هو مفيش حد مرتاح

[engmody32]

يعني برضه الناس شايفه ان اللي عندهم مشاكل قله قليله و هما اللي بكتبوا في المنتديات
معتقدش اعتقد ان البنت في مصر بتتربي علي النكد و ده من اهم الاسباب للمشاكل

[Ladawy]

على رأى صاحب الموضوع ،، دايما موجود مواضيع بتتكلم عن مشاكل الارتباط و اعباء الزواج .... الخ

خدوا الموقف الساخر دا ، اللى بيعرض النظرة المادية للأمر :

-مبروك يا معلم ..عقبال البكارى ..
-وانتا مش ناوى تفرحنا بيك ؟
-انتا عارف وجهة نظرى فى الجواز ..
-ايوة بس يابنى ..حتى لو الموضوع متعب مادياً ..بس كل ده يهون ادام لما تروح و تلاقى وجبة سخنة ...وهدوم نضيفة و مكان نضيف ومكان جميل و دنيا جميلة ممتعة ..وراحة نفسية ..ده غير شوية دلع ...انتا فاهمنى طبعاً ..واستقرار نفسى ...الجواز جميل.
-عندك حق ...
-قولتلك ..
-عشان كدة من اسبوع روحت اشتريت ميكرويف و غسالة بمجفف و غسالة اطباق و شاشة 50 و بلاى ستيشن 4 و كام اسطوانة و اشتركت فى اعلى باقة نت ...واشتريت لابتوب محترم ..وكرسى دفاية و تدليك ..وتكييف ...وبأجر طباخ بييجى يحضرلى الأكل اللى يكفينى اسبوع ..اكلات مختلفة من كل انحاء العالم ..وبيغلفها بفويل و بيحطها فى التلاجة ..30 ثانية فى الميكرويف وبتبقا احلى حاجة فى الدنيا.
-والليلة دى كلفتك كام ؟
-يعنى ..35 ألف ..بس ..
-بس ؟
-اه ..
-بس برضه الجواز فيه حاجات ..
-اعلى باقة نت ...
-اه ...
-...
-هو الطلاق دلوقتى شكله وحش صح ؟
-اه احنا فى الفرح ...استنى 3 شهور مثلاً ...
#مراجعة_النفس
#قبل_أن_تحاسبوا

مبدأيا ، الموضوع ماديا صعب ... على رأيكم ، ادفع ربع مليون فى شراكة مجهولة المصير ! غير معروفة الشروط :\

متابع معكم .. و أهو نحلل الموضوع من باقى النواحى ، مش المادية فقط .

[engmody32]

على رأى صاحب الموضوع ،، دايما موجود مواضيع بتتكلم عن مشاكل الارتباط و اعباء الزواج .... الخ

خدوا الموقف الساخر دا ، اللى بيعرض النظرة المادية للأمر :



مبدأيا ، الموضوع ماديا صعب ... على رأيكم ، ادفع ربع مليون فى شراكة مجهولة المصير ! غير معروفة الشروط :\

متابع معكم .. و أهو نحلل الموضوع من باقى النواحى ، مش المادية فقط .

ياريت يا باشا ربع مليون ده بقي اكثر بكتير الشقق دلوقت من 400 الف و طالع و ال 400 الف دول يجبولك شقه علي قدها في مكان نص نص
حط علي الرقم ده ده علي الاقل 50 الف مهر و شبكه و كمان قدهم عفش و تجهيزات الحاجات اللي علي العريس
و بعد كده 50 الف كمان شهر عسل و فرح و مش عارف ايه
يعني عايزلك 600 الف جنيه علشان تتجوز
علي رأي واحد كان كاتب مدونه بيقول ان الحرام زمان كان صعب و غالي دلوقت بقي الحلال هو اللي صعب و غالي
و تلاقي بعد كل ده الناس تقولك انت متجوزتش ليه و انت معدي ال 30
هو علشان واحد يحوش المبلغ ده هيحوشه في اقل من 10 سنين ده لو مرتبه عالي

[Ladawy]

^^^^^^^^^

المفروض الجواز يكون ابسط من كدا

عملية الجواز بقى ليها ترتيبات و شكليات و مراحل و اعراف و خطوات مالهاش لازمة
مجرد التفكير فيها بيبقى مرهق ، فمابالك بتنفيذها و اتباعها !!

