إعـــــــلان

Collapse

.

,
See more
See less

موقف حصلى ومتضايق صراحة عايز رأيكو

Collapse
X
 
  • Filter
  • الوقت
  • Show
Clear All
new posts

  • موقف حصلى ومتضايق صراحة عايز رأيكو

    بصراحة رأيكو يهمنى

    الموضوع باختصار مش عارف باخد اى موضوع بحساسية شوية يعنى اى حاجة باخدها على سدرى زى مابيقولوا

    نيجى للموضوع ليا واحد صاحبى وهوة بصراحة عشرة عمر وزميل عمل قبل كدة من حوالى سنتين طلب منى شقتنا فى اسكندرك ية يقعد هوة والمدام اسبوع فيها قولتلة عينى تانى يوم المفتاح كان معاة انا قولت فى نفسى الشقة مقفولة ومش هاتخسر حاجة لو قعدوا فيها هوة وعيالة وهوة فى الغربة ميجراش حاجة لما اظبتلة اسبوع هوة والعيال مع انة مقتدر ياخد شقة على البحر

    من حوالى 5 شهور لاقيتة جاى بقولى هاقولك على حاجة بس من غير زعل قولتة مافيش بينا فرق قالى عديلى بيتجوز وعايز اوجب معاة ممكن يطلعوا الشقة 4 ايام بس وشوف اليوم بكام قولتلة عيب الكلام دة طبعا وانا واخد قرار ان كدة العشم زاد اوى قولتلة هاشوف ظروف البت عندى وارد عليك
    المهم كلمتة قولتلة واللة الشقة معلش اتأجرت سنة ومش معانا دلوقتى مع العلم ان الشقة فاضية بس مش كدة انت صاحبى وقولت ماشى انما عايز توجب مع عديلك على حسى كدة كتير مع العلم ان هوة اللى كان عايز يدفع وهوة عارف ان مش هاخد منة فلوس

    نيجى بقى للاهم اللى مضايقنى هوة حاليا اجازة وماشى خلاص قالى تودينى المطار بعربيتك قولتلة بس كدة سهلة انا مش ورايا حاجة مهمة فى اليوم دة مع العلم ان بينى وبين المطار 90 كيلو وسفر

    وخلاص اتفقنا لاقيتة اتصل بيا بيقولى ههههههههههه المدام وعيالة (4 ماشاء اللة) وطبعا اخو مراتة وصاحبة اصلا ماشاء اللة طول بعرض واكيد مش اقل من 35 كيلو شنط سفر انتوا عارفين اللى طالعين الخليج بيقوا عاملين ازاى

    وعربيتى واطية بصراحة وهاتحك فى اقل مطب هاتزحف من الاخر

    انا طبعا قولتلة بلاش لان هاوديك المطار واقابل صحابى فتعالى فردانى قالى مش هاينفع قولتلة طب على الاقل بلاش اخو المدام واهوة ابنة ماشاء اللة كبير يقعد معايا قدام واحنا راجعين


    قالى هاشوف كدة لو مش هتاكل هاجر عربية والمهم كلمنى وقالى انا اتصرفت فى عربية ايجار


    بعد كل الكلام دة حاسس بتأنيب ضمير وحاسس انى زعلتة مش عارف لية العربية بجد كتير عليها 4 كبار و4 اولادة كبار بردة + الشنط

    هل انا صح ولا غلط
    لا الة الا انت سبحانك انى كنت من الظالمين

  • #2
    يا باشا متأنبش ضميرك ولا حاجه ......كل واحد وهو حر فى حاجته ...........هو لو عربيتك حصل فيها حاجه بسبب الاوزان دى كلها هو هيفيدك بحاجه....
    ولازم يعمل حسابه انك تكون الحل الاخير مش الاول......يعنى يحاول يشوف شقه او ياجر عربيه....ولو معرفش او الدنيا ضاقت بيه يكلمك ....انما متبقاش انت الحل الاول بالنسباله
    وعلى رأى المثل "ان كان حبيبك عسل ....متلحسوش كله"

    Comment


    • #3
      العشم الزيادة مش كويس لازم الإنسان يقدر الظروف واللي يزعل يزعل
      مفروض الانسان ميطلبش من حد حاجة إلا للظروف القصوى طالما مقتدر لكن شغل الاستقطاع ده مش حلو
      أنا شايف انك عملت معاه الواجب أول مرة في موضوع الشقة تاني مرة هو غلطان مكنش ينفع يزودها
      موضوع العربية العدد كبير على عربيتك وعربيتك لو حصلها حاجة هو مش هينفعك ومش هيدفعلك مليم فبالتالي طالما عايز يجيب الأسرة كلها والجيران يبقى يأجر ميكروباص أحسن
      [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
      [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

