ده منظر عام دراسي جديد ؟؟؟؟

[Bassem Youssef]

انا مش كاتب الموضوع ده عشان نتكلم في السياسه و لكن الدراسه تبقي بالمنظر المقرف ده ؟

طلبه بتتظاهر و طلبه بتتفتش بكلاب بوليسيه و لا كأنهم داخلين القصر الجمهوري و طلبه عايزين يخشو الجامعه بشورت و طالبات رايحين الجامعه بفيزون

ايه اللي حصل في جامعه الازهر ده ؟ دي منظر جامعه ؟ دي تصرفات طلبه ؟

استغفر الله العظيم

[J A G U A R]

جامعه الازهر دى تشوف فيها العجب

[hesham fawzy h]

دة حال اغلب الجامعات

[exelence]

اشمعنى جامعة الأزهر ما ده حال كل الجامعات فعلا"
و بعدين بصراحه انا عمرت ما شفت حد داخل جامعة الأزهر بشورت او فيزون مع انى باعدى عليها كل يوم تقريبا"

[Curbis]

إيه المشكلة لما الطلبة تتفتش يعني؟ طيب مانتا بتتفتش وانت داخل سيتي ستارز برضو فرقت في إيه؟

والجامعة للي عاوز يتعلم بس... اللي عاوز يتظاهر ويخرب يقعد في البيت.... انما أنا مش تكون البلد بتصرف عليه عشان يتعلم تعليم مجاني وفي الاخر يكسر ويخرب

ماهو لو كان التعليم بفلوس وأبوه دافع دم قلبه عشان يدخل الجامعة زي برة مكنش كسر وحرق وخرب

[محمد يوسف]

إيه المشكلة لما الطلبة تتفتش يعني؟ طيب مانتا بتتفتش وانت داخل سيتي ستارز برضو فرقت في إيه؟

والجامعة للي عاوز يتعلم بس... اللي عاوز يتظاهر ويخرب يقعد في البيت.... انما أنا مش تكون البلد بتصرف عليه عشان يتعلم تعليم مجاني وفي الاخر يكسر ويخرب

ماهو لو كان التعليم بفلوس وأبوه دافع دم قلبه عشان يدخل الجامعة زي برة مكنش كسر وحرق وخرب

حضرتك نسيت أخر سطر :

مش أحسن ماكنا بقينا زى سوريا والعراق !!!

[Mu7ammeD]

أنا مش فاهم أيه المشكله انك تتفش ؟!

مهو بعدين لما تحصل تفجيرات أو عمليات أرهابيه ويموت ناس هتقولوا فين الامن وفين الشرطه !

أيه المطلوب يتعمل طيب مهو حضرتك شايف الحاله تظاهرات وتكسير وتخريب...

الحل هو تطبيق القانون بحزم علي الجميع

[Karim Alaa]

[Curbis]

حضرتك نسيت أخر سطر :

مش أحسن ماكنا بقينا زى سوريا والعراق !!!

لأ سوريا والعراق أحسن طبعا عالأقل مفيش حكم عسكر هناك والدنيا زي الفل

سوريا مثلا بيحكمها رئيس مدني كان دكتور سنان ومن جيل الشباب كمان (بشار الأسد)... والعراق برضو اللي رئيسها محامي ورئيس وزرائها ووزير دفاعها وداخليتها مهندس مدني

اللي مش عاجبه البلد ومش عاوز يتعلم ممكن يروح هناك بدل التعليم والقرف والمصاريف ويحارب مع داعش مثلا.... كل حاجة موجودة عاوز فلوس؟ خلاص هاجم أي مدينة واسرق البنوك والمصارف بتاعتها.... عاوز شقة وعربية؟ خدلك أي شقة أو عربية بتاعة أي واحد من اللاجئين اللي سابو البلد وهربوا... عاوز نسوان؟ موجود برضو روح سوق النخاسة هتلاقي سبايا الأكراد واليزيديين برخص التراب

وفي الأخر تيحي مقاتلة أمريكية تضربه صاروخ في قفاه والبشرية كلها ترتاح منه

[ehabouf]

حضرتك نسيت أخر سطر :

مش أحسن ماكنا بقينا زى سوريا والعراق !!!

الحمد لله ان احنا مش زي سوريا والا العراق والا اليمن والا ليبيا والا السودان
الف حمد وشكر ليك يا رب

[محمد يوسف]

لأ سوريا والعراق أحسن طبعا عالأقل مفيش حكم عسكر هناك والدنيا زي الفل

سوريا مثلا بيحكمها رئيس مدني كان دكتور سنان ومن جيل الشباب كمان (بشار الأسد)... والعراق برضو اللي رئيسها محامي ورئيس وزرائها ووزير دفاعها وداخليتها مهندس مدني

اللي مش عاجبه البلد ومش عاوز يتعلم ممكن يروح هناك بدل التعليم والقرف والمصاريف ويحارب مع داعش مثلا.... كل حاجة موجودة عاوز فلوس؟ خلاص هاجم أي مدينة واسرق البنوك والمصارف بتاعتها.... عاوز شقة وعربية؟ خدلك أي شقة أو عربية بتاعة أي واحد من اللاجئين اللي سابو البلد وهربوا... عاوز نسوان؟ موجود برضو روح سوق النخاسة هتلاقي سبايا الأكراد واليزيديين برخص التراب

وفي الأخر تيحي مقاتلة أمريكية تضربه صاروخ في قفاه والبشرية كلها ترتاح منه

بالرغم من أن أسلوب كلامك غير لائق ..بس أحب أوضح لك ان انت أو غيرك ما احتكرتوش الوطنية وماخدتوش توكيل من البلد عشان تقول اللى مش عاجبه البلد يروح فى أى حتة ... وياريت النقاش يبقى محترم بدون ألفاظ زى اللى انت كاتبها.

[محمد يوسف]

الحمد لله ان احنا مش زي سوريا والا العراق والا اليمن والا ليبيا والا السودان
الف حمد وشكر ليك يا رب

الحمدلله على كل شىء..السراء والضراء

[exelence]

مفيش حاجه اسمها اللى مش عاجباه البلد يروح يشوفله بلد تانيه
دى لاهى بلدك ولا بلد غيرك علشان تقول الكلام ده
و من حق اى حد انه يقول رأيه فى اى حاجه

[YahiaAshraf]

إيه المشكلة لما الطلبة تتفتش يعني؟ طيب مانتا بتتفتش وانت داخل سيتي ستارز برضو فرقت في إيه؟

والجامعة للي عاوز يتعلم بس... اللي عاوز يتظاهر ويخرب يقعد في البيت.... انما أنا مش تكون البلد بتصرف عليه عشان يتعلم تعليم مجاني وفي الاخر يكسر ويخرب

ماهو لو كان التعليم بفلوس وأبوه دافع دم قلبه عشان يدخل الجامعة زي برة مكنش كسر وحرق وخرب

كلام مظبوط جدا جدا

أنا فى جامعة خاصة ومبشوفش المهازل دى

وكمان مفيش تفتيش للطلبة يعنى بيبقى معايا الكارنيه الممغنط بحطه على الجهاز بحيث يسمحلى انى اعدى من البوابات الالكترونية بدون تدخل أفراد الأمن نهائى

[hossam_elwani]

هيا دى مصر فى كل قطاع فيها

مفيش فايده