بلد عايزه الحرق

[Ladawy]

\\ عذرا فى مشاركتى الصادمة ولكن //

دور فى أخر شهرين فى القسم على مواضيع من نوعية : بلد زبالة ، مشاكل .. فساد .. عدم ضمير
و هاتلاقى منهم موضوع بتاعى :)

عشرات المواضيع فى نفس المجال ،،

حد فكر يحل حاجة ؟
حد فكر يحلل المشكلة على الاقل علشان نحاول نوجد لها حلول ؟
حد فكر حتى ينـظـّـر بنظريات لحل المشاكل دى حتنى و إن كانت حالمة ؟

مفيــــــش
كل كام يوم بنعمل موضوع زى ده نشتم فى البلد ، و خلاص

[طارق _عبد السلام]

حديث عن الرسول ص
ما ترك قوم الجهاد الا ذلوا
صدق الرسول ص

مين الرسول ص .؟!. هو حضرتك بستشهد برسول الله صل الله عليه وسلم ومكسل تكسب الثواب ... دا حتى من سيقرأ ردك هيقرأ ص... وحضرتك بتتكلم عن الجهاد فأين جهادك مع نفسك حتى وتكمل وتتعب وتكتب صل الله عليه وسلم

معندناش حاجه اسمها الرسول ص .. فضلا لاامرا عندما نذكر اشرف الخلق لايصح الاختصار بهذه الطريقه

عايزين نلغى العاده دى نهائيا

[eng.m7md.ali]

الحرامي - البلطجي - الفقير- الغني- الارهابي- المسلم- المسيحي- الجاهل- المتعلم. دول في بلدك بس كل واحد البيئة الي فيه او الظروف او اهله كده ديه مصر وفيها اكتر من كده كمان وفي كله بلده فيها يعني في المانيا مفيهاش سرقه ومفيهاش قتل اكيد فيها ولا زمانها مكنش فيها حكومه انا والدي اتقتل في امريكا من مغربي بقاله ٣ سنين وشكرا والمغربي طلع منها قتله عشان يسرقه يعني كل بلد اوسخ من التانيه
عمرك في مصر شوفت واحده ماشيه عريانه طب ايه رائيك بره
عمرك في مصر اتفرجت علي فيلم ولقيت واحده عريانه ايه رائيك في بره ولاهيا ديه الحريه احنا بنقول علي الافلام الي هنا اقذر كلام عارف بره يتقال علينا جهلها
عمرك شفت ظابط او مواطن ماشي في الشارع وواحد ماسك واحده وبيبوسها ويسكت بره لو اكلمت انته الي تتحبس
في مصر تقدر البنت تسلم علي الشاب وتبوسه علني كده
مصر فيها كله حاجه بس العيب فينا احنا برده مش كل حاجه هنرميها علي الحكومة والله الي مش عاجبه مصر يروح اي بلد تانيه انا عن نفسي كان قدامي اعيش في امريكا ورفضة اسيب بلدي واربي بنتي بره
مصر ام الدنيا وهتفضل ام الدنيا رغم كل البلاوي الي الشعب المصري بيعملها

مصر ام الدنيا ليه وهتفضل ام الدنيا ليه؟

عشان اقدم حضارة؟

طز في اقدم حضارة مدام الشعب بالطريقة المهينة دي

سمعت حضرتك عن هرم سقارة؟ سمعت عن الاهمال في ترميمه؟ سمعت ان الاجانب خايفين عليه اكتر من الحكومة الفاشلة دي؟؟

[ahmed.teawater]

طيب وزعلان ليه من الولاد اللى متنحين قدامك وانت ماشى بالعربيه اذا كان انت عايز البلد تتحرق وهما كمان عايزينها تولع فمفيش مشكله..

ولما احساسك وقرفك من البلد ده داخلك فمتلومش على حد بيعاملك بنفس المنطق يعنى لا اللى معاه عربيه ب300 الف عاجبه العيشه ولا عاجبه البنزين اللى البلد بتحط عليه 5 جنيه علشان هو يدور عربيته ويروح مشواره.. ولا اللى ماشى عاجبه انك راكب عربيتك وهو مش مستفيد وبردوا عايز يولع فى البلد .. محدش يقولى جمارك ومش جمارك احنا اصلا بلد واقعه وهتقع كمان طول ماالكل عايز يحرقها..

