لأصحاب الخبره التعامل مع ebay , Aliexpress and Amazon

[أسامه الحسيني]

السلام عليكم ورحمة الله وبركاته
الساده الاعضاء اصحاب الخبره فى التعامل مع ebay , Aliexpress and Amazon
كان ليا كذا سؤال
1- دلوقتى هوا بيقولى سعر السلعه وسعر الشحن هل بيبقي فيه مصاريف تانيه زي مثلا الجمارك ضرائب اى مصاريف اخري
2- مده الشحن الى بيقولوا عيها هى فعلا زى ما بيقولوا ولا بتكون اكتر من كدا
3- لو في مشكله فى الحاجه الى بشتريها ينفع ترجع و اخد فلوسي ولا ضاعت فلوسك يا صابر

وشكرا جزيلا

[هيثم مجدي]

عليكم السلام ورحمة الله و بركاته

1 - فيه جمارك, و فيه ضرائب. على حسب السلعة المستوردة. ولازم تبقى عارف التكلفة قبل ما تجيب حاجة عشان متتصدمش . و حتى لو عرفت هتتصدم بس الصدمة اقل شويتين :)

2- الشحن عن طريق الجو بيبقى بالتقريب زي ما بيقولولك. DHL اصدق شركة في التوقيت. يليها أرامكس و فيدكس و تي ان اتي. ثم البريد المصري.
لو شحنت عن طريق china post و مثيلاتها, وارد البضاعه تضيع. و التأمين مش بيغطيها.

3- سياسات الموقع بتقول ايوا فيه استبدال و ا رجاع تالف. بس لو كميات صغيرة التكلفة هتزيد عليك على الفاضي. لو بتجرب تستورد يبقى جرب كميات صغيرة. لو جايب تليفون او اجهزة فيه خدمة بتقدمها المواقع اسمها onsite check تقريبا. و كمان ممكن تقرأ التقييمات للبائع قبل ما تشتري منه.

لو عندك صندوق بريد في امريكا او انجلترا و بتبعت عليه بتقدر تشوف الحاجة اللي جت وبيصورهالك عشان تتأكد انها الحاجة اللي طلبتها.

دي حدود معلوماتي عن الموضوع, و ممكن الزملاء بيفيدوك برضه

[mk3]

اتعامل مع شركة ادفعلى هما العادى لهم عموله 5-10 فى المئه (شايلنها للمنتدى)..مقابل ان الشحن ارخص واى عيوب عليهم

[أسامه الحسيني]

اتعامل مع شركة ادفعلى هما العادى لهم عموله 5-10 فى المئه (شايلنها للمنتدى)..مقابل ان الشحن ارخص واى عيوب عليهم

يعنى انا بقولهم عاوز الجهاز الفولانى وهما بيقوللى التكلفه كام لغايه باب البيت وماليش دعوه بالشحن والجمارك والكلام دا

[mk3]

يعنى انا بقولهم عاوز الجهاز الفولانى وهما بيقوللى التكلفه كام لغايه باب البيت وماليش دعوه بالشحن والجمارك والكلام دا

اه كله هما بيتولوه لغايه باب البيت..بس طبعا حضرتك بتحاسب على كل شئ جمارك وضرايب وكله.

[Merooxx]

متابع

[lonedoctor]

