بحوث البترول" ينجح فى تحويل بنزين 80 إلى 92 بالإيثانول )دة بجد ولا تهجيس؟

[الفجر]

لخبراء البترول انا قريت خبر ان بنزين 80 هيحولوة الى 92 بالايثانول وعايزين واحد مهندس بترل متخصص يقولنا الكلام دة حقيقى ولا تهجيس من الاخر عشان دى عربيتنا مش لعبة للتجارب والواحد مش ناقص ودة لينك الخبر الغريب جدا

بالفيديو.. الحلم يتحول لواقع.."بحوث البترول" ينجح فى تحويل بنزين 80 إلى 92 بالإيثانول ويجربه على 4 سيارات.. "الصباغ": لا يحتاج تعديلاً للموتور و

[7oda]

انا مش متخصص و لكن حاسس انهم بيشتغلو الناس
فى دول اوروبا بيخلطو البنزين بالايثانول عادى و بيبقى ارخص شوية من البنزين العادى اقرى هنا و هنا

Octane ratings are not indicators of the energy content of fuels. (See Effects below and Heat of combustion). They are only a measure of the fuel's tendency to burn in a controlled manner, rather than exploding in an uncontrolled manner. Where the octane number is raised by blending in ethanol, energy content per volume is reduced. Ethanol BTUs can be compared with gasoline BTUs in heat of combustion tables.

[mhamdsamy]

لخبراء البترول انا قريت خبر ان بنزين 80 هيحولوة الى 92 بالايثانول وعايزين واحد مهندس بترل متخصص يقولنا الكلام دة حقيقى ولا تهجيس من الاخر عشان دى عربيتنا مش لعبة للتجارب والواحد مش ناقص ودة لينك الخبر الغريب جدا

بالفيديو.. الحلم يتحول لواقع.."بحوث البترول" ينجح فى تحويل بنزين 80 إلى 92 بالإيثانول ويجربه على 4 سيارات.. "الصباغ": لا يحتاج تعديلاً للموتور و

وأكد الدكتور أحمد الصباغ، مدير المعهد في تصريح له اليوم الجمعة، أن هذا الخليط الجديد في حالة تعميمه يوفر على الدولة استيراد البنزين 95، خاصة وأن هذا الخليط الجديد يستطيع تحويل البنزين 80 الى بنزين 92 وذلك بإضافة 10% من الايثانول اليه.
وأوضح أن فريقا من علماء المعهد استطاع تسجيل براءة اختراع في المادة الرابطة بين الايثانول والبنزين 80 ، وذلك لتجنب حدوث الفصل بين الايثانول والبنزين في تنكات التخزين أو السيارات لفترات طويلة جداً، مشيرا الی أن الدراسات العالمية قد أثبتت أنه يمكن خلط الإيثانول على البنزين منخفض الأوكتين (80) حتى نسبة 40% دون تعديل في موتور السيارات التي تعمل بالبنزين.
وأضاف الصباغ أنه ثبت أيضا أن البرازيل تستخدم الايثانول كاملا دون خلطه الى وقود بترولي ولكن يحتاج الى تعديلات فنية على موتور السيارة ، وهو مايسعى المعهد الى تحقيقيه خلال الفترة المقبلة ، وذلك لأمان هذا الخليط بيئياً واستراتيجياً .
يااعني الاختراع دة تطوير من اختراع او يمكن تقليد والنسبة ال هي 40 في المية مش هتاثر في الموتور
طيب هو مدام قالو اختراع يبقي باقي الكلام مش ثقة
ابشرك ان الموضوع دة هياثر في الموتور بس علي فترة

[mido_soliman]

استيراد اية بالصلاه ع النبى ؟؟؟؟؟؟
هما مش حللوا بنزين 92 وطلع 86 اصلا والبنزين 95 هوه اللى 92 !!!!!! (مشكله مرسيدس)
ياعم ايثانول ايثانول كدة كدة البنزين اللى بيتحط دة مبيوصلش 90 اصلا

[rotanamasoud]

الكفته وصلت للبنزين
وعلى كده ممكن يتحط على ال92 ويبقى98
عمار يا مصر

[naser_56]

عادي ياباشا ياخد من السواق صفيحه البنزين ال80 يديهاله 92 وعليها 4لتر زيت تخليقي علشان الموتور يرم عضمه وده قمه الاعجاز العلمي

[Fo1Fo]

فى البرازيل عربيات بتمشى بالأيثانول الخالص . وهناك يصنع الأيثانول من تخمير الذره ( الذره اللى أحنا مش لاقيينه علشان نعمله علف للحيوانات او حتى ناكله أحنا ) طب هنعمل الأيثانول أزاى ؟ وهايكون سعره كام ؟ هو ده الموضوع وهو ده السؤال

[eng_amg]

انا شايف انها سيناريو اخر من سيناريوهات مسلسل الكفتة. وهدفها زيادة اسعار البنزين بمبرر.
والله اعلم.

[wawamoha]

عاوز اقول كلمه قبيحه بس الحياء يمنعني ....

[Omar Mahmoud]

هي الكفتة وصلت للعربيات كمان؟؟؟؟

[الاسد المهاجر]

ربنا يستر علي البلد من بعد ثورة يناير الواحد بيشوف العجب من اول طائر النهضة لحد الكفته
الثورة جابت طيور وكفته ولسه

[ahmed1981]

عبد العاطي حول من طب لهندسة بترول

ـ

[Karim Alaa]

استيراد اية بالصلاه ع النبى ؟؟؟؟؟؟
هما مش حللوا بنزين 92 وطلع 86 اصلا والبنزين 95 هوه اللى 92 !!!!!! (مشكله مرسيدس)
ياعم ايثانول ايثانول كدة كدة البنزين اللى بيتحط دة مبيوصلش 90 اصلا

بنزينه مصر للبترول فقط و كانت موجوده على التقرير كمان و البنزين كانو واخدينو من تانك العربيه الى كان فيها المشكله


عايزين رد من مهندس بترول متخصص يا شباب

[mido_soliman]

بنزينه مصر للبترول فقط و كانت موجوده على التقرير كمان و البنزين كانو واخدينو من تانك العربيه الى كان فيها المشكله


عايزين رد من مهندس بترول متخصص يا شباب

شكرا للمعلومه بس تفتكر لو التحليل ده اتعمل على اى بنزينه تانيه مش حيطلع نفس النتيجه ؟

[besso]

ياريت يكون كلامهم حقيقى بس باثباتات علميه وتجارب اكتر مش زى الكفته

زى بردو من فتره كبيره طلعت اخبار ان مصر هاتبتدى تنتج الوقود الحيوى( اللى هو bio diesel ) اللى اصلا بينتج من النباتات وده طبعا عايز استصلاح اراضى اللى احنا اصلا مش عارفين نستصلحها علشان ناكل مش نتنج منها وقود
وكتم على الخبر مع انه كان مسئول كبير اللى قايل الكلام ده