حاجه غريبه في البنوك

[hugan]

يا باشا مفيش الكلام دة ولا التعليمات دي من بنك مركزي ولا غيرة
الفكرة بس ان لازم حضرتك تكون ليك وظيفة او صاحب عمل يتكتب من غير اثبات الا لو هتاخد اي تسهيل ائتماني
الفكرة بس ان طالما حضرتك هتفتح حساب بمبلغ مش كبير و مش هتاخد قرض و لا كارت ائتمان حتي
فكدة الحساب بتاعك هيخسر البنك لان حساب حضرتك بيتدفع علية ضريبة و دمغة للدولة اكتر بكتير من مصاريف فتح الحساب الي هتدفعها
فبيئولك لا لاي سبب بشياكة و hsbc هيقولك سيب صورة بطاقتك و تليفونك و هنستعلم و نكلمك تيجي تفتح الحساب و طبعا مش هيكلمك
و دة شيء عادي لان البنك في الاول و الاخر مؤسسة هادفة للربح و فاتح عشان يكسب مش عشان يخسر
و العالم كلو كدة من زمن الزمن احنا بس الى ابتدينا نفوء

لاء موجود وبتاكيد من محاسب شغال في بنك مصر
الفكره ان 3/4 المصريين حاليا مفيش عندهم اثبات وظيفه او متعين في اي مكان سواء خاص او عام
يعني اول حساب فتحته بعد ماخلصت الكليه سنه 94 كان ب6 الاف جنيه
ومفيش وظيفه في البطقه المؤهل فقط لاغير
حاليا الكلام ده ممنوع

[pioneerahmed]

لاء موجود وبتاكيد من محاسب شغال في بنك مصر
الفكره ان 3/4 المصريين حاليا مفيش عندهم اثبات وظيفه او متعين في اي مكان سواء خاص او عام
يعني اول حساب فتحته بعد ماخلصت الكليه سنه 94 كان ب6 الاف جنيه
ومفيش وظيفه في البطقه المؤهل فقط لاغير
حاليا الكلام ده ممنوع

يا فندم دي ممكن تكون سياسة بنك مصر دلواتي كدة او تعليمات من الادارة العليا للبنك
لكن مش تعليمات بنك مركزي و الا كانت مشيت على البنوك كلها

يمكن بس المحاسب معرفة حضرتك اختلط علية الامر

[هيثم مجدي]

فيه سياسات بنكيه جديدة فعلا
اللي بيقول ان دا طبيعي, لا مش طبيعي

ناس كتير اعرفهم بشكل شخصي بيجيلهم تحويلات من بره ووقفت بسبب التعليمات الجديدة.
يعني واحد مصمم مواقع و مطور freelancer, شغال مع شركات بره دا دخله ماشاء الله بالدولار و مبالغ كبيرة اقل شغلانه بيعملها ب كذا الف دولار, فلما في الشهر يعمل 10 ولا 15 الف دولار عادي
لكن مش هيقدر يجيب أي اثبات لشغله, لان مفيش فعليا اي حاجة تثبت الدخل دا. لما يحول 50 الف دولار كل شهرين تلاته عادي جدا. لكن اخر مرة وقفوله التحويل و حصله مشاكل كبيرة, و لسه سايب البلد من اسبوعين راح تركيا و هيعيش هناك. تقدر تقولي البلد استفادت من كدا ايه ؟ اه و على فكره صديقي مؤيد للسيسي عشان بس لو حد هيقول عليه ارهابي او بيتمول من الخارج للتبرير!

و الامثلة كتير على كدا. انت لو حطيت مبلغ كبير شوية بيطالبوك بفواتير عنه و بيقولك جايبة منين في البنك. ودا كلام فارغ ومفيش حاجة زي دي في اي حته في الدنيا. البنك مش سلطة قضائية عشان يحقق معايا. والمفروض اصلا كل مواطن طبقا للدستور له حماية و خصوصية. و ميحصلش اي استعلام عن مدخراته الا بأمر قضائي وبناء على تحريات حقيقية مش بالشبهة, ان موظف في بنك يبص في بطاقتك و يبقى له سلطة التقدير انك متعرفش تجيب الفلوس دي فيقوم يحقق معاك.