اخى الكريم حياك الله
انا اتعامل مع كل هذه المواقع من عشر سنوات تقريبا واشترى منها اشياء كثيرة جدا اغلبها تكون اما غير متوفر فى البلد اللى انا عايش فيه (السعودية) او انها ارخص بفارق كبير جدا
لم يحدث ابدا ان اشتريت اى سلعة صغيرة كانت ام كبيرة وضاعت مهما كان نوع الشحن لكن قد تتاخر فى بعض الاحوال وخاصة اذا كانت من الصين عن طريق china post
كثيرا ما كانت السلع بها بعض العيوب او ظهرت بعد الاستعمال و البائع فى هذه المواقع لديه من الامانة والخوف على سمعته ما يجعلك تطمان للشراء ولو كان
هناك عيب كل ما عليك ارسال ايميل فقط واما يرد لك فلوسك او جزء منها او يرسلك السلعة مرة اخرى وعندى من القصص الكثير لا يتسع المقام لذكرها منها جوال اتش تى سى كان فيه مشكلة شاشة وارسل لى واحد غيره وبمواصفات اعلى كمان ونور زينون للسيارة خرب قطعة فيه اسمها harness مااعرفش اسمها بالعربى والبائع ارسل لى طقم كامل بناء على كلامى فقط دون اى دليل
فى السعودية ليس لدينا مشكلة جمارك على معظم السلع التى تستخدم على المستوى الشخصى انما لو هتجيلك السلعة على ماااااسر ام الدنيا هتتعب شويتين فخلى بالك طويل
واحد صاحبى اشتريت له من كام سنة 2 تاب (كمبيوتر لوحى) وارسلته على عنوانه فى مدينة الزقازيق ومن هنا بدات الملحمة
اصلا التابات وصلت البريد الماااااسرى ووقفت بعد كدة ولم تصل الى العنوان وعرفنا من تتبع الشحنة على موقع البحث برقمها
ذهب صديقي الى البريد فطلبوا منه 3 حاجات
1)موافقة هيئة الاتصالات على انها موش اجهزة تفجير او تجسس او اطباق طائرة وانما هى تابات كما يبدوا عليها من الخارج
2)حاجة تانية موش فاكرها بس يمكن موافقة مباحث الاتصالات
3)دفع جمرك حوالى 400 جنيه عليهم
وبعدين استلمهم شاكرا مهللا وداعيا لماااااسر انها تبقى اد الدنيا
تقبل تحياتى

[أسامه الحسيني]

اخى الكريم حياك الله
انا اتعامل مع كل هذه المواقع من عشر سنوات تقريبا واشترى منها اشياء كثيرة جدا اغلبها تكون اما غير متوفر فى البلد اللى انا عايش فيه (السعودية) او انها ارخص بفارق كبير جدا
لم يحدث ابدا ان اشتريت اى سلعة صغيرة كانت ام كبيرة وضاعت مهما كان نوع الشحن لكن قد تتاخر فى بعض الاحوال وخاصة اذا كانت من الصين عن طريق china post
كثيرا ما كانت السلع بها بعض العيوب او ظهرت بعد الاستعمال و البائع فى هذه المواقع لديه من الامانة والخوف على سمعته ما يجعلك تطمان للشراء ولو كان
هناك عيب كل ما عليك ارسال ايميل فقط واما يرد لك فلوسك او جزء منها او يرسلك السلعة مرة اخرى وعندى من القصص الكثير لا يتسع المقام لذكرها منها جوال اتش تى سى كان فيه مشكلة شاشة وارسل لى واحد غيره وبمواصفات اعلى كمان ونور زينون للسيارة خرب قطعة فيه اسمها harness مااعرفش اسمها بالعربى والبائع ارسل لى طقم كامل بناء على كلامى فقط دون اى دليل
فى السعودية ليس لدينا مشكلة جمارك على معظم السلع التى تستخدم على المستوى الشخصى انما لو هتجيلك السلعة على ماااااسر ام الدنيا هتتعب شويتين فخلى بالك طويل
واحد صاحبى اشتريت له من كام سنة 2 تاب (كمبيوتر لوحى) وارسلته على عنوانه فى مدينة الزقازيق ومن هنا بدات الملحمة
اصلا التابات وصلت البريد الماااااسرى ووقفت بعد كدة ولم تصل الى العنوان وعرفنا من تتبع الشحنة على موقع البحث برقمها
ذهب صديقي الى البريد فطلبوا منه 3 حاجات
1)موافقة هيئة الاتصالات على انها موش اجهزة تفجير او تجسس او اطباق طائرة وانما هى تابات كما يبدوا عليها من الخارج
2)حاجة تانية موش فاكرها بس يمكن موافقة مباحث الاتصالات
3)دفع جمرك حوالى 400 جنيه عليهم
وبعدين استلمهم شاكرا مهللا وداعيا لماااااسر انها تبقى اد الدنيا
تقبل تحياتى

شكرا لرد حضرتك مع انى متحفظ على ماااسر (حسبي الله ونعم الوكيل فيه اللغه العربيه بقت فى الضياع )

[mk3]

شكرا لرد حضرتك مع انى متحفظ على ماااسر (حسبي الله ونعم الوكيل فيه اللغه العربيه بقت فى الضياع )

هههههههههههه
متحفظ ايه ياباشا
دى اقوال مأثورة

[Mu7ammeD]

أكسبريس بالخصوص لا يقوم بتسلم الفلوس للبائع إلا بعد وصول المنتج لديك بنجاح..