تخيل مصر الآن بدون ثورة 52

[Pukka]

بدون تحيز (وبكل موضوعية)
لو لم يقم ناصر وزملاؤه بثورة 1952
وعلى فرض اننا لسنا عايشين في عهد الملكية
هل حالنا كان بقى نفس الحال ولا كان الامر اختلف؟
اقصد نواحي الفقر والجهل والحرية والديموقراطية
الصناعة والزراعة والتقدم والثقافة والثقل والاحترام الدولي وغيره
هل حالنا كان نفس الحال ولا كان اتغير (للافضل او الاسوء)؟؟
الموضوع للمناقشة ..

[YahiaAshraf]

الصورة دى فيها اللى نفسى اقوله

[بحار]

الخيبة اللى احنا فيه دلوقت بنى .. كانت هاتبقى كحلى .. هوه ده الفرق !!

[Pukka]

الصورة دى فيها اللى نفسى اقوله

الواحد لما بيقرا احصائيات واخبار زي دي بيتحسر فعلا

[Pukka]

الخيبة اللى احنا فيه دلوقت بنى .. كانت هاتبقى كحلى .. هوه ده الفرق !!

المهم في الاخر انها (خيبة) بصرف النظر عن الالوان !

[Curbis]

مكنتش هتفرق كتير لسببين

الأول اننا كده كده أكيد كنا هندخل حروب كتير مع اسرائيل لأنها مكنتش هتسيبنا في حالنا وبالتالي كنا هنصرف فلوس كتير على الحروب والنتيجة واحدة

التاني لو مكنتش قامت ثورة يوليو كانت بنسبة ٩٠٪ هتقوم ثورة شيوعية في الستينات زي معظم دول العالم

ولو محصلتش الثورة الشيوعية دي كانت هتقوم ثورة اسلامية في السبعينات أو التمانينات زي إيران مثلا

ولو محصلش ثورة اسلامية فمصر بنسبة كبيرة الوضع السياسي فيها كان هيبقى زي الدول الملكية غير النفطية زي الأردن دلوقت أو المغرب مثلا

[7oda]

مع ان الموضوع قايم على سؤال افتراضى من رأيى ان طريقة التفكير ديه غلط
الثورة نجحت لأن الملكية وصلت لحاله من الضعف و عدم الاستقرار السياسى لدرج استحالة استمرارها
فازاى الدوله هتتقدم تحت حكم نظام ضعيف
كمان لازم نفتكر ان مصر ايام الملك كانت تحت الاحتلال البريطانى

[Karim Alaa]

الصورة دى فيها اللى نفسى اقوله

باشا الله يخليك سيبك من الاحصائيات دى و خليك فى الواقع العملى الواقع ان مجتمع النصف فى المئه هو الى كان متمتع بهذى الثروه فقط لا غير يعنى الدولار يبقى ب 30 قرش 30 جنيه مش فارق معايا و معاك حاجه انا و انت فلاحين ممنوع نخش اعلى من التعليم الاعدادى الا بوساطه ملناش جامعه الا بواسطه

كمجتمع 98% امى يعمل اجيييييييييييييييير على الارض فقط لا غير و عليه مكنش فيه بطاله ممكن سياتك تستغنى عن تعليمك و تنزل دلوقتى تشتغل اجير عند اى حد باقل مرتب ممكن

و عشان اترجملك الاحصائيات دى ترجمه عمليه ايام مبارك كانت اعلى ايام نمو اقتصادى فى البلد

ايه يا باشا كانت ايام حلوه ؟؟؟ كنا متنزهين وة حياتنا متعه

بكره احفادنا هيجيبو احصائيات ايامه و يقولو قال ثوره 25 قال ما الراجل كان ممشيها و الدولار كان ب 5.85 قرش

دى شويه ارقام مكنش مصرى حاسس بيها البهوات اصحاب الاقطاع فقط

لا تعليم لا ثروه لا ملكيه لمصرى اصلي كلنا فلاحين و بس

[sasatony]

باشا الله يخليك سيبك من الاحصائيات دى و خليك فى الواقع العملى الواقع ان مجتمع النصف فى المئه هو الى كان متمتع بهذى الثروه فقط لا غير يعنى الدولار يبقى ب 30 قرش 30 جنيه مش فارق معايا و معاك حاجه انا و انت فلاحين ممنوع نخش اعلى من التعليم الاعدادى الا بوساطه ملناش جامعه الا بواسطه

كمجتمع 98% امى يعمل اجيييييييييييييييير على الارض فقط لا غير و عليه مكنش فيه بطاله ممكن سياتك تستغنى عن تعليمك و تنزل دلوقتى تشتغل اجير عند اى حد باقل مرتب ممكن

و عشان اترجملك الاحصائيات دى ترجمه عمليه ايام مبارك كانت اعلى ايام نمو اقتصادى فى البلد

