التنازل عن الجنسية المصرية

[mr_safwt]

ما هى مميزات الجنسية الالمانية ؟؟؟
ما مميزاتها عن الجنسية المصرية ؟؟
هل سوف تمنحك المانيا مكافاات ؟
ماذا لو غيرت مسار حياتك الى فرنسا او استراليا او كندا ؟
هل ستنازل عن الجنسية الالمانية هى الاخرى ؟؟
ماذا لو حكمت لك ظروفك انك لم تستقر فى المانيا بعد تنازلك عن الجنسية المصرية و حكت لك ظروف انك ترجع مصر ؟؟ ماذا ستفعل ؟؟

اعتقد انك لازم تفكر بدون تسرع و لن تعطيك اى جنسية ميزه افضل عن الاخرى
بل ان الجنسية المصرية فخر للعالم و اسال اهل المانيا نفسهم

حضرتك بتتكلم ازاي طبعا جنسيه ألمانيا ولومثلا غير لفرنسا هي كده كده اتحاد أوروبي ما فرقتش حاجة
ولو أي دوله تانيه شوف إمتيازات الحاصل على الجنسية الالمانيه
إنما الجنسيه المصريه ايه الميزه لا تعليم ولا صحه ولا حياه وكل حاجه فيها همجية وبلطجه

[Bassem Youssef]

ما هى مميزات الجنسية الالمانية ؟؟؟
ما مميزاتها عن الجنسية المصرية ؟؟
هل سوف تمنحك المانيا مكافاات ؟
ماذا لو غيرت مسار حياتك الى فرنسا او استراليا او كندا ؟
هل ستنازل عن الجنسية الالمانية هى الاخرى ؟؟
ماذا لو حكمت لك ظروفك انك لم تستقر فى المانيا بعد تنازلك عن الجنسية المصرية و حكت لك ظروف انك ترجع مصر ؟؟ ماذا ستفعل ؟؟

اعتقد انك لازم تفكر بدون تسرع و لن تعطيك اى جنسية ميزه افضل عن الاخرى
بل ان الجنسية المصرية فخر للعالم و اسال اهل المانيا نفسهم

[mr_safwt]

احنا غلطنا لما كملنا حياتنا في البلد ديه بلد كل فيها غل وحقد وكره وحرب في كل حته عشان تفشل أو عشان تعيش مذلول طول عمرك
اقولك حاجه جرب حد من أهلك يتعب ووديه مستشفى حتى لو خاص وانت تعرف ساعتها يعني ايه بلد

[ahmed1981]

بل ان الجنسية المصرية فخر للعالم و اسال اهل المانيا نفسهم

عشان مصر أم الدنيا وهتبقى خالتها كمان قريب
ما أنا عارف

الشعارات دي إنكشفت خلاص
وموضتها روحت من زمان

الجنسية المصرية فخر للعالم
على إيه ؟؟؟؟؟؟؟؟؟؟؟؟؟؟؟؟؟؟؟

يمكن زهقوا من الكهربا والنور ونضافة الشوارع والطرق السليمة والعلاج الآدمي والحرية والكرامة والعدالة والتعليم والصناعة والزراعة والمرور المحترم والتطور والحداثة

وعايزين ييجوا يفخروا شوية بالجنسية المصرية !!!

عموماً ممكن ناخدهم زيارة لوحدة مرور السلام عشان يشبعوا فخر

ـ

[أحمد كمال]

عشان مصر أم الدنيا وهتبقى خالتها كمان قريب
ما أنا عارف

الشعارات دي إنكشفت خلاص
وموضتها روحت من زمان

الجنسية المصرية فخر للعالم
على إيه ؟؟؟؟؟؟؟؟؟؟؟؟؟؟؟؟؟؟؟

يمكن زهقوا من الكهربا والنور ونضافة الشوارع والطرق السليمة والعلاج الآدمي والحرية والكرامة والعدالة والتعليم والصناعة والزراعة والمرور المحترم والتطور والحداثة

وعايزين ييجوا يفخروا شوية بالجنسية المصرية !!!

عموماً ممكن ناخدهم زيارة لوحدة مرور السلام عشان يشبعوا فخر

ـ

و الله انا قرفت من الشعارات الجبس دي ....... اللي تخبط عليها تفتفت في ايدك ....... الجنسية المصرية مفخرة !!!!!!! هاهاهاهاهاااااااااااااااااااي

[khaled_sabry]

ما هى مميزات الجنسية الالمانية ؟؟؟
ما مميزاتها عن الجنسية المصرية ؟؟
هل سوف تمنحك المانيا مكافاات ؟
ماذا لو غيرت مسار حياتك الى فرنسا او استراليا او كندا ؟
هل ستنازل عن الجنسية الالمانية هى الاخرى ؟؟
ماذا لو حكمت لك ظروفك انك لم تستقر فى المانيا بعد تنازلك عن الجنسية المصرية و حكت لك ظروف انك ترجع مصر ؟؟ ماذا ستفعل ؟؟

