عزل السطح ضد الحراره و الميه

[WalidAdel]

سؤال لأصحاب الدور الاخير و بمناسبة الامطار و كده
اولا واخد شقه الدور الاخير و طبعا الرووف من غير مزراب ماء و الارضيه علي المسلح عادي جدا ... فقولت بما ان الشتاء داخل فعايز اعمل السطح علشان الميه و كده و بعدين افتولي ان لازم اعزل كمان حراره و انا مش فاهم ده يتعمل ازاي
و كانت الاختيارات كالاتي :
اولا اعمل طوب اسمنتي و ابلط بيه السطح مع عمل مزراب للماء و شكرا
ثانيا عمل بالك .. البلدي ده .. و بعدين لما سالت قالولي لأ لان ممكن لما الدنيا تمطر تلاقي بقع سوده باينه في السقف عندك
ثالثا عمل بالك كده ... حاجه نظيفه ... عباره عن لفف كده و ببتلحم بالبشبوري و الظريف بقي ان البيه اللي هاشتري من عنده هايجيبلي واحد علشان يلحم اللفف دي ... طبيعي ... بس قالي عايز امبوبه و بشبوري علشان استخدمهم في اللحام و هاياخد 1500 مصنعية ايده بس ده غير 2700 تمن اللفف و التطليع و الانبوبه و البشبوري عليا ):
رابعا اروح كيماويات البناء الحديث لان عرفت ان عندهم ماده كده في جراكن و بتدهن بيها السقف و بعدين الماده دي بتنفش ولا حاجه كده فبتمنع الميه و الحراره ..انا مش عارف الحوار بالظبط بس ليسه هاروح اسئل..
ياريت لو حد ليه خبره في الحوارات دي و متجربه و النتيجه بتاعتها ظريفه يقولي علشان انا هابتدي في الموضوع ده ان شاء الله الاسبوع اللي جاي علطول

[amz2011]

متابع معاك

[Ahmed_Ramadan]

متابع

[romieh]

متابع

[rotanamasoud]

عزل كامل للحراره لازم الواح فل ابيض بسمك5 سم وفوقها طبقه رمل وفوقها طبقه اسمنت وفوقها العازل اللى تختاره
او تكبر دماغك بموضوع غير مكلف لاكن بيتعمل كل سنه فى دخله الشتاء(انا بعمل كده)
بتجيب شكاره اسمنت وشكاره بودره وعامل بيسقى السطح بالخليط ده بيبقى املس جدا وبيسد اى حاجه مع مزاريب والشمس فى الصيف بتشققه فبيتعمل كل سنه

[حسام الغرباوي]

كنت عملت موضوع كامل عن الحوار دا هبقي اجيبلك الرابط

لكن خلاصة الكلام

1 - لازم يكون عندك مزراب مياه في كل الاحوال او تعمل وصلة علي المجاري
2 - افضل عزل هو عزل الفوم و بيتومين مأكسد مطاط والخيش ( ودا مكلف شوية بس ميزته انه عزل حراري وصوت ومياة )
3 - في عزل حراري فقط اللي هو تجيب فل سمك 5 سم وتعمل عليه اسمنت خفيف من فوق

ملاحظة :: اي طريقة عزل لازم تعمل ميل في السقف شوية وقنوات وتوصلها بمزاريب او علي الصرف

[grumby78]

شوف ياسيدي افضل شيء تعمل موضوع العزل ده زي الكتاب مابيقول عشان انت بتحمي استثمارك ونتيجة العك في الحاجات دي مش بس عدم الراحة لا ده كمان خسارة واعادة اصلاح . حفيدك في حدود معرفتي الاول وبعد كنس السطح تماما يعني ميكونش في ذرة رمل بتدهن بيتومين على البارد او ساخن ودي طبقة تسد بيها المسامات وهيا اوليه . بعدين رولات الانسومات اللي بتتلحم بالباشبوري ودي لازم تجيبها معتمدة وسماكة لاتقل عن 4 مم . لازم كمان تعمل رقبة ازازة على الداير ودي عبارة محارة بميل لكسر الزاوية القائمة اللي بين سور السطح والارضية . لازم كمان اللحامات تكون تمام وبعد مايخلص تشوفها بعينك وتتأكد ان مافيش حاجة هربانة من الصنايعي وكمان يكون الانسومات مكوي مع السور وتحته رقبة الازازة . وبعدها تفتح ميه في السطح للتأكد ان العزل تمام وتسيبها يوم مثلا وتتأكد ان مفيش اي تسريب تحت في الشقة . بعدها في ماده رغوية زي الاسمنت بتعمل فوم بخلطها بالمياه ودي لعزل الحرارة . واخيرا تعمل ضفرة بميل متجهه للمزاريب او جراجير المياه في المناور . الاسعار متغيرة ولا تحضرني بس هيا بالمتر يعني تقيس عندك كام متر مربع وتحط عليها لفف الانسومات - سعرها - وتطليعها - تشوين - والبيتومين وده تحسب حتستهلك كام . ومصنعية العامل او فني العزل . وبكده تقدر تنسى هم العزل وتريح بالك تماما من القصة دي مع الاهتمام بعمل ضفرة نهائية لاتقل عن 10 سم ودي لحماية العزل وعملها بميل وتجري فيها الميه وتتاكد ان الميه مش بتركد على السطح . بالتوفيق

[WalidAdel]

