الهيئه العربيه للتصنيع ومولدات الكهرباء ؟

[akmm]

نظرا لكثره انتشار تجاره بيع واستيراد مولدات الكهرباء التى تعمل بالوقود ايا كان بنزين او سولار او حتى غاز واصبحت تجاره وعمليات بيع كتيره مش فى مصر فقط ولكن فى اغلب البلاد العربيه وحقيقى مولد الكهرباء بيحل ازمات انقطاع التيار بطريقه مرضيه وهناك غالبيه تلك المولدات المباعه والمعروضه فى البلد صناعه صينيه رديئه وغير آمنه الا للقليل منها وحتى مولدات هوندا فبها نسبه تصنيع عاليه جدا من المكونات صينيه ......والسؤال هنا ان الهيئه العربيه للتصنيع لماذا لاتقوم بصناعه تلك المولدات بكافه القدرات واكيد هتكن بجوده عاليه مع توفر ارباح من الانتاج للهيئه وكذلك البيع والتصدير للدول كافه والمولدات دى تكنولوجيا بسيطه وغالبيه مكوناتها من الممكن تصنيعها وتوفير العمله الصعبه فى استيرادها من الخارج وبتكون اما معيبه او سيئه التصنيع .... مش عارف برغم ان الهيئه بتنتج الكثير من الاجهزه المنزليه المعمره وهو مشروع هيكون مفيد تشغيل لعدد لاباس به للشباب وعلى مدار فتره زمنيه بسيطه هيكون المولدات صناعه الهيئه العربيه للتصنيع ذات سمعه عالميه من الممكن ان تتساوى مع مولدات هوندا اللى كانت بتتباع زمان مش بتاعه الايام دى .... ياريت المشاركه بالراى من الساده الاعضاء ... تحيه للجميع .

[Mecha]

االهيئه حكوميه وتفكيرهم بطئ وممل , ومستنيين تكليف واوامر
وهما عندهم عماله زايده بالهبل مش محتاجين تعيينات وعلاوات وخراب
كان فيه شركه النصرللنقل الخفيف بيصنعوا مولدات استامفورد و شركة المحاريت والهندسه دا غير الدغيدي وغيره

[Mecha]

ا موضوع التصدير مينفعش مع الشركات الحكوميه
تكنولوجيا تابته وروتين بطئ وميقدروش ينافسو الصيني
اخرهم السوق المحلي وعاوزين حمايه طبعا
الحل لكهربه المنازل اعتقد الانفرتر وبطاريتين حلوين

[Eng . megoo]

الهيئة بتصنع بس قدرات كبيره

[EngAhmedSayed]

لو هيئة التصنيع و المصانع الحربية اشتغالة صح انسى
عندهم امكانيات بس ياخسارة مفيش دماغ

[akmm]

لو هيئة التصنيع و المصانع الحربية اشتغالة صح انسى
عندهم امكانيات بس ياخسارة مفيش دماغ

تمام ................ ولكن لو عملوها هيقضوا على سوق استيراد المولدات الصينى الرديئه تماما ................... واهو منها مكسب وتصدير وعمله صعبه تتوافر وسمعه ممكن تكون ولو حتى افريقيه طيبه في تصنيع تلك المولدات لكافه الاغراض ...... والله سهله جدا عليهم .

[Mecha]

الشركات اللي بتعمل مولدات صغيره محترمه
تحت 20kva , عددهم محدود وتقريبا كلهم يابانيين
زي كوبوتا ويانمار و هوندا
وخصوصا هوندا مستحوذه ع السوق بمولدات جديده انفرتر وتقدر تدمج مولدين مع بعض من غير scr
الصين اثبتت فشل ذريع ف المولدات رغم نسخهم كل شئ لكن فشلوا ف الاعتماديه كهربا و ميكانيكا

[akmm]

حتى مولدات هوندا المتواجده حاليا تصنيع الموتور باسم هوندا في الصين ...........

[طارق _عبد السلام]

حل ازمه الطاقه هيكون افضل من تصنيع المولدات لان المولدات بتخرج عمله صعبه بره وبتعتمد على الوقود المدعم.. يعنى خربانه من جميع الجهات وانا شايف ان انتشارها فى البيوت مع ان الناس نعذوره خطر على مالكيها.... وفعلا عن تجربه الانفيرتر افضل بمراحل منها ... بس كل ده هدر للاقتصاد .. لازم حلول لمشكله الكهرباء بس الحكومه تعتمدها وننتهى من قرف انقطاع التيار

[Mecha]

حتى مولدات هوندا المتواجده حاليا تصنيع الموتور باسم هوندا في الصين ...........

مش مشكله طالما علي اسم هوندا

[akmm]

مش مشكله طالما علي اسم هوندا

كلام حضرتك صحيح ............. ولكن بتكون الجوده اقل بالرغم من انك بتدفع في الماركه زيك زى اللى بيشتريها تصنيع يابانى بالكامل في الخارج ومنها بعض الدول العربيه ..... ولاحظ الجوده والفرق بين المولدات القديمه والجديد منها حاليا من ذات الماركه .

[Mecha]

لكن هوندا بتصنع ف الصين بنفس مواصفات اليابان هما بيستغلو السوق الصيني الكبير ورخص العماله
المشكله في المستورد بيروح يجيب تالف ومعيب خطوط الانتاج
ويرمي في السوق, وطبعا كلو مطرمخ والمستورد يهبش ويعمل ملايين
ويماطل ف الصيانه ويزهق العميل ويشربو المر

[akmm]

ده صحيح .......................... واتمنى ان تقوم الهيئه العربيه للتصنيع بانتاج المولدات دى هتكون خوطوه هايله افضل من الصينى منخفض الجوده اللى مغرق البلد .......