الواحد عاوز يتجوز علشان يلم نفسه و يلم الليلة ، بس اللى بيحصل العكس .. بيحس انه فتح على نفسه 50 جبهة يحارب فيها !

دا بدل ما يعيش مع انسانة تفهمه و تساعده و يفهمها و يساعدها ... و من المفترض يسعدوا بعض

الجواز المفروض يكون ابسط من اللى بيحصل حاليا

الجواز المفروض يكون ابسط من اللى بيحصل حاليا

[تامر.محمد]

ده لأن احنا هنا اتربينا غلط , كلنا

[Imhotep]

طبيعة الانسان نفسها تخليه ميرتاحش
اولا هو خلق فى كبد و معاناة
ثانيا تملى بيحلم و يتطلع للى مش معاه
و اول ما يحصل عليه يزهده و يتعود عليه و تقل قيمته فى نظره
ثم يتطلع الى شئ اخر
و هكذا
عشان كده من اسباب الراحة فى هذه الدنيا هو الرضا
لانك ساعتها ستخفف من الاحلام و الطموحات التى تعذبك
طبعا مش المطلوب سحقها تماما لانها تدفع الانسان الى الامام لكن المطلوب هو ترويضها حتى لا تعذب الانسان و تجعله يكره حياته
و ايضا من اهم اسباب السعادة فى هذه الدنيا
الا تخاف شيئا و لا تشتهى شيئا
طبعا الخوف و الاشتهاء المقصودين هو حينما يصبحان امراض تصيب النفس
زى اشتهاء المال او غيره من متاع الدنيا..... او الخوف من شئ او على شئ يصبح معها الخوف مرض

عشان كده لو تم تطبيق ما سبق هتلاقى:
لا المتزوج مرتاح
و لا العازب مرتاح
و لا اللى عنده عيال مرتاح
و لا اللى معندوش مرتاح و راضى
و هكذا

[engmody32]

فعلا كلامكم صح و الدليل ان في ناس متجوزه و بتعمل شات و تتعرف علي بنات
و الله انا كنت فاكر ان الجواز عفه لكن يبدو انها عفه مؤقته
ربنا يعافينا و يكتب لينا الخير

[Imhotep]

فعلا كلامكم صح و الدليل ان في ناس متجوزه و بتعمل شات و تتعرف علي بنات
و الله انا كنت فاكر ان الجواز عفه لكن يبدو انها عفه مؤقته
ربنا يعافينا و يكتب لينا الخير

مش عفة مؤقتة و لا حاجة
اهم شئ الاختيار الصح. . . اخترت على اساس صح هتعيش مبسوط طول عمرك
اختيارك كان مهزوز من البداية. . . اعرف ان الاساس المهزوز يؤدى لبناء غير سليم قابل للسقوط
هى دى القاعدة
و زيها برضه ان اللى يفشل فى جوازة. . . ايه اللى يمنع انه يفشل فى غيرها. . . طبعا مع استبعاد الحالات اللى يكون فيها مشاكل تستحيل معها العشرة
ده حتى الاحصائيات بتقول ان المتزوجين من واحدة فقط نسبتهم اكثر من متعددى الزوجات. . . و ده طبعا لأنه لا يلدغ مؤمن من جحر واحد مرتين :-)

[engmody32]

هههههههههه يلدغ
ده كله شكله جحر تعابين يا معلم و محتاج واحد رفاعي علشان يسلك فيه

[Imhotep]

هههههههههه يلدغ
ده كله شكله جحر تعابين يا معلم و محتاج واحد رفاعي علشان يسلك فيه

هو فعلا الاختيار الصحيح فى الزواج حاليا بقى صعب. . . بس ارجع و اقول برضه ان اللى يخلص النية ربنا مش هيسيبه و هيجعل له مخرج من الجحر برضه :-)
الموضوع صعب و عايز صبر و يقظة و اساس صحيح للاختيار. . . و فى الاخر ربنا بيوفق بالنصيب الصالح ان شاء الله

[engmody32]

الاختيار صعب و المعروض مضروب مش عارف ليه تلاقي بنات كتير و انت ماشي في الشارع حلوين
لكن لما يجبولك عروسه لازم تطلع ضايعه
معرفش في ايه و الله