استفسار الى سكان الرحاب (سكان المرحله الثالثه تحديدا)

[khaled_sabry]

السلام عليكم
ناس معارفنا ناوين بإذن الله يشترو شقه فى الرحاب فى المرحله الثالثه مجموعه 64
طبعا الاسعار هناك فلكيه بغباء
الشقه سعرها المفروض يشمل وديعه فى البنك و لا يشمل اشتراك النادى و المفروض البيع بيتم عن طريق تنازل فى الشهر العقارى
و المفروض ان فيه تنازل فى الجهاز بيبقى فى حدود 8% من سعرها (زمان وقت عرضها للبيع )
- فهى زمان سعرها كان كام تقريبا (علشان نبقى عارفين النسبه دى حتبقى قد ايه)
- هل ممكن يحصل مشاكل لو ماعملتش التنازل ده ؟؟
- هل عمل التنازل يتطلب وجود المالك الاصلى و لا بالتوكيل ده بتعمل كل حاجه ؟
- هل فيه اي مصاريف مستخبيه محتمله ؟؟؟

[M_samii]

انا ساكن في مجموعه 64 عماره 3 بس بصراحه مش هقدر افيدك في حاجه غير في طبيعة المجموعه لان الشقه بتاعت والدي

[khaled_sabry]

انا ساكن في مجموعه 64 عماره 3 بس بصراحه مش هقدر افيدك في حاجه غير في طبيعة المجموعه لان الشقه بتاعت والدي

طيب ماشى - ايه سلبيات المكان من وجة نظرك ؟

[mfe]

قولي مساحتها و انا اقولك سعرها القديم ١٩٩٧

[khaled_sabry]

قولي مساحتها و انا اقولك سعرها القديم ١٩٩٧

108 دور رابع

[هيثم مجدي]

انا مش ساكن في الرحاب لكن موضوع ال 8% دا خلاص. فيه قانون تم اقراره من مجلس الدولة خاص باشهار العقارات بمدن القاهرة الجديدة, بتدفع 2000 جنيه و تسجل مباشرة في الشهر العقاري

http://www.elwatannews.com/news/details/570671

[hugan]

انا مش ساكن في الرحاب لكن موضوع ال 8% دا خلاص. فيه قانون تم اقراره من مجلس الدولة خاص باشهار العقارات بمدن القاهرة الجديدة, بتدفع 2000 جنيه و تسجل مباشرة في الشهر العقاري

http://www.elwatannews.com/news/details/570671

استاذ هيثم
معلش ممكن تفهمني بالبلدي كده ما المقصود بالقانون الجديد
ماهو الشهر العقاري بيتم البيع فيه لاراضي وشقق المدن الجديده بالتوكيلات
ايه الفرق مع القانون الجديد

[mfe]

108 دور رابع

كانت من ١٢٠ الف الي ١٣٠ الف بالوديعة تقسيط ٦ سنوات مقدم ٢٠٪

[M_samii]

هي المجموعه حلوه مش شايف لها سلبيات هي مميزتها انها جمب مول 2 و جنبها جامع و قريبه من بوابه 13

[هيثم مجدي]

استاذ هيثم
معلش ممكن تفهمني بالبلدي كده ما المقصود بالقانون الجديد
ماهو الشهر العقاري بيتم البيع فيه لاراضي وشقق المدن الجديده بالتوكيلات
ايه الفرق مع القانون الجديد

انا الحقيقة معرفش الفروق
لكن كان فيه مشكلة في الرحاب, بتدفع للجهاز 8% من قيمة الوحدة عشان تسجل
لكن دلوقتي بالقانون الجديد الأمر اختلف. و دا خاص بالرحاب بس على ما اعتقد

فيه موضوع زميل لنا عامله عن العقارات في القاهرة الجديدة
ممكن تسأله فيه و ان شاء الله تجد رد :

http://www.nilemotors.net/Nile/444890-a.html

[MuhamedNabil]

التنازل فى طلعت مصطفى بالكتير حيكون 12.5 الف
اتأكد ان مفيش عليها شيكات و لا صيانات متأخرة و لا فواتير كهرباء خصوصا لو كانت يتتأجر قبل كدة
و خلى بالك عشان النمذج ده فى منه تقسيمة 3 نوم كويسة و فى 3 نوم كلهم 3.5x3.5
و طبعا بتفرق فى السعر رغم انهم نفس الامتار

