سؤال عن عنوان في مدينة طنطا

[هيثم مجدي]

السلام عليكم
سؤال للأخوة من مدينة طنطا او من حولها
عاوز اروح منطقة اسمها الاستاد , عند مستشفى ابو فرحة
هكون جاي بالديزل من القاهرة وهنزل محطة طنطا. اركب ايه بعد كدا ؟ والمسافة كبيرة ولا صغيرة

شكرا مقدما

[sayedmatrix]

المسافة كبيرة الي حد ما مانصحكش تمشيها
ممكن تاخد تاكسي من المحطة للاستاد هياخد من خمسة لعشرة جنية حسب السواق - ولو انهم سايقين العوج من بعد زيادة البنزين- او تركب سرفيس هتلاقيهم عند بوابة محطة القطار!
وتوصل بالسلامة ان شاء الله

[بحار]

سرفيس امام باب المحطة بينادى ( الاستاد ) 10 دقايق . توصل بالسلامه ...

[KemozTanta]

المسافة مش كبيرة بالمواصلات ، ولو الطريق تمام مش زحمة هتوصل في 10 او 15 دقيقة ، وقف تاكسي وقوله الاستاد عند ابوفرحة " المستشفي علي الطريق وقبل الاستاد ب 500 متر تقريباً "
اديلة 6 او 7 جنية بالكتير ..

[medo_31]

يا خبيبي واخد ميكروباص من امام المحطة بواخد جنيه هتلاقيه بينادي الاستاد ووفر فلوسك وهم خمس دقايق وتلاقي نفسك امام المستشفي وسيبك من موضوع التاكس .. طنطا كلها اوضة وصالة وتوصل بالسلامة

[Elawany13]

فعلا الافضل ميكروباص بـ 1 جنيه من قدام محطة القطار وقوله نزلنى عند الاستاد قصاد مستشفى ابو فرحه

[هيثم مجدي]

شكرا لكم جميعا و جزاكم الله كل خير و الله يسلمكم. :)