ايه يا باشا كانت ايام حلوه ؟؟؟ كنا متنزهين وة حياتنا متعه

بكره احفادنا هيجيبو احصائيات ايامه و يقولو قال ثوره 25 قال ما الراجل كان ممشيها و الدولار كان ب 5.85 قرش

دى شويه ارقام مكنش مصرى حاسس بيها البهوات اصحاب الاقطاع فقط

لا تعليم لا ثروه لا ملكيه لمصرى اصلي كلنا فلاحين و بس

انت جبت المفيد الله يفتح عليك من الاخر كان أغلب الشعب المصري كله شغال اجير عند العائلة المالكة ورجال الاعمال وهنفضل طول عمرنا زي مااحنا ومفيش مجانية التعليم ولا اي حاجة
ثورة 52 ثورة عظيمة بس زيها زي اي ثورة عربية مبتكملش للاخر يعني احنا مشينا الملكية وجبنا ملكية عسكرية محدش ينفع يحكم الا اذا كان معاه الجيش وممنوع رئيس مدني يحكم وادينا شوفنا لما الشعب اختار رئيس مدني( حتي لو احنا مختلفين معاه) الجيش مش هيسمح ان رئيس مدني يحكم البلد ويتحكم فيه لان عقيدة الجيش ده ان هما بيفهموا عن اي شخص مدني وان دي بلدهم

[zorg]

كده كده كنا هنوصل للحال اللى احنا فيه حتى من غير ثورة 52
ودوام الحال من المحال
وزى مالراجل قال بكرة احفادنا يطلعوا يقولوا فين ايام مبارك ويلعن ابو ثورة 25 يناير :)

[Mahmoud Saloum]

باشا الله يخليك سيبك من الاحصائيات دى و خليك فى الواقع العملى الواقع ان مجتمع النصف فى المئه هو الى كان متمتع بهذى الثروه فقط لا غير يعنى الدولار يبقى ب 30 قرش 30 جنيه مش فارق معايا و معاك حاجه انا و انت فلاحين ممنوع نخش اعلى من التعليم الاعدادى الا بوساطه ملناش جامعه الا بواسطه

كمجتمع 98% امى يعمل اجيييييييييييييييير على الارض فقط لا غير و عليه مكنش فيه بطاله ممكن سياتك تستغنى عن تعليمك و تنزل دلوقتى تشتغل اجير عند اى حد باقل مرتب ممكن

و عشان اترجملك الاحصائيات دى ترجمه عمليه ايام مبارك كانت اعلى ايام نمو اقتصادى فى البلد

ايه يا باشا كانت ايام حلوه ؟؟؟ كنا متنزهين وة حياتنا متعه

بكره احفادنا هيجيبو احصائيات ايامه و يقولو قال ثوره 25 قال ما الراجل كان ممشيها و الدولار كان ب 5.85 قرش

دى شويه ارقام مكنش مصرى حاسس بيها البهوات اصحاب الاقطاع فقط

لا تعليم لا ثروه لا ملكيه لمصرى اصلي كلنا فلاحين و بس

تعليم ايه اللى حضرتك بتتكلم عليه هيا مصر حاليا فيها تعليم؟ صحيح كنا فلاحين والعالم كله برده كان فلاحين لان الثورة الصناعية اصلا حصلت قريب وحصلت فى اوروبا وكانت هتنتقل لينا بالوقت. زمان كان عندنا زراعة ودلوقتى لا عندنا زراعة ولا صناعة ولا اى حاجة والفلوس اللى بتدخل بلدك يا اما من قناة السويس اللى اتحفرت فى عصر الخديوى او السياحة اللى عمل اسبابها الفراعنة او اموال المصريين اللى شغالين بالسخرة فى الخليج او القروض والمنح. زمان بتقول انها بلد النصف فى المائة و دلوقتى بقت بلد الكام فى المائة؟ ويا ترى رفاعة الطهطاوى واحمد شوقى وطه حسين ومصطفى مشرفة وسميرة موسى وغيرهم كانوا اتعلموا ازاى ؟ وجمال عبد الناصر وزمايله دخلوا الحربية ازاى واترقوا فيها ازاى؟ ووالد حضرتك ووالدى اتعلموا ازاى ؟ وجامعة الملك فؤاد "القاهرة حاليا" مين اللى بناها ؟ يا راجل ده احنا كان عندنا تانى خط سكة حديد فى العالم بعد بريطانيا شوف حال السكة الحديد بتاعتنا دلوقتى مقارنة بحالها فى دول من العالم الرابع مش الثالث؟ حضرتك بتقول 98% كانوا شغالين اجرا فى الارض ودلوقتى قاعدين على القهاوى او شغالين بلطجية او حرامية او مرتشين او بطالة مقنعة واللى بيشتغلوا بياخدوا كام؟ زمان كنت تتخرج تانى يوم كنت تقدر تتجوز لان الايجارات كانت كتيرة جدا و مستديمة والشغل كان متوفر وبكثرة والاسعار كانت منضبطة مش تروح تشترى شقة تكلفتها 50 الف جنيه وحضرتك تروح تشتريها بنصف مليون جنيه ومش تروح تجيب عربية ب 100 الف جنيه وهيا متسواش 30 الف جنيه. عمرك سمعت زمان ان المطاعم بتبيع لحم حمير على انه كندوز عمرك سمعت زمان عن دود من الصين بيتباع على انه جمبرى عمرك سمعت زمان عن اكياس دم ملوثة ولا عبارات بتغرق و لا طرق تصلح لسير المجنزرات مش العربيات ولا ناس ساكنة فى المقابر. يا راجل ده احنا كنا بندى قروض لبريطانيا ومحدش يقول الحروب طيب ماهو كان فيه شبه احتلال لمصر وكان فيه حربين عالميتين وكان فيه حرب فلسطين . المشكلة مش حكم ملكى وحكم عسكرى المشكلة ان الناس بقت مش كويسة لا خلقا ولا علما ولا دينا ولا اى حاجة احنا من عهد الفراعنة مكانش اللى بيحكم مصر مصريين وبقالنا 62 سنة اللى بيحكم مصر مصريين وده الفرق.