[mhamdsamy]

انا بعت ايميل للبنك العربي الافريقي اسالهم عن فتح حساب في حالة ان انا مصري مقيم بالخارج
دة الكتب
جواز سفر سارى + اقامه ساريه + مصدر دخل + الحد اﻷدنى لفتح الحساب
ياعني كمان عايزين يشوفو الاقامة مش البنوك دة مشاريع خدمية برضة
دة انا فاتح حساب بنك في انجلترا بابلكشن و لما رحت عايزين اثبات شخصية ادتهم الرخصة
بالرخصة وكل مسحب من حسابي اديهم رخصتي والله مش عارف اقول اية
تقريبا الموضوغ ملوش لازمة
بلد وسخة و مش سايبة الواحد في حالة حتي لو نازل اجازة تلاقي خابو$% مستنيك

[hussein]

استاذ محمد سامي حضرتك فتحت حساب فى انجلترا ازاي وفى انه بنك لاني دورت قبل كده على النت لاقيتهم طالبين محل اقامه فى انجلترا

[mhamdsamy]

استاذ محمد سامي حضرتك فتحت حساب فى انجلترا ازاي وفى انه بنك لاني دورت قبل كده على النت لاقيتهم طالبين محل اقامه فى انجلترا

ايوة انا مقيم في انجلترا
انا كتبت ابلكشن باسمي و عنواني و بعتة بريد بعدها باسبوع جالي جواب من البنك طلب مني
ان اروح للفرع اديهم اثبات شخصية
وبعدها باسبوع جالي الكريدت والبن كود و رحت البنك اعمل انترنت بانكن
حاجة بسيطة مش معقدة في حاجة اسمها التوقيع ان كل معلومات ال بتكتبها انت مسئول عنها
ياعني لو زورت حاجة او كتبت معلومات غلط بيحاسبوك في مصر طبعا الموضوع شبهة و بياخدو
كل حاجة كان البنك ال انت فية دة مش خدمة كانة امتياز
لو انت في مصر يا حسين و عايز حساب بنك في انجلترا مش عارف ممكن ازاي
لكن انا اتصلت بخدمة اتش اس بي سي قالوا ان انا ممكن اعمل الاكونت بتاعي انترناشونال وبكون
كان فاتح حساب في انجلترا دة ال انت ممكن تعملة

[dede_dodo88]

. انت لو حطيت مبلغ كبير شوية بيطالبوك بفواتير عنه و بيقولك جايبة منين في البنك. ودا كلام فارغ ومفيش حاجة زي دي في اي حته في الدنيا. البنك مش سلطة قضائية عشان يحقق معايا. والمفروض اصلا كل مواطن طبقا للدستور له حماية و خصوصية. و ميحصلش اي استعلام عن مدخراته الا بأمر قضائي وبناء على تحريات حقيقية مش بالشبهة, ان موظف في بنك يبص في بطاقتك و يبقى له سلطة التقدير انك متعرفش تجيب الفلوس دي فيقوم يحقق معاك.

خلينا نتفق على حاجة, البنك ده مش هو الخزنة الصغيرة أو البلاطة اللي الناس بتحط تحتيها الفلوس في البيت,
البنك ده هو مؤسسة مالية تخضع للبنك المركزي اللي هو الجهة المسؤولة عن وضع السياسات المالية و الرقابة على تطبيقها في أي بلد..
إذاً فالبنوك ليها دور رئيسي في الرقابة على الحركة الأقتصادية في البلد, صحيح هما مش جهة قضائية لكن ليهم صلاحيات لتطبيق الرقابة المالية..
عايز أقولك شوية أمثلة لبعض البنوك خارج مصر اللي تساهلت في الموضوع ده و تسبب عنه جرائم مالية من ضمنها عمليات غسيل أموال, و بسببها أتفرض على البنوك دي عقوبات بمليارات الدولارات, و من ضمن البنوك دي hsbc و standard chartered..
كون أن مصر متأخرة شوية في تطبيق موضوع الرقابة ده فدي مشكلة كبيرة في حد ذاتها, و الناس زي حضرتك مش متقبلة الموضوع لأنه موضوع جديد بالنسبالهم و لسة مش مدركين أبعاده بصورة كافية..
بس عموماً, على حد علمي يعني ان أي بنك بيفتح حساب لعميل جديد بيكون مخلي العميل ماضي على إقرار يلزم العميل بتقديم أي اوراق أو مستندات يطلبها البنك..

[samehafez]

هم فعلاً من اكتر من سنة البنوك مشددين شوية في اجراءات الحسابات الجديدة ... و حتي الحسابات القديمة لو رحت لخدمة العملاء عشان اي حاجة .. هيطلعلك ورق غريب كدة ...تمضي عليه ... زي اقرار انك لا تحمل جنسية اخري ... و اقرار انك ملكش علاقة باي مسؤليين رفيعي المستوي في الحكومة ..... اعتقد ده عشان غسيل الأموال ... طبعاً ده زائد موضوع لما تكون رايح تعمل ايداع احيانا بيطلبوا تكتب مصدر الفلوس ...

