سؤال لاى حد مربى او عندة معلومات عن القطط الشيرازى

[3abdo.it]

ازيكم يا شباب

صديق ليا كان برا وجبلى قطة شيرازى نونو لسة وقمررررر وانا بصراحة بحب القطط

المهم انا لسة متجوز جديد وسمعت ان القطط غلط للزوجة خاصة وانها تتربى فى البيت عاما وكلام كتير كدا

الكلام دا صح ولا غلط

ياريت الكلام يكون عن تجربة

[dolly13]

الف مبروك الجواز والف مبروك القطة
انا باربى قطط من وانا لسة بنت ولم يحدث لى مشاكل بسبب القطط وحاليا عندى بنات وعندى قط شيرازى مطلع عينى بس انا باموت فى القطط
عند وصوله سن شهرين يفضل ياخد تطعيماته عند البيطرى وكل حاجة هاتبقى كويسة ومش هايبقى فيه مشاكل باذن الله
بس خد بالك بقى فى موضوع الاكل لان الشيرازى قط رخم اوى فى طبيعة اكله ويفضل من اولها تعوده على اكل البيت وتاجل خالص اللحوم الصريحة على قد ماتقدر
يعنى ممكن حاليا ياخد فتة لبن وجبنة نستو وقدام شوية ياخد فتة شوربة مع خضار مسلوق
ولو اتعود على الدراى والويت فوود يبقى انسى انك تعرف تغير الاكل ده وده ميزانية لوحده
وخد بالك برده انه بيحتاج كل فترة ياخد دوا مخصوص للديدان لانها بتتسبب فى وقوع شعرهم بكثافة
واخر حاجة لازم تسرح شعره كل يوم لانه شعره طويل وممكن يكلكع بسهولة لو اهملت تسريحه
وبالتوفيق

[MTAK]

غلطه عمري ان لما الاولاد جابوه اكلوه دراي فوود

عنده 7 شهور و مبياكلش غيره

بقيت اخصم تمنه من مصروفهم

[3abdo.it]

اهلا ربنا يبشركم على موضوع المصاريف دى

عمتا شكرا على المعلوماااااات استفدت منها جداا

[3abdo.it]

معلش نسيت اسئلكم فيها مشكلة لو قطة صغيرة لوحدها اصلة جايب اتنين ذكر وانثى انا خدت الذكر بس

بيقلى لو عايز تاخد الاتنين خدهم وانا مش مرجح اخد الاتنين فعادى لو خت واحد

[7oda]

ازيكم يا شباب

صديق ليا كان برا وجبلى قطة شيرازى نونو لسة وقمررررر وانا بصراحة بحب القطط

المهم انا لسة متجوز جديد وسمعت ان القطط غلط للزوجة خاصة وانها تتربى فى البيت عاما وكلام كتير كدا

الكلام دا صح ولا غلط

ياريت الكلام يكون عن تجربة

الى سمعته ان القطط ممكن تنقل بعض الامراض للمرأة الحامل
لو حضرتك خايف من الناحية الصحية يا ريت تسأل دكتور (انا مش دكتور على فكرة)
ممكن تقرى فى ويكيبديا عن تكسوبلاسموزا

[Ahmed abdkarim]

المرض اللى الناس بتخاف منه من القطط بيجى من طفيليات اسمها تكسوبلازم .

الناس كلها فاكره ان القطط هى اللى بتعمل الاصابة دى . بس نسبة الاصابة بالتكسوبلازم من اللانشون و الاكل النئ اكتر كتير جدا من القطط .

[zorg]

القطط البلدى برقبة الشيرازى والاجانب بيعشقوا البلدى المصرى
الشيرازى بقى حدث ولا حرج:
1- لو حد عنده حساسية من فروتهم
2- القذارة وعايزين رعاية واهتمام
3- التصاق البراز بفروتهم حاجة اخر قرف
كنت اشتريت من حوالى 6 سنين قطين شيرازى ب600 جنيه ومقدرتش استحملهم وزعتهم
البلدى بقى سبحان الله نظافة وحركة وكل حاجة

[3abdo.it]

شكرا للى شارك ومنتظر اراء ناس تانية

[J A G U A R]

انا بعشق القطط بكل انواعهم

واتعاملت مع انواع كتير من وانا صغير

اخر قط كان معايا كان سيامى كنت مشغول بحاجه وكان مزهقنى وواجع دماغى قومت شيلته وحطيته فى البلكونه شويه وجيت ابص عليه بعديها بنص ساعه لقيته انتحر ونط من الثالث

الله يرحمه

[S O P H O S]

انا بعشق القطط بكل انواعهم

واتعاملت مع انواع كتير من وانا صغير

اخر قط كان معايا كان سيامى كنت مشغول بحاجه وكان مزهقنى وواجع دماغى قومت شيلته وحطيته فى البلكونه شويه وجيت ابص عليه بعديها بنص ساعه لقيته انتحر ونط من الثالث

الله يرحمه

مع ان المعروف عن القطط انهم مش بيموتوا من المسافة دي
اكيد نصيبه كده

[J A G U A R]

مع ان المعروف عن القطط انهم مش بيموتوا من المسافة دي
اكيد نصيبه كده

ممكن برضه يكون نط وخلع