بجد ربنا ييسر لك امرك وتاخد الجنسيه الالمانيه وهناك فعلا هتلاقى احترام رهيب للآدميه عيشته بنفسى مع اجمل شعب ..بس هناك مفيش مكان لواحد مبيشتغلش ومفيش مكان للفهلوه ومفيش مكان للى عايز يولع فيها. وكلهم بيشتغلوا وبيراعوا ضميره ... الضمير اللى ينقصنا وانتماؤهم رهيب لبلدهم علشان كده اصبحوا فى افضل حال .. لكن احنا لاضمير فى العمل وكمان عايزين نولع فيها .. فانسى ان البلد دى تتقدم

حضرتك بالبلدى كدا جبت زتونه الموضوع
لو انت حاسس بالقرف متلومش حد انه حاسس نفسك احساسك وبيعاملك وحش
ولو انت حاسس انه فيه امل يبقى تحاول تغير بايدك
وعلى فكره تجربتى ان كلمه يا حبيبى للعيال الصغيره الى مش بتوسع للعربيه ولو وسع بيبصلك من فوق لتحت ان كلمه يا حبيبى دي شتيمه ومجرد انك اعتبرته صغير ده عيب ف حقه

[drcobra]

ممكن سيرفير المنتدى يقع من البلاوى اللى هتتكتب
الحقيقة انا مش عارف اكتب ايه ولا ايه ولا ايه


ههههههههههههههههههههههه
مصر مليانة فساد

[ahmed.teawater]

\\ عذرا فى مشاركتى الصادمة ولكن //

دور فى أخر شهرين فى القسم على مواضيع من نوعية : بلد زبالة ، مشاكل .. فساد .. عدم ضمير
و هاتلاقى منهم موضوع بتاعى :)

عشرات المواضيع فى نفس المجال ،،

حد فكر يحل حاجة ؟
حد فكر يحلل المشكلة على الاقل علشان نحاول نوجد لها حلول ؟
حد فكر حتى ينـظـّـر بنظريات لحل المشاكل دى حتنى و إن كانت حالمة ؟

مفيــــــش
كل كام يوم بنعمل موضوع زى ده نشتم فى البلد ، و خلاص

انا مع حضرتك طبعا
طيب متيجي بدل ما نتكلم عن المشكله ندور ع حل لكل مشكله تتطرح ف المنتدى بعقلانيه وحلول
ونفكر سوا واظن ان المنتدى فيه عقليات محترمه زي حضرتك وغيرك كتير يقدرو يفيدونا

[Omar Mahmoud]

بالنسبة للبنزين مش المشكلة إن هو بوظ موتور عربية(دي طبعا مشكلة كبيرة جدا و ربنا يكون في عون الناس اللي عربياتهم إتضرت) المشكلة إن ده تبع الحكومة يعني لما الحاجة اللي الحكومة بتوفرها اي كلام امال التجار هيعملوا فينا إيه؟؟؟؟ رفعت الدعم عن بنزين 95 ليه في الاخر؟؟؟
الطرق دي بقي حدث و لا حرج في شارع السودان في كوبري اتعمل من فترة قريبة مكملش سنة في منزل الكوبري الاسفلت هبط و في الخر المسئول يقوللك الحوادث سببها السواقين مش الطرق
الجمارك دي حاجة زي الفل،في فترة 2007 حزام الامان كماليات طب بتاخدني مخالفة ليه و انا مش لابسه زي عوامل الامان اللي العربيات من غيرها متدخلش دول زي دول اوروبا.مش اللي يقوللي كماليات.
الإعلاميين بصراحة اكتر ناس ذبالة شفتهم في حياتي،كمية من النفاق و التطبيل غير طبيعية زي الناس اللي كانت بتشتم مرسي إن واحد عطس في الشارع اللي مش واخدين بالهم إن في مصائب بتحصل دلوقتي و لو إتكلمت تبقي إخوان و إرهابي و عدو للوطن و في الخر الجملة الشهيرة مش احسن من سوريا و العراق؟؟؟ كل ده انا مجربه
و التعليم اللي انا مش فاهم إيه لازمته في مصر و المدرسين الزبالة اللي يعد يهزق فيك علشان خاطر اعمال السنة و انت مضطر تستحمله علشان اعمال السنة.ايه اللي انا خدته من مناهج التعليم؟؟؟ انا دلوقتي في اولي جامعة،الإجابة ولا حاجة
التربية دي اساسها المدارس اللي العيال بيقضوا فيها معظم الوقت تلاقي مدرس بيشتم شتايم كأنك بتكلم سواق ميكروباص و الشتايم دي للولاد و البنات
الدين،إحنا فعلا شعب متدين بطبعه حتي تلاقي معظم الشعب المصري في اي حاجة بتحصل يسب الدين علي طول،انا لو قاعد مع حد و لقيته عمل بسيبه و امشي.
انا ناس كتير قاللولي خش إعلام اصل ليها شغل قلتلهم لأ مش عايز ابقي زي الإعلاميين اللي موجودين دلوقتي و دخلت تجارة.
في الاخر انا مش شايف اي حاجة حلوة في البلد دي.

[YahiaAshraf]

الناس اللى بتقول انى ليه زعقت للراجل اللى بيشيل الشنط فى المطار

أولا لأنه ما أخدش اذنى ثانيا بجاحته فى الكلام وكانى انا اللى غلطان لانى كان كلامى فى الاول كويس لما لاقيته قلب قلبت انا كمان