عرض طلقه من TeData حقيقى ولا نصب ؟

[Delta Force]

اتعودت ان شركات الانترنت فى مصر بتتكلم بس
لكن فعل مفيش
كل الشركات مش شركة واحدة
يعنى مثلا لينك أكتشفت أنها أول الشهر بتديك سرعتك شبه كاملة
يعنى مثلا الميجا دى بالتقريب كدة 1000 كيلو
يعنى سرعة الداونلود بتاعتك = 1000 / 8 = 125 كيلو بايت
فى الحقيقة مثلا بتوصل من 60 إلى 110 أخرك حسب الوقت و الضغط على سيرفراتهم كما يزعمون
و فى الأخر برضة بيتحججلك بالسنترال
و فى نص الشهر كدة السرعة بتقل بتقل بتقل لحد أخر الشهر
عرفت أنها حاجة أسمها الأستخدام العادل
يعنى ليك كذا جيجا تستخدمهم و فى الأخر النت يبقى بطئ



المهم أنا بعد بحث و عناء أكتشفت أن سرعة 1 ميجا دى مش هتمسح زورى
لقيت حاجة أسمها طلقة فى tedata و بيقولوا أن السرعة بتوصل لـ 8 ميجا
عجبنى العرض بتاع 40 جيجا ده ب 150 جنيه
طيب زى الفل بس مش عارف هيكفونى ولا لأ
الشركة عاملة حركة بقى شكلها فخ
كاتبة تحت الأسعار و الباقات جمله غريبه جدا
* تخضع السرعة لجودة الخط الأرضي
السؤال هنا
هل الشركة فعلا هتدينى سرعة 8 ميجا من بداية التشغيل حتى أخر الشهر
ولا بتقل زى باقى الشركات ؟
هل فعلا الـ 8 ميجا هتدينى داونلود 1 ميجا فى الثانيه طول اليوم ؟
حد خد طلقة من tedata ؟

[misry]

أنا مشترك في العرض ده والتحميل في المتوسط على 500 كيلوبايت في الثانية ساعات يزيد شوية ل600 واحيانا يقل

بس انا عموما راضي عن السرعة دي ...

[bRo]

اشتركت فيه في البداية كانت السرعة 8 ميجا فعلا
الشهر التاني من الاشتراك 6 اللي بعده 4 اللي بعده 2 حتى وصلت 512
حولت بعدها لنظام 1 ميجا مفتوح بـ 140 جنيه في الشهر

[Mohamed_Ayman]

بص يا باشا أنا مشترك فيه من هجبلك من الأخر العرض تمام بس خد بالك:

- 8 ميجا ده الحد الأقصى ، انما الحقيقى حسب قدرة خط التليفون عندك ، فى الغالب هتكون فى رينج من 2 إلى 4 بالكتير.
- العرض مش هيكون مناسب لو حضرتك بتحمل كتير لأن الجيجابايتس المتاحة محدودة

[hany63]

حقيقي و بيوصل لسرعة تحميل ٩٦٠كيلو بايت في الثانيه
وساعات بتنزل عروض لمضاعفة الكوته مجانا تقوم مشترك ٣ اشهر على بعض عشان تستفيد اطول وقت ممكن
و على العموم سعة ال ٤٠ جيجا شهريا كويسه جدا للتصفح و اليوتيوب و الداونلود المعقول لو هتفتري استنى لما ينزلوا عرض ال ٨٠ جيجا بنفس سعر ال ٤٠جيجا
اهم حاجه ان توصيلة تليفونك اللي من السنترال للراوتر تقبل السرعه و انت وحظك

[S O P H O S]

لو خطك كويس وبتحمل متوسط هيبقي كويس
السنترال مش كويس وبتحمل كتير بلاش

[mk3]

انت بتسأل وبتتفحص السرعه 1 ميجا دونلود وناسى خالص انها ليمت 40 جيجا يعنى انسى

[medo_31]

معظم العروض فيها فخ للمشترك لازم تجرب بنفسك علشان تحكم

[omar101970]

انا لسه مشترك من أسبوع فى عرض 80 جيجا مع te data ولحد دلوقتى كويس
الداون لود بيوصل ل 850 ك والبراوزينج كويس.

[naser_56]

اعمل اختبار للخط بتاعك وشوف نسبه التشويش والبعد عن السنترال كام وهيديك ال 8 او لا وبعدين اشترك تاني حاجه طالما ال 1 ميجا دي ما بتمسحش زورك ذي ما بتقول يبقي ال 40 جيجا المحدوده في الشهر هتقف في ذورك من اول اسبوع

[gade2]

بص يا سيدى
الطلقه اول ما بدأت كانت 2 ميجا سرعه بعد كده تى اى داتا حبيت ترفع السرعه ل8 وبنفس السعر
الفكره بقى ان السرعه بتوصل ل8 حسب جودة الخط الارضى ودا بتعرفه بعد الاشتراك فالطلقه ب 48 ساعه لانهم فى الفتره دى بيعملوا اختبار على الخط ويشوفو ايه الاخبار واعلى سرعه الخط الارضى بيستحملها بتاخدها
انا شخصيا كنت عامل ال 8 بس لقيت بعد فتره الخط مستحملهاش فغيرت لطلقه 2 وهى زى الفل
نصيحه : اغلب الخطوط الارضيه فى مصر مبتستحملش (ماعدا الفايبر)
اشترك على طلقه 2 ميجا

[Delta Force]

الف شكر لكل الرجاله الى رديت واحد واحد

اعمل اختبار للخط بتاعك وشوف نسبه التشويش والبعد عن السنترال كام وهيديك ال 8 او لا وبعدين اشترك تاني حاجه طالما ال 1 ميجا دي ما بتمسحش زورك ذي ما بتقول يبقي ال 40 جيجا المحدوده في الشهر هتقف في ذورك من اول اسبوع

طيب انا اعرف منين انا نحاس ولا فايبر و ازاى اعرف نسبه التشويش و هيوصلنى سرعة كام
و بالنسبه للزور دى بجد كنت هموت من الضحك عليها لانك عندك حق جدا

[الفجر]

اعمل اختبار للخط بتاعك وشوف نسبه التشويش والبعد عن السنترال كام وهيديك ال 8 او لا وبعدين اشترك تاني حاجه طالما ال 1 ميجا دي ما بتمسحش زورك ذي ما بتقول يبقي ال 40 جيجا المحدوده في الشهر هتقف في ذورك من اول اسبوع

ازاى اعمل الاختبار دة واعرف قدرة خط التلفون وبعدة عن السنترال ؟!!

[es3]

Internet Speed Test for Laptop, Desktop, Mobile, or Tablet Devices

[naser_56]

الي عاوز يعرف نسبه التشويش ومدي تحمل الخط ممكن يتابع الموضوع ده

http://avb.s-oman.net/showthread.php?t=1075828