اعتقد انك لازم تفكر بدون تسرع و لن تعطيك اى جنسية ميزه افضل عن الاخرى
بل ان الجنسية المصرية فخر للعالم و اسال اهل المانيا نفسهم

بتتكلم بجد و لا بتهرج
مع احترامى لصاحب المشاركه - كل سطر من المشاركه دى ينفع نكته لوحده

[aif]

انا مش ح اقول حاجة علي حكاية ام الدونيا دي
كفاية اللي الزملاء قالوه
..
اتعلم الماني وسافر في اقرب فرصة
حتي لو مش ح تتنازل عن الجنسية المصرية ... عيش في المانيا وادرس وقب علي وش الدنيا
انا مش عارف اصلا انت بتفكر ف ايه
حتي لو رجعت مصر
ح ترجع تعيش كمواطن الماني تحط صباعك في عين التخين هنا ...... مشيها عينه

[tarek12]

حضرتك بتتكلم ازاي طبعا جنسيه ألمانيا ولومثلا غير لفرنسا هي كده كده اتحاد أوروبي ما فرقتش حاجة
ولو أي دوله تانيه شوف إمتيازات الحاصل على الجنسية الالمانيه
إنما الجنسيه المصريه ايه الميزه لا تعليم ولا صحه ولا حياه وكل حاجه فيها همجية وبلطجه

الاستاذ المحترم صفوت , بارك الله فيك علم واسع وإسلوب راقى وطريقة كتابه مبهرة

حقا إنما الأمم الأخلاق ما بقيت.

ولكن الذى تقوله من لا تعليم و لا صحه و لا حياه دا كان نتاج 30 سنه نظام فاسد + 1 سنه نظام الفاشيه الارهابية ,,, دا اللى ادى ان ناس كنيير عاوزه تهاجر
اضف الى ذلك ما تفعله الجماعه الاراهابية من عمليات تفجيرات و ترويع للشارع المصرى

و اعلى نسبه مهاجره كانت فى العام نفسه اللى مسك فيه المعزول
و بعد هذا العام عاد الكثيرون المهاجرين الى مصر ؟؟؟ تفسر دا بايه ؟؟؟؟؟؟؟؟؟

[م/مصطفى محمود]

اممممممممممممممممم

الموضوع مُعقد فعلا

أوقات كتير بفكر فى قوله تعالى (وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَىٰ فِي الظُّلُمَاتِ أَن لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) )

و قوله تعالى ( فَاصْبِرْ لِحُكْمِ رَبِّكَ وَلَا تَكُن كَصَاحِبِ الْحُوتِ إِذْ نَادَىٰ وَهُوَ مَكْظُومٌ (48) )

قصة سيدنا يونس تستحق التفكُر فعلا

سيدنا يونس ذهب غاضبا على قومة وظن ان ربنا لن يقدر علية معيشتة بسبب فعل كهذا خصوصا انه بالفعل دعاهم ولم يستجيبوا ، ولكن كان نتيجة فعلة (فَالْتَقَمَهُ الْحُوتُ وَهُوَ مُلِيمٌ )

موضوع الهجرة وموضوع الإصلاح محتاج تفكير مننا كتير فعلا

انا مش داخل اقول شعارات ، ولا داخل اتكلم فى الدين (انا ده فهمي للآيات مش كلام فقهي وقد يكون خطأ ) ، بس اللى أقصدة اننا لازم بجد يبقى لينا دور فى الإصلاح (سواء من جوة أو من برة) بس على الأقل لو خرجنا برة نكون ناويين نرجع نصلح جوة ( الهجرة - فتح مكة)

[ahmed1981]

أوقات كتير بفكر فى قوله تعالى (وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَىٰ فِي الظُّلُمَاتِ أَن لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) )
و قوله تعالى ( فَاصْبِرْ لِحُكْمِ رَبِّكَ وَلَا تَكُن كَصَاحِبِ الْحُوتِ إِذْ نَادَىٰ وَهُوَ مَكْظُومٌ (48) )
قصة سيدنا يونس تستحق التفكُر فعلا
.
.
اللى أقصدة اننا لازم بجد يبقى لينا دور فى الإصلاح (سواء من جوة أو من برة) بس على الأقل لو خرجنا برة نكون ناويين نرجع نصلح جوة ( الهجرة - فتح مكة)

كلام سليم
والواحد في الإصلاح بيجعل الأولوية لنفسه
فلو بقاؤه في بلد الظلم فيه تضييق عليه وفساد وظلم واستكانه وفساد أولاده من بعده ....
فليهاجر ويتركها
وإذا أقدره الله على العودة لها عزيزاً مصلحاً فلا يتأخر