[Karim Alaa]

براحه بس حضرتك و متخدش الموضوع شخصى هرد على كام نقطه كده عشان تعرف حضرتك بس ان طريقه نظرك للموضوع معكوسه شويه

اولا الثوره الصناعيه بدائت فى 1840 يعنى من قبل الثوره ب 100 سنه كانت هتتنقلنا امتى و ازاى بتقول من وقت قريب ؟؟

ثانيا خط السكه الحديد بنيته بريطانيا عشان تجارتها لا بنيته لمصر و لا احنا كنا نعرف نبنيه يادوبك نشتغل عليه سواقين فقط و شايالين فمعرفش ده انجاز ازاى :)

ثالثا احنا مديناش بريطانيا قروض بريطانيا عن طريق البنك الاهلى بتاعها كان معاها كل دهب مصر الثروه كلها و لما دخلت الحرب قررت تدى لنفسها قروض منه :) خدته و عشان الشكليات اديتنا ورق بيقول ان ده قرض و بعد الحرب قالت قرض ايه لو ليك فلوس نبقى نديك بيها بضائع او نديك بيها خبرات انجليزيه زى مهما حددو

و اتحداك تجيب مناقشه فى مجلس نواب ولا حكومه عن اعطاء قروض لبريطانيا او لا و اتحداك تجيب اى ورق او وثائق عن اد ايه مده و فوايد القرض ده

يعنى احنا كنا بنتسرق من بريطانيا مش بنديها قروض برعايه النظام الحاكم ساعتها و بدون اى اعتراض :)

( مبيفكركش بحاجه الموضوع ده )

والدى اتعلم فى الثوره بالتعليم المجانى و الناس الى انت ذكرتهم بالترتيب

رفاعه الطهطاوى: قبل الثوره باكتر من 200 سنه و ايام البعثات :) محدش اتكلم على ايام محمد على باشا و البعثات كانت ايام حلوه

احمد شوقى باشا ابن علي أحمد شوقي بك واخد بالك من بك و باشا اتعلم طبعا يا باشا و دخل جامعه سمو الملك اثبات لنفس الفكره محدش بيتعلم بعد الكتاب و الابتدائيه غير ولاد البهوات و البشوات و احنا فلاحين

طه حسين درس فى الازهر قبل البعتثه و الازهر مكانش جامعه فى كل التخصصات زى دلوقتى و عليه اى حد متفوق دينيا او فى اللغه كان ممكن يخش عشان يطلع امام و بس

مصطفى مشرفه : وكان الابن الأكبر لمصطفى مشرفة أحد وجهاء تلك المدينة وأثريائها اخدتش بالك :) طبعا مع العلم انه انسان عبقرى بس اتعلم و دخل جامعه ليه عشان وجهاء و احد اثريائها دى

سميره موسى : كان لوالدها مكانة اجتماعية مرموقة بين أبناء قريته برضه و جهاء و اثرياء و برضه ده مش معناه انها مش عبقريه بس خدت الفرصه ليه ؟؟ عشان ابوها من الوجهاء و الاثرياء

ادى يا باشا شويه النماذج الى ذكرتها كلها تقريبا بتقول نفس الفكره

تعليمنا زباله ماشى الى معاه بكاليروس ممكن يدوبك يبقى معاه اعداديه فى تعليم نظيف ؟؟ تمام على الاقل كلنا معانا الاعداديه دى دلوقتى عكس مكلنا كنا زمان فلاح سيس خرسيس :)

