للزمالكويه فقط

[human]

انا قعدت افكر انا ليه بشجع الزمالك و ماطلعتش بشجع الاهلى زى الناس التانيه
اللى بتفرح بعماد متعب اللى مش بيعرف يدخل اجوال الا فى اوسه و ابو تريكه الراجل البركه اللى الكوره تدربك من رجلين المدافعين الاشاوس بتوع الزمالك و هوبه فى رجل ابو تريكه و هوبه فى الجول
ليه يا ربى كده ليه مالناش نفس نفرح
ليه مانكسبش ماتشيين ورا بعض ؟
فلوس و بياخده جماهير و بتشجع مدرب و جبنا لعيبه و اشترينا ايه تانى مطلوب؟

المشكله انى استحاله اشجع الاهلى

انا بنتى بخليها تشجه الاهلى عشان ماتخيبش خيبه باباها

قولولى ننسى النادى ده ازاى؟ فيه دواه ممكن اخده و استريح؟

[MMamdouh]

جارى البحث عن دوا...

و لحين العثور على دوا لقيت ان البلادة احسن مسكن... متفكرش تسال الماتش الجاى امتى ولا لينا كام نقطة ولا حتى نتيجة المتش اللى فات كام... انسى النادى دة خالص لانة مش حيجيب لينا غير الكافية

انا بقالى بتاع 3 سنين منفض خالص لحوار الكورة بسبب النادى دة و الحمد لله الدنيا زى الفل... حتقاوح و تفكر تشجع و تبنى لنفسك امال فى الوهم... مش حينوبك غير ضغط الدم و السكر و الامراض المستعصية

MMamdouh

[شريف]

ايام الكلية كنت حتى بروح الماتشات فى الاستاد
بعد التخرج مبقتش فاضى انى اعرف حتى اخبار النادى
اشغل نفسك فى وقت فراغك باى هواية غير الكورة

[human]

يا ممدوح انا كنت منفض بس لما قريت بقى ان جبنا هانى سعيد و هولمان و اجوجو و مشينا بشير و بقيت الناس الكسر قلت بقى هييييه هنكسب بقى من نفسنا و هنطيح و نشجع و نقول ول يا ول
اتدبينا من الاهلى قبل الموسو ما يبتدى و فى افريقيا و بقيت ميغه قلت مش مشكله هيه كده الشامبيونز ليج يوم ليج و يوم عليج و قلت الامل فى الدورى الاهلى متأخر و ناخد بقى الدورى بفرق و نشم نفسنا و افرح فى الحته و القهوه اللى حرمونى اتفرج على ماتشات الزمالك بس هيهات الزمالك لازم يحرق دمنا ليه يكسب اذا كان ممكن يخسر

يا ممدوح نفسى اشيل علم نفسى اعلق علم فى العربيه نفسى ابنى لما يكبر يشجه الزمالك و يروح معايا الاستاد الناس اللى ماسكه النادى دول نوعهم ايه؟
جبلات؟ موش بيحسوا

ارحمنا يا رب من الزمالك يارب نخف بقى

[MMamdouh]

انسىىىىىىىىىىىىىىى

هانى سعيد اصلا مش عايز يلعب و لا يتهبب على عينة... دة كان رايح الاهلى اساسا

و محمد ابو العلا و غانم سلطان و اوسة و البلاوى الزرقة دى كلها.... يا راجل دى فرقة تقرف و تحرق الدم

شجع رياضة تانية غير الكورة لانك لو زملكاوى بجد مش حتعرف تشجع غير الزمالك... سيبك من الكورة

"التشجيع ضار جدا بالصحة و يسبب الوفاه"... بعد شوية حتلاقيها مكتوبة على فانلات اللعيبة

MMamdouh

[human]

فاكر لما كان عندنا فريق الاحلام؟
احمد الكاس - جمال عبد الحميد - طارق يحيى - اسماعيل يوسف - قاسى سعيد - خالد الغندور
و اللى كان بيدرب كان الجوهرى
والفريق ده برده ماخدش حاجه و الاهلى كسبه بلاعيبه ماتنفعش تلهب كوره اصلا و المنتخب كان 7 او 8 من الزمالك اساسيين فى الملعب و برده اتغلبنا

كلامك صح يا ممدوح الزمالك مضر جدا بالصحه

[OlaOsman]

عايزة أتكلم كلمتين بجد في الموضوع ده.

يا ريت الأهلاوية ما يشاركوش في الموضوع ده بأي مشاركة تبوظ الموضوع من نوعية احنا و انتم.. صاحب الموضوع مش ناقص و بجد بجد المشاركات لحد دلوقتي متفهمة لشكواه، فمافيش داعي لتسخين الناس و لو حتى بالهزار.

على فكرة انا أهلاوية جددددددددددا بس فعلا الموضوع بيتكلم عن حاجة تانية خالص غير أهلي و زمالك.

[kh_talaat]

طب ما تريحوا نفسكم يا رجاله وتشجعوا الأهلي هههههههههههههه

[human]

عايزة أتكلم كلمتين بجد في الموضوع ده.

يا ريت الأهلاوية ما يشاركوش في الموضوع ده بأي مشاركة تبوظ الموضوع من نوعية احنا و انتم.. صاحب الموضوع مش ناقص و بجد بجد المشاركات لحد دلوقتي متفهمة لشكواه، فمافيش داعي لتسخين الناس و لو حتى بالهزار.

على فكرة انا أهلاوية جددددددددددا بس فعلا الموضوع بيتكلم عن حاجة تانية خالص غير أهلي و زمالك.

اشكرك فعلا العمليه موش ناقصه

[محمد عز]

الزمالك لا يستحق المكسب

كنت امبارح بتفرج على الماتش

فرقه بدون ملامح كل واحد بيلعب لوحده

روح المكسب غائبه

فرحت محول على MBC Max واتفرجت على سبيدر مان

[human]

طب ما تريحوا نفسكم يا رجاله وتشجعوا الأهلي هههههههههههههه

يا ريت حضرتك تقولى ايه الغرض من المداخله ديه؟
عشان لو موش شايفه تساعدنى و اشوفه
لو حضرتك قريت الكلام من الاول قلنا منقدرش نشجع الاهلى
و بعدين الاستاذ ممدوح قال الزمالكاوى الحق ماينفعش يشجح حاجه تانيه

و بعدين لما الناس كلها تشجع الاهلى ده شىء كويس مثلا؟

حزب واحد
قناة واحده
عربيه واحده
نادى واحد
ريس واحد!!!!

ارجوك بلاش تعليقات من اجل الاستفذاذ

[MedaSam]

An advice from your brother, stop watching all matches related to our Egyptian league. I strongly recommend you to watch the Spanish, Italian, or English leagues. You will find out the real football, instead of the one we are playing which called "7ankora " according to 7assam El Mestekawy

I am Ahlawy, and in spite of that I no longer support it as before since I started watching the above mentioned leagues. Believe me you will really enjoy watching and you will gain good football skills also (if you are still playing with your friends). You asked for a cure of this, just stop watching the whole Egyptian league.

To OlaOsman, why you asked Ahlawyea to not share in this subject? I am Ahlawy but still human; I can feel his pain and his anger.

At last, I want to highlight on you can have the best players in the world in your team but they are useless without good management and planning. Remember Real Mardrid three or four years ago, they had Zidan, Figo, Raul, Ronaldo, Roberto Carlos, and many others, but they lost all competitions they took part till Fabio Cabillo brought them again to Spanish League top.

[sasatony]

بص انا زيك كده والله بعشق حاجة اسمها الزمالك
بس المصيبة اني بعشق الفريق الغلط لان الكارثة ان العيلة كلها اهلاوية وانا الوحيد الزملكاوي ازاي معرفش
المهم انا بعد كل خسارة اقصد فضيحة للزمالك اقول مش هشجعه تاني
بس يجي الماتش التاني اروح سايب الدنيا كلها والله واتفرج علي الماتش
لسبب بسيط اووي
لان ده انتماء ودي الحاجة الوحيدة الي البلد مختلفها فيها يعني يااما زملكاوي او اهلاوي
من الاخر ده الشئ الوحيد الي بنقدر نعبر فيه عن رائينا

[marsguy]

نصيحتي لأي مشجع رياضه إنه يحط في دماغه دايماً إن الفرجه على الرياضه دية مجرد ترفيه أو وسيله لتقضية وقت الفراغ، والمفروض برضه الواحد يشجع فريقه بغض النظر إذا كان بيكسب ولا ﻷ.

شوف الناس بره بتلاقي حتى الفرق اللي بقت تعبانه جداً ليها جماهير عريضه ومخلصه مع إن الفرق دية ما بقتش تكسب ولا بتجيب بطولات، بس الناس بتتفرج عشان هي أولا بتحب النادي بتاعها وثانياً عشان ده زي ما قلت نشاط ترفيهي.

[mido777]

انا بقه المشكله عندى اكبر

كل ما الزمالك يتغلب او يطلع من بطولة والاقى الناس بتقول الكلام ده (اللى هو مش حشجع تانى _مش حتابع ,,,,,,و)

بلاقى نفسى زملكاوى اكتر واكتر وتلاقينى الماتش اللى بعده موجود فى الاستاد وبشجع
"والله بسافر مخصوص وارجع تانى فى نفس اليوم"

احنا بنشجع كيان واسم نادى مش بنشجع لاعيبة

ايوه اللعيبة دول هما اللى حيبوظوا الأسم والكيان ده بس فى الأخر هم اللى حيغورا والزمالك هو اللى حيبقى