و هى حاليا مطلوب فيها كام ؟

[khaled_sabry]

طيب فى حاله عدم التنازل فى الجهاز (علشان المشترى فلس خلاص بعد ما اشتراها :) )
المفروض ياخد من المالك الحالى ؟؟
هل توكيل موثق فى الشهر العقارى يغنى عن اى حاجه تانى ؟؟
و هل فيه عقود بيع و شراء و لا ايه نظامها ؟؟

[ramymechanics]

اشترى منى أنا بقا لأنى اتنفخت فى شقة فى المرحلة التالتة ولولا ستر ربنا كان زمان تحويشة العمر ضاعت

الشقة تسلمه فلوسها فى الجهاز فى الدقى و رسوم التنازل مش هتعدى 10 تلاف جنيه بالنسبة لمساحتك لأن شقتى 157 و سعرها فالعقد القديم 160 الف جنيه تقريبا ...... اللى حصل معايا انى اشتريت من واحد بتوكيل رسمى طلع اللى هو شاريها منه قبله ضارب توكيل و عامل بيه صورة طبق الأصل يعنى صاحب الشقة اساسا اللى برة مصر من 15 سنة ميعرفش انها اتباعت رحت اسجل عشان اشترك فالنادى قالولى عليها مشكلة و حصل حوار كبير والحمد لله اتلم الموضوع و كان هيروح عليا 820 الف جنيه و دفعت لصاحب الشقة الاصلى مبلغ وخلصنا الموضوع
و تاخد مع التنازل وصل سداد اخر مصاريف صيانة و تروح شركة الكهربا فى مول 2 جنب فودافون برقم الحديدة او بأى وصل قديم تسأله فى مستحقات ولا لأ ... نصيحة اعمل التناااااااااااااااااازل الشقة دى فوق ال 650 الف ان شالله حتى يستلف بس يعمل التنازل و الفاتحة على راس الميت زى ما بيقولوا يتنازل ويقبض للإطئنان

انا مش بخوفك انا قبلها كنت شارى واحدة فى 53 و مكانش فيه اى مشاكل عادى جدا

النادى ميزته انه جوة و صاحب الشقة من حقه يتنازل عن النادى او لأ و 99% مش بيتنازل عن النادى لأنه مشترك فيه زمان من ضمن حق الشقة بكلام فاضى هيسيبه ليه ... انا عن نفسى مش مشترك فيه مشترك فى نادى الزهور لكن نادى الرحاب حلو بردو و فيه مطاعم كتير

[الفجر]

و تاخد مع التنازل وصل سداد اخر مصاريف صيانة و تروح شركة الكهربا فى مول 2 جنب فودافون برقم الحديدة او بأى وصل قديم تسأله فى مستحقات ولا لأ ... نصيحة اعمل التناااااااااااااااااازل الشقة دى فوق ال 650 الف ان شالله حتى يستلف بس يعمل التنازل و الفاتحة على راس الميت زى ما بيقولوا يتنازل ويقبض للإطئنان

ان

ممكن توضيح النقطة دى

[ramymechanics]

ممكن توضيح النقطة دى

عينيا الجوز ....
شركة الكهربا ليها مكتب فى مول 2 فى الرحاب ... ياخد اى وصل قديم او الرقم اللى على حديدة الكهربا و يشوف الشقة عليها ايصالات متأخرة ولا لأ

وياخد كمان منه ايصال سداد آخر فروق صيانة للجهاز و دى بالنسبة لشقته السنة دى مش هتزيد عن الف جنيه بس ممكن يكون بقاله سنين ولا حاجة مبيدفعش فصاحبه اللى هيلبسهم

بقيت الكلام قصدى بيه ان شقته اللى بيتكلم فيها معدية 600 ل 700 الف حسب حالتها و اعتبار انها رابع من غير اسانسير ... فاللى يدفعه فيها كل دة مجاتش على 10 تلاف جنيه مصاريف تنازل فالشركة للأمان

القصد انه يروح طلعت مصطفى فى الدقى مع الراجل بالفلوس يعمل التنازل و يسلم الراجل فلوسه اول ما يتنازل عشان ميطلعش عليها مشكلة و حوارات توكيلات

اتمنى اكون وضحت الكلام :)