افيدونى فى شراء تلفزيون 3d

[shiko85]

طيب حضرتك ل 42 هيبقى كويس فى الثرى دى ولا لا..وفى سؤال محيرنى هل فعلا النضارات لثرى دى بتعمل صداع وبلذات نظارات الى جى اللى بيقولوا انها اريح من اى نضارة تانية

ان شاء الله هيكون كويس
بس اللى بيفرق فعلا غير مقاس الشاشه هو بعدك عن التليفيزيون لان كل ما تكون بعيد هتلاقى احساسك بالـ 3d افضل
النظارات مريحه جدا و مش متعبه و مش بتعمل صداع المتعب هو الـ 3d نفسه بس بالتعود الموضوع بيقل لان فالأول هتبقى مركز جامد
و خلى بالك مش اى فيلم 3d هيشتغل على الـ Lg لازم يكون side bye side او اختصارا sbs 3d زى الصوره دى

نسيت اقول لحضرتك حاجه, وقت العرض كان فيه غير الخصم نظارات اضافيه هديه 4 او 8

[Mohamed_Ayman]

بالنسبة لسمارت فمش عملى ، النت بيكون أريح على اللاب.
الثرى دى نوعين ، أكتيف ،و باسيف

الأكتيف: الصورة بتكون أحسن ، بس النظارات غاليه بالبطارية زى سونى ، سامسونج
الباسيف: الصورة الثرى دى أقل جودة ، بس نظارات رخيصة زى ال جى

أعراض الصداع وارهاق العين فى الاثنين بس ده بالنسبة للاستعمال لمدة طويلة وده مش هيحصل معاك لأنك مثلا هتشوف فيلم فى الأسبوع بالكتير.

جودة الصورة طبعا كل ما كان الفيلم حجمه كبير الجودة بتكون أفضل ، فى أفلام بتوصل 80 جيجا.
الجودة العالية هتكون الأفلام ممتعة و الصورة قريبة من جودة السينما.

أهم حاجة تختار ماركة كويسة: سونى ، باناسونيك ، سامسونج ، ال جى ، ويكون فل اتش دى.
ويكون المقاس مناسب ، 42 حلو بلاش أصغر

على فكرة فى عروض بتنزل على فترات لو مش مستعجل قارن العروض لحد م تلاقى حاجة كويسة

بالتوفيق

[حسام الغرباوي]

طيب انا عندي ال جي سمارت

بالنسبالي الاسمارت رائع جدا ..بشغل افلام اون لاين وبشغل من اللاب دايركت علي الشاشة ويتويوب وماتشات اون لاين وحاجة عنب جدا

بس معرفش بيشغل 3d ولا لأ >>هو معاه ريموت ماوس وفي زرار 3D لاني مش فاكر الموديل بالظبط
كان سعره 4500 تقريبا

[yasser dyboo]

انن لو سمحتوا عايز اسال سؤال بالنسبه للتلفزيون اللي مش سمارت بيشغل الترجمه عادي ........... ولا لازم سمارت ولا الاثنين مبيشغلوش.......... وبرضه وكمان ال 3d ظروفه ايه
في حاجه تانيه بالنسبه لل resolution الخاصه بالشاشه كام ميجا تبقي كويسه اصل كلمه fhd بقت معممه وملهاش معني كله بيحطها وخلاص

[Mohamed_Ayman]

انن لو سمحتوا عايز اسال سؤال بالنسبه للتلفزيون اللي مش سمارت بيشغل الترجمه عادي ........... ولا لازم سمارت ولا الاثنين مبيشغلوش.......... وبرضه وكمان ال 3d ظروفه ايه
في حاجه تانيه بالنسبه لل resolution الخاصه بالشاشه كام ميجا تبقي كويسه اصل كلمه fhd بقت معممه وملهاش معني كله بيحطها وخلاص

بيشغل الترجمة عادى ، الثرى دى ملوش علاقة بالسمارت

بالنسبة للفل اتش دى لازم يكون على الأقل 1080p بيكسيل

[abdelrahmaaan]

ان شاء الله هيكون كويس
بس اللى بيفرق فعلا غير مقاس الشاشه هو بعدك عن التليفيزيون لان كل ما تكون بعيد هتلاقى احساسك بالـ 3d افضل
النظارات مريحه جدا و مش متعبه و مش بتعمل صداع المتعب هو الـ 3d نفسه بس بالتعود الموضوع بيقل لان فالأول هتبقى مركز جامد
و خلى بالك مش اى فيلم 3d هيشتغل على الـ Lg لازم يكون side bye side او اختصارا sbs 3d زى الصوره دى

