عاوز اشترى ماكينه حلاقه للذقن تنفع فى الجيش

[aboali62]

السلام عليكم انا داخل الجيش وطبعا زى ما حضراتكم عارفين ان الحلاقه هناك لازم يوميا
وانا عندى مشكله فى الحلاقه بالموس رغم انى استعملت كل انواع المكن والكريمات بتاعه البشره الحساسه

انا ذقنى مش تقيله لما بحلقها بالموس مثلا ممكن تقعد حوالى 3 ايام مش باين فيها الشعر

عاوز اشترى ماكينه حلاقه تكون كويسه وما تسببش التهابات ونكون حلاقتها مقبوله بالنسبه للجيش

ويكون السعر كويس من 300 ل 500 كده

ياريت اللى عندهمعلومه ما يبخلش عليا يارجاله الموضوع ده اكتر حاجه قلقانى فى الجيش

[mohamed_selim]

هات المكن اللى بيستعمل مره او مرتين و يترمى ... لو جبت اى حاجه غاليه هتتسرق ... كمان متقلقش من موضوع الكريم و الصابون انت لو لقيت ميه يبقى تحمد ربنا ... كنت بحلق على الناشف فى مركز التدريب

استحمل و ربنا معاك

[طارق _عبد السلام]

المشكله ممكن متعرفش تشحنها ثانيا مش هترضيك بنتيجه كبيره لو حصل التفتيش فى الطابور بالقطنه او بالورقه ودى كانت على ايامنا فى الثمانينيات معرفش موجوده ولا لا
ان الظابط يمشى ورقه على ذقنك لو طلعت صوت يبقى طابور ثبات بعدها او قطنه لو علقت فى شعرك يبقى طابور ثبات ساعه الاربع او زحف.... مظنش موجود بس ده لاى احتمال

نصيحتى ليك هات جيليت 3 الماكينه الوحيده المريحه جدا لاخمسه ولا اتنين

ومبتلهبش البشره زى غيرهم ...

على فكره فى مركز تدريب كان فى الجبل الاحمر ومكنش فيه مياه من الاصل كانت مره واحده فى اليوم وبتتوزع علينا الساعه الخامسه مساء قبل طابور الهتاف وكان تعيين الفرد منها (كوز سلمون) اه والله ... وكنا فى شهر سبعه وكل ماالشاويش يقول كلمته المشهوره ساعه توزيع تعيين المياه .. الله ينتقم منه.. كان لازم يحرق دمنا ويقول تعينك معاك ..تشرب منه .وتطبخ منه .. وتغسل افرولك منه .. والباقى تستحمى بيه .... ياااااااااااااااه ببقى عايز اخنقه وياسلام لو حد استظرف وقاله دى كبايه ميه وسخنه كمان هنعمل كل ده بيها ..تبقى وقعتنا كلنا سوده لان الحسنه تخص والسيئه تعم... انا بس بحكى لك علشان لو شفت اى حاجه صعبه فى الجيش تعرف ان فيه ناس قضت الجيش زى ما الكتاب بقول هههههههههه

[بحار]

المشكله ممكن متعرفش تشحنها ثانيا مش هترضيك بنتيجه كبيره لو حصل التفتيش فى الطابور بالقطنه او بالورقه ودى كانت على ايامنا فى الثمانينيات معرفش موجوده ولا لا
ان الظابط يمشى ورقه على ذقنك لو طلعت صوت يبقى طابور ثبات بعدها او قطنه لو علقت فى شعرك يبقى طابور ثبات ساعه الاربع او زحف.... مظنش موجود بس ده لاى احتمال

نصيحتى ليك هات جيليت 3 الماكينه الوحيده المريحه جدا لاخمسه ولا اتنين

ومبتلهبش البشره زى غيرهم ...

على فكره فى مركز تدريب كان فى الجبل الاحمر ومكنش فيه مياه من الاصل كانت مره واحده فى اليوم وبتتوزع علينا الساعه الخامسه مساء قبل طابور الهتاف وكان تعيين الفرد منها (كوز سلمون) اه والله ... وكنا فى شهر سبعه وكل ماالشاويش يقول كلمته المشهوره ساعه توزيع تعيين المياه .. الله ينتقم منه.. كان لازم يحرق دمنا ويقول تعينك معاك ..تشرب منه .وتطبخ منه .. وتغسل افرولك منه .. والباقى تستحمى بيه .... ياااااااااااااااه ببقى عايز اخنقه وياسلام لو حد استظرف وقاله دى كبايه ميه وسخنه كمان هنعمل كل ده بيها ..تبقى وقعتنا كلنا سوده لان الحسنه تخص والسيئه تعم... انا بس بحكى لك علشان لو شفت اى حاجه صعبه فى الجيش تعرف ان فيه ناس قضت الجيش زى ما الكتاب بقول هههههههههه

استاذ طارق الدنيا دلوقت اتغيرت تماما .. انا بعدى على وحدة خدمت فيها من سنوات .. والله تقول منتجع .. تغير شامل .. مبانى جديدة مجهزة .. وطرق وبوبات حديثة

[طارق _عبد السلام]

استاذ طارق الدنيا دلوقت اتغيرت تماما .. انا بعدى على وحدة خدمت فيها من سنوات .. والله تقول منتجع .. تغير شامل .. مبانى جديدة مجهزة .. وطرق وبوبات حديثة

تمام وده من حظ الاجيال الصاعده ربنا يقويهم زمان كنا بنقول ( الميرى ميرى ولو على سريرى )

يعنى افهم من كده انهم لغوا الطبخه السوده :) اكيد كل اللى دخل الجيش عارفها

[Bassem Youssef]

ربنا يتولاك يا صديقي

[aboali62]

متشكر جدا علي ردودكو المبشره يارجاله
وربنا يعديها علي خير بس برضو محدش
نصحنا بنوع معين

[sasatony]

هات جيليت فيوجن ماكينة حلوة والموس بتاعها بيقعد مدة كبيرة جدااااا
مينفعش تجيب ماكينة بالكهرباء لانها ممنوعة هناك وانت متعرفش هتبقي قوة اساسية فين فممكن تروح مكان يبقي بيرخموا عليكو عشان مستجدين لسه
وعامة ربنا معاك