      [SIGPIC][/SIGPIC]

      Comment


      • #4
        طبعا حضرتك غلطان
        غلطان لما تحس بتأنيب ضمير و انك زعلته
        المفروض حضرتك اللى تزعل مش هو
        المفروض هو اللى يحس انه غلطان فحقك
        مش معقوله العشم المبالغ فيه ده
        [SIZE=5][COLOR=Blue][sor2]http://s8.postimg.org/y3vj7185h/new5115.png[/sor2]
        سبحان الله و بحمده سبحان الله العظيم[/COLOR][/SIZE]

        Comment


        • #5
          اللى مبيشوفش من الغربال يبقى اعمى

          هو المفروض ان ضميره يوجعه مش انت هى العربيه ميكروباص ولا شقتك لوكانده
          [SIGPIC][/SIGPIC]

          Comment


          • #6
            العشم له حدود
            وهوه زودها شويه
            الا لو انت كنت بتطلب
            منه حاجات زى كده من قبل
            اما لو انت عارف حدودك معاه
            ولو كنت مكانه مكنتش عملت كده.
            فمتلومش نفسك.
            وللصداقه حدود.
            تحياتى.
            [SIGPIC][/SIGPIC]

            Comment


            • #7
              العين الواسعه.. يلزمها عين واسعه زيها

              Comment


              • #8
                المشاركة الأصلية كتبت بواسطة ahmed_selmy مشاهدة المشاركة
                يا باشا متأنبش ضميرك ولا حاجه ......كل واحد وهو حر فى حاجته ...........هو لو عربيتك حصل فيها حاجه بسبب الاوزان دى كلها هو هيفيدك بحاجه....
                ولازم يعمل حسابه انك تكون الحل الاخير مش الاول......يعنى يحاول يشوف شقه او ياجر عربيه....ولو معرفش او الدنيا ضاقت بيه يكلمك ....انما متبقاش انت الحل الاول بالنسباله
                وعلى رأى المثل "ان كان حبيبك عسل ....متلحسوش كله"
                عندك حق والعشم بزيادة وحش
                لا الة الا انت سبحانك انى كنت من الظالمين

                Comment


                • #9
                  المشاركة الأصلية كتبت بواسطة shiko85 مشاهدة المشاركة
                  طبعا حضرتك غلطان
                  غلطان لما تحس بتأنيب ضمير و انك زعلته
                  المفروض حضرتك اللى تزعل مش هو
                  المفروض هو اللى يحس انه غلطان فحقك
                  مش معقوله العشم المبالغ فيه ده :h_angry[1]:
                  ساعات الواحد بيحس انة عايش فى عالم افتراضى انا شكيت فى نفسى اقسم باللة ماقدر اطلب طلب زى دة من صاحبى
                  المشاركة الأصلية كتبت بواسطة طارق _عبد السلام مشاهدة المشاركة
                  اللى مبيشوفش من الغربال يبقى اعمى

                  هو المفروض ان ضميره يوجعه مش انت هى العربيه ميكروباص ولا شقتك لوكانده
                  عندق حق ياباشا
                  المشاركة الأصلية كتبت بواسطة adelghanem مشاهدة المشاركة
                  العشم له حدود
                  وهوه زودها شويه
                  الا لو انت كنت بتطلب
                  منه حاجات زى كده من قبل
                  اما لو انت عارف حدودك معاه
                  ولو كنت مكانه مكنتش عملت كده.
                  فمتلومش نفسك.
                  وللصداقه حدود.
                  تحياتى.
                  واللة عمرى ماقدر اطلب طلب زى دة انا لو عربيتى عطلت بأجر عربية والمفروض كل واحد عندة حواراتة ومشاكلة مش ناقصة العملية
                  المشاركة الأصلية كتبت بواسطة mu7ammed مشاهدة المشاركة
                  العين الواسعه.. يلزمها عين واسعه زيها
                  كلامك حكم فعلا هوة كدة فى الزمن دة
                  لا الة الا انت سبحانك انى كنت من الظالمين

