بمناسبة العيد .... بطاريات لعب الاطفال

[تامر.محمد]

سلام عليكم و كل سنة و انتم جميعا طيبين :)
بمناسبة العيد بقى و انتوا عارفين , ده موسم لعب الاطفال

فيه موقف كده حاصل
بنتي عندها لعبتين مفروض كل واحدة فيهم بتشتغل ببطارية بتتشحن
لكن للأسف لأننا اهملنا فيهم و سبناهم مركونين ........ البطارية ماتت , في الاتنين
هل حد يعرف طريقة لتخطي الموضوع ده ؟
طريقة تخلي البطارية تنطق تاني ؟
مكان اشتري منه بطارية جديدة ؟
ولا اخدها من قصيرها و اقلبهم يشتغلوا بحجارة عادية لو نفع اصلا بقى ولا ايه ؟

[J A G U A R]

وحضرتك طيب
كمل جميلك وهات لعب جديده هايفرحو اوى :))

[mr_green]

كل عام و أنت طيب يا حج تامر

كلم راديو شاك أعتقد تلاقى عندهم والله أعلم

[ehabouf]

انت وحظك
حط البطاريا ت في الديب فريزر لمدة 24 ساعة (او فريزر الثلاجة لمدة 48 ساعة) وبعدين طلعهم ووقعهم من ايدك على الأرض (علشان البلورات المتجمدة تتفتت) وبعدين نشفهم بفوطة من البلل واشحنهم فوراً لمدة 6 ساعات على الأقل
وفي النهاية انت وحظك برضه

[Ladawy]

^^^^^^^^^

كان عندى مشكلة البطارية دى فى بطارية الموبايل ( كانت منفوخة )
و دورت على الطريقة اللى انت كاتبها ، و اغلب الآراء بتقول انها خرافة :)

---------------
@ تامر.محمد

صورلنا البطاريتين اللى مش شغالين ، و وضح فى الصورة البيانات المكتوبة عليهم
و نحاول سوا نلاقيلك ليهم بديل .

[ehabouf]

^^^^^^^^^

كان عندى مشكلة البطارية دى فى بطارية الموبايل ( كانت منفوخة )
و دورت على الطريقة اللى انت كاتبها ، و اغلب الآراء بتقول انها خرافة :)

---------------
@ تامر.محمد

صورلنا البطاريتين اللى مش شغالين ، و وضح فى الصورة البيانات المكتوبة عليهم
و نحاول سوا نلاقيلك ليهم بديل .

البطارية المنفوخة دي قصة ثانية
الطريقة دي انا جربتها كتير قبل كدة (بحكم عملي) واحياناً كتير كانت بتجيب نتيجة (في كل 10 بطاريات كانت بتنجح في 2 او 3)

[تامر.محمد]

دي واحدة منهم

[Ladawy]

الصورة مش موضحة البيانات المكتوبة ،،
لو امكن تاخد صورة اوضح ، و تكون موضحة برضه حجم البطارية

ممكن تكون بنفس بيانات بطارية السامسونج او النوكيا العادية ، و تبدل دى مكان دى و خلاص

أو زى بطارية الـ mp4 .. تشترى واحدة و تركبها مكانها .

[تامر.محمد]

4 فولت 700 ميلي امبير

[Ladawy]

الصورة مش موضحة حجم البطارية نفسها

هى فى نفس رفع بطارية الموبايل الساوسونج العادى ؟؟
لو صح ،، يبقى هى فى الغالب اخت بطارية الـ mp4

خدها و روح لأى محل الكترونيات ، و قوله يجيبلك زيها ، و هاتبقى تمام بإذن الله

و خلى بالك من الفولت ، لو نفس الفولت ( 4 ) يبقى عشرة على عشرة
لقيتها اقل أو اعلى بكتير ( بفرق فوق الـ 0.5 ) يبقى هات بطارية موبايل عادية ، بتبقى 3.7 فولت على 800 امبير .. هاتبقى مناسبة ليها.

[S O P H O S]

عدي علي راديو شاك لو لقيت يبقي خير
ملقتش يبقي هتتعب نفسك يا باشا فالبحث

[svneleven]

لو حد يعرف الشواحن للحاجات ديه نلاقيها فين؟ شاحن عربية أو موتوسيكل لعبة يعني.

[محمد يوسف]

جويرية من حقها لعب جديدة ببطاريات جديدة

[نور القمر]

مرة بطارية موبايل مركون عملت كدة الراجل بتاع الموبايلات حطها في جهاز عنده قومها