمك و يكملك بعقلك ده الكلام المضبوط .


نصيحة لاخونا صاحب الموضوع سيبك من كلام الناس اللى بتسخنك و تقولك عاوزين يتعلمو الادب و طمعانين


طمعانين ازاى و هما اللى مسلفينك ؟؟؟ و بعدين الناس فعلا ممكن تكون محتاجه الفلوس . وحتى لو مش محتاجينها دى فلوسهم . وحضرتك الزمت نفسك انك تسددهم والظروف دلوقتى وحشة واعتقد ان الناس مقدره الى حد ما يبقى حضرتك قدامك خيارين . اول خيار ان حضرتك تكتب نص الشقة باسم بنتهم حتى لو باقى الفلوس ميكملش الربع بس زى ما الناس دى ساعدتك واشترتك مينفعش انت تبيعهم .

او تانى خيار حضرتك تكتيب شيكات و تحاول تسدد فى مدى زمنى معين .

ربنا يكرمك ويكتب لك الخير .


كلمة اخيرة للاعضاء الافاضل اللى انا رديت عليهم متزعلوش من ردودى بس الموضوع فعلا حساس وانا شايف انكم لم تصيبوا .

[amr011111]

هوه عيب الموضوع انهم بيطالبوك بالفلوس رغم انك جوز بنتهم ومفيش مشاكل بينهم
بس أدبياً ودينياً انت المفروض طالما واخد فلوس بنية سلف تبقى تردهم بس هى المشكله انك هتحس ان مراتك موقفتش جنبك فى وقت زنقتك