يقول الله تعالى :ـ
{ إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنْفُسِهِمْ
قَالُوا فِيمَ كُنْتُمْ ۖ
قَالُوا كُنَّا مُسْتَضْعَفِينَ فِي الْأَرْضِ
قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا ... }
سورة النساء آية 97

ـ

[م/مصطفى محمود]

كلام سليم
والواحد في الإصلاح بيجعل الأولوية لنفسه
فلو بقاؤه في بلد الظلم فيه تضييق عليه وفساد وظلم واستكانه وفساد أولاده من بعده ....
فليهاجر ويتركها
وإذا أقدره الله على العودة لها عزيزاً مصلحاً فلا يتأخر

يقول الله تعالى :ـ
{ إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنْفُسِهِمْ
قَالُوا فِيمَ كُنْتُمْ ۖ
قَالُوا كُنَّا مُسْتَضْعَفِينَ فِي الْأَرْضِ
قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا ... }
سورة النساء آية 97

ـ

فى الآية هنا الملائكة كانت بتخاطب الناس ال (ظالمي أنفسهم ) ، فالمشكلة الأساسية لم تكن فى انهم مُستضعفين فى الأرض ، المشكلة كانت فى انهم ظالمي انفسهم ولما الملائكة سألتهم فيم كنتم ، ساقوا حجه الإستضعاف فى الأرض واللى نفتها الملائكة بوجود حل بديل

فظلم النفس هنا اكيد لية مقياس ، وأمتى يبقى ده كده ظلم للنفس وامتى لأ

* فى رواية ثلاثية غرناطة بيوضح ان فى جيل من المسلمين فى الأندلس كان مسلم ومسمي نفسة أسامي مسيحية ومكنوش بيلبسوا حجاب او يصلوا او يصوما خوفا من البطش ، انا شايف ان حاجه زي كده هي فعلا الإستضعاف المترتب علية الهجرة المقصودة فى الآية

خصوصا ان تاريخ الأنبياء والصحابة والمؤمنين مليان بمراحل المحن والشدة وكانت الهجرة بتبقى في وقت معين ، فأكيد الوقت ده لية معايير ، لية حد اقصى وحد ادنى تبدأ الهجرة فيهم ، واكيد برضوا ليها علاقة بمدى قوة وصلابة الناس

وتاني بكرر ، انا مش بتكلم فى حرام وحلال ، أحنا بندردش مع بعض لأن الموضوع شاغلني فعلا ، والكلام ده خواطر مش اكتر ، فياريت بجد لو حد مُتعمق فى النقطة دي يفيدنا

* وبرضوا انا كلامي هنا عن الهجرة وليس السفر للدراسة والعلم ، أنا بتكلم عن الخلعان من الآخر

[Ayman_saad]

شوف حضرتك
كلام بأذن الله أكيد ، أنت بتتنازل عن الجنسية المصرية لفترة بسيطة جدا ،
الوقت ده بيكون أثناء حصولك علي الجنسية الألمانية ، وبعد كده بتسترد الجنسية المصرية ،
وبتكون حامل للجنسيتين ( المصرية - الألمانية )
بالتوفيق إن شاء الله

[lena jo]

شوف حضرتك
كلام بأذن الله أكيد ، أنت بتتنازل عن الجنسية المصرية لفترة بسيطة جدا ،
الوقت ده بيكون أثناء حصولك علي الجنسية الألمانية ، وبعد كده بتسترد الجنسية المصرية ،
وبتكون حامل للجنسيتين ( المصرية - الألمانية )
بالتوفيق إن شاء الله

حامل للجنسيتين ازاي؟ المانيا لا تقبل ازدواج الجنسية . و ممكن يرجع المصرية صحيح لكن لو اكتشفوا في المانيا انه رجع الجنسية هيسحبوا منه الجنسية الالمانية و هتكون مشكلة.

[Mohab.Nabil]

بصراحة انا شايف اللى يبدء حياته كمواطن للبلد انه يخالف القوانين بتاعتها و يتحايل عليها عشان يعمل اللى هو عايزه مش صح

يعنى عايز تاخد الجنسية الالمانية يبقى على الاقل تلتزم بالشروط بتاعتها و محدش بيجبرك انك تاخد الجنسية الالمانية ، ديه حاجة انت ليك مطلق الحرية فيها و بمزاجك

للاسف معظم العرب اكتر ناس بتخالف و بتتلاعب بالقوانين و ده سبب مهم من اسباب عدم حب الشعوب التانية للعرب

[calipha3]

اسئل عمرو حمزاوي :d اتنازل و رجعها تاني و بعدين اتنازل عن الالمانيه عشان البرلمان و بعدين اتحل يا عيني :(