وايام تتخرج تتجوز دى ايام عبد الناصر و السادات لان قبلهم مكنش فى تخرج اساسا لاننا مكنش لينا جامعه و اه كانت الدنيا رخصيه و اشتراكيه و بتاع :)

بس يا سيدى و بقيت الكلام عن فساد البشر نفسهم كان هيبقى هو هو ان مكانش اسؤ بعد مالدنيا تبقى اوسخ و اوسخ

كفايه عليا انك تروح ليبيا تبص على حال الناس هناك اهم مش بيتعلمو التعليم الزباله بتاعنا تخيل بقى من غير شويه النفط كانو بقو ايه

كل كلامى ده مش معناه ان 52 ظبطت كل حاجه بالعكس اخطائهم و خطاياهم لا تعد و لا تغتفر لكنها لفتره صلحت حاجات كتيره و لسه شغاله لحد دلوقتى و بعدين و حتى الان كثير من اثارها السلبيه موجوده

و اوعدك قبل من منموت هتلاقى احفادنا بيضحك عليهم و يقولو فين ايام مبارك

[mk3]

اقرأ كتاب كنت رئيسا لمصر ..بس كده

[Ahmed abdkarim]

مكنتش هتفرق كتير لسببين

الأول اننا كده كده أكيد كنا هندخل حروب كتير مع اسرائيل لأنها مكنتش هتسيبنا في حالنا وبالتالي كنا هنصرف فلوس كتير على الحروب والنتيجة واحدة

التاني لو مكنتش قامت ثورة يوليو كانت بنسبة ٩٠٪ هتقوم ثورة شيوعية في الستينات زي معظم دول العالم

ولو محصلتش الثورة الشيوعية دي كانت هتقوم ثورة اسلامية في السبعينات أو التمانينات زي إيران مثلا

ولو محصلش ثورة اسلامية فمصر بنسبة كبيرة الوضع السياسي فيها كان هيبقى زي الدول الملكية غير النفطية زي الأردن دلوقت أو المغرب مثلا

هى دى المشكلة ليه حضرتك بتفترض الاسوء . البلد كانت ماشية كويس جدا . كان ممكن يحصل تعديل دستورى ونبقى زى انجلترا . الملك حاجه شرفيه والحكم لرئيس الوزراء المنتخب .

لو النظام الملكى كان موجود اعتقد انه كان حيكون افضل من الوضع الحالى

[Mecha]

والله الاحصائيات اللي الاخوه جايبنها ايام الملكيه
جميله و اي محلل مالي هيشهد بيها انها دوله ممتازه

لكن فين الظلم الاجتماعي في حينها . نفتكرفلم الارض وعلي الشريف ياعيني مخو اتوول من ريحه الطعميه والعيش القمح
اياميها حلم المصري البكالوريا والجامعه ابعد وارجع للقاهره ٣٠ وبدايه ونهايه و حضرة المحترم للمبدع نجيب محفوظ
ازاي تكون موظف حكومي درجه تامنه املا كبيره
ونسمع ونقرا اياميها عن مشروع الحفا وكسوة الشتا والكوليرا والسل وجلد الكرابيج وان الميه متطلعش ف العالي
وان الفول النابت -ورك الوزه في عودةالروح للحكيم- والمدمس هم اساس طعام المصري والبروتين الحيواني حلم بعيد وافتكر حبيبي عبد المنعم ابراهيم ف الزوجه التانيه وهو بيلهط رقبة الوزه غلبان جعان ياعيني هههه
وافتكر بدلية الجيش والضباط للاعيان, فهي كانت دوله ممتازه للطبقه العاليه

اللي عملتو 52 بالاساس اصلاح حال الطبقات المكحوته اللي زي منعم اللي يرحمه بالاضافه لتدشين سيطرهالطبقه الوسطي
خلال التاميم والاصلاح الزراعي ومجانية التعليم وطبعا مع اخطاء جسيمه
كل دا مش اختراع مصري حصل مع كل حركات التحرير في امريكا الجنوبيه وافريقيا واسيا ,حتي اوروبا بعد الحرب عملت تاميم واصلاح اشتراكي
مشكلتنا عايشين في زمان فات , دايما زمان احسن مع انك لو رجعت زمان هتلاقيهم بيسبوا ويلعنوا
بنحب زمان ونعك ف الحاضر ومنعرفش مستقبل ومش احنا بس ,اخطف رجلك للفلبين والا بيرو والا الكونغو هي هي ان لم يكن اسوء
عيش اللحظه واامل في الخير و المستقبل
ومتصدقش ان زمان كان احسن ,هو كان احسن للي متراستاين فيه وغيرهم شارب الطين