عزل كامل للحراره لازم الواح فل ابيض بسمك5 سم وفوقها طبقه رمل وفوقها طبقه اسمنت وفوقها العازل اللى تختاره
او تكبر دماغك بموضوع غير مكلف لاكن بيتعمل كل سنه فى دخله الشتاء(انا بعمل كده)
بتجيب شكاره اسمنت وشكاره بودره وعامل بيسقى السطح بالخليط ده بيبقى املس جدا وبيسد اى حاجه مع مزاريب والشمس فى الصيف بتشققه فبيتعمل كل سنه

شكرا جدا لحضرتك بس البودره دي عباره عن ايه و بتتجاب منين

كنت عملت موضوع كامل عن الحوار دا هبقي اجيبلك الرابط

لكن خلاصة الكلام

1 - لازم يكون عندك مزراب مياه في كل الاحوال او تعمل وصلة علي المجاري
2 - افضل عزل هو عزل الفوم و بيتومين مأكسد مطاط والخيش ( ودا مكلف شوية بس ميزته انه عزل حراري وصوت ومياة )
3 - في عزل حراري فقط اللي هو تجيب فل سمك 5 سم وتعمل عليه اسمنت خفيف من فوق

ملاحظة :: اي طريقة عزل لازم تعمل ميل في السقف شوية وقنوات وتوصلها بمزاريب او علي الصرف

ده الحل اللي انا اعرفه بس مكلف اوي هايخش 7 او 8 الف جنيه بكل حاجه

شوف ياسيدي افضل شيء تعمل موضوع العزل ده زي الكتاب مابيقول عشان انت بتحمي استثمارك ونتيجة العك في الحاجات دي مش بس عدم الراحة لا ده كمان خسارة واعادة اصلاح . حفيدك في حدود معرفتي الاول وبعد كنس السطح تماما يعني ميكونش في ذرة رمل بتدهن بيتومين على البارد او ساخن ودي طبقة تسد بيها المسامات وهيا اوليه . بعدين رولات الانسومات اللي بتتلحم بالباشبوري ودي لازم تجيبها معتمدة وسماكة لاتقل عن 4 مم . لازم كمان تعمل رقبة ازازة على الداير ودي عبارة محارة بميل لكسر الزاوية القائمة اللي بين سور السطح والارضية . لازم كمان اللحامات تكون تمام وبعد مايخلص تشوفها بعينك وتتأكد ان مافيش حاجة هربانة من الصنايعي وكمان يكون الانسومات مكوي مع السور وتحته رقبة الازازة . وبعدها تفتح ميه في السطح للتأكد ان العزل تمام وتسيبها يوم مثلا وتتأكد ان مفيش اي تسريب تحت في الشقة . بعدها في ماده رغوية زي الاسمنت بتعمل فوم بخلطها بالمياه ودي لعزل الحرارة . واخيرا تعمل ضفرة بميل متجهه للمزاريب او جراجير المياه في المناور . الاسعار متغيرة ولا تحضرني بس هيا بالمتر يعني تقيس عندك كام متر مربع وتحط عليها لفف الانسومات - سعرها - وتطليعها - تشوين - والبيتومين وده تحسب حتستهلك كام . ومصنعية العامل او فني العزل . وبكده تقدر تنسى هم العزل وتريح بالك تماما من القصة دي مع الاهتمام بعمل ضفرة نهائية لاتقل عن 10 سم ودي لحماية العزل وعملها بميل وتجري فيها الميه وتتاكد ان الميه مش بتركد على السطح . بالتوفيق

طيب و بعد الشغل ده كله هايبقي السمك كبير لان في شقه بروووف فوق فكده هايبقي ارتفاع البلاط عالي

[طارق _عبد السلام]

لو المساحه مش كبيره بلطها سيراميك بميل وخلى الصرف على المجارى

[بحار]

لو المساحه مش كبيره بلطها سيراميك بميل وخلى الصرف على المجارى

حتى لو كبيرة كده التكلفه هاتكون أقل من الحلول السابقة .

[mohamed hussei]

هات بلاك بتاع الحمامات وادهن مش عارف سعرة كام

[AHMED12345678]

فى موضوع سطح البيت عندنا
جبت سيراميك ابيض علشان الابيض بيعكس الحرارة
وعملت تصريف على المجارى وطبعا السيراميك كان بميل وكان ميله جامد كمان علشان المية متركنش
غير انى هعمل حاجة كده زى مظله كبيرة على السطح علشان لما نطلع على السطح نعرف نقعد من غير الشمس متلسوعنا وبرده يساعد على ابعاد اشعه الشمس عن السطح

[A.Saad]

عباره عن لفف كده و ببتلحم بالبشبوري و الظريف بقي ان البيه اللي هاشتري من عنده هايجيبلي واحد علشان يلحم اللفف دي ... طبيعي ... بس قالي عايز امبوبه و بشبوري علشان استخدمهم في اللحام و هاياخد 1500 مصنعية ايده بس ده غير 2700 تمن اللفف و التطليع و الانبوبه و البشبوري عليا ):

ده مش صنايعى عزل
صنايعى العزل معاه عدته شغال بيها على طول
بلاش منه
ولو عايز حد محترم ممكن ارشحلك واحد عمل شغل عندى

احسن لفات عزل هى من شركة انسومات ومكانها فى طموة
اتصل بيهم هيدلوك على موزع ليهم
او هات منهم على طول

[Abo Yasso]

داخل على نفس الموضوع وبلف حوالين نفسى