[dr_click]

هو مبدئيا، اعرف عميلك، اللي البنوك بتحاول تطبقوا كويس، بس من ناحية ادارة المخاطر و التكلفة و المنفعة، هيبقي زي ما نيجي لصاحب كشك و تقولوا وريني ميزانيتك السنوية و التدفقات المالية و و و.
و هو دا مركز مصر في الاقتصاد العالمي، علشان كدا عدت من ازمة 2008، مش بسبب حسن ادارة، بل بسبب ان اقتصادنا insignificant
اسف علي التعبير بس مش لاقي حاجة ادق.

[Ahmed_selmy]

دا ايه الهبل دا.....طيب انا شغال فى شركه بس كاتب مهندس كهربا حر.....اروح افتح حساب يقولى لا مش عايزين .
بالاضافه ان اى مبلغ بيتحط البنك بيستفاد منه , لانه بمنتهى البساطه هو بيلم كل المبالغ الصغيره دى ويعمل بيها مشروعات كبيره او بيديها قروض , وبالفوايد بتاعت المشروعات او القروض بيدفع كل حاجه.

[mhamdsamy]

دا ايه الهبل دا.....طيب انا شغال فى شركه بس كاتب مهندس كهربا حر.....اروح افتح حساب يقولى لا مش عايزين .
بالاضافه ان اى مبلغ بيتحط البنك بيستفاد منه , لانه بمنتهى البساطه هو بيلم كل المبالغ الصغيره دى ويعمل بيها مشروعات كبيره او بيديها قروض , وبالفوايد بتاعت المشروعات او القروض بيدفع كل حاجه.

الحد الادني للسفر في مطارات اوروبا 10000 يورو لمنع غسيل الاموال
الحد الادني للسفر من مصر 10000 دولار
ياعني اي مبالغ اقل من 80000 جنية مصري مش من حقهم يطلبو عنها مصدر دخل
بس احنا بلد لكل حاجة قانون و بعدين غسيل اموال ازاي لناس لسة بتفتح حسابات
هو كل رئيس بنك مركزي او وزير استثمار لازم يحط التتش بتاعة عشان يبين ان خايف علي البلد
و يجي في اجتماع مجلس الوزراء يقول انا عملت حاجة بس الحقيقة انهم اغبيا في كل قرار
وانت لو رحت البنك رفضوا يفتحولك حساب يقدروا يدوك حاجة بكدة ولا رفض واتفضل برة ؟
لانك ممكن تشتكي في البنك المركزي او تقضيهم

[hossam_elwani]

الكلام صحيح كنت بفتح حساب لاخويا ولفيت بنوك كتير وكلهم بيقولو نفس الكلام الا بنك ابو ظبى الاسلامى عداها وفتحنا الحساب بس قالى انه مش حيقدر يطلعله كارت صرف الى ولما يجى يصرف جيقعد شويه اكتر من غيره

[7oda]

الحد الادني للسفر في مطارات اوروبا 10000 يورو لمنع غسيل الاموال
الحد الادني للسفر من مصر 10000 دولار
ياعني اي مبالغ اقل من 80000 جنية مصري مش من حقهم يطلبو عنها مصدر دخل
بس احنا بلد لكل حاجة قانون و بعدين غسيل اموال ازاي لناس لسة بتفتح حسابات
هو كل رئيس بنك مركزي او وزير استثمار لازم يحط التتش بتاعة عشان يبين ان خايف علي البلد
و يجي في اجتماع مجلس الوزراء يقول انا عملت حاجة بس الحقيقة انهم اغبيا في كل قرار
وانت لو رحت البنك رفضوا يفتحولك حساب يقدروا يدوك حاجة بكدة ولا رفض واتفضل برة ؟
لانك ممكن تشتكي في البنك المركزي او تقضيهم

اكيد حضرتك اصدق

الحد الاقصى للسفر في مطارات اوروبا 10000 يورو لمنع غسيل الاموال
الحد الاقصى للسفر من مصر 10000 دولار

[هيثم مجدي]

