هل بنك باركليز بيتصل برقم ( مخفى ) و فى يوم عطله كمان ام هذا نصاااب

[tarek12]

الاخوه الاصدقاء
بعد التحية

هل بنك باركليز بيتصل برقم ( مخفى ) اى بدون رقم

و فى يوم عطله كمان ( يوم السبت )

حيث اتصل بى شخص بيدعى بانه بنك باركليز و بيسال عن بياناتى
طبعا انا قفلت معاه
سؤالى

هل فى حد منكم اتصل بيه البنك باركليز برقم مخفى و فى يوم سبت و كمان الساعه 5 مساء اى بعد
ساعات العمل الرسمية ؟؟؟؟؟؟؟؟

ام هذا نصاااب و بيسحب معلومات

ياريت الافاده
و شكرا

[حسام الغرباوي]

فين الموضوع !؟

[hesham fawzy h]

شكلها نصباية

[حسام الغرباوي]

نصاب ..حتي لو من البنك اصلا يعني لو حتي موظف من البنك اتصل عليك متديلوش اي بيانات نهائي

[هيثم مجدي]

لوائح البنوك مش بتسمح للموظفين يسألوك عن بياناتك من تلقاء انفسهم لأي سبب
و لازم تبلغ البنك باللي حصل, عشان اي اجراءات وقائية لحسابك و لتنبيه بقية العملاء

[طارق _عبد السلام]

لو اتصلوا بيك بيكون برقم موبيل عادى واكتر حاجه يطلبها منك انك تتوجه للبنك لاستكمال بيانات معينه

او دايما بيبعتوا رسائل نصيه للتوجه للفرع لاستكمال بعض البيانات واغلبها بيكون تاكيد العنوان لكن بيانات خاصه ورقم حساب اقفل فى وشه او قول له تعالى لى ع العنوان
وعلى فكره بنك بيظبتك صح فى المصاريف والذى منه ..نظامه يقلب العميل بكل الطرق

[tarek12]

شكرا للردود اخوتى الكرام

على فكره انا مش من عملاء هذا البنك
و لكن
رقم تليفونى اظاهر واحد مسجله على سبيل الخطا
ولكن اللى مستغربله ازاى بيتصل يوم سبت و كمان الساعه 5 مساءا

و هو مش المفروض موظفو البنوك بيصلو من الاحد الى الخميس فقط ؟؟؟
وليه الرقم مخفى ,, هل منكم حد اتصل بيه بنك باركليز من رقم مخفى ؟؟؟

[Bassem Youssef]

يا باشا كبر مخك

طالما لم تعطيه اي بيانات شخصيه عنك يبقي مفيش مشكله :)))

[tarek12]

ما هو لو كان بيتصل من رقم عادى كنت كبرت دماغى

ولكن ان يتصل برقم (مخفى ) دا اكيد شخص اما يكون نصاب او امن د ....
و خاصا انه تكرر اتصاله بيا بدون ان ارد
وانا صراحه استبعد انه يكون نصاب لان مفيش نصاب عنده رقم ( مخفى او البرافيت نامبر )
يبدو اذا المساله فيها (((( ان )))) و لذلك استفسرت منكم على هذا لعل تكون هذه الواقعه متكرر معكم !!

واحد صديقى قال لى انه ممكن موظف البنك يتصل حتى الساعه 8 مساء بس من الاحد الى الخميس
و استحاله يوم سبت !! مش عارف الصراحه دا ايه ؟؟

[khaled_sabry]

ماتقلقشى
انا برضه مره اتصل بيا البنك من رقم private بس كان فى اوقات العمل الرسميه
و ماسألنيش عن بياناتى لكن كان بيعرض عليا الاشتراك فى كارت ائتمان جديد عندهم و لا حاجه كده

هو بنك غتت و سخيف و مقرف و غلطه عمرى انى مره استسلمت للزن بتاعهم و عملت معاهم كارت فيزا و لغايه دلوقتى ما فعلتهاش و لا استخدمتها

[aif]

الحل بسيط
اتصل بالبنك واتأكد
عشان لو نصاب يقدرو يتخذو اللازم