الاستثمار في المملكة العربية السعودية

[Hany Adel]

السلام عليكم ورحمة الله

اهلا بكم

الموضوع ده بخصوص الاستثمار في المملكة العربية السعودية
المعلومات
والاجراءات
وازاي تحفظ حقك

مجالات العمل المتاحة والافضل

@ان شاء الله نرد على الزملاء بقدر ما لدينا من معلومات
انا مستشار قانوني بمجموعة شركات سعودية ولدى خبره بالخليج عامة

@معلومة اولية
السعودية رصدت 80 مليار دولار لاعمال تطوير مجال الطاقة الكهربية والمتجدده !!!!
اعمال المقاولات هنا رائعة ... ومفتوحة فقط تحتاج لادارة جيده وقدرة على حفظ الحقووووووق

تحياتي واهلا بكم
يمكن الاستفسار هنا
او في هذا المووضوع المثبت

http://www.nilemotors.net/Nile/243922-a.html

[raedegypt]

موضوع الكفيل مشكله

[Secret-Man]

ملقتش الا السعوديه فى البيزنس اعوووووووووذ بالله

[blazer]

لو عاوز أصدر منتجات ملابس الى السعوديه ,, تقدر تفيدنى ايه الخطوات او ازاى اقدر اجيب عملاء

[فتوك حائر]

ايه افضل بلد في الخليج تقدر تشتغل فيه لحسابك بعمل مشروع صغير او محل او ماشابه
وايه نظام الكفيل
ولو متوفر معايا مبلغ 200 الف درهم تنصحني اعمل ايه خاص بيا في دبي

[Hany Adel]

لو عاوز أصدر منتجات ملابس الى السعوديه ,, تقدر تفيدنى ايه الخطوات او ازاى اقدر اجيب عملاء

أهلا بك
المسألة تتعلق بعدد من التفاصيل
طبيعة الملابس مثلا وغيرها

والسوق هنا كبير ومفتوح ... ولكن الملابس نسبه كبيره منها من الهند وباكستان والصين
نظرا لطبيعة العمالة واغلبهم من هذه البلاد

على العموم ارسلت لك بعض الاسئلة
وبعدها سنحدد الافضل لك بإذن الله

[Bassem Youssef]

من رأيي الابتعاد عن الدول العربيه و الخليجيه حاليا

الشرق الاوسط علي كف عفريت و داعش و حاجه ما يعلم بيها الا الله

افضل دول للاستثمار من رأيي هي دول شرق اوروبا و يليها بعض دول افريقيا و في الاخر خالص امريكا اللاتينيه

[Hany Adel]

ايه افضل بلد في الخليج تقدر تشتغل فيه لحسابك بعمل مشروع صغير او محل او ماشابه
وايه نظام الكفيل
ولو متوفر معايا مبلغ 200 الف درهم تنصحني اعمل ايه خاص بيا في دبي

السعودية فيها ما شاء الله فلوس كتير
كتير هنا ناس عملت ملايين من الخبره والادارة
والتمويل مش صعب ابدا


وف الاخر المسالة ارزاق

المشكلة الوحيده بس هنا في المملكة
ازاي تحفظ حقووووووووووووقك

وده الحمد لله بنعمله مع شركات دولية سواء في صياغة العقود
او ضبطها بشكل متوازن في الاعمال

اي كانت طبيعتها

@بالنسبة للمبلغ ده هو بصراحة بسيط بالنسبة للشغل هنا
في المملكة
اكتر شغل ماشي جدا حاليا هو المقاولات
والمشاريع مش لاقيه مقاولين

بس بتحتاج رأس مال مقبول وشريك سعودي او
بتستثمر لوحدك بالكامل
بس شروط هيئة الاستثمار هنا صعبه شويه وبتطلب رأس مال عالي
بيبدأ من 2 مليون تقريبا ريال


اي استفسار اهلا بيك
تحياتي

[Hany Adel]

من رأيي الابتعاد عن الدول العربيه و الخليجيه حاليا

الشرق الاوسط علي كف عفريت و داعش و حاجه ما يعلم بيها الا الله

افضل دول للاستثمار من رأيي هي دول شرق اوروبا و يليها بعض دول افريقيا و في الاخر خالص امريكا اللاتينيه

لو الخليج وقع .. لا قدر الله ...
مش حيبقى فيه استثمار للعرب في اي حته

هم اللي حييجوا عندنا وياخدوا الفلوس بمعرفتهم !!!!!!!!!
حلم الاحتلال


بعد تركز الثروات في المنطقة العربية

[raedegypt]

الشرق الاوسط على كف عفريت .. استثمر فى بلدك اضمن

[elrasy]

انا فى السعودية يا ريت نفكر فى مشروع نعملة ,, البلد فعلا فيها فلوس كتير ,,, بس ازاى تضمن حق ... هو دة السؤال.

[Bassem Youssef]

الشرق الاوسط على كف عفريت .. استثمر فى بلدك اضمن

هي مش بلدنا في الشرق الاوسط برضه و لا ايه ؟

[حسام الغرباوي]

انا شغال في السعودية في شركة مقاولات
وفعلا شغال المقاولات الحر فلوس حلوة جدا

وعندي كل اللي يساعدني اني ابدأ ماعدا التمويل هههه

يعني الشخص السعودي موجود والعمال موجودين في مصر والورق وكل شيء ...باقي التمووووووووويل والبدأ :)

[amz2011]

انا مثلا عندى هنا فى مصر توكيل اجهزة مساحيه و عايز افتح فرع فى السعوديه و عندى موافقه من الشركة الام انها تبعتلى الاجهزة على السعوديه على طول و لكن كابوس الكفيل يمنعنا من الاستثمار هناك فهل يوجد طريق تانى؟

[حسام الغرباوي]

انا مثلا عندى هنا فى مصر توكيل اجهزة مساحيه و عايز افتح فرع فى السعوديه و عندى موافقه من الشركة الام انها تبعتلى الاجهزة على السعوديه على طول و لكن كابوس الكفيل يمنعنا من الاستثمار هناك فهل يوجد طريق تانى؟

لو على الكفيل سهلة ...انا عندي واحد اضمنه برقبتي لمعرفتي به قبل ان اذهب للمملكة من الاساس :)