رائيكم فى كوتشات Activ ابو علاء ؟؟؟؟؟؟؟

[iwantes350]

السلام عليكم ورحمه الله وبركاته
انا حيران جدا . عايز اجيب كوتش كويس ويستحمل ويكون مريح .
انا ليا تجربه مع ANTA بصراحه جميله اوى الكوتش معايا بقاله سنتين وزى ماجبته والله ومريح اوى . القصه ان انا بجيب من مركز النصر بس للاسف دلوقتى رحت وقالولى مش هنزل موديلاتanta غير بعد فتره واللى موجود حاليا مقاسات صغيره . انا معايا 350 جنيه فكرت ف اديداس بس خايف منها لان واحد صاحبي مشترى واحد من 7 شهور ب 550 والجلد بتاعه اتبهدل منه .
قدامى Activ . ايه رائيكم ؟ وتجاربكم ليها هل هى تستحق الشراء ولا لآ ؟ بصراحه
للعلم مقاسي 46 ......

[mk3]

طبعا ممتازه بس المقاس هيحكمك

[mohkhattab]

فى ماركة اسمها conse احلى من active و بستحمل

[Abo Yasso]

فى ماركة اسمها conse احلى من active و بستحمل

منين وبكام :b4_564:

[A_H_M_A_D]

بقالي كذا سنه مابجبش غير من عندهم ليا ولولادي ، اسعارهم معقوله و بتعيش

[mohkhattab]

منين وبكام :b4_564:

من عند ابو علاء برضه بس فرع الميرلاند

[Ahmed_selmy]

انا بجيب من عندوا بقالى فتره وهو بصراحه حلو .....وتلاقى عندوا الغالى والمعقول
بالنسبه للمقاس انا لسه جايب واحد لاخو المدام بردوا مقاس كبير 48 .....المشكله اللى واجهتنا ان المودلات والالوان فى المقسات الكبيره دى بتكون محدوده فهتلاقى موديلين او تلاته بالكتير.

[mohamed hussei]

اديدس بيبئا علي حسب محل عندي واحد عايش وواحب تعب :d

[chicobon]

هو سعره كام الاكتيف ده

[A_H_M_A_D]

هو سعره كام الاكتيف ده

https://www.jumia.com.eg/mens-shoes/activ/

[Mamoud salah H]

جبت كونفرس اكتيف مستحملش 3شهوور علي بعض

[Ladawy]

انا جبت الموديل ده من حوالى 8 شهور : https://www.jumia.com.eg/activ-dark-...ms-155964.html

الجلد اللى قدام فى الكوتشى اتنفخ و بقى طالع فقاقيع فى انتظار انه يتقشر !
و اللزق بتاع النعل فتح من قدام و من الجوانب ( بس لسه متماسك عادى مع هيكل الكوتشى )

بقى فى النهاية شكله زفت :) ، بس على الاقل افضل من كوتشى كنت جبته بـ 70 جنيه - مش ماركة - ، و باظ بعدها بـ 5 اسابيع تقريبا

لو فيه كوتشيات تانية للاستخدام الشاق افضل من اكتف يا ريت تقولولنا عليها .

[A_H_M_A_D]

لو عايز حاجه احسن يبقى Nike او Reebok او Adidas بس كله بتمنه ، الماركات دي رينجها من ٤٠٠ الى ١٠٠٠ واكتر كمان

[iwantes350]

اسف على التاخير .
انا بحب الشكل ده عشان مريح وبيستحمل .
هل الجلد اللى عليه هيستحمل زى ال Anta

https://www.jumia.com.eg/activ-white-light-grey-leather-high-top-basketball-shoes-165674.html

[sasatony]

بص انا بجيب nike وهو مريح جدا بس غالي شوية يعني اخر كوتشي جبته كان شهر 3الي فات كان ب700جنيه بس انا مطلع عين اهله بامانة ومستحمل معايا وزي الفل
الاكتيف اتا مجربتوش
الاديداس حلو وبيستحمل برده