نسيت اقول لحضرتك حاجه, وقت العرض كان فيه غير الخصم نظارات اضافيه هديه 4 او 8

ممكن اعرف side by side دا صيغة بلاقيها وانا بحمل الفيلم ولا ايه

[naser_56]

side by side ده نظام العرض علي الشاشه الصيغه غالبا هتكون mkv وهتلاقي في بيانات الفيلم قبل التحميل نوع التصوير وحجم الفيلم والجوده كام في كام والقنوات الصوتيه ونظام الصوت دولبي ولا غيره برضه بيكون موجود اغلب البيانات دي بتلاقيها
بخصوص ال 3d ممتاز وجميل وخصوصا الافلام الوثائقيه عن البحار والكائنات البحريه
وبالنسبه للصداع انا عندي lg 55 وومن الممكن اني اشوف افلام 3d فوق ال3 ساعات ومحسيتش بصداع ولا حاجه
النصيحه المهمه حاول تاخد اكبر حجم تقدر عليه ومش اقل من 42 باي حال من الاحوال ويفضل 55 علشان كلما اقتربت حواف الشاشه من بعضها تأثير ال 3d بيختفي

[shiko85]

ممكن اعرف side by side دا صيغة بلاقيها وانا بحمل الفيلم ولا ايه

لا مش صيغه, لما تدور على افلام 3d هتلاقى اكتر من نوع زى Anaglyph 3D, SBS 3D, Top/Bottom 3D, interlaced 3D و هكذا بغض النظر عن الصيغه كل اللى هتعمله انك تختار الأفلام الـ sbs 3d مش اى حاجه تانيه
يعنى هتلاقى صور من الفيلم بالشكل ده



دى مش هتشتغل
و هتلاقى افلام تانيه صورتها كده



هى دى اللى هتشتغل و اسمها sbs او half sbs

[abdelrahmaaan]

انا مش عارف اشكركم ازاى يا رجالة والله كفيتم ووفيتم

[M.ABDOU]

سؤال بس يا رجاله

فى تليفزيونات سامسونج لو معاك موبايل سامسونج وفيه خاصيه all share بتقدر تشغل اى حاجه على الموبايل وتعرضها على شاشه التلفزيون

هل لو اشتريت تلفزيون LG حيبقى فى الخاصيه دى برضه

ولو الخاصيه دى موجوده لازم اشترى موبايل LG مخصوص علشان اعرض الصور او الفيديو من الموبايل الى التلفزيون ولا ينفع اى نوع موبايل غير LG

ارجو الافاده

[طارق _عبد السلام]

لا مش صيغه, لما تدور على افلام 3d هتلاقى اكتر من نوع زى Anaglyph 3D, SBS 3D, Top/Bottom 3D, interlaced 3D و هكذا بغض النظر عن الصيغه كل اللى هتعمله انك تختار الأفلام الـ sbs 3d مش اى حاجه تانيه
يعنى هتلاقى صور من الفيلم بالشكل ده



دى مش هتشتغل
و هتلاقى افلام تانيه صورتها كده



هى دى اللى هتشتغل و اسمها sbs او half sbs

lg--lm6610بيشغل كل الصيغ للثرى دى لو صوره جنب صوره او صوره فوق صوره

وفيه كمان تكبير الترجمه ل 3 درجات ورفع وخفض الترجمه على الشاشه وتغيير لونها لالوان تنساب رؤيتك

[طارق _عبد السلام]

طيب انا عندي ال جي سمارت

بالنسبالي الاسمارت رائع جدا ..بشغل افلام اون لاين وبشغل من اللاب دايركت علي الشاشة ويتويوب وماتشات اون لاين وحاجة عنب جدا

بس معرفش بيشغل 3d ولا لأ >>هو معاه ريموت ماوس وفي زرار 3d لاني مش فاكر الموديل بالظبط
كان سعره 4500 تقريبا

تلفزيونك ثرى دى وانت على الاسمارت هتلاقى عروض للثرى دى ادخل عليها وبعد ماتشتغل اضغط زر الثرى دى واختر الصوره النصفين والبس النظاره وعيش ياباشا

[abdelrahmaaan]

طيب سؤال اخير للاخوة ايه انسب مكان وارخص مكان للشراء شارع عبدالعزيز ولا كارفور..لانى لاحظت ان كارفور بيقولوا انهم بيعملوا عروض وخصومات بس بتطلع هى هى اسعار عبدالعزيز يمكن عبدالعزيز بيبقى اقل كمان

[طارق _عبد السلام]

طيب سؤال اخير للاخوة ايه انسب مكان وارخص مكان للشراء شارع عبدالعزيز ولا كارفور..لانى لاحظت ان كارفور بيقولوا انهم بيعملوا عروض وخصومات بس بتطلع هى هى اسعار عبدالعزيز يمكن عبدالعزيز بيبقى اقل كمان

كارفور فيه ميزه انك تقدر تجرب اكثر من تلفزيون وامامك حريه الاختيار

انا زمان اشتريت منه ايااااااااااام ما كان 32 بوصه ب12 الف كان فيه ميزه ان فيه حاجه اسمها ضمان كارفور يعنى ممكن ارجع الجهاز فى ظرف اسبوع لاى سبب معجبنيش المكان مش مناسب بس اخد بفلوسه سلعه تانيه مستردش الفلوس فكانت ميزه حلوه مش عارف متاحه الان ولا لا

افضل لك كارفور لحريه المقارنه والاختيار لااكثر
ولو الظروف تسمح لحضرتك والمكان كبير كبر البوصه على قدر مستطاعك كل ماتكبر البوصه فى الثرى افضل

[midoabdeen]

طيب بالنسبه للافلام الثري دي اصلا بتجبوها منين بقي