                  Comment


                  • #10
                    باختصار انت صح
                    فتح سابقا

                    Comment


                    • #11
                      المهم انك متاخدش الموضوع بحساسية
                      ممكن يكون هو من الاشخاص اللي مش بيحسبوها
                      مبيعملش تكليف يعني. و الموقف ميأثرش فيه
                      و حتى لو أثر
                      انت برضه تابعه بالتليفون لما يوصل
                      و اطمن على احواله. يعني عشان تزيل اي سوء تفاهم انت خايف يحصل عنده
                      فكدا هيتعود على حدود معينة في التعامل و خلاص.
                      فسوف يأتي الله بقوم يحبهم ويحبونه أذلة على المؤمنين أعزة على الكافرين يجاهدون في سبيل الله ولا يخافون لومة لائم ذلك فضل الله يؤتيه من يشاء والله واسع عليم. المائدة - 54

                      Comment


                      • #12
                        [quote=هيثم مجدي;3875789637]المهم انك متاخدش الموضوع بحساسية
                        ممكن يكون هو من الاشخاص اللي مش بيحسبوها
                        مبيعملش تكليف يعني. و الموقف ميأثرش فيه
                        و حتى لو أثر
                        انت برضه تابعه بالتليفون لما يوصل
                        و اطمن على احواله. يعني عشان تزيل اي سوء تفاهم انت خايف يحصل عنده
                        فكدا هيتعود على حدود معينة في التعامل و خلاص.[/quote

                        المشكلة ان الواحد مابيحبش يكسف حد وبعدين ممكن يتقال بعد كدة فلان مارضيش يوصل فلان وخلاة ياجر عربية وطبعا لو اى حد مكانى اتحط فى الموقف دة هيتضايق زى مانا اتضايقت بصراحة انا مستحيل اطلب كدة من واحد صاحبى ياباشا دة لو اخويا هاقولة وانا محرج منة كمان
                        لا الة الا انت سبحانك انى كنت من الظالمين

                        Comment


                        • #13
                          فيه جملة سمعتها بتقول "ما أخذ بسيف الحياء فهو حرام"
                          الاحساس نعمة يا باشا و ما تزعلش مني هو لو كان هيدفع فلوس في ايجار الشقة ل قريبة كان راح شاف شقة برا من الاخر و دفع الفلوس.
                          أنا عندي ناس كده كتير بس ساعات بقيت اعمل عبيط و اللي يزعل يزعل.
                          https://t.me/pump_upp

                          Comment


                          • #14
                            [QUOTE=mastr_n;3875789642]
                            المشاركة الأصلية كتبت بواسطة هيثم مجدي مشاهدة المشاركة
                            المهم انك متاخدش الموضوع بحساسية
                            ممكن يكون هو من الاشخاص اللي مش بيحسبوها
                            مبيعملش تكليف يعني. و الموقف ميأثرش فيه
                            و حتى لو أثر
                            انت برضه تابعه بالتليفون لما يوصل
                            و اطمن على احواله. يعني عشان تزيل اي سوء تفاهم انت خايف يحصل عنده
                            فكدا هيتعود على حدود معينة في التعامل و خلاص.[/quote

                            المشكلة ان الواحد مابيحبش يكسف حد وبعدين ممكن يتقال بعد كدة فلان مارضيش يوصل فلان وخلاة ياجر عربية وطبعا لو اى حد مكانى اتحط فى الموقف دة هيتضايق زى مانا اتضايقت بصراحة انا مستحيل اطلب كدة من واحد صاحبى ياباشا دة لو اخويا هاقولة وانا محرج منة كمان
                            أنا عارف ان انت اللي واخد الموضوع بحساسية و بتلوم نفسك
                            عشان كدا بقولك عشان ترتاح من لوم نفسك واحساسك بالتقصير و الخذلان في حقه كلمه و اطمئن على احوالة انه وصل بالسلامة. و دا كفيل ان شاء الله يزيل اي سوء تفاهم لو حصل.

                            بكدا هتعرف لو كان اضايق ولا لأ و ترتاح من التفكير في الموضوع. لو اضايق هتبقى وديته و اتكلمت معاه و هيساعد في ازالة اي سوء تفاهم. لو مضايقش و اخد الموضوع عادي هتبقى ارتاحت نفسيا و الموضوع انتهى.
                            فسوف يأتي الله بقوم يحبهم ويحبونه أذلة على المؤمنين أعزة على الكافرين يجاهدون في سبيل الله ولا يخافون لومة لائم ذلك فضل الله يؤتيه من يشاء والله واسع عليم. المائدة - 54

                            Comment


                            • #15
                              بص ياباشا ومن غير زعل دة سورى انسان لطخ
                              الحمد للة

                              Comment

                              Working...
                              X