جالكسى s4 وقع فى البحر

[Rsarabia]

السلام عليكم و رحمة الله و بركاته

الحمد لله على كل حال

الاس 4 اللى لسه جايبه نزل فى المية المالحة حوالى 15 ثانية كدا
المهم وديته لواحد فتحه و حطه فى حاجة اسمها الغسالة يوم و التانى و للأسف الجهاز من جوة بقا فيه حتت سودة فى البوردة و معدش نافع
الجهاز دلوقتى مش بيعمل اى حاجة غير انى لما بحط الشاحن بيقعد يعمل vibration بتاع الفتح كل 5 ثوانى مثلا و ميفتحش
دلوقتى اعمل فيه ايه ؟ هل فى بورد بتتباع ؟ هل ممكن حد عنده عيب معين ياخده يجربه ؟؟

[hesham fawzy h]

ربنا يعوض عليك

بس نصيحة بعد كدة لو حد وقع موبايلة فى المية يطلعة بسرعة و يشيل البطارية (دى اهم حاجة)
و بعدين يجففة باستشوار
و بعدين تسيبو يوم ولا اتنين فى كيس ارز مقفول جيدا علشان الارز يمتص الرطوبة

...

لو البطارية هى فقط الى بايظة فى الموبايل حطها فى الفريزر يوم و اشحنها بعدها 8 ساعات و ان شاء الله ترجع جديدة

[a_r_140]

بصى يا ستى
الاول طبعا بشكر الاخ حسام طبعا
ثانيا هوه حطه ليه فى الغساله حرام عليه لان الغساله دى بيكون فيها ثنر وطبعا الموبايل بتاع حضرتك المايك والكاميرا الاماميه مش بيتفكو من البورده وطبعا الثنر كل فيهم لاحد ما اتبهدلو

المهم انا ليه واحد صاحبى فى تويكل سامسونج بس المشكله ان البورده تكلفتها حوالى نصف ثمن الجهاز

اخوكى مهندس صيانه فى شركه موبايل

[Medo007]

ربنا يعوض عليك

[Medo007]

بصى يا ستى
الاول طبعا بشكر الاخ حسام طبعا
ثانيا هوه حطه ليه فى الغساله حرام عليه لان الغساله دى بيكون فيها ثنر وطبعا الموبايل بتاع حضرتك المايك والكاميرا الاماميه مش بيتفكو من البورده وطبعا الثنر كل فيهم لاحد ما اتبهدلو

المهم انا ليه واحد صاحبى فى تويكل سامسونج بس المشكله ان البورده تكلفتها حوالى نصف ثمن الجهاز

اخوكى مهندس صيانه فى شركه موبايل

على فكرة ده راجل مش ست

[m3_dolphen]

عليكم السلام ورحمة الله وبركاته
ادى تجربتى مع جالاكسى اس 2 والحمد لله مازال يعمل بكل امكانياته

[hesham fawzy h]

عليكم السلام ورحمة الله وبركاته
ادى تجربتى مع جالاكسى اس 2 والحمد لله مازال يعمل بكل امكانياته

هههههههههههههههههههههههه

[NineVision]

عليكم السلام ورحمة الله وبركاته
ادى تجربتى مع جالاكسى اس 2 والحمد لله مازال يعمل بكل امكانياته

انت لو كنت قاصد تعذبه ماكنتش هتعمل فيه كده
لول

[m3_dolphen]

وسبحان الله لحد الان شغال بفضل الله ماشاء الله هههههه

[yuong313]

استعوض ربنا
واحد صاحبي كان معايا في الغردقة لسة شاري ايفون 5 اس بقاله اسبوعين نزل البحر ونسيه في جيبه وده كان اخر مشوار له في البحر
عمل الجنون ولا الهوا للاسف لسة قاعد بيتحسر عليه

[ahmedwagdy03]

وديته لواحد فتحه

تمام زى ماتقول وديت العربية عند كهربائى مش التوكيل

[S O P H O S]

ربنا يعوضك خير
فرأي بلاش تصرف فالتصليح

[aliabutaleb]

استعوض ربنا
واحد صاحبي كان معايا في الغردقة لسة شاري ايفون 5 اس بقاله اسبوعين نزل البحر ونسيه في جيبه وده كان اخر مشوار له في البحر
عمل الجنون ولا الهوا للاسف لسة قاعد بيتحسر عليه

خد الشر وراح

[Mu7ammeD]

البوردة بتتغير عادي لكن المشكله إن سعرها تقريبا نصف تمن التليفون.