خلينا نتفق على حاجة, البنك ده مش هو الخزنة الصغيرة أو البلاطة اللي الناس بتحط تحتيها الفلوس في البيت,
البنك ده هو مؤسسة مالية تخضع للبنك المركزي اللي هو الجهة المسؤولة عن وضع السياسات المالية و الرقابة على تطبيقها في أي بلد..
إذاً فالبنوك ليها دور رئيسي في الرقابة على الحركة الأقتصادية في البلد, صحيح هما مش جهة قضائية لكن ليهم صلاحيات لتطبيق الرقابة المالية..
عايز أقولك شوية أمثلة لبعض البنوك خارج مصر اللي تساهلت في الموضوع ده و تسبب عنه جرائم مالية من ضمنها عمليات غسيل أموال, و بسببها أتفرض على البنوك دي عقوبات بمليارات الدولارات, و من ضمن البنوك دي hsbc و standard chartered..
كون أن مصر متأخرة شوية في تطبيق موضوع الرقابة ده فدي مشكلة كبيرة في حد ذاتها, و الناس زي حضرتك مش متقبلة الموضوع لأنه موضوع جديد بالنسبالهم و لسة مش مدركين أبعاده بصورة كافية..
بس عموماً, على حد علمي يعني ان أي بنك بيفتح حساب لعميل جديد بيكون مخلي العميل ماضي على إقرار يلزم العميل بتقديم أي اوراق أو مستندات يطلبها البنك..

من ضمن واجبات البنك المركزي مراقبة السوق و مكافحة التضخم. البنك المركزي جزء من الحكومة عندنا و مش جهة رقابية ولا حاجة. و حركة الصرافة الأخيرة بينت بوضوح ان البنك المركزي ملوش اي قيمة في مصر. مجرد اسم و خلاص. فحكاية ان البنك بيراقب و ينظم دا مش صحيح. البنك زيه زي اي جهة اخرى في مصر, بتخضع للاهواء السياسية و مزاج الدولة العام. ومش بيصدر تقارير بشفافية واضحة عن المشاكل الحقيقية للسوق المصرفي, و مش بيصدر تقارير حقيقية عن سوء قرارات الحكومة و تبعاتها على الاقتصاد.

غسيل الأموال و الفساد المالي معروف مين اللي متسبب فيه, الناس دي بتخرج من قاعة كبار الزوار و بيتصوروا مع رموز الدولة. لو حضرتك مش عارف الموضوع دا يبقى عمرنا ما هنتفق. ولما تيجي تعمل قوانين طبقها على الحرامية الكبار الأول. مش على ناس زينا اخرهم بيكسبوا كام ألف في الشهر بعد لما يطلع عينهم.

النقطة الأهم ان موضوع كل دول العالم دا. انت في اي دولة ببطاقة هوية تقدر تفتح حساب في البنك بدون مشاكل. ممكن الرخصة او البطاقة الشخصية. و بتمضي على اقرار و خلاص. في مصر الاجراءات بقت معقدة اكتر بكتير. و المشكلة ان بتخلي موظف بنك يشتغل وكيل نيابة دا مش شغله. انا معنديش اي مشكلة في ا لرقابة. عندي مشكلة في كيفية تنفيذ الرقابة دي(؟). و هل هي رقابة حقيقية ولا مظاهر للرقابة بدون مردود حقيقي على الدولة و اقتصادها و أمنها ؟

انا مدرك تماما أهمية الرقابة لكن حضرتك اللي مش متخيل ان ممكن ان واحد زيي يكون فاهم اكتر من اللي بيحطوا السياسات النقدية وعارف ازاي اخلق مناخ جاذب للاستثمار مش طارد, لكن المشكلة ان في بلدنا كل حاجة ماشية بالعكس, و ان كل واحد في منصب أعلى وصله بالواسطة و الفساد فاكر نفسه نصف اله لا يأتيه الباطل من بين يديه و بيشرّع و يحط قوانين و هو مش مدرك تماما عواقبها.

[mhamdsamy]

اكيد حضرتك اصدق

الحد الاقصى للسفر في مطارات اوروبا 10000 يورو لمنع غسيل الاموال
الحد الاقصى للسفر من مصر 10000 دولار

الحد الادني زي ماقلت لو حد اقصي في مطارات في اوروبا بتاخد نسبة من الاموال ال انت طالع بيها
لو اكتر لازم تملي استمارة توضيح او حاجة declerationللضرايب لو معملتش كدة و طلعت اي دولة في اوروبا بياخد 10 - 12 % من الفلوس ال انت شايلها و لو عايزهم لازم محكمة
في مصر تقريبا اخرك 10000 $