ايه سبب الدوخة والدوران (مشكلة طبية)

[NineVision]

امبارح كنت مسافر مطروح وانا فى طريق العلمين بدات احس الدنيا بتلف بيا جامد جدا عقبال اما فرملت العربية حكت فى الرصيف لانى فعلا مكنتش قادر احدد هو الطريق فين لانى شايفيه عمال يجى يمين وشمال وفضلت على كده لمده عشر دقايق
حد يعرف السبب وهل يستاهل اروح اعمل تحاليل
طبعا شعور وحش جدا لانى كنت بليل ومفيش حد يساعدنى

[الفجر]

سلامتك اخى هل احيانا بيجيلك نوبات صداع مؤلم جدا وكم مرة بيجيلك صداع ؟؟

[JapRuleZ]

الف سلامه عليك ... نصيحه اخ ... حتى لو تافهه ... روح لدكتور و متبخلش فى صحتك ... لعله خير ... بلاش ونبى طب الانترنت

[prof2013]

بتحصلي احيانا وانا نايم من ساعه ما عملت الحادثه ولا اعلم السبب ربما بسبب عدم وصول دم كافي للمخ ونقص معادن مهمه كالحديد والفوسفور والفيتامين

[NineVision]

سلامتك اخى هل احيانا بيجيلك نوبات صداع مؤلم جدا وكم مرة بيجيلك صداع ؟؟

الله يسلمك
مرة واحدة حصلى صداع من عشر ايام فى العرق اللى جمب رمش العين وكان مؤلم جدا جدا ده الحاجة الوحيدة اللى افتكرها

[NineVision]

الف سلامه عليك ... نصيحه اخ ... حتى لو تافهه ... روح لدكتور و متبخلش فى صحتك ... لعله خير ... بلاش ونبى طب الانترنت

انا عارف والله
بس انا ليا تجربة سيئة جدامع الدكاترة وجالى فوبيا منهم

[NineVision]

بتحصلي احيانا وانا نايم من ساعه ما عملت الحادثه ولا اعلم السبب ربما بسبب عدم وصول دم كافي للمخ ونقص معادن مهمه كالحديد والفوسفور والفيتامين

الف سلامة عليك
موضوع وصول الدم انا فعلا شاكك فيه

[graffittiii]

أنا للأسف معنديش خبرة في المجال ده بس حبيت أقولك ألف سلامة عليك وإن شاء الله بسيطة .
هو إنت أكيد محتاج تعمل تحاليل بس الدكتور هو اللي هيحدد إيه التحاليل اللازمة .
أو تروح معمل تحاليل كبير يعملك تحليل شامل بس ممكن يكون بردو مفيهوش التحليل المطلوب .

علي الأقل حاول تخلي معاك بطاقة مغلفة فيها بياناتك الأساسية وفصيلة دمك تحسبا لأي موقف زي ده .
أسأل الله رب العرش العظيم أن يشفيك .

[speed_magnum]

اكشف علشان تطمن وباذن الله الموضوع مش هيخرج عن هبوط وشوية ارهاق

[mr_green]

أخى الفاضل
ألف سلامة عليك

الدوخة دى ممكن يكون ليها كذا سبب أنا مش طبيب بس هاقولك على قدر علمى و تجاربى

1- بص على الضغط و السكر
2- ممكن يكون حاجة عابرة
3- ممكن يكون مشاكل فى الإتزان من الإذن الداخلية و يارب ماتكونش دى عشان دى رخمة
4- ممكن يكون هبوط عابر
5- ممكن يكون ضعف عام - قلة نوم - أنيميا

المهم لو تكرر لازم تبتدى تمشى ورا الأسباب لحد ما توصل للسبب و تعالجة و ربنا يدينا الصحة و يشفينا جميعا

[Anaslbda]

إلتهاب في الأذن الوسطى ممكن؟ لإن الدوخة الجامدة دي والدنيا اللي بتلف بيك فوق وتحت تجربة مرّيت بيها انا كمان بس كانت في صالون بيتي مش ع الطريق, الحمدلله ربنا سترها معاك..
تروح لدكتور وهيسمع الأعراض ومن غير أي كشف هيوصفلك كورس أدوية بسيطة في حدود ال 250 جنيه لمدة أسبوعين هتخف بإذن الله.

[غزلة]

إلتهاب في الأذن الوسطى ممكن؟ لإن الدوخة الجامدة دي والدنيا اللي بتلف بيك فوق وتحت تجربة مرّيت بيها انا كمان بس كانت في صالون بيتي مش ع الطريق, الحمدلله ربنا سترها معاك..
تروح لدكتور وهيسمع الأعراض ومن غير أي كشف هيوصفلك كورس أدوية بسيطة في حدود ال 250 جنيه لمدة أسبوعين هتخف بإذن الله.

اخي الفاضل٠ انا عندي نفس المشكلة بقالها ٦ شهور ممكن اسم الدكتور اللي حضرتك اتعملت معه والعنوان

[Anaslbda]

اخي الفاضل٠ انا عندي نفس المشكلة بقالها ٦ شهور ممكن اسم الدكتور اللي حضرتك اتعملت معه والعنوان

الموضوع ده كان من حوالي سنتين مش فاكر اسم الدكتور بالظبط لكنّه كان في برج الأطباء اللي في اوّل فيصل, كان اسمه حسن الشريف أو احمد حسن حاجه كده.

[غزلة]

الموضوع ده كان من حوالي سنتين مش فاكر اسم الدكتور بالظبط لكنّه كان في برج الأطباء اللي في اوّل فيصل, كان اسمه حسن الشريف أو احمد حسن حاجه كده.

الف شكر

[الفجر]

طالما مش عندك صداع عنقودى طبقا لوصف كلامك

فانت مريض بمرض معروف وشهير جدا اسمة بالانجليزى

meniere disease

مرض المنيير وقول كدة للطبيب اللى انت رايح لية ووتعريف المرض التهاب شديد فى الاذن الوسطى وهيديك ادوية البيتا سيرك وادوية ضد الدوخة ..... وبالنسبة لاتهاب الاذن الوسطى عليك انك تمنع دخول المية للاذن الوسطى و تحاول تقلل دخول الاتربة والغبار للاذن ولو بقطن اثناء القيادة

مع تحياتى ومرض سهل وبسيط جدا فى علاجة