ظاهرة الضرب فى المدارس

[bodo122]

السلام عليكم انا ابنى فى مدرسة خاصة لغات و مع ذلك مستوى المدرسين فيها زى الزفت اخلاقيا و تعلميا فمنذ يومين اعتدى مدرس على ابنى بالضرب فى الفصل بدون سبب و طبعا رحت المدرسة و قابلت المديرة التى وعدت بل تحقيق مع المدرس
طبعا انا حاولت انى اروح الادارة التعلمية علشان اقدم شكوى لقيت هناك سوق الجمعة هرجلة غير عادية و قدمت الشكوى فى الارشيف لتحوليها الى المدير يعنى نظام حكومى بحت فاشل
دخلت على موقع الوزارة طبعا كل ارقام الشكاوى الموجودة فشنك الخط الساخن مش بيرد و فاكسات مش شغالة
بس طول النهار قارفنا بتطوير التعليم و الطلاب و هى وزارة فاشلة ملهاش لزمة

فعلا فى البلد دى علشان تاخذ حقق لازم يكون عندك واسطة

[أحمد كمال]

انا لو مكانك ........ هاستنى ابن ال ّ!#$@# ده برة المدرسة انا و شوية اصحابي ربنا مديهم صحة ..... و اعلمه ازاي اما يفكر يفتري يفتري على حد قده مش على عيل ....... و الله العظيم اخليه يروح بيته عاملها على روحه

[mustafavet]

مش هييعملولك حاجة
قدامك حل من اثنين
1 - تنقل ابنك
2 - تهدد المدرس تهديد مباشر وفي وشه

[bodo122]

المشكلة انى مش عايز انزل لمستوى واحد زى دة ، انا عايز اخذ حقى بالقانون بس للاسف البلد بقت زى الزفت و عايز اعرف امال هما بيعملوا اية فى العيال اللى فى مدارس حكومية
وبعد كدة يرجعوا يقولوا لية الاولاد والالتراس بيعملوا عنف ما هما من اللى شافوة فى المدارس من ضرب و اهانة

[بحار]

الناس بقت تخاف ماتختشيش .. انا مع الرأى بتاع تهديد المدرس وعرفه انك مش بتاخد حقك بالشكاوى وان الرد هايكون معاه مباشرة .. اللى اتعمل مع ابنك هايتعمل معاه .. بس اتأكد انه ضربه من غير سبب ..

[بحار]

المشكلة انى مش عايز انزل لمستوى واحد زى دة ، انا عايز اخذ حقى بالقانون بس للاسف البلد بقت زى الزفت و عايز اعرف امال هما بيعملوا اية فى العيال اللى فى مدارس حكومية
وبعد كدة يرجعوا يقولوا لية الاولاد والالتراس بيعملوا عنف ما هما من اللى شافوة فى المدارس من ضرب و اهانة

مش عايز تنزل للمستوى ده ؟؟ يبقى المستوى ده هايطلعلك يبهدلك ..!! هيا بقت كده ..
انا ولادى فى مدرسه حكومى .. مافيش الكلام ده ..

[bodo122]

الناس بقت تخاف ماتختشيش .. انا مع الرأى بتاع تهديد المدرس وعرفه انك مش بتاخد حقك بالشكاوى وان الرد هايكون معاه مباشرة .. اللى اتعمل مع ابنك هايتعمل معاه .. بس اتأكد انه ضربه من غير سبب ..

فعلا هو ضربة من غير سبب لان ابنى صغير 10 سنوات و المدرسة عملت تحقيق بس خايف انهم يطبخوا المواضيع و انا قلت للمديرة انى حقدم شكوى للادارة التعلمية بس من اللى شوفتة فى الادارة حاسس انهم موظفين مش فارق معاهم حاجة

[prof2013]

انا اخصائي اجتماعي وبشوف المدرسين زمايلي بيعملوا ايه في العيال
بصراحه لا اتمنى اني اعلم اولادي هنا في المستقبل دا اذا اتجوزت اصلا يعني ههههه

[أحمد كمال]

المشكلة انى مش عايز انزل لمستوى واحد زى دة ، انا عايز اخذ حقى بالقانون بس للاسف البلد بقت زى الزفت و عايز اعرف امال هما بيعملوا اية فى العيال اللى فى مدارس حكومية
وبعد كدة يرجعوا يقولوا لية الاولاد والالتراس بيعملوا عنف ما هما من اللى شافوة فى المدارس من ضرب و اهانة

مفيش قانون في البلد ....... و ابنك اتضرب ....... تاخد حقه و لا تجري ورا سراب القانون؟

[طارق _عبد السلام]

انا حصل لابنى قصه شبييه بدى بس علمت المدرس الادب لانه بلطجى

راجع فى يوم متاخر من الشغل لقيت ابنى لسه صاحى ولم ينام دخلت اقول له صاحى لدلوقتى ليه لقيت الولد بيترعش بقول له اقعد وكلمنى مالك الولد مش عارف يقعد فيه ايه قالى المدرس ضربنى قلتله ليه قال انه اخطأ فى لون الكراسه وجاب كراسه نفس اللون كراسه دراسات والمفروض ان الحصه رياضيات قلتله وحصل ايه قال المدرس ضربنى بالعصايه قلتله ورينى مكان الضرب ..... مش ممكن منظر كارثى عقلى طاااااااااار منى

اقسم بالله لو كان الوقت بدرى كان المدرس ده اتربط فى المدرسه واكل علقه ماكلها فى حياته الولد كميه الزراق لدرجه ان فيه جلد اتشال من الضرب ومش قادر يقعد اخدت الولد كنا الساعه 12 ليلا وعلى قسم شرطه المحله الكلام ده كان قبل الثوره... بعمل محضر قالوا انتظر الظابط بقول للظابط لقيته ضحك وبيقولى ايه يعنى كلنا انضربنا من المدرس مش معقول تعمل محضر نزلت البنطلون للولد وقلتله لو ابنك ده كان زمانك ضربت المدرس بالنار .. الظابط مجرد ماشاف الولد لقيته بيقول انا عايز ابن التييييييييييت ده ..وعملى محضر واتحولت على المستشفى العام لعمل تقرير.. لقيت الدكتور بعد ماشاف ابنى بيقول لى ابنك عمل ايه.. قلت له غلط فى لون الكراسه قالى متسيبش الحيوان ده (المدرس)..وفعلا ناس عرفت من ووصل للمدرس انه مطلوب ..المشكله ان المدرس ده كان مصاحب بلطجيه..ولما عرفوا انهم مش هياخدوا حق ولاباطل معايا وممكن هما كمان يتبهدلوا فيها ..بعت لى مديره المدرسه وناس عارف انى مش هقدر ارفض لهم طلب ..قلتلهم لازم اكسره الاول وجانى لحد البيت ومردتش استقبله .. المشكله انى صعب على اولاده ..وهو فضل مستخبى مبيروحش المدرسه .. ومكنش فيه نيه عندى انى احبسه اصلا لانى عرفت ان سجله اسود وهيتفصل نهائى وبعد ما اتربى فعلا وهددته ان لو ابنى او اى تلميذ فى المدرسه حصل له اى شىء ومحترمش نفسه هحبسه فعلا وهربيه بطريقه تانيه واقر وتاب .. وفى النهايه اتنازلت عن المحضر مع ان مأمور القسم هدده وكان رافض الصلح للضغط اكثر عليه

وبقول لصاحب الموضوع دى الطريقه الوحيده اللى تنفع مع المدرس اللى عايش درو البلطجى على الاولاد

لو مفيش اصابه ظاهريه..او اى شىء تجيبه بيه اكبر تهديد له انك هتشتكيه فى النيابه الاداريه وهتفضل وراه لحد مايحترم نفسه لان لو دخلت المدرسه وعملت معاه الواجب هو هيلبسك المحضر ..وهتبقى انت اللى فى ايده..

[calipha3]

كمدرس ف مدارس خاصه و دوليه مفيش اولا مدرس هيضرب طالب بدون سبب حتي لو الضرب ممنوع و كلنا عارفين كدا و لكن بعض الطلبه بيتجاوز حدوده و بيطلع المدرس عن شعوره و مهما قال الطالب لولي امره في الغالب كذب وولي الامر ديما فاكر ابنه ملاك و مبيغلطش.
الحل ف الغالب ان المدرس يكبر دماغه و يسب العيال ولا تعليم ولا بطيخ
لان طالما المنظومه كلها ضده مش هيعمل نفسه مثالي يعني لا ولي امر بيساعد ولا اداره مدرسه هتقف معاه تخدله حقه.
و الله الموفق

[enayat]

اولا انا ضد الضرب لكن قد يلجأ المدرس للضرب غير المبرح لمعاقبة التلميذ والا فكيف يعاقب المخطئ. كما يثاب المتميز؟
انا مدرسة دخلت فصل 2 اعدادي طالبات بسال البنات ف درس سبق شرحه من مدرس اخر مفيش بنت رفعت ايدها ولا بنت ف الفصل عارفه حاجه ولما سالت عرفت ان المدرس بيشرح وبس الي يذاكر يذاكر والي ميذاكرش ميذاكرش خوفا من المسائلة
طبعا انا اتجننت لما لقيت مستوي الطالبات كده ووقفت باعلي صوت عندي في وسط الفصل وقلت الي مش هيذاكر الي انا شرحته مييجيش احسن الاسبوع الجاي. لما روحت الحصة التانية ذهلت لاني لقيت كل الفصل تقريبا مذاكر الدرس خوفا من تعرضه للضرب
الخلاصة انا مش مع الضرب ولا بأيده ولكن قد يضطر المدرس للتهديد به. وكذلك اثابة المتميز لرفع مستوي الطالب والا كل المدرسين هيكبروا دماغهم والي ينجح ينجح والي يسقط يسقط

[طارق _عبد السلام]

كمدرس ف مدارس خاصه و دوليه مفيش اولا مدرس هيضرب طالب بدون سبب حتي لو الضرب ممنوع و كلنا عارفين كدا و لكن بعض الطلبه بيتجاوز حدوده و بيطلع المدرس عن شعوره و مهما قال الطالب لولي امره في الغالب كذب وولي الامر ديما فاكر ابنه ملاك و مبيغلطش.
الحل ف الغالب ان المدرس يكبر دماغه و يسب العيال ولا تعليم ولا بطيخ
لان طالما المنظومه كلها ضده مش هيعمل نفسه مثالي يعني لا ولي امر بيساعد ولا اداره مدرسه هتقف معاه تخدله حقه.
و الله الموفق

فيه حلول تانيه للطالب المشاغب او المستفز

ممكن طرده بره الكلاس .. او استدعاء ولى الامر..

احنا كلنا انضربنا فى المدارس ولازم الطالب يحترم ويوقر المدرس .. ده شىء طبيعى بس زى مافيه طلبه مشاغبه فيه مدرسين كارهيين نفسهم وكارهين وظيفتهم وبيطلعوا عقدتهم فى الاولاد...... وبيضربوا الطالب بغباء منقطع كأنه عايز يموته ولاسباب تافهه

[Pukka]

التعليم في مصر بدون بوصلة

[bodo122]

اولا انا ضد الضرب لكن قد يلجأ المدرس للضرب غير المبرح لمعاقبة التلميذ والا فكيف يعاقب المخطئ. كما يثاب المتميز؟
انا مدرسة دخلت فصل 2 اعدادي طالبات بسال البنات ف درس سبق شرحه من مدرس اخر مفيش بنت رفعت ايدها ولا بنت ف الفصل عارفه حاجه ولما سالت عرفت ان المدرس بيشرح وبس الي يذاكر يذاكر والي ميذاكرش ميذاكرش خوفا من المسائلة
طبعا انا اتجننت لما لقيت مستوي الطالبات كده ووقفت باعلي صوت عندي في وسط الفصل وقلت الي مش هيذاكر الي انا شرحته مييجيش احسن الاسبوع الجاي. لما روحت الحصة التانية ذهلت لاني لقيت كل الفصل تقريبا مذاكر الدرس خوفا من تعرضه للضرب
الخلاصة انا مش مع الضرب ولا بأيده ولكن قد يضطر المدرس للتهديد به. وكذلك اثابة المتميز لرفع مستوي الطالب والا كل المدرسين هيكبروا دماغهم والي ينجح ينجح والي يسقط يسقط

حضرتك بتكلمى عن 2 اعداى ، انا بكلم عن طفل عندة 10 سنوات غير مشاغب بالمرة و كل اللى عملة انة اكلم بدون اذن يكون عقابة الضرب؟؟؟؟