خناقة عنيفة !!!(بالصور)

[KSA2011]

ههههههه ماشاء الله عليه
بس انا زعلان عشان حضرتك صورتيه بالهدوم دى
الراجل لما يكبر ويشوف الصور دى يقول ايه
ويا سلام بقى لو وقعت تحت ايدى شنورى ولا احمد فارما ههه
هتبقى ورقه ارهاب لحضرتك
انفعالاته جميله ونظراته كلها قوه و ذكاء
ربنا يحميه ويخليه و لو الخناقه على اد كده بسيطه طالما مش مع يوسف زى منا اتصورت لما حضرتك قلتى خناقه عنيفه !

[أبو إياد]

بسم الله ماشاء الله عليه
ربنا يحميهولك يارب وتشوفيه هو ويوسف احسن ناس فى الدنيا

[نور القمر]

لذيذة والله ومبتكرة

ميرسي يا ميدو ربنا يخليك

ههههههه ماشاء الله عليه
بس انا زعلان عشان حضرتك صورتيه بالهدوم دى
الراجل لما يكبر ويشوف الصور دى يقول ايه
ويا سلام بقى لو وقعت تحت ايدى شنورى ولا احمد فارما ههه
هتبقى ورقه ارهاب لحضرتك
انفعالاته جميله ونظراته كلها قوه و ذكاء
ربنا يحميه ويخليه و لو الخناقه على اد كده بسيطه طالما مش مع يوسف زى منا اتصورت لما حضرتك قلتى خناقه عنيفه !

في مواقف كدة لو مصورتهاش في وقتها مش هتتكرر تاني مش مهم وقتها لابس ايه
وانا لما عملت الموضوع ده اخترت الصور الصالحة للنشر وتنفع تعدي من تحت مقص الرقابة
صحيح انا الي ألفت الحوار بس لعلمك هي كانت خناقة بجد مع الدبودب
وبعدين ازاي تتصور تتصور انه بيتخانق مع يوسف
ده اولادي التلاتة ( احمد محمد ويوسف ) نسمة نسمة نسمة ميعرفوش يعني ايه خناق لو مكنتش الخناقة ثلاثية متبقاش خناقة

بسم الله ماشاء الله عليه
ربنا يحميهولك يارب وتشوفيه هو ويوسف احسن ناس فى الدنيا

الله يخليك يا عزت ويخلي لك البشمهندس اياد وتشوفه رجل تفتخر بيه

[KSA2011]

ههه واحمد كمان ماشاء الله فيه حد تانى ربنا يباركلك فيهم يارب
فكرتينى بفيلم عمر وسلمى وبنفسى
لما الواد الصغير جاله فى البيت و قرفه وقاله انا كان نفسى يبقى عندى ولد بس بعد ما شفتك ....... الخ
انا كده برضه نفسى ربنا يرزقنى بزوجه جميله واجيب بنت جميله و تفضل تكبر وتكبر و تتجوز اجمل ولد احمد او محمد او يوسف الفاضى يومها ههههه
تربيه البنات جميله
و اكيد برضه اى واحد يتمنى يبقى عنده ولد بس اول ما بييجى فى بالى بقول اااه اهه ينفعوا وقت لما اجى اتشاكل ولا حاجه ييجوا يضربوا مكانى كده يعنى ههه فرق شاسع فى التخيل بين الولد والبنت

[أبو إياد]

انت هاتعملى زى والدتى كده يانور جابت محمد ومحمود ومصطفى
ولما انا اتجوزت كان عندها امل اجيب بنت فربنا رزقنى باياد
قالت مش مشكله محمود بقا يجيب البنت
ولما اتجوز ربنا رزقه بسيف
الامل فى مصطفى

ههههههههههههههههههههه مش عاوزك تيأسى يانور البركه بقا فى احمد ويوسف ومحمد هما هايجيبولك البنات

[نور القمر]

ههههههههههههه هم 3 بس لحد دلوقتي
لما يظهر حد جديد هعرفكم
ربنا يرزقك ببنت الحلال وتجيب بنات وولاد
الاطفال دول رزق من ربنا وانت عارف لو ربنا كاتب لك تجيب 15 هاتجيب 15 حتى لو كنت عايز واحد

[نور القمر]

انت هاتعملى زى والدتى كده يانور جابت محمد ومحمود ومصطفى
ولما انا اتجوزت كان عندها امل اجيب بنت فربنا رزقنى باياد
قالت مش مشكله محمود بقا يجيب البنت
ولما اتجوز ربنا رزقه بسيف
الامل فى مصطفى

ههههههههههههههههههههه مش عاوزك تيأسى يانور البركه بقا فى احمد ويوسف ومحمد هما هايجيبولك البنات

ماشاء الله ربنا يبارك ويخلي
انا ماليش اخوات ولاد وكانت ماما بتقول ان بناتها هايجبولها الولاد اللي هم اجوازنا وجبنالها رجالة جاهزة من غير ما تتعب فيهم وبعدهم ولادي وولاد اخواتي اللي اخرهم انس اخر العنقود ابن سندريلا
عشان كدة ديما بحس ان ولادي اخواتي مش ولادي ومتقلش انا مش معتمدة عليهم في البنت لان البنوتة جاية في السكة ان شاء الله ده لو السونار مكنش غلط

[bmya]

هههههههههههههههه
بسم الله ماشاء الله ربنا يبارك ليكي فيهم ويبارك فيكي لهم

انا بحب الاطفال جدااااااااااااااا
يوم ما بلال ابن اخت يجي عندنا البيت بتحول وببقه طفل زيه وبنلعب العاب غريبه جدااااااااااا من تأليفه طبعا وهو عنده 3 سنين ربنا يباركلنا فيه

[samoevil911]

يعني هو أكيد جاب الأسعاف ؟

وبعدين هو مصيف كدا ليه ؟ والا دا لزوم الخناقة ؟