افيدونى فى شراء تلفزيون 3d

[abdelrahmaaan]

لو سمحتم ..انا نويت ان شاء الله انى اشترى تلفزيون 3d وميزانيتى للموضوع دا 5 الاف جنيه ...وعاحبنى انواع ال جى جدا ال 42وسمعت انها نضارتها حديثة ومريحة جدا للعين..ياترى فى حد فى المنتدى مر بالتجربة دى يقوللى ايه الموديلات الكويسة وسعرها دلوقتى ومساحة الافلام الثرى دى عشان صورتها تبقى كويسة..واللى عنده يوصفلنا جودة الصورة المجسمة كويسة زى السينمات مثلا ولا اى كلام??? شكرااااا

[shiko85]

lg ممتاز
لو مش مستعجل على الشراء استنى اول السنه هتلاقى عروض و خصومات كتير بتوصل لـ 1000 جنيه يعنى ممكن تشترى مقاس اكبر من الـ 42 بنفس السعر

[3abdo.it]

تجربتى مع تلفزيون 3d سمارت


اولا خاصية الاسمارت .. ملهاش اى تلاتين لازمة غير انك هتفدع فرق 1000 جنية تقريبا علشان تفتح صفحات نت على الشاشة ... افتحها على موبيلك كفيانا تبذير

خاصية ال 3d بعد تقريبا ساعة من مشاهدة اى فيلم 3d هتصاب بصداع نصفى لمدة

نصيحتى اشترى ال جى الفول اتش دى وخلااااااااص

[abdelrahmaaan]

lg ممتاز
لو مش مستعجل على الشراء استنى اول السنه هتلاقى عروض و خصومات كتير بتوصل لـ 1000 جنيه يعنى ممكن تشترى مقاس اكبر من الـ 42 بنفس السعر

الكلام دا اكيد ولا مجرد تخمين??!!

[abdelrahmaaan]

تجربتى مع تلفزيون 3d سمارت


اولا خاصية الاسمارت .. ملهاش اى تلاتين لازمة غير انك هتفدع فرق 1000 جنية تقريبا علشان تفتح صفحات نت على الشاشة ... افتحها على موبيلك كفيانا تبذير

خاصية ال 3d بعد تقريبا ساعة من مشاهدة اى فيلم 3d هتصاب بصداع نصفى لمدة

نصيحتى اشترى ال جى الفول اتش دى وخلااااااااص

فعلاانا مش شايف اى اهمية لموضوع السمارت.بس فى استفسارين نوع تلفزيون حضرتك ايه وكام بوصة ..وياترى جودة الافلام المجسمة ايه يعنى فعلا ممتعة ولا بدائية واى كلام

[3abdo.it]

lg
42

جودة حلوة جدا فى الاتش دى وخصوصا قنوات بين سبورت

[abdelrahmaaan]

طيب هو 3d ولاا لا وحضرتك ماقولتليش جودة الافلام ال 3d كويسة ولا اى كلام

[طارق _عبد السلام]

نظاره lg 3d مبتعملش صداع لانها بدون بطاريه مثل السامسونج

الافلام فوق 10 جيجا الثرى دى فيها رااااااااااااااائع جدا جدا
واوقات ممكن فيلم بحجم صغير فيه بعض حاجات بتطلع من التلفزيون عادى بس المساحات الكبيره الاحساس احسن
التلفزيون الوانه تحفه

وفعلا الاسمارت لو معندكش سرعه نت عاليه ملوش لازمه بس اكيد هو مدمج مع الثرى دى

[abdelrahmaaan]

شكرا اخ طارق..بس محدش قاللى ايه اسعار التلفزيون ال 42 بوصة 3d ال جى دلوقتى بسمارت ومن غير سمارت

[طارق _عبد السلام]

شكرا اخ طارق..بس محدش قاللى ايه اسعار التلفزيون ال 42 بوصة 3d ال جى دلوقتى بسمارت ومن غير سمارت

شركة القاهرة للمبيعات. شاشات، إلكترونيات و أجهزة منزلية. أشترى عبر الإنترنت مع التوصيل المجاني

[shiko85]

الكلام دا اكيد ولا مجرد تخمين??!!

اكيد ان شاء الله
دى العروض بتاعت يناير 2014

[shiko85]

الـ smart محتاج نت سريع و محتاج تكون عارف تستفاد منه
فيه حاجات بالنسبه لناس تعتبر مش مهمه و بالنسبه لناس تانيه مهمه جدا
الـ update مثلا او انك تشغل عليه فيديوهات او أى حاجه من الموبايل بالـ direct wifi او انك تشغل التليفيزيون من الموبايل او التاب و تقدر تتفرج على الموبايل او التاب لو انت بعيد عن التليفزيون
نفس الكلام فالـ 3d هتشترى او هتجيب افلام 3d ولا لأ ؟؟
بس للأمانه الافلام الـ 3d تحفه و احساس تانى خالص عموما بلاش تشترى حاجه مش محتاجها

[abdelrahmaaan]

انا عشان كدة عايز اشتريه ثرى دى بس مش محتاج السمارت فى حاجة

[shiko85]

انا عشان كدة عايز اشتريه ثرى دى بس مش محتاج السمارت فى حاجة

تمام, و زى ما قولت لحضرتك لو مش مستعجل استنى اول السنه الجديده و نصيحه كل ما تشترى تليفيزيون اكبر هيكون افضل

[abdelrahmaaan]

طيب حضرتك ل 42 هيبقى كويس فى الثرى دى ولا لا..وفى سؤال محيرنى هل فعلا النضارات لثرى دى بتعمل صداع وبلذات نظارات الى جى اللى بيقولوا انها